School of Myths: Ang ikalawang aklat (COMPLETED)

Chapter 33: Paglisan

July 08, CS242. Araw pa rin ng myerkules at sa mga sandaling ito ay magkakasama na sila Hades, Eclaire, Poseidon at Sophia. Samantala, napupuno naman ng mga tanong ang isipanan ni Zeus dahil sa kaniyang nakikita ngayon. Sa punto ding ito ay may naalala siya matapos mabasa ang listahan ng mga bagong transfer sa kaniyang paaralan nitong mga nakaraang araw lang.

 

*** Flashback! xD ***

June 19, CS242. Umaga sa loob ng tanggapan ni Zeus. Sa ngayon ay may mga papeles siyang binabasa at nakabilang dito ang mga bagong transfer student.

“Carl Culwen, Luke Ainsgate at Sophia Eldritch. Eldritch? *Fufufufu.. Kung ganon ay may isang Eldritch pa pala ang nakaligtas.” Sambit ni Zeus.

Matapos mabasa ay agad ibinasura ni Zeus ang papeles na ito at muli ay nagsalita.

 

“Sige lang at hahayaan ko kayong makapasok sa loob nang aking paaralan, pero natitiyak kong hindi rin magtatagal ay masisira ang mga plano mong ito, Hades. *Fufufufu.. *Wahahahaha!” Masayang pagkakasambit ni Zeus.

Pero ang hindi niya alam ay may pumasok sa kaniyang kwarto at nasaksihan nito ang kaniyang naging pagtawa.

 

“Sir Zeus? Okay lang ba kayo?” Tanong ni Driego.

 

“*Heh?” Nagtatakang pagkakasambit ni Zeus.

Sa mga sandaling ito ay agad ng ibinalik ni Zeus ang kagalang-galang niyang pagkatao at hindi na pinansin pa ang tanong ni Driego. Laking pagtataka naman ni Driego, pero gayunpaman ay sinabi na niya ang kaniyang pakay sa kanilang principal.

 

*** Flashback end! xD ***

 

“Imposible ang bagay na ‘to!” Gulat na pagkakasambit ni Zeus.

 

“Gusto ko nga pala siyang ipakilala sayo. Siya si Sophia Eldritch ang anak ni Sonia.” Nakangiting pagkakasambit ni Hades.

Nanlaki ang mga mata ni Zeus matapos marinig ang mga sinabi ni Hades at hanggang sa ngayon ay hindi niya magawang gumawa ng kaukukang aksyon.

 

“Anak…ni…Sonia ang batang yan?” Gulat at mabagal na pagkakasambit ni Zeus.

 

“Tama ka! At naparito ako para bawiin ang labi nang aking ina.” Sambit ni Sophia.

Sari-saring mga tanong na ang lumalabas sa isipan ni Zeus. Batid niyang imposible ang bagay na ‘to, dahil alam niyang walang naging ka-relasyon si Sonia bukod sa kaniya.

 

“*Fufufu..  Aaminin kong nagulat ako pero hindi ako malilinlang ng inyong mga salita. Dahil bukod sa inyong lahat ay ako ang labis na nakakakilala kay Sonia.” Sambit ni Zeus.