School of Myths: Ang ikalawang aklat (COMPLETED)

Chapter 36: Pagpapaliwanag

Sa ngayon ay mabilis na tumatakbo ang magkakaibigan patungo sa bahay nila Rain. Batid kasi ni Selina na dito nila matatagpuan sila Rain.

 

“Sabihin mo nga Selina? Ano ba talaga ang nangyari?” Sambit ni Annie.

 

“Sinabi ng mamaya na eh! Kinakailangan na’ting makapunta agad sa bahay nila Rain ngayon.” Tugon ni Selina.

 

“Pero bakit kasama na’tin ‘tong si Eimi?” Medyo takot na pagkakasambit ni Aron.

Agad napatingin si Eimi kay Aron at kasunod nito ay ang kaniyang pagsasalita.

 

“Bakit Aron Draken?! May reklamo ka?!” Medyo galit na pagkakasambit ni Eimi.

 

“*Ahh! Wala! Wala! Kalimutan mo na lang yung sinabi ko.” Takot na pagkakatugon ni Aron.

 

“*Hmmmp.” Reaksyon ni Eimi.

Nagtaka rin ang iba matapos mapansin ang sinabi ni Aron. Ngunit hindi na nila ito gaanong pinansin pa, dahil kasama ito ni Selina kanina.

Halos may ilang minuto pa ang lumipas ay narating na nila ang bahay nila Rain. Hindi na nagawa pang kumatok nila Selina at pwersahan na silang pumasok sa loob ng bahay.

 

“Hindi ba trespassing ‘tong ginagawa na’tin?” Sambit ni Eimi.

 

“Wag kang mag-alala, sasagutin ko na lahat ng babayaran na’tin dito. At isa pa, matagal na na’ming kilala ang nakatira dito.” Sambit ni Annie.

“Okay…” Medyo awkward na pagkakasambit ni Eimi.

Ilang sandali pa ay mabilis nilibot ng magkakaibigan ang buong bahay. At katulad ng inaasahan ni Selina ay hindi nila makikita dito sila Rain.

 

“Wala naman sila dito ah!” Sambit ni Jigo.

 

“Natitiyak kong nandito lang sila.” Sambit ni Selina.

Agad nagkatinginan ang magkakaibigan at kahit si Eimi ay nagtataka sa kompyansang pagkakasambit ni Selina.

 

“Sigurado ka ba sa mga sinasabi mo Selina?” Tanong ni Eimi.

Hindi nagawang tumugon ni Selina bagkus ay naglakad ito patungo sa isang kwarto.

 

“Ay tama! Bakit nakalimutan ko ang tungkol sa bagay na yon!” Sambit ni Mark.

Napangiti ang magkakaibigan sa sinabi ni Mark, dahil naalala na nila ang sikretong kwarto sa ilalim ng bahay na ito. Samantala, labis namang nagtataka si Jigo at Eimi dahil ngayon pa lamang sila nakapunta dito.