My Ex-Husband Is My New Boss

Chapter 96

Raul's P.O.V.

NAKASAKAY kami ngayon sa kotse at nakatapat kami sa isang bagay. Magarang bahay. Tiningnan ko si Katherine na naka-upo sa passenger seat.

"Anong ginagawa natin dito?" naguguluhan kong tanong. Matatanaw sa pwesto namin ang mga batang naglalaro sa bakuran.

"Gusto kong sunduin mo 'yung mga bata. Ito ang pictures nila," anito, inabot sa 'kin ang picture. Kinuha 'yon at tiningnan. Magagandang bata.

"Bakit, sino ba sila?"

"Mga anak ko."

"Anak mo?"

"Oo, kabit ng asawa ko ang babaeng kasama nila at may anak silang dalawa. Ayokong lumaki ang mga anak ko kasama ang babaeng sumira sa pamilya namin. Wala pa silang seven, so sa batas akin sila."

Tumango ako at binaba ang hawak kong pictures. Hindi ko alam kung totoo ang sinasabi niya pero kaylangan kong gawin 'to.

"Kaylan ko sila susunduin?"

Nginitian niya ako. "Bukas mo sila susunduin."

Tumango ako, "aalis na ba tayo?"

"Oo pero gusto kong walang makakaalam na kukuhanin mo ang mga bata dahil hindi sila ibibigay sa 'kin."

Pipi akong tumango. Wala kasi akong alam tungkol sa kanya. Pagkatapos niyang umalis noon ay wala na akong naging balita. Iniwan niya ang lugar namin na parang diring-diri na doon siya nanggaling.

Pinaandar ko ang kotse paalis. Para kay Camilla. Para sa kanya 'to.

Katherine's P.O.V.

NAKANGITI ako habang pinapanood ang mga batang 'yon na naglalaro sa bakuran. Nakakainis lang dahil panay tanong ni Raul, kinaylangan ko pang gumawa ng kwento. Hindi pwedeng isa lang ang kuhanin ko. Dahil wala namang pake si Jake kay Jaime, baka hindi niya rin hanapin, mas mabuting kasama na ang baboy niyang anak.

Hindi magtatagal ay mapapasakin din si Jake. Akin siya. Akin lang!

Huminto ang sasakyan sa harap ng bahay ko. Bumaba ako at sumunod si Raul. Nilingon ko siya.

"Kaylangan mong agahan bukas. Tandaan mo. Ayokong may makakakitang kukuhanin mo ang mga anak ko," madiin kong paalala sa kanya bago pumasok sa loob ng bahay.

Lumapit ako sa bar station at kumuha ng wine. Huminga ako ng mallaim. Makakatulog na ako ng mahimbing kapag nasaktan ko silang dalawa. Akin kasi dapat si Jake. Akin lang, pero nagmamatigas pa sila. Gusto niya kay Alex . . .

Alex P.O.V.

NAGLULUTO ako ng pagkain ng maramdaman ko ang pagyakap mula sa likod ko.

"Nasaan ang mga bata?"

Sumiksik siya sa leeg ko. "Nasa garden naglalaro," malambing niyang sagot bago humalik sa pisnge ko.

Kakauwi lang namin galing sa bahay ng in-laws ko. Hindi kami naka-uwi kagabi dahil malalim na ang tulog ng tatlo. Medyo lasing din kasi si Jake dahil sa alak. Pinatay ko ang kalan at hinarap siya. Hinalikan ko siya sa pisnge at pinalupot ang braso ko sa leeg niya.

"Hindi ba dapat binabantayan mo sila?"

"Baby, malalaki na sila. They can handle themselves." Pinaglaruan niya ang buhok ko.