How to be your Boyfriend vol. 1&2 (On Hold)

Chapter 20 Sweet Escape

Soundtrack for this Chapter: Brighter Than Sunshine by Aqualung (click multimedia to listen)

After the legendary kiss, hindi sa akin nagpakita si Portia buong maghapon dahilan para tamaan ako na Portiacocccemia, isang virus na kumapit sa akin matapos ang isang makasaysayang halik.

Itinuon ko ang aking pansin sa paghahanda ng holloween party. Si Jacob ang punong abala sa event. Pagdating ko sa gym, nagmistulang hunted house ang lugar dahil sa mga spider webs, mga pumpkins, mga dugo, at mga mukhang aswang na nilalang.

Habang inaayos ko ang mesa at ang mga upuan, biglang laking gulat ko nang bumukas ang kabaong at nagulat sa pagsigaw ni Wency na nagtatago sa loob nito.

“Pusang-may-kuyukot!” sigaw ko.

“Ha-ha-ha! Lalaki ka nga tol! Di ka tumili eh!” tawa ni Wency sabay binigyan ko ng pektus.

Hanggang ngayon hindi ko pa rin maisip kung anong costume ko sa party. Edward Cullen na lang ang pinakamadali. Magsusuot lang ako ng leather jacket, viola, pwede na yun.

“Conrad?” lumapit sa akin si Sandra. “Alam ko naman na napatawad mo na ako sa ginawa ko pero sana wag mo naman akong dedmahin.”

“Hindi naman kita denededma eh. Busy lang talaga sa mga gawain.”

She extended her arms to offer a hand.

“Can we at least be friends?”

“Ofcourse!” I shook her hands.

Hindi naman siguro masama kung friends kami. Kalimutan na lang ang nangyare and restart.

Naghahanda na kami ni Dominic sa party. Ang costume niya ay si Edward Cullen, ang baklang pambira.

“Actually Con, this is Edward Cullen and Bella Swan in one!”

Kalahati ng buhok niya mahaba at yung kalahati si panlalaking buhok.

“Di ba pwedeng ikaw na lang si Bella, ako na lang si Edward? Wala na akong maisip na costume.”

“Ikaw na lang si Jacob!”

“Anong costume nun?”

“Uhmm, mahabang buhok, kasi sa Twilight first series, mahaba ang buhok niya dun, nung nag-Eclipse, shirtless na siya. Mamili ka sa dalawa?”

Ayoko naman mag-wig ayoko ding mag-shirtless. Conservative ako.

“Wag na lang kaya ako pumunta! Wala akong costume eh.”

“Hindi pwede! Kailangan mong pumunta!”

“Sabi ko sayo di ba? Ako na lang si Edward!”

“Okey, sige, Bella Swan na lang ang peg ko tapos ikaw na lang si Harry Pottter!”

Kaya ang ginawa ni Dominic matapos ang ilang oras ng diskusyon tungkol sa holloween costume, nakapagdesisyon siya na siya na lang si Bella at ako si Harry Potter.

Linagyan niya ng letter N angnoo ko, tapos pinasuot sa akin ang isang black cape, bingyan ako ng stick, tapos nagsuot ng glasses. Samantalang siya, naka checkered polo, naka skinny jeans at naka wig.

Kami ang The Harry Potter and his Twilght friends. Si Harry at si Bella ang magkadate.

Sa party, samu’t sari ang nagcostume. Yung iba todo effort talaga sa costume nila.

“Pare!” may tumawag sa akin pero hindi ko makilala kung sino dahil sa helmet.

Lumapit ang power rangers sa akin. Malamang sila Deo ito. Naghubad ng helmet si power rangers red, at si Jaymee ang naka red. Sino kaya sa kanila si Pink? Nagsihubad ng helmet ang apat na power rangers, at si Wency ang naka pink.