How to be your Boyfriend vol. 1&2 (On Hold)

Chapter 4 The Big Brawl

Soundtrack for this Chapter: Lust for Life Iggy Pop (click multimedia to listen)

“Pare!” Pambungad sa not-so-good-day ko. “Pare, anong oras ka umuwi?” tanong ni Deo habang palapit ako sa kinauupuan niyang bench. “Iyon na nga yata ang pinakamaligayang araw sa buong buhay ko! Pare, alam  mo ba ang nangyari, pag-alis namin dun…….”

Nagkwento ng nakwento ang unggoy kong bestfriend tungkol sa di niya makalimutang sexperience na sa tingin ko at sa aking sariling pananaw wala siyang karapatang ikwento sa akin kung ano man ang nangyari sa kanya at sa M2M. Masyadong personal ang mga ganung bagay para ikwento niya sa akin o sa iba pang tao.

Dinidescribe niya pa kung gaano kasarap, sige, kumain ka ng kumain at sana maimpatso ka.

Habang patuloy sa pagkwento si Deo, hinangin ang isip ko at napadpad sa dalawang love birds na nakita ko kagabi. Si Deo at si Portia.

Ang mga tanong na sumagi sa isip ko ay, ano ang ginagawa nila sa kalye sa oras na iyon? Bakit sila magkasama? Kailan pa sila nagsimulang magdate? May ginawa ba silang milagro?

Bakit sa lahat ng lalaki sa campus, si Dominic pa ang nauna sa akin?

Bakit?

Si Dominic ay ka-year din namin, same course, same org, ibang block nga lang. The thing about Dominic Celdran, isa rin siya sa hottest bachelor of the campus. Kung baga sa boxing, siya si Marquez, ako si Pacquiao. Siya ang matindi kong kalaban pagdating sa pagwapuhan.

Matangkad, gwapo, maputi, at maganda ang hubog ng katawan. Pero mas matangkad, mas gwapo, mas maputi at mas maganda pa rin ang hubog ng katawan ko. Ako pa rin ang nagunguna sa listahan ng mga pogi sa campus at pangalawa lang siya. Wala pa ring makakatalo sa akin.

Minsan muntik na akong lamangan ni Dominic sa annual list ng sexiest man alive last year pero panalo pa rin ako ng tatlong boto. Ngayon, ako pa rin ang sexiest man alive, kaso lamang sa akin sa Dominic dahil meron siyang Portia.

Sa lahat naman ng lalaki, si Dominic pa!

“Con, yun yung chic ni Dominic di ba?” singit ni Deo.

Napatingin ako sa kanila.

“Freshman ang trip ni Dominic eh noh? Pero balita ko matagal na sila, highschool pa lang yung babae sila na.” sabi ni Deo.

Marami din namang pala akong mapupulot na tsismis kay Deo pero sa sobrang badtrip ko, hindi ko siya iniimik at tumitig lang ako sa couple. Sarap i-paddle nung dalawa.

Habang naglalakad kami ni Deo sa hallway at wala pa ring tigil si Deo sa kakadaldal na hindi ko naman pinakikinggan dahil paulit ulit ko na lang iniisip na gwapo ako habang nagsasalita siya, laking gulat ko ng humarang si Portia sa daan namin.

"Hello!"

"Butiking-walang-bituka!" sa gulat ko muntik ko ng sabihing butiki-botika-bituka.

Natawa lang ng malakas si Portia at ang cute niyang tumawa pero hindi ko pa rin matanggap na si Dominic ang boyfriend niya.

"Hi, I'm Deo!" biglang sulpot ni Deo out of nowhere. "Kilala mo pala siya?" tanong niya kay Portia.

"Oo, pinakilala siya sa akin ni Jaymee. Hi, Conrad di ba?"

Hindi ko siya iniimik pero sobrang kati na ng dila ko at parang gusto ko ding mag-hi o kaya kausapin siya o kaya makipagbiruan sa kanya, pero nakakatatak talaga sa utak ko ang kalunos-lunos na sinapit ko kahapon at kagabi.

Gustong gusto ko na siyang kausapin, kaso dumating sa timing si Dominic.

"Pare!" tawag ni Dominic. "Girlfriend ko nga pala si Portia, babe, si Conrad at saka si Deo."