DAMA: The Princess Bitch

Chapter 43

Come on bitch. You don't know how I feel seeing you around still breathing.

--

 "Zelo!" 

She hugged him from behind. Kinukulit nya kase ito habang nagluluto ito ng agahan nila. Maya-maya ay papasok na naman ito sa school. Maiiwan na naman syang mag-isa sa bahay.

"Sabi nang hindi Zelo ang pangalan ko," he said.

"Eh kahit na. Mas gusto ko pa rin yung name mo na yun. Mas gwapo."

Natawa ito sa sinabi nya. "Mas gwapo? LOL. Lumayo ka nga at naiinitan ako."

"Pakiss muna!" Dama loosened her embrace, tiptoed behind him and kissed his cheek. Saka sya nagpunta sa sala para manuod ng TV.

Maya-maya pa ay natapos nang magluto ang binata. He laid the food on the table while she helped in getting the plates and utensils. Kung titingnan from an outsider's point of view, animo'y young married couple ang dalawa. 

When he moves, she'd somehow react unconsciously. It's like pulling a string na nakakabit sa dalawa.

"Kain na," sabi ng binata sa kanya.

"Magtitimpla lang ako ng kape. Want one Zelo?" nakangiti niyang tanong. Sinasadya ng dalagang tawagin Zelo ang binata. Pang-asar lang.

Natutuwa kase sya sa dahilan nito kung bakit Zelo ang sinabi nitong pangalan sa kanya dati.

"Bakit Zelo?" tanong niya kagabi ng sabihin nito ang tunay nitong pangalan.

"Naisip ko kase dati na 0% chance lang ang meron ako sa 'yo. Naalala ko naman nung naalala ko yun na hindi ko mabigkas yung mga words na may R ng tama. Pangalan ko nga dati, Pielle ang pagkakabigkas ko. Kapag nagbibilang ako ng numbers, pinagtatawanan ako ng mga kaklase ko... lalo na kapag zero, three at four yung binibigkas ko," paliwanag nito sa kanya.

Nginitian nya ito. "Ang cute naman. So Zelo came from zero?" Tumango ito. "Mas type ko naman yun kesa sa Pierre Alessander. Mouthful masyado pero walang dating."

"Sige, laitin mo pa ang pangalan ko."

"And yung surname mo! Papaltan mo nga! Balutan, really? Gawin kaya nating Wrapper para masaya?" pang-aasar niya sa binata.

He gave her a dead stare. "Matulog ka na nga. Bangag ka na."

"Ayoko pa!" reklamo ng dalaga. "Kwentuhan muna tayo."

Pasado ala-una ng madaling araw pero hindi pa sila natutulog na dalawa. Nakahiga lamang sila pareho sa kama, magkaharapan at nagkikwentuhan. Nasa gitna pa rin ang mga unan na inilagay ni Zelo--Pierre--sa pagitan nila.

Tinalikuran sya ng binata. "May pasok ako bukas."

"Grabe, uuwi na 'ko sa isang araw pero hindi pa tayo nakakapag-date!" reklamo ng dalaga.

"Wala akong pera," sagot ng binata.

"Ayan ka na naman eh!"

"Totoo kase. Matulog ka na lang."

"Payakap!" she demanded.

Hinarap siya ng binata. Saka sya nito hinila palapit dito. May nakaharang pa ring unan.

"Ang KJ," nakasimangot niyang sabi.

"Dami mong reklamo. Matulog ka na lang."

"Kiss!" she demanded again. Agad naman itong lumapit to give her a peck.

"Good night," sabi nito pagkatapos at saka ito pumikit.

--

The day after tomorrow, Zelo skipped his class para maihatid siya sa airport. Halos ayaw niya nang bumitaw sa binata dahil magkakalayo na naman sila... kakikita pa lang nila eh!

"Kelan ka ba uuwi?" tanong niya sa binata.

"Baka sa July," sagot nito.

"July pa?! January pa lang ngayon ah!"

"Mabilis lang yun," pagkakalma nito sa kanya.

"Ilang buwan din yun! Saka hindi ka uuwi sa birthday mo?"

"Para saan pa eh wala naman akong panghanda."

"Ipaghahanda kita," mabilis na sabi ng dalaga.

"Wag na."

"Uwi ka na! Sige na please?"

Zelo rolled his eyes at her. "Ang kulit mo rin eh noh? Sige na. Susubukan ko."

"Kapag hindi ka umuwi, ipapa-drop ko lahat ng subjects mo!" banta niya.

"Sama mo. Alis na nga."

Itinulak sya nito. Sumimangot siya. "Grabe, ang sweet mo talaga kahit kelan!"

"Umuwi ka na para mamiss kita. Uwi na dali," pagtataboy nito sa kanya.

"Goodbye kiss?"

"Wala. Di na uso yun."

"Eeee..." pag-aalboroto ng dalaga.

Natawa ang binata at hinila siya sa braso. "Goodbye hug na lang." Niyakap siya nito. "Saka na ang kiss kapag nagpakabait ka."

Magrereklamo pa sana ang dalaga ng bigla namang marinig niya ang flight number niya. Yes sadly, she has to commute back to the Philippines dahil ang jet ay hiniram ng kanyang daddy for his business trip abroad.

Niyakap niya ng mahigpit si Zelo bago nya ito tuluyang pakawalan.

"I'll miss you," sambit niya.

"Oo na. Mamimiss din kita," sagot nito sa kanya.

"Umuwi ka sa birthday mo ha!"

"Pag may pera."

"Papadalhan kita."

"Ayoko."

Napabuntong-hininga ng malalim ang dalaga. "Bahala ka. Pupuntahan kita kapag hindi ka umuwi."

"Eh di puntahan."

Her flight was announced again. She looked at Zelo for the last time before leaving. Kinawayan nya ito nang may kaakibat na pagngiti.

"Bye Zelo! I'll see you soon!"

xxxx

AN: Maiksing UD para sa mga batang ayaw kumalma.