DAMA: The Princess Bitch

Chapter 29

You're an asshole but I love you.

--

Dahil lasing ang magkakaibigan... napatagal sila ng pagtulog. Nalaman na lang nilang alas onse na ng magsisigaw si Eula na late na sila.

Kanya-kanyang pagkukumahog ang anim. Mabuti na nga lamang at dalawa ang CR nina Keeme. At ang kaawa-awang si Dama... ipinanghuli kase sya daw ang pinakamabagal kumilos.

Alas dose na pero naliligo pa rin ang magkapatid. Tapos na ang mga lalaki kaya ginamit ni Lei yung isang banyo. Si Dama, naiwang nakaupo sa sofa at aligagang naghihintay.

12:10pm ng sa wakas ay natapos na rin si Eula. Agad na nagpunta ng banyo si Dama para maligo.

--

1:08pm... ng matapos sya. Sa sobrang kamamadali hindi pa sya nakapag-conditioner. She put on her undergarments saka sya lumabas ng banyo.

Nagulat sya paglabas dahil tahimik.

Sobrang tahimik.

Nanlumo sya. Iniwan na sya ng mga barkada. Gusto nyang maiyak. Hindi pa naman nya alam ang pabalik sa school. First time nya kaseng makapunta kina Keeme. She might have remembered the way back pero ayaw nyang magbyaheng mag-isa.

Lalo na't nadi-depress sya. Sino ba namang hindi malulungkot kung iniwan ka ng barkada mo ng wala man lang pasabi?

"Grabe ang tagal mong maligo!"

"U-Uy!" Nagulat siya ng bigla na lamang sumulpot si Zelo mula sa kung saan.

"Ano tatanga pa? Kilos na! Late na tayo!"

"Umalis na sila?" Nagsuot sya ng palda. Bihis na ito at mukhang kanina pa sya inaantay. Dapat magmadali sya dahil mukhang inis na ito kaiintay ng matagal sa kanya.

"Kanina pa."

"Bakit di ka pa sumama? Baka hindi ka makapag-exam dahil sa 'kin." She buttoned up her blouse. Saka sya naghagilap ng suklay sa bag.

"Alangan namang iwanan kita?"

She ran towards him saka nya ito niyakap--with her wet hair and all.

"Zelo!"

"Tss. Nababasa ako." Itinulak sya nito palayo. Saka ito humarap sa salamin na nasa sala at binuksan ang electric fan para patuyuin ang polo nito na nabasa ng buhok nito.

"Sorry na... nalate ka tuloy." Sabi niya dito.

"Ayos lang. Bilisan mo na dyan."

Binilisan nya ang pagsusuklay kahit na halos mahila ang anit nya sa ganit ng buhok nya. Yan ang hirap ng walang conditioner eh. Nagmamadali kase sya.

 Nilapitan sya ni Zelo at inagaw nito sa kanya ang suklay.

"Upo." Utos nito. Naupo sya.

Marahan nitong sinuklay ang buhok nya. She smied... hindi ito masakit magsuklay. It's as if he knows his way around her hair para maiwasan nito na mahila ang buhok nya or ma-scrape ang anit nya. Ingat na ingat ito and at the same time ay mabilis kumilos.

Wala pang limang minuto ay nasuklay na nito ang buhok nya.

"Thank you." She said to him.

"Tara na."

"Teka! Mag-aayos pa ako!"

"Wag na!"

Hinila sya nito towards the door.

She tugged at his hand.

"Teka--I can't go out like this!"

Nilingon sya nito, his face was painted with irritation.