Recommended song - 'Listen to the Radio' by Don Williams
Unicode~
နေညိုညိုနေရီရီ လေသာသော အချိန်။ တိမ်ကင်းစင်သော ကောင်းကင်ပြာပြာပေါ် သင်းကွဲငှက်တို့ အိမ်ပြန်သည်ကို တွေ့ရသည်။
ဝရန်တာမှ ထွက်ကြည့်လျှင် မြင်ရတွေ့ရသော ကြည်လဲ့လဲ့ရေကန်ပြင်ကလည်း လေနုနုအေးအေးကို သယ်ဆောင်လာပေးသည်။ ခါးတစ်ဝိုက်ကို ရစ်ပတ်သွယ်ဝိုက်လာသော တက်တူးအပြည့်နှင့်လက်ဖျံတောင့်တောင့်တင်းတင်းရယ်ကြောင့် အပြုံးတစ်ပွင့်က နှုတ်ခမ်းထက်မှာ ချိတ်ဆွဲထားပြီးလျက်သား။
"ဘယ်လိုလဲ အော်စတင်က။ ပျော်ဖို့ကောင်းရဲ့လား"
"အင်း.. အေးချမ်းနေတာပဲ မြို့လေးက။ အထူးသဖြင့် မောင်သွားဖူးတဲ့နေရာတွေဆို ပိုသဘောကျတယ်"
"ခြောက်နှစ်တောင်ဆိုမှတော့ မသွားဖူးတဲ့နေရာက မရှိသလောက်ပါပဲ။ မျက်ခြယ်တော့ နေရာတိုင်းကို သဘောကျရတော့မှာ"
အော်စတင်မှာနေရသည့် လေးငါးရက်အတွင်း နေရာအတော်နံ့သွားသည်ဟူဆိုရမည်။ ပူနွေးစိုစွတ်သော ရာသီဥတုက ညခင်းမှာ ရွာကျလာလေ့ရှိသော မိုးစက်များနှင့် သင့်တော်လိုက်ဖက်လှသည်။ အင်မတန်လည်းနေချင်စဖွယ်ကောင်းသည့်မြို့လေး။
"ဒရိုက်ဘာကြီးရော ပြန်သွားပြီလား"
"အင်း.. မနက်ဖြန်ပြန်တော့မှာဆိုတော့ ဒီနေ့တည်းက ကားခရှင်းထားလိုက်တာ။ ဒါတောင်သူက ငြင်းနေသေးတာ။ ရောက်တုန်းရောက်ခိုက်ပို့ပေးရတာ သူ့အတွက်အပန်းမကြီးပါဘူးတဲ့"
"ဒါပေမဲ့ ဘယ်ကောင်းပါ့မလဲ။ နေရာစုံကိုနေ့တိုင်းပို့ရတာ လွယ်တာမှမဟုတ်"
"အင်းလေ အဲဒါကြောင့် အတင်းထိုးပေးခဲ့တယ်"
မောင့်ဒရိုက်ဘာကြီးက ရင်းနှီးဖွယ်ကောင်းပြီး စိတ်လည်းရှည်သည်။ ဘယ်နေရာသွားချင်တယ်ဆိုဆို နီးနီးဝေးဝေး မငြိုမငြင်ပို့ပေးရှာသည်။ ရောက်တုန်းရောက်ခိုက် သူ့မိသားစုနှင့်လည်း မိတ်ဆက်ပေးခဲ့သေးသည်။ ကိုယ်ထင်ထားသလိုပင် မိသားစုဝင်ဦးရေက ခပ်များများ၊ အိမ်မှာဆူညံပွက်လောရိုက်နေပြီး ကလေးတွေကလည်းအရွယ်စုံဆိုဒ်စုံ။
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
