Unicode~
မောင့်မိဘနှင့် မိဘအသိုင်းအဝိုင်းကို သွားတွေ့ရမည့်အရေးမှာ သူ့အတွက် စိန်ခေါ်မှုတစ်ခုအလား။
မောင်က စိတ်ပေါ့ပါးစေရန် မည်မျှပင် နားချပါသော်လည်း မည်သို့ဖြစ်နိုင်ပါမည်လဲ။ မောင်ထုတ်မပြောသော်လည်း မောင်တို့က အသိုင်းအဝိုင်းကြီးမှန်း သိသာလွန်းသည်။ အသိုင်းအဝိုင်းကြီးသည်နှင့်အမျှ ကိန်းခန်းလည်း ကြီးနိုင်သည်။ သူ့လို သာမာန်အမျိုးသားတစ်ယောက်က မောင့်ချစ်သူ မောင့်လက်တွဲဖော်အဖြစ် ဝါရှင်တန်မြို့တော်အထိ လိုက်သွားရန်မှာ သာမာန်ခရီးတိုလေးတစ်ခုထွက်သလို မဖြစ်နိုင်ပါချေ။
တစ်ဖက်မိသားစုမှာ ကိုယ့်ကို နွေးထွေးပါမည်လား။ နားလည်ပေးနိုင်ပါမည်လား။ ကောင်းမွန်စွာ တုံပြန်ဆက်ဆံပါမည်လား။ စသဖြင့်သော အတွေးများက သူ့မနောအာရုံကို ခြယ်လှယ်စိုးမိုးလျက်ရှိပါ၏။
"အဲဒီလောက်ထိ လက်ဆောင်တွေ မလိုပါဘူးဆို မျက်ခြယ်ရယ်။ လက်ဆောင်တွေမပါလည်း မျက်ခြယ်ကိုချစ်ကြမှာ သေချာနေတာပဲကို"
"အို.. မောင်ကလည်း။ လက်ဗလာနဲ့သွားလို့တော့ ဘယ်ဖြစ်ပါ့မလဲ။ ဒေသထွက်လက်ဆောင်ကတော့ ယူသွားပေးဦးမှပေါ့"
တကယ်တမ်းတော့ Taehyungမှာ လူကြီးကြိုက်လက်ဆောင်တွေကို သိသူမဟုတ်။ ကုန်တိုက်ရှိ ဈေးတန်းများကို လည်ပတ်ကြည့်ရှုပြီး သင့်မည်ထင်သလိုသာ ဈေးခြင်းထဲ ကောက်ထည့်နေမိသည်။
သည်လိုလူကြီးသူမများနှင့် တွေ့ဆုံခြင်းမျိုးမှာ အတွေ့အကြုံလည်းမရှိ။ မောင့်မိဘတို့အကြိုက် အလိုက်ဆောင်၍ ပြောတတ်ပါမည်လားလည်း သူ့ကိုယ်သူမသေချာ။ မောင့်ကို ယုံကြည်ချက်တစ်ခုတည်းနှင့်သာ သူ့မှာ မြောက်ပိုင်းဌာနေအထိ လိုက်သွားရမည့်သူ။
မတော်လို့ တစ်ခုခုများ ကံမကောင်းအကြောင်းမလှစွာ ချွတ်ချော်မည်ဆိုလျှင်တောင် မောင်အနားရှိနေလျှင်တော့ ခံသာလိမ့်မည်ဟုထင်မိပါ၏။
"ဒီလောက်ပဲဝယ်ပါ။ အမေက ဒါတွေမလိုဘူး။ မျက်ခြယ်ကို တွေ့ချင်ရုံတင်ပါဆို"
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
