Unicode~
"နေပါဦး။ ဒီမြို့မှာ ဘယ်ရုပ်ရှင်ရုံက အကောင်းဆုံးလဲ။ စာရေးမကြီးတို့များ သိကြမလားလို့"
သူ့တစ်ဦးပိုင်ရုံးခန်းလေးမှ ထွက်လာချိန် ဝန်ထမ်းများကို လှမ်းမေးလိုက်သည်။ ယောကျ်ားသားများက စိတ်ဝင်စားဟန်ရယ်မရှိကြသော်လည်း အမျိုးသမီးများကတော့ သူတို့သဘာဝအတိုင်း ဝေဖန်ပိုင်းခြားစိတ်ဖြာဖို့ရာ အင်မတန်စိတ်အားထက်သန်ကြ၏။
"ပင်မရုံကအကောင်းဆုံးပေါ့ ခရိုင်မင်းရဲ့။ နာမည်တောင် ပင်မပါဆို"
"အို အေမီကလည်း.. မြို့မရုံကမှ ပိုကောင်းတာပါ။ ခုံတွေဆိုလည်း အသစ်ချည်း။ ပိတ်ကားကလည်း ကောင်းလိုက်တာမှ"
"မဟုတ်တာ.. ကျွန်မကတော့ ထောက်ရှားရုံအကြိုက်ဆုံး။ အသစ်ဆိုပေမဲ့ အထင်မသေးလေနဲ့။ ဝန်ဆောင်မှုကတော့ သိပ်ကောင်း"
အဲသည်မှာတင် အမျိုးသမီးတို့က စတင်ဂိုဏ်းကွဲနေကြလေပြီ။ JungKookမှာ မေးမိတာတောင် မှားသယောင်ယောင်။ Jimကို စုံစမ်းခိုင်းလိုက်လည်း ရသားနှင့် အတွေ့အကြုံပိုရှိသူ မြို့ခံအမျိုးသမီးများကို အားကိုးမိကာမှ နားစည်ပင် မီးတောက်လုလု။
"ကဲ..ကဲ။ တော်ကြတော့.. အဲဓီလိုငြင်းနေကြမယ့်အစား ကောင်းကွက်တွေကို တစ်လှည့်စီပြောမှပေါ့"
"ကျွန်မတို့ကတော့ မိသားစုနဲ့ သွားနေကျဆိုတော့ ပင်မရုံနဲ့ အဆင်ပြေနေတာပဲ ခရိုင်မင်းရဲ့။ ဈေးလည်းသင့်တော့ လူများများသွားဖို့ အဆင်ပြေတာပေါ့။ မူလလက်ဟောင်းရုံကြီးဆိုတော့ ရုပ်ရှင်ရွေးချယ်စရာလည်း စုံစုံလင်လင်ပေါ့ ခရိုင်မင်းရယ်"
အေမီဟုခေါ်သော စာရေးမကြီးက သူ့အတွေ့အကြုံကို ရှင်းပြလေ၏။ စာရေးမကြီးအေမီမှာ မိသားစုများတာ သူသိထားသည်။ ခရိုင်ရုံးရဲ့ သက်တမ်းရင့်စာရေးမကြီးဖြစ်ပြီး အရွယ်လည်းရလေပြီ။ သမီးနှစ်ယောက် သားနှစ်ယောက်နှင့် တစ်အိမ်တည်းပြွတ်သိပ်နေသည့် မိသားစုအဖို့ ရုပ်ရှင်ကြည့်ဖို့အရေး ဈေးကိုအရင်တွက်ဆမှာတော့ အသေအချာ။
BINABASA MO ANG
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
