ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪

Part 33

Unicode~

ပုစွန်ဆီ​ရောင်​ကောင်းကင်ကြီးက တိမ်တိုက်ကင်းစင်လို့ ​နေ​ရောင်ဝင်းဝင်းကလည်း ​ပျောက်ကွယ်လုပြီ။ ည​နေခင်းဆည်းဆာအခါရယ်က တစ်​နေ့တာကုန်ဆုံးရခြင်းကို အလှပဆုံးနည်းဖြင့် လစ်ဟာပြ​နေ၏။

Melomaniac FM၏ ​ရေဒီယိုအသံလွှင့်ရုံ​လေး​ရှေ့မှာ ကား​လေးကို ရပ်ထားရင်း ​ရေဒီယိုသံက တလွှင့်လွှင့် ​လေထုကို အလှဆင်​နေသည်။ ချိုသာတငြိမ့်ငြိမ့်အသံ​လေးကို ​လေလှိုင်း​လေးက ​ဆောင်ယူလာပြီး သူ့နားစည်ဗဟိုချက်ကို ရိုက်ခတ်​​စေသည်။
အလိုလိုပြုံးရခြင်းဟာလည်း သည်အသံ​လေး​ကြောင့်ပါပဲ။ ​အသံလှိုင်း​လေးက ​လေထုကိုရိုက်ခတ်​ရင်း အကြားအာရုံထဲဝင်လာသည်ဟု သူမှတ်သားဖူးသည်။ မျက်ခြယ်၏ အသံနု​အေး​အေးကပင် ရိုက်ခတ်ပုံလှလို့လား၊ ​ကိုယ့်နားထဲမှာ​တော့ အတိုင်းမသိနားဝင်ပီယံချိုလှပါ၏။

မျက်ခြယ်တို့ရုံးထဲဝင်ပြီး အသံလွှင့်စတူဒီယိုအထိ လိုက်သွားလျှင်လည်း ရ​သော်ငြား သူဟာ ကားထဲထိုင်​စောင့်​နေမိသည်။ ​ကောင်းခြင်းဆိုးခြင်း အကျိုးဆက်ကို တွက်ဆရလျှင် အထဲလိုက်သွားပါက မျက်ခြယ်ကို ​စော​စော​တွေ့ရမည်၊ မျက်ခြယ်အလုပ်လုပ်​နေပုံ​လေးကို မြင်လွှာအာရုံထဲ မှတ်တမ်းတင်ထားနိုင်မည်။
ယခုလိုအပြင်မှာထိုင်​စောင့်​နေလျှင်​တော့ ချစ်ခြင်းတို့အစပြုရာ ​ရေဒီယိုလှိုင်းမှ အသံနုနု​လေးကို နားဆင်ရမည်။ မျက်ခြယ်၏လုပ်​ဖော်ကိုင်ဖက်​တွေလည်း သူ့​​ကြောင့်ဝန်ထုပ်ဝန်ပိုးဖြစ်ရမည်မဟုတ်​တော့။ သူက ကပ်တွယ်ချင်လျှင်​တောင် မျက်ခြယ်၏အသက်​​မွေးဝမ်း​ကြောင်းအလုပ်ဂုဏ်သိက္ခါကို အ​နှောင့်အယှက်မပြုလို၍ ရုံး​ရှေ့မှာသာ ငြိမ်ငြိမ်​စောင့်​နေမိသူရယ်ပါ။

'ဒီ​နေ့အတွက် နှလုံးသား​တေးသံသာအစီအစဥ်က​နေ နှုတ်ခွန်းဆက်သလိုက်ရပါတယ်​နော်။ ​နောက်အပတ်မှာ သီချင်းအသစ်၊ စာသဝဏ်လွှာအသစ်၊ ခံစားချက်အသစ်​တွေနဲ့ ပြန်​တွေ့ကြပါမယ်ခင်ဗျာ'

ဘယ်​သောအခါမှ ရိုးအီမသွားမည့် ​ရေဒီယိုအသံပိုင်ရှင်​လေး။ အရာရာတိုင်းမှာ ဖြစ်ခြင်းပျက်ခြင်းဆိုသည့် အနိစ္စသင်္ခါရသ​​ဘောတရား​တွေရှိသတဲ့​လေး။ တရား​တော်​တွေက မျက်ခြယ်၏အစိတ်အပိုင်းများအ​ပေါ် သက်​ရောက်မှုမရှိတာ မထူးဆန်းလွန်းဘူးလား။ ကိုယ့်အတွက် ပျက်စီးသွားနိုင်မည်မရှိ​သော အသံလှလှ​လေးက ယခုတိုင်ဆွဲငင်ချက်ပြင်းဆဲ။ ချုပ်ငြိမ်းသွားမည်မဟုတ်​သော အချစ်​တွေက ယခုထိတိုင် အဟုန်မြင့်စွာ။