Unicode~
ညိုညစ်ညစ်ကက်ဆက်လေးတစ်လုံးကို သူအခုမှ သတိပြုမိသည်။ သူ့အိမ်မှာမရှိသော ပစ္စည်းဖြစ်တာကြောင့် မောင်ယူလာတယ်ဆိုတာ အသေအချာ။
မောင်ကဖြင့် သူ့စိတ်ကြည်သာဖို့အရေး ယခုထိတိုင်ဗျာများနေဆဲ။ သူ့လက်ကို တင်းတင်းကျပ်ကျပ်အုပ်ကိုင်ထားပြီး လွတ်ထွက်သွားတော့မည့်အလား ဆုပ်ကိုင်ခြင်းအားမှာ နည်းနည်းမှမလျော့။ နံရိုးများပင် ကျိုးကြေမတတ် တင်းတင်းဖက်ထားပြီး ဆံသားများထဲ မောင့်ဝင်လေထွက်လေကို ခံစားလို့ရ၏။
"မောင်.. ကက်ဆက်က မောင်ယူလာတာလား"
"ဟုတ်သားပဲ။ မျက်ခြယ်အံ့ဩသွားအောင် ပြစရာရှိလို့ ယူလာတာ။ မျက်ခြယ်ကို ချော့နေရတာနဲ့ ဒါကိုတောင် မေ့လုလုပဲ"
"ဟင်.. ဟုတ်လား။ ဘာများလဲ မောင်"
ကက်ဆက်ခလုတ်ကို ဂျောက်ခနဲဖွင့်လိုက်တော့ လေတိုးသံတသဲ့သဲ့ကိုသာ အရင်ကြားရသည်။ ကက်ဆက်တိပ်ခွေက တရစ်ရစ်လည်နေသေးသည်။ ကိုယ့်မှာလည်း စက်ပစ္စည်းများနှင့် အတွေ့အကြုံမရှိလှသည်ကြောင့် ကက်ဆက်ခလုတ်များကြား ခပ်ကြောင်ကြောင် ခေါင်းကုတ်မိတော့သည်။
မိနစ်အနည်းငယ်ကြာ ရစ်ခွေပြီးကာမှ အသံထွက်လာသည့် ကက်ဆက်ရယ်။ ထိုအသံကြားမှ သူလည်း သက်ပြင်းချနိုင်တော့သည်။
"ဒါ.. ကျွန်တော့်အသံပဲ"
"အင်း.. မောင်ပြောသားပဲ။ မျက်ခြယ်ရဲ့ ရေဒီယိုအသံကို မျက်ခြယ်နဲ့အတူ နားထောင်ချင်ပါတယ်လို့"
"မဟုတ်ဘူးလေ မောင်ရယ်။ ဒီအသံတွေ မောင်ဘယ်ကရတာလဲ။ တိုက်ရိုက်လွှင့်ထားတာတွေကို"
"မျက်ခြယ်တို့ရုံးက အစ်မတစ်ယောက်ကို အကူအညီတောင်းရတာပေါ့။ မှတ်မှတ်ရရ အဲဒီညကပဲ မျက်ခြယ် ကိုယ့်ကို စိတ်ဆိုးသွားသေးတာ"
Taehyung မှတ်မိလိုက်ပါပြီ။ သဘောမကျဘဲ မနေနိူင်အောင်ပင် မောင်က သူ့အပေါ် သိပ်ကြိုးပမ်းမှုများတာကိုး။ ထိုနေ့က မောင့်ကို တခြားအမျိုးသမီးနှင့် တရင်းတနှီးစကားပြောကောင်းရမလားဆိုပြီး ဒေါသထွက်မိတာ။ သဝန်တိုခဲ့တာကိုတောင် သူ့ကိုယ်သူဝန်မခံနိုင်ခဲ့။
မောင်က အကြောင်းမဲ့စွာ တခြားအမျိုးသမီးကို စကားပြောခဲ့တာ မဟုတ်ဘူးတဲ့လေ။ သူ့ကြောင့်.. မောင်လုပ်သမျှကိုင်သမျှ အရာရာဟာ သူ့ကြောင့်ပါပဲ။ မောင့်လိုလူကို သူက သဲမှုန်နှင်းမြူစာပမာဏလောက်ပင် သံသယဝင်ခွင့်မရှိပါချေ။ မောင့်ကို သံသယအစား ချစ်ခြင်းဖြင့်သာ ခရီးဦးကြိုပြုသင့်ပါရဲ့။
ŞİMDİ OKUDUĞUN
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
Hayran KurguTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
