Unicode~
"သိပ်သိတာပေါ့။ နာမည်ကြီးအစီအစဥ်ပဲမဟုတ်လား"
ဖိပြီးပြောသည့်အသံ၊ ရွှန်းရွှန်းစားစားကြည့်သည့်အကြည့်။
ကိုယ့်ကို မျက်လုံးချင်းမဆုံသည့် မျက်ခြယ်ကြောင့် ကိုယ့်မှာ အသည်းတယားယား။ ရှက်နေတာလား၊ ကြောက်နေတာလား မသဲကွဲ.. ကြမ်းပြင်အောက်ခြေကိုသာ ငုံ့ကြည့်နေလျက်။ အဲသည်လို အရှက်သည်းပြနေလေလေ၊ ကိုယ်က မျက်တောင်မခတ်စတမ်းစိုက်ကြည့်နေလိုက်ချင်လေလေ။
"သိတယ်ဆိုလို့ ဝမ်းသာပါတယ်"
မပွင့်တပွင့်စကားသံလေးထွက်လာတော့ ရင်ထဲမှာ အေးအေးငြိမ့်ငြိမ့်လေး။ လှုပ်ခါနေသော နှလုံးသားဝန်းကျင်ဧရိယာကို မျက်ခြယ်က အပိုင်စားနေရာယူထားသည်။
ရေဒီယိုမှတစ်ဆင့်မဟုတ်သော ပထမဆုံးအကြိမ် တိုက်ရိုက်ကြားရသည့်အသံ။ မှတ်တမ်းတင်ထားလို့ရလျှင် သိပ်ကောင်းမည်။ မထင်ထားသည့်အချိန် မထင်ထားသည့်နေရာမှာ ကိုယ်ရှာနေသည့်သူကို တွေ့ရပြီး ကိုယ်တို့ဟာ မျက်နှာချင်းဆိုင်ရှိနေကြသည်တဲ့လေ။
'Kim Taehyung'လို့ မိတ်ဆက်ပေးလိုက်ချိန်တည်းက သူ့ကမ္ဘာက ငလျင်လှုပ်နေခဲ့တာ။ အမြဲမျှော်လင့်နေမိသော ရေဒီယိုနောက်ကွယ်က ကျောက်မျက်ရတနာတစ်ပါးက သူ့မျက်စိရှေ့မှာတဲ့လေ။ သူစွဲလမ်းခဲ့ရသော အသံလေးနည်းတူ အဆင်းရူပကာကလည်း အဆင့်မြင့်စိန်ပွင့်လေးအတိုင်း။ တစ်ခွက်တည်းသောက်ရသေးသော ဝီစကီအရှိန်မှာ Kim Taehyungအရှေ့ရောက်မှသာ လူကိုမူးယစ်စေတော့သည်။
"ကိုယ်က နှလုံးသားတေးသံသာရဲ့ ပရိတ်သတ်ပါ"
"အိုး.. တကယ်လား။ တကယ်ပဲ ကျွန်တော့်အစီအစဥ်ကို အချိန်ပေးနားထောင်ဖြစ်တယ်ပေါ့"
အခုမှ ဖြောင့်ဖြောင့်တန်းတန်းစကားသံထွက်လာတော့သည်။ ပရိတ်သတ်လို့မိတ်ဆက်လိုက်လို့များ အနည်းငယ်ရဲတင်းသွားသည်လေလား။
"မယုံရင် ပဟေဠိမေးကြည့်မလား။ ကိုယ်ဖြေပေးပါမယ်"
"အာ.. ရပါတယ်။ ကျွန်တော်က ဒီအတိုင်း ပြောကြည့်တာပါ"
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
