Unicode~
"ဒီနေ့ပြန်ရမယ်ဆိုတာတောင် နှမြောစရာပဲ"
"မျက်ခြယ်မပြန်ချင်သေးရင် မောင်ခွင့်တိုင်ပေးရမလား။ တစ်ရက်နှစ်ရက် ထပ်နေကြတာပေါ့"
"ဟင့်အင်း.. မန်နေဂျာက သက်သက်မဲ့ အငြိုးထားနေလိမ့်မယ်"
ပရစ္စတင်းရွာနှစ်ပတ်လည်ပွဲတော်က တစ်ရက်နှစ်ရက်လည်ပတ်တာနှင့်ပင် မလုံလောက်နိုင်အောင် ပျော်ဖို့ကောင်းသည်။ ကလေးသူငယ်ကအစ အရွယ်စုံလူတန်းစားမရွေး သည်ပွဲမှာ ပါဝင်ကြပြီး ရွာသူရွာသားတွေကလည်း စည်းစည်းလုံးလုံးရှိလှသည်။
မျက်ခြယ်ခမျာ မနေ့ညကတည်းက ဘာလေးမြင်မြင် ပါးစပ်အဟောင်းသားနှင့် သိပ်အံ့ဩနေတာ။ ကလေးတွေစားသည့်မုန့်ကအစ ပူဖောင်းအရုပ်တွေအထိ။ ထူးထူးဆန်းဆန်း လက်မှုပညာပြိုင်ပွဲဆိုတာလည်းရှိသေးသည်။ အိမ်ရှင်မနှင့် အမျိုးသမီးများက သူတို့တတ်သမျှမှတ်သမျှ လက်မှုပညာတွေကို ချပြကြတာများ သူကိုယ်တိုင်တောင် ချီးကျူးမိပါ၏။ ဇာထိုးပန်းထိုးအထည်များမှအစ ခြင်းများ၊ တောင်းများ ရက်လုပ်သည့်ပညာအထိ စုံစုံလင်လင်။
ပြိုင်ပွဲဝင်ပစ္စည်းများကို ပြန်လည်ရောင်းချတော့လည်း ဝယ်သူတွေများလွန်းလို့ ရွာအတွက်ရန်ပုံငွေ အမြောက်အမြားက အိတ်သွန်ဖာမှောက်။
"ဒါဆိုလည်း မွန်းလွဲလောက်ကျ ရန်ပုံငွေထည့်ပေးပြီးမှ ပြန်ကြတာပေါ့။ ဒီလိုဆို အချိန်တွေရပါသေးတယ်"
မနက်ပိုင်းပင်မဇာတ်ရုံမှာ ဖျော်ဖြေသူများက ဒေသခံများသာ။ သို့သော်ဒေသခံများ၏ အရည်အချင်းကလည်း ပေါ့သေးသေးမဟုတ်။ ဝီစကီနံ့တထောင်းထောင်းနှင့် ဆေးရွက်ကြီးလိပ်ကို လက်ကြားကမချနိုင်သူ လူလတ်ပိုင်းအရွယ်ယောကျ်ားကြီးများပင် ဂီတာကိုကောင်းကောင်းတီးခတ်နိုင်ပြီး သီချင်းကို စည်းဝါးမှန်မှန်ဆိုနိုင်၏။
"ဒီရွာက လူတွေက ပျော်ပျော်နေတတ်ပုံပဲနော် မောင်"
"လူ့ဘဝကြီးက ပျော်ပျော်နေသေခဲပဲလေ။ မောင်တော့ သူတို့ကို ချီးကျူးမိတယ်"
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
