គ្រាន់តែ ហូស៊ុក និយាយចប់ ជីមីន ក៏ដើរមករកពួកគេល្មម ព្រោះពេលនេះនាយថតរឿងចប់ទៅហើយ។ ហូជុន ភ្ញាក់ខ្លួនពីការគិតដល់សម្ដី ហូស៊ុក អំបាញ់មិញ ប្រែជារត់ទៅយកកូនកន្សែងជូតញើសរត់យកទៅអោយ ជីមីន វិញ។
ប៉ុន្តែនាងត្រូវបញ្ឈប់សកម្មភាពភ្លាមៗ ព្រោះ ហូស៊ុក ងើបទៅបានមុន ជីមីន ក៏ដើរមករក ហូស៊ុក ថែមទាំងបញ្ចេញអាកប្បកិរិយាស្និទ្ធស្នាលនិងយកចិត្តទុកដាក់គ្នាលើសពីពាក្យថាធម្មតា បានត្រឹមតែធ្វើអោយ ហូជុន ឈរស្ងៀមមើលពួកគេ។
« ហត់ខ្លាំងទេ? » កាយតូចសួរទៅកាន់សង្សារបណ្ដូលចិត្ត ស្របពេលដៃដែលទំនេរឈោងទៅយកកូនកន្សែងពីដៃ ហូជុន យកមកជូតញើសអោយ ជីមីន ដោយខ្លួនឯងវិញ។
« មានអូននៅជិតបងមិនអីនោះទេ »
« បងថតចប់ហើយមែនទេ? »
« បាទ!ចេញពីនេះទៅពួកយើងនឹងទៅញ៉ាំអាហារថ្ងៃត្រង់ជាមួយគ្នា » ជីមីន ញញឹមយ៉ាងស្រទន់ដាក់ ហូស៊ុក ។ពួកគេស្និទ្ធស្នាលនិងផ្អែមល្អែម បង្កើតជាចម្ងល់សម្រាប់អ្នកមិនដឹងរឿង។
បូរ៉ាម ដែលឈរមើលអ្នកទាំងពីរពីកន្លែងផ្សេង ហាមចិត្តលែងបានក៏សម្រេចថាដើរមករកតែម្ដង។
« ជីមីន! » គ្រប់គ្នាងាកទៅមើលម្ចាស់សម្លេង ហូស៊ុក និង ហូជុន បានឃើញថាជាអ្នកណាក៏ងាកមុខចេញនិងដើរចេញទីនោះតែម្ដង ខុសពី ជីមីន នៅឈររាក់ទាក់ដាក់។
« មានអ្វីមែនទេ? » ជីមីន
« លោកនឹងទៅញ៉ាំអាហារថ្ងៃត្រង់ទេ?ពួកយើងទៅជាមួយគ្នាទៅ » បូរ៉ាម ដើរមកគៀកដៃ ជីមីន លួចដៀងភ្នែកមើលទៅ ហូស៊ុក តែគេបែរជាគ្មានប្រតិកម្មអ្វីក្រៅពីញញឹមដាក់នាងដូចមនុស្សធ្លាប់រាប់អានគ្នា។
« ខ្ញុំទៅជាមួយ ហូស៊ុក ហើយសុំទោសផង » ជីមីន ប្រកែកនិងការបបួលរបស់នាងនៅចំពោះមុខគ្រប់គ្នា ព្រមទាំងបេះដៃនាងចេញពីខ្លួន ធ្វើអោយ ហូស៊ុក លួចសើចចំអក សូម្បីតែ ហូជុន ក៏ដូចគ្នា។
ហូស៊ុក ដើរមកឈរជិត ជីមីន ពោលពាក្យឌឺដងចេញមក÷
« បើអ្នកនាងចង់ទៅជាមួយ ជីមីន អាចទៅបានណា ខ្ញុំអនុញ្ញាតព្រោះ ជីមីន គេ
សម្រេចមកលើខ្ញុំ » សម្ដីរបស់រាងតូចគេចង់បញ្ជាក់ថាគេមានសិទ្ធខ្លាំងជាង ជីមីន ទៅទៀត។
YOU ARE READING
YOU BROKE ME FIRST
Fanfictionគ្រប់យ៉ាងគឺបងជាអ្នកក្បត់ខ្ញុំមុន បើមិនដោយសារតែបង ខ្ញុំអាចនឹងក្លាយជាមនុស្សចិត្តដាច់ដល់ថ្នាក់នេះទេ? Park Jimin : Top Jung Hoseok : Bottom Original Fanfiction : J-Za Zika Designer : J-Za Zika Author : J-Za Zika End:20.10.2022