သင်္ကြန်နီးလာပြီဖြစ်တာကြောင့် နေရာတိုင်းလိုလိုမှာ သင်္ကြန်သီချင်းသံတွေလမ်းထဲဆူဆူညံညံ ။ ရွှေဝါရောင်ပိတောက်ဖူးပွင့်လေးများကမြိုင်မြိုင်ဆိုင်ဖူးပွင့်နေကြ၏။
စျာန့်ရဲ့ကောင်းမှုကြောင့် အာကာတို့မှာ သင်္ကြန်အတွက်အစီအစဥ်မဆွဲအားသေး ။ သူ့ကိုပဲကူညီပေးနေရသည် ။ ခုလိုအစစအရာရာ အကုန်လိုက်ကူညီပေးနေသည့် သူငယ်ချင်းတွေကိုလဲ ကျေးဇူးတင်မိသည် ။မနက်ဖြန်ငယ့်မွေးနေ့အတွက်ကို မနက်မိုးလင်းကတည်းကအစီအစဥ်တောက်လျှောက်ဆွဲနေရပြီး လုပ်စရာတွေကများလွန်းတာကြောင့် ရက်အကြာကြီးကြိုတင်ပြင်ဆင်ထားတာတောင် အလုပ်တွေကမပြီးပြတ်နိုင်ပဲရှိနေသေးသည် ။
စျာန်အခန်းထဲဖုန်းတစ်လုံးနှင့်အလုပ်ရှုပ်နေတုန်း အခန်းရှေ့မှတံခါးခေါက်သံကြောင့် တံခါးသွားဖွင့်ပေးလိုက်တော့ အခန်းရှေ့ရပ်နေသူမှာ မာမီ ။ မာမီ့ကိုအခန်းထဲခေါ်ကာ ခုံမှာထိုင်ခိုင်းပြီး လာရင်းကိစ္စမေးလိုက်သည် ။
" မာမီဒီနှစ်တရားစခန်းမဝင်ဘူးမလား "
" ဟုတ်တယ်သားရေ မာမီကျန်းမာရေးမကောင်းလို့ ဒီနှစ်တော့တရားစခန်းတောင်မဝင်နိုင်တော့ဘူးကွယ် "
" ဟုတ်မာမီ "
" မနက်ဖြန်ပိုးမွေးနေ့မလား ငါ့သားလဲနော်အလုပ်တွေရှုပ်နေလိုက်တာ မျက်နှာလေးတွေ့ရဖို့တောင်မလွယ်ဘူး မနက်ဖြန်ဘာအစီအစဥ်ရှိလဲ မာမီ့ကိုလဲပြောပါအုံး "
" အရင်ဆုံးမိဘမဲ့ဂေဟာမှာအလှူလုပ်မယ် ဆိုင်တစ်ဆိုင်မှာတစ်နေ့တာBookingကြိုယူထားပြီးပြီ အဲ့မှာမွေးနေ့ပွဲကျင်းပပြီး တခါထဲလက်ထပ်ခွင့်တောင်းမလားလို့ "
" အင်း ကောင်းပါတယ် ငါ့သားလေးတော်တော်ပြောင်းလဲသွားတာပဲ အချစ်ရဲ့စွမ်းအားပေါ့ အဟား "
ဟာသလေးနှောကာပြောပြီး ရယ်နေတဲ့မာမီနှင့်အတူ စျာန်ပါရောယောင်လိုက်ကာရယ်မောလိုက်သည် ။
မာမီမှစျာန့်ပုခုံးကိုသုံးချက်ပုတ်ကာ အားပေးစကားပြောပြီးအခန်းထဲမှထွက်သွားသည်အထိ စျာန်နေရာမှာထိုင်နေမိသည် ။ အိပ်ယာနိုးကတည်းက စိတ်ထဲလေးလံနေတာကြောင့် စိတ်အပြောင်းအလဲလေးဖြစ်သွားအောင် အာရုံပြောင်းသည့်အနေဖြင့် အလုပ်တွေကိုဖိလုပ်နေပေမယ့် စိတ်ထဲလေးလံမှုကလျှော့မသွား ။ အယူမသီးတတ်ပေမယ့် ဒီလိုဖြစ်တာပထမဆုံးအကြိမ်မှာပင် တစ်ခုခုကိုလက်လွှတ်ဆုံးရှုံးလိုက်ရတော့မည့်ခံစားချက်က လူကိုမွန်းကြပ်စေသည် ။
![](https://img.wattpad.com/cover/300007120-288-k938875.jpg)
KAMU SEDANG MEMBACA
{Edit}မြတ်နိုးခြင်းများအားဆောင်ကျဥ်းခဲ့ပါသော သူ၏... ( COMPLETED )
Romansaခပ်ဆိုးဆိုးကျောင်းသားလေးနဲ့ Sissy type ဂိုက်လေးတို့ရဲ့ချစ်စရာရိုမန့်လေးကိုမှ နူးနူးညံ့ညံ့လေးပါ ။ Cover ကို Pinterestမှယူသုံးထားခြင်းဖြစ်သောကြောင့် Pinterest ကို Crdပေးပါသည် ။ ခပ္ဆိုးဆိုးေက်ာင္းသားေလးနဲ႕ Sissy type ဂိုက္ေလးတို႔ရဲ႕ခ်စ္စရာရိုမန့္ေလးကိ...