မနက်ဖြန်ဆိုပိုးတို့စာမေးပွဲဖြေဆိုရမည့်နေ့ ။ စာတွေကရပြီးသားတွေဖြစ်သော်လည်း စာမေးပွဲဆိုတဲ့အသံကြားတာနဲ့လူက ဗိုက်တွေနာလာကာ နေမရထိုင်မရဖြစ်လာသည် ။ သုံးယောက်လုံးရဲ့တူညီသောအချက်တစ်ချက်ကတော့ စာမေးပွဲဖြေဆိုမည့်ညဆို စာရရမရရမအိပ်ပဲတစ်ညလုံးထိုင်ပြီး စာတွေကိုထပ်တလဲလဲလေ့ကျင့်နေခြင်းပင် ။
ခုလဲတစ်နေကုန်အိပ်နေလိုက်တာ ညနေ၄နာရီမှနိုးလာကြသည် ။ ညနေပိုင်းအိပ်လိုက်လို့ထင် နုံးနေပြီး ရေချိုးလိုက်မှလန်းဆန်းသွားသည် ။ ညနေစာကိုအနီးနားကဆိုင်တစ်ဆိုင်မှာပဲစားလိုက်ကာ စားသောက်ပြီးအိမ်ပြန်ရောက်တော့ စာကိုပဲအာရုံစိုက်လုပ်နေလိုက်ကြသည် ။
***
မနက်ဖြန်ဆိုမှဲ့ညိုလေးဆို့စာမေးပွဲဖြေရမှာကြောင့် စျာန်တို့မှဲ့ညိုလေးတို့ဆီမသွားတော့ပဲ တစ်မနက်လုံးအိမ်တွင်းအောင်းနေပြီး ညနေဘက်ကျမှအပြင်ထွက်လာလိုက်ကြသည် ။ ၅နာရီခွဲလောက်ပဲရှိသေးတာကြောင့် မြို့ထဲသွားပြီး ကမ်းနားဘေးမှာအချိန်ကုန်ဆုံးဖြစ်ကြသည် ။
" ပျင်းလိုက်တာကွာ ဒီညဘယ်သွားကြမလဲ "
ဝသုန့်အပြောကိုအာကာကဝင်ဖြေသည် ။
" ဘားသွားကြမလား "
" ဘယ်ဘားကိုသွားကြမလဲ "
" Lonkan "
" အင်း သွားကြတာပေါ့ "
စောသေးတာကြောင့်မြို့ထဲကိုလျှောက်ပတ်ပြီး ကမ်းနားဘေးခဏသွားထိုင်ကာ ၈နာရီခွဲလောက်ကျ မြို့ထဲကထွက်လာပြီး Lonkan ကိုသွားကြသည် ။ Lonkan ကိုရောက်တော့ ကားပါကင်ထိုးပြီး Bar ရှိတဲ့အထပ်ကိုတတ်လာခဲ့သည် ။
ထောင့်စွန်းဝိုင်းလေးမှာနေရာယူပြီး ထိုင်လိုက်ကြသည် ။ သူတို့ဝင်လာကတည်းကတည်းက ပျိုမဒီတွေရဲ့ မျက်ဝန်းအစုံကသူတို့သုံးယောက်ဆီမှာ ။ တချို့ဆို ဘေးမှာကောင်လေးကိုထားပြီးငေးကြည့်နေလိုက်တာ စိတ်ပျက်စရာကောင်းလွန်းသည် ။
ဝိတ်တာကောင်လေးကိုမှာစရာရှိတာမှာပြီး လာချပေးတော့ အေးဆေးပဲသောက်နေလိုက်သည် ။ ထိုစဥ် တစ်ဖက်ဝိုင်းကကောင်တစ်ကောင်ကလာပြီး စျာန့်ခေါင်းကိုအရက်ပုလင်းနဲ့လာရိုက်သည် ။ အမှတ်တမဲ့နဲ့မို့ ရှောင်တိမ်းလိုက်ချိန်တောင်မရပဲ ခေါင်းပူသွားပြီး ပူနွေးနွေးစေးကပ်ကပ်နဲ့သွေးတွေစီးကျလာသည် ။
YOU ARE READING
{Edit}မြတ်နိုးခြင်းများအားဆောင်ကျဥ်းခဲ့ပါသော သူ၏... ( COMPLETED )
Romanceခပ်ဆိုးဆိုးကျောင်းသားလေးနဲ့ Sissy type ဂိုက်လေးတို့ရဲ့ချစ်စရာရိုမန့်လေးကိုမှ နူးနူးညံ့ညံ့လေးပါ ။ Cover ကို Pinterestမှယူသုံးထားခြင်းဖြစ်သောကြောင့် Pinterest ကို Crdပေးပါသည် ။ ခပ္ဆိုးဆိုးေက်ာင္းသားေလးနဲ႕ Sissy type ဂိုက္ေလးတို႔ရဲ႕ခ်စ္စရာရိုမန့္ေလးကိ...
