" ဟဲ့ ညည်းတို့သိပြီးပြီလား ရုပ်ကလေးဗန်းပြပြီး ယောကျာ်းတွေကိုချူစားနေတဲ့ အခြောက်မအကြောင်းလေ "
သဇင်ပြောသောစကားကို သက်သက်ကဝင်ထောက်ခံလေသည် ။
" သိပါ့တော် သိပါ့ သူဂိုက်သွားသွားပြနေတဲ့သူဌေးသား Cele လေးရော ခုနောက်တစ်ယောက်ဖြစ်သွားပြန်ပြီ ခုတစ်ယောက်ကလည်းဟိုကောင်လေးလိုပဲ ငယ်ငယ်ချောချောဘောစိလေးဟေ့ "
" သူများတွေများနော် အားကျလိုက်တာ "
" အားမကျနဲ့ဟေ့ ဘယ်သူကမှအလကားမပေးဘူး ဆန်ပေးလို့ဆီရတာထုံးစံပဲ "
" ဒါပေမယ့်လည်းဟယ် ငါတို့လဲဘဲအထောက်အပံ့နဲ့ရှင်သန်ဖူးချင်တာပေါ့ "
" ဟား ဟား ဟား "
သဇင့်ရဲ့အပြောကို အင်ကြင်းနဲ့သက်သက်ကတဟားဟားနဲ့ရယ်တော့သည် ။
ဒေါ်ခင်သက်ထား ဟိုဘက်လမ်းကမမြတို့အိမ်တတ်အလှူကအပြန် လမ်းထိပ်ကအအေးဆိုင်မှာ မိမိရဲ့သားအကြောင်းကို ပါးစပ်အရသာခံကာပြောဆိုနေသော အင်ကြင်းတို့သုံးယောက်စကားကိုအမှတ်မထင်ကြားရကာ နောက်နားကနေ မတ်တပ်ရပ်နားထောင်နေလိုက်သည် ။ သူများအကြောင်းပြောဆိုနေကြသော အင်ကြင်းတို့ကတော့ နောက်ကရောက်နေသော ဒေါ်ခင်သက်ထားကိုသတိမထားမိ ။ အအေးဆိုင်ပိုင်ရှင် မိနန်းကမျက်နှာအပျက်ပျက်နှင့် အင်ကြင်းတို့သတိပေးဖို့လုပ်နေတာကြောင့် ဒေါ်ခင်သက်ထား မျက်နှာရိပ်ပြကာမပြောဖို့သတိပေးလိုက်သည် ။ သူတို့စကားဆုံးတော့ ဒေါ်ခင်သက်ထား သူတို့နားလျှောက်သွားကာ
" ကောင်မတွေ ညည်းတို့သိပ်ကိုအားယားနေတယ်ပေါ့ "
ဒေါ်ခင်သက်ထားအသံကြားတော့ သက်သက်နှင့်အင်ကြင်းမှာခန္ဓာကိုယ်လေးတုန်သွားသည် ။ ပွဲကကြီးတော့မည်ဆိုတာ မပြောလဲသိနေတာပင် ။ ဒေါ်ခင်သက်ထားဆိုတာ စကားပြောချိုသာပြီး အားလုံးနဲ့အဆင်ပြေပြေရှိကာ သူ့သားကိုထိရင် လုံးဝအထိမခံတဲ့သူမျိုး ။ သက်သက်နှင့်အင်ကြင်းကငြိမ်နေသလောက် သဇင်ကပြန်ပြောလိုက်သည် ။
" အားလို့ထိုင်နေတာပေါ့ "" ညည်းတို့ပြောနေတဲ့စကားတွေပြန်ပြောလိုက်စမ်း "
" အဒေါ်ကြားလိုက်တယ်မလား ဘာလို့လာထပ်မေးနေတာလဲ "
![](https://img.wattpad.com/cover/300007120-288-k938875.jpg)
YOU ARE READING
{Edit}မြတ်နိုးခြင်းများအားဆောင်ကျဥ်းခဲ့ပါသော သူ၏... ( COMPLETED )
Romanceခပ်ဆိုးဆိုးကျောင်းသားလေးနဲ့ Sissy type ဂိုက်လေးတို့ရဲ့ချစ်စရာရိုမန့်လေးကိုမှ နူးနူးညံ့ညံ့လေးပါ ။ Cover ကို Pinterestမှယူသုံးထားခြင်းဖြစ်သောကြောင့် Pinterest ကို Crdပေးပါသည် ။ ခပ္ဆိုးဆိုးေက်ာင္းသားေလးနဲ႕ Sissy type ဂိုက္ေလးတို႔ရဲ႕ခ်စ္စရာရိုမန့္ေလးကိ...