" ဟူးးး ပင်ပန်းလိုက်တာကွာ တရေးလောက်အိပ်အုံးမယ် "
အထုတ်တွေချပြီးကုတင်ပေါ်တန်းလှဲချသွားတဲ့ဝသုန့်ဘေးမှာ အာကာပါဝင်လှဲလိုက်သည် ။ တစ်လမ်းလုံးအာကာတစ်ယောက်ပဲမောင်းလာတာကြောင့် အနားယူချင်ပြီဖြစ်သည် ။ ဝသုန်နဲ့အာကာကတစ်ခန်းနေကာ စျာန်ကတစ်ခန်းနေသည် ။
" အေးကွာ ၄နာရီပဲမောင်းရလို့သာပဲ ဟိုသတောင်းစားကလည်းမမောင်းဘူး "
" ငါအိပ်ပြီ လာမနှိုးနဲ့တော့ "
" ငါလဲအိပ်ပြီ "
............
စျာန် luggageကိုနေရာချပြီး လန်းသွားအောင်ရေချိုးခန်းဝင်ကာ ရေချိုးလိုက်ပြီး အဝတ်အစားလဲကာ အာကာတို့အခန်းတံခါးရှေ့ တံခါးခေါက်တော့ဘယ်သူမှလာမဖွင့်တာကြောင့် ကိုယ့်ဟာကိုယ်ဖွင့်ဝင်လာခဲ့လိုက်သည် ။ စျာန်အခန်းထဲဝင်လာတော့ အိပ်ယာပေါ်မှာနှစ်ယောက်သားအိပ်နေလိုက်တာ ဖင်ထဲကြွက်ဝင်ရင်တောင်သိမှာမဟုတ် ။
" ဟေ့ကောင်တွေအိပ်မနေနဲ့ထကြတော့ကွာ အပြင်သွားမယ် "
ထပ်ကာထပ်ကာခေါ်ပြီးလှုပ်နှိုးနေပေမယ့် နိုးမလာသောဝသုန်နဲ့အာကာကြောင့် စိတ်ပေါက်ပေါက်နဲ့စျာန်ကုတင်ပေါ်ဝင်ထိုင်ကာ ဘယ်လိုနှိုးရမလဲအကြံထုတ်နေမိသည် ။ ထိုစဥ် အကြံတစ်ခုရသွားကာ မျက်နှာထက်ပြုံးသွားပြီး အခန်းပြင်ပြန်ထွက်ကာ မီးဖိုချောင်ဝင်သွားပြီး ဇလုံနှစ်လုံးယူကာ အခန်းထဲပြန်ဝင်သွားပြီး နှစ်ယောက်ရဲ့အလယ်ကိုဝင်နေရာယူကာ ဇလုံနှစ်လုံးကိုအားပါပါနဲ့တီးတော့သည် ။
" ဒန် ဒန် ဒန် "
ဝသုန်ကနားပိတ်ကာဆက်အိပ်နေပေမယ့် အာကာကတော့ဆက်အိပ်လို့မရတော့တာကြောင့် အိပ်မှုန်စုန်ဖွားနဲ့ထလာကာ စျာန့်ကိုဆဲတော့သည် ။
" သတောင်းစားရယ် Leeဖြစ်နေတာလား ကောင်းကောင်းကိုမအိပ်ရဘူး "
" မင်းတို့မအိပ်ဖူးဘူးလား ငါတောင်ရေချိုးပြီးပြီ အပြင်သွားမယ်ရေသွားချိုးကြ "
" မသွားချင်ဘူးကွာ မနက်ဖြန်မှသွားမယ် မနေ့ကလဲအိပ်ရေးပျက်ထားတာ လူကနုံးနေပြီ "
YOU ARE READING
{Edit}မြတ်နိုးခြင်းများအားဆောင်ကျဥ်းခဲ့ပါသော သူ၏... ( COMPLETED )
Romanceခပ်ဆိုးဆိုးကျောင်းသားလေးနဲ့ Sissy type ဂိုက်လေးတို့ရဲ့ချစ်စရာရိုမန့်လေးကိုမှ နူးနူးညံ့ညံ့လေးပါ ။ Cover ကို Pinterestမှယူသုံးထားခြင်းဖြစ်သောကြောင့် Pinterest ကို Crdပေးပါသည် ။ ခပ္ဆိုးဆိုးေက်ာင္းသားေလးနဲ႕ Sissy type ဂိုက္ေလးတို႔ရဲ႕ခ်စ္စရာရိုမန့္ေလးကိ...