"ဟပ်ချိုး..."
အဖျားကအသားချင်းမထိဘဲကူးတတ်သလား။
ထိကရုန်းကောင်းမှုအကြောင်းပြု ဂျင်းပြုတ်ရည်နဲ့နှစ်ပါးသွားရမယ့်ကိန်းဆိုက်လာလို့ တံခွန်သစ်ကိုအိမ်ခေါ်ထားရသည်။"MDမသက်သာရင် ဒီနေ့ Meetingရွှေ့လိုက်မလား။"
"နေပါစေ...ဒီနေ့လာမယ့်ရင်းနှီးမြှုပ်နှံသူကအသစ်ဆို... ဒီပရောဂျက်ကခုမှစတာဆိုတော့ငါမတက်ရင်မကောင်းဘူး။ကားပြင်ထားလိုက်။"
"ဟုတ်ကဲ့..MDအင်္ကျီကူလဲပေးရဦးမလား။"
အသန့်ကြိုက်၊ဇီဇာကြောင်တဲ့ဧဃသထုံခပ်တွန့်တွန့်နဲ့ Noတစ်လုံးပဲပြောလိုက်သည်။
ဘယ်သူ့အသားနဲ့မှထိတာမကြိုက်ပါ။မိန်းမတွေနဲ့ထိမိမှာပဲကြောက်တာမဟုတ်။ယောကျာ်းတွေကိုလည်းမယုံကြည်လို့ အတွင်းရေးမှူးနဲ့ Family doctorကလွဲလို့ဘယ်သူမှအကပ်မခံ။
"ဒါဆိုလည်း ကျွန်တော်ဆေးနဲ့စွပ်ပြုတ်ကားပေါ်တင်ထားလိုက်မယ်။MDဆာတဲ့အချိန်စားလို့ရအောင်"
"အေး...ငါခဏနေဆင်းခဲ့မယ်။ဒီနေ့ဝန်ထမ်းတွေကိုသေချာမှာထားနော်။အရေးကြီးဧည့်သည်စိတ်အနှောင့်အယှက်ဖြစ်အောင်မလုပ်နဲ့။"
"ဟုတ်ကဲ့ပါ MD"
တံခွန်သစ် လူပျိုကြီးကိုစိတ်ထဲကနေတော့မှတ်ချက်ပေးလိုက်မိသည်။
'လက်ပေါက်ကတ်လိုက်တာ'ဟု..
သူကဘာလုပ်မှာကျလို့။ယောကျာ်းချင်းကိုလည်းအမြဲသတိထားနေတာ...
ငယ်သံယောဇဥ်ကြောင့်သာမဟုတ်ရင်ဒီသူဌေးဆီမှာဆက်မလုပ်။အတူတူ ရှိခဲ့ကြတာ၁၀နှစ်ဆိုတော့ MDအတွက်လူယုံကလည်းသူမဟုတ်ရင်နောက်လာမည့်သူနဲ့အဆင်မပြေမှာစိုး၍ကမ်းလှမ်းတာတွေရှိပေမဲ့ ငြင်းပယ်ခဲ့သည်။
မကျေနပ်တာဆိုလို့တစ်ခုပဲရှိသည်။အသက်၃၀ရောက်သည်အထိ ထိုဇီဇာကြောင်သူဌေးကြောင့်အခုထိရည်းစားမထားရသေး။
ထိုတစ်ခုတော့လူပျိုကြီးMDအပေါ်စိတ်ကွက်မိသည်။"ဘယ့်နှယ့် ...သူများတွေက အကွေးမို့လို့ မိန်းမမယူတာထားပါတော့။ငါ့ကျမှ ဓါတ်တိုင်ကြီးလိုဖြောင့်တန်းရက်သားနဲ့ သူဌေးဆိုးကြောင့် မိန်းမမရသေးဘူး။ ဟူးဟူး...ရင်တွေဘာတွေနာတယ်။"
YOU ARE READING
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)