ကလေး ပိစိလေးတွေ ဝိုင်းနေတဲ့ ကောင်လေးချောချောလေးအား စိတ်ကျန်းမာရေးဆေးရုံမှ လူနာတွေက စိတ်ဝင်တစားငမ်းနေသည်။ ဖွေးဥဥ ပိန်းဥလုံးလေး ၃လုံးက ဖအေ ဆေးကုတာ နောက်ကမလိုက်ရလို့အော်ငိုနေတာနဲ့ ထိထိမှာ ဘယ်သွားသွားခေါ်သွားရသည်။ ၃ယောက်တောင်မို့ ကိုယ့်မှာလည်း အလုပ်ကသာ ဒီဇိုင်နာ... လူကရှိုးထုတ်မရပေ။ ဖရိုဖရဲ ရှပ်အင်္ကျီအဖြူက ပိန်းဥလုံးတွေ သွားရည်အကွက်လိုက်ပေနေကာ ဂျင်းဘောင်းဘီအပြာမှာလည်း ချောကလက်တွေ ပွထလို့... သေးသေးလေး ၃ကောင်မှာ စိတ်ကျန်းမာရေးက လူနာတွေ ကို သွားစပ်စုချင်သေး၍ David နဲ့သူ မနည်းထိန်းနေရသည်။အလစ်ပေးတာနဲ့ လှစ်ခနဲပျောက်သွားပြီ။ ကြိုးနဲ့ချည်ထားလိုက်ရ... မကောင်းရှိတော့မယ်။
"Boss ကတော့ အေးချမ်းလို့ ကျွန်တော်တို့မှာ မျောက်ဖမ်းနေရတယ်"
ချစ်လှပါချည်ရဲ့ဆိုတဲ့ David တောင်အဲ့လိုပြောတယ်ဆိုကတည်းက ပိန်းဥငမွှေတွေအကြောင်း နောကျေသင့်ပြီ။
"ဟာ...ဧကထိ..."
အငယ်လေး ကိုချီရင်း ကိုစပ်စုဧကထိ လိမ့်ရာနောက် ထိထိပြေးလိုက်ရလေသည်။
"ဒီဦးလေးကြီးက သားသားစားနေတဲ့ ချောချောတောင်းနေလို့ လာကျွေးတာ..."
စိတ်ကျန်းမာပုံမရတဲ့ လူကြီးက ဧကထိ ပေးတဲ့ ချောကလက်ချောင်းကို ဝမ်းသာအားရယူလိုက်၍ သူနာပြုလေးက ဟန့်သည်။
"ဆေးသောက်ရမယ်လေ အဲ့အချိုတွေမစားရဘူး"
လူနာက နှုတ်ခမ်းစူကာ ချောကလက်ကိုဆောင့်အောင့်ပြန်ပေးတော့ ဧကထိကလက်လေးပိုက်ပြီး သူနာပြုမမကိုပြန်ပြောသည်။
"ဖေဖေဆို သားသားကို ဆေးခါးခါးတိုက်ပြီးရင် ချောချောကျွေးနေကျ... အန်တီမမက ဘာလို့ မစားခိုင်းတာလဲ။ သူများတကာကျွေးတာကိုမငြင်းကောင်းဘူး ဦးလေးကြီး ယူသွား သားသားမှာ များကြီးရှိသေးတယ်။"
သူနာပြုမှာဆွံ့အလျက်...
လူနာကလည်း ဧကထိနဲ့ လက်သီးချင်းတိုက်ပြီး ချောကလက်ကို အားပါးတရ စားပြသည်။ ဧကထိကမကျေနပ်သေးဘဲတိုးတိုးလေးကပ်ပြောလိုက်သေးသည်။
YOU ARE READING
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)