"နောက်ကျနေပြီလို့... ဖေဖေ့ကိုလွှတ်လေ မီးရယ်...ပြန်လာရင်မုန့်တွေများကြီးဝယ်ခဲ့မယ်လေ နော်..."
"ဘူး ဘူး... ဖေ... နေနေ..."
ထိထိ ရေလဲပုဆိုးကို အတင်းဆွဲထားလို့ သင်တန်းချိန်နီးတာတောင် အဝတ်မလဲနိုင်သေးတဲ့ဘဝ...
"အဲ့လိုမှန်းသိရင် ငါနဲ့တူအောင်မမွေးပါဘူး။"
အခုမှတော့ သူ့အကျင့်တွေဆက်ခံထားတဲ့ပေါက်စနှစ်ကောင်ကို ဘယ်လိုမှချော့မရတော့ပေ။ပိန်းဥနှစ်နဲ့ ပိန်းဥသုံးက ကြည့်ပါဦး လုပ်နေလိုက်တာ... ဖအေ အပြင်သွားမှာစိုးလို့ ခြေသလုံးကိုတစ်ယောက်တစ်ဖက်စီ အပိုင်စီးထားကြလိုက်တာ... အကြီးလေးက အိပ်နေတုန်းမို့ တော်သေးတယ်... အငယ်နှစ်ကောင်ရဲ့ လုံးတုံးတုံး ပိန်းဥခေါင်းလေးတွေကို ဖွဖွနမ်းရင်း စိတ်ထပ်ရှည်ပြီးချော့နေရသည်။
"ဖေဖေက အလုပ်လုပ်ဖို့ သင်တန်းတက်တာလေ
မီးမီးတို့ သားသားတို့စားချင်တာ စားရအောင် ပိုက်ပိုက်ရအောင်လေကွာ...လိမ္မာတယ် မုန့်မုန့်သွားစားကြ...""ဖေ နေ...နေ... ဘူး သွားဘူး..."
ဖွံ့ဖြိုးမှုမြန်တဲ့ပေါက်စနှစ်ကောင်က တစ်နှစ်ကျော်လေးတွေမို့သာ... ချွဲနေပုံက မျက်လုံးကြီးတွေမှာ မျက်ရည်တွေဝိုင်းလို့ ပိန်းဥနံပါတ်သုံးလေးကို ခြေထောက်လေး မပိအောင်သေချာချီရင်း သစ်သားပုခက်ထဲထည့်လိုက်သည်။မီးမီးကိုတော့ သူ့အစ်ကိုဘေးထားသိပ်လိုက်သည်။
"ဖေ သွားဘူး"
"မသွားနဲ့"လို့ မပြောတတ်သေးတော့ "သွားဘူး" လို့သာတားနေတဲ့ မီးမီးက ထိထိကို တအားကပ်လွန်းတယ်။
ဇမ်းနဲ့ မေမေက ညီမလေးနေမကောင်းလို့ ဆေးခန်းသွားတာကြောင့်အိမ်မှာလူမရှိချေ။
သူကြည့်မရတဲ့လူကြီးကိုသာစစ်ကူခေါ်ရတော့မည်။"ဟိုဘက်ခန်းက လူ
တစ်နိုင်ငံလုံးအလုပ်တွေ အစားလုပ်ပေးနေရလို့ နေနိုင်တာလား။ ကလေးလာကြည့်ပေး..."ဘယ်အချိန်ခေါ်မလဲစောင့်နေတဲ့ သထုံ အသံစွာစွာလေးကြားတာနဲ့ ကိုင်ထားတဲ့ Laptopကိုချကာ အပြေးလာပြီး ကလေးမြှူလေသည်။
YOU ARE READING
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)