"ရှင်အခုထွက်သွားရင် လုံးဝပြန်လာခွင့်မရှိတော့ဘူးနော် ကိုဧသစ်"
ခင်မာလာ့ကို ဧသစ် ခပ်မဲ့မဲ့နှင့်အနိုင်ပိုင်းကာကြည့်လိုက်သည်။
"မင်းလို အေးတိအေးစက်မိန်းမဆီလည်းငါပြန်လာဖို့စိတ်ကူးမရှိပါဘူး ဒေါ်ခင်မာလာ"
"တောက်!!!"
အမျိုးသမီးရဲ့တက်ခေါက်သံအဆုံး အိမ်တွင်းမှကလေးတစ်ယောက်ထွက်လာကာ အထုပ်အပိုးတွေယူပြီးကားပေါ်တက်တော့မည့်ဖခင်၏ခြေသလုံးကိုဖက်တွယ်လေသည်။
"ဖေဖေ သားကိုမထားခဲ့ပါနဲ့။ ဖေဖေ့ကိုသားမခွဲနိုင်ဘူး။ "
ခင်မာလာဟာထိုမြင်ကွင်းကိုမမှိတ်မသုန်ကြည့်နေခဲ့သည်မှာမျက်ရည်တစ်စက်မှမကျဘဲ...
"ကိုကို... ရိုစီတို့သားအမိ ကိုယ့်ဘာသာသွားရမှာလား။"
ကားပေါ်က လေးနှစ်အရွယ်ကလေးတစ်ယောက်ကိုချီထားတဲ့ နုနုငယ်ငယ်မိန်းမတစ်ယောက်ကစိတ်မရှည်သလိုပြောလာတော့ ဧသစ် သထုံလေးလက်ကိုဖြုတ်ချကာ လှည့်မကြည့်တမ်းထွက်သွားခဲ့သည်။
"ဖေဖေ!!! သားကိုမထားခဲ့ပါနဲ့!!!"
"နင်လာစမ်း နင့်အဖေကနင့်ကိုသူ့မယားငယ်လောက်မချစ်ဘူးဟဲ့... နင်လည်းနင့်အဖေလိုပဲ အဖေတူသား... ငါသိပ်မုန်းတယ်။"
ဒေါသတကြီးဖြစ်နေတဲ့မိခင်လက်ထဲမှာ၁၀နှစ်အရွယ်ကောင်လေးဟာ တော်တော်များများနားလည်နေခဲ့ပြီ။
"ဖေဖေ သားမေမေနဲ့မနေချင်ဘူး..."
ကားနောက်ကိုပြေးလိုက်ခဲ့ပေမဲ့ ခြေတံတိုတိုလေးတွေဟာ ကားဘီးအရှိန်ကိုမမှီတော့ပေ...
"ဖေဖေ!!!"
သထုံ ကြောက်လန့်တကြားအော်ဟစ်ကာချွေးစီးတွေနဲ့အိပ်မက်ဆိုးနွံမှ နိုးထလာခဲ့သည်။
"လူကြီး လူကြီး သတိထားပါဦး... ထိထိရှိတယ်လေ "
ထိထိရေလေးတစ်ခွက်ငှဲ့ပေးပြီးကျောကိုဖွဖွသပ်ပေးလိုက်မှစိတ်ပြန်ငြိမ်သွားဟန်တူသည်။
YOU ARE READING
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)
