Jade Flower ရဲ့ Bar counter မှာလူ၃ယောက် အနက်ရောင်ဝတ်လူတစ်စုဝန်းရံခံထားပြီး လောကစည်းစိမ်ခံစားကာ အကြောင်းအရာတစ်ခုကိုဆွေးနွေးနေကြသည်။
"ပြည်ဝင်ခွင့်အတွက် ပြင်ပြီးပြီလား ရှင်းရဝေ"
တင်မာလာ နုပျိုအောင် ဆယ်ခါထက်မနည်းခွဲစိတ်ပြုပြင်ထားသောသူမမျက်နှာသွယ်သွယ်ကို လက်သည်းချွန်တွေနဲ့ထောက်ပြီးမေးလိုက်သည်။
"အကုန်အသင့်ပဲ...အရင်တစ်ခါ ကျုပ်လောသွားလို့ ခံလိုက်ရတာ အခုတော့ အချိန်သေချာတွက်၊ အကွက်စေ့ချပြီး အမြစ်ပြတ်ချေမှုန်းပစ်မယ်... ဧဃသထုံ ကျဆုံးခန်းကို ခင်ဗျားတို့တွေ့ရမှာပါ သိပ်မလိုတော့ဘူး"
ဖိုးခွေးရော တင်မာလာ ပါ ခေါင်းတညိတ်ညိတ်နဲ့ကျေနပ်သွားကြသည်။
ဖိုးခွေးက သူ့အင်္ကျီအိတ်ကပ်ထဲက အရောင်လွင့်ခါနီးသောလသားအရွယ်ကလေးလေးပုံကိုထုတ်ကြည့်ရင်း မေးနေကျဖြစ်သောမေးခွန်းတစ်ခုကိုတင်မာလာအားမေးပြန်သည်။
"ကျုပ်တို့သားသေရတာ ဘယ်သူ့ပယောဂကြောင့်လဲ မတင်"
တင်မာလာလက်သည်းနီနီဆိုးထားတဲ့လက်ဖြင့် စားပွဲကိုကုတ်ခြစ်ကာ မုန်းတီးစွာခြောက်ကပ်ကပ်အသံဖြင့်ဖြေသည်။
"ဧဃသထုံ သတ်လိုက်တာ..."
ဂျိန်း...
မိုးကြိုးပစ်သံနှင့်အပြိုင် စားပွဲပေါ်မှပုလင်းတစ်လုံးကလည်းလူတစ်ယောက်ဒေါသကြောင့် အသိတ်စိတ်အမွှာမွှာကွဲသွားလေသည်။
"ဒါဆို သူတို့သားနဲ့ပြန်ပေးဆပ်ရမှာပေါ့ "
"ဟုတ်တယ်။ သူတို့ကိုတိုက်ရိုက်နာကျင်အောင်လုပ်တာထက် သူတို့ကလေးတွေကိုနာကျင်အောင်လုပ်တာက ပိုခံစားရမယ် ငါတို့သားလေးကို ဒင်းလုပ်ခဲ့သလိုမျိုးပြန်ပေးဆပ်ရမယ်။"
"ငါတို့သားလေး သေသလို မင်းတို့ရဲ့မျိုးမစစ်လေးတွေလည်းသေစေရမယ်။ ဧဃသထုံ... ထမင်းဝအောင်စားထားပေတော့..."
ရှင်းရဝေ အမုန်းမီးလျှံမျက်လုံးတွေနှင့်အရောင်လက်နေသူနှစ်ဦးကိုကြည့်ပြီးကျေနပ်အားရမိသည်။
DU LIEST GERADE
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)