War Has Begun (War Series #1)

War Has Begun

War Has Begun

Hey, it's Hannah! 

Thank you for being with me on this journey.

I am thankful for Jadon. God, I wish I have someone like him by my side. 'Yong parang tali ko sa panahong nabubuhaghag ang buhay ko. Hahaha. But I'm thankful that God has been the one to hold me like that. Thank You, Lord kasi kaya ko pa. Thank You, Lord kasi kaya pa namin. 

This year has been really tough for all of us but I hope and pray that God will continue to bless each of us.

Honestly, when I first thought of War Series, inisip ko na gagawin ko lang 'tong light--even lighter than Heartbreakers Series. Pero pinag-pray ko rin 'to kay Lord. I asked Him if He could help me write this so that I can be able to deliver the idea I want all of us to get. Hindi ko naman talaga 'to kayang tapusin nang mag-isa pero God has been faithful and He helped me reach this point. 

In War Has Begun, na-highlight dito sa tingin ko ang una: pamilya (mainly parents).

To our generation, alam na alam natin kung gaano kahirap na maging kasundo ang mga magulang natin. First of all, hindi ako nage-encourage na maging rebelde tayo sa mga magulang natin. Hahahaha. Instead, what I highlighted here is the respect we should still give them kahit na minsan, ang hirap-hirap nang ibigay no'n. 

Let's respect our parents. Hindi ibig sabihin no'n na kailangang parati silang tama. Because our parents still do mistakes. Respetuhin pa rin natin sila at huwag sasagutin nang pabalang. Explain your side and your opinion pero kung umabot na sa puntong nagagalit na tayo o napipikon, pakawalan na lang siguro natin ang argumento at hayaang iba ang magpa-realize sa kanila kung ano ang tama.  

Naalala ko bigla 'yong kuwento ng Mama ko tungkol sa bunsong kapatid ko no'ng bata pa s'ya. Tinanong n'ya raw no'n 'yung kapatid ko ng: "Nagkakamali ba si Mama?" Tapos ang sabi raw ng kapatid ko, "Hindi." No'ng tinanong ng Mama ko kung bakit n'ya nasabing hindi, ang sagot ng kapatid ko, "Eh kasi, Mama ka, eh." Ipinaliwanag ni Mama sa kan'ya na hindi perpekto ang mga Mama at nakakagawa pa rin ng pagkakamali. 

Ako rin, nafu-frustrate sa mga magulang ko minsan kapag may punto akong hindi nila naiintindihan. Lahat naman yata ng anak, dumaan sa ganitong pagkakataon. Hahhahaha. Pero parati kong pinipigilan 'yong damdamin ko dahil alam kong kailangan ko silang respetuhin. Minsan kasi talaga, hindi tayo ang makakapagturo sa mga magulang natin. Based on experience, nagugulat na lang ako, nag-iiba na ng pananaw ang mga magulang ko kasi nga tulad natin, nasa proseso pa rin sila at patuloy pa ring natututo sa buhay. Minsan, tayo ang ginagamit ng pagkakataon para maitama sila. Pero minsan, iba ang kailangang magpa-realize sa kanila ng mga bagay-bagay.

Instead, kapag tayo ang tumanda, nagkapamilya, o nagka-anak, gawin natin 'yong mga bagay na inasahan natin mula sa mga matatanda noon na hindi natin nakita o natanggap mula sa kanila. Ang mga bagay na gusto mong baguhin, ikaw ang ang magsimulang gumawa. Kaya nga umaasa talaga ako na 'yong generation natin ngayon, maging mabuting mga magulang o mentor ng susunod na mga generations. Kasi 'yong generation natin ngayon, sobrang open na sa malalawak na mga ideya. Mas maintindihin, mas open minded, at mas alam kung ano ang tama. 

Pangalawa, 'yong pananaw ni Jadon.

Para kasi akong si Azariah. Mas nakaka-relate ako sa mga view point n'ya--na parati n'yang iniisip ang future which is different from Jadon.

Si Jadon, parang bunsong kapatid ko. Actually, sa kapatid ko nga itinanong kung pa'no 'yon na parang hindi mo iniisip kaagad kung ano ang mangyayari sa future mo? I couldn't grasp the idea at first. Pero reading some of the comments, marami pala sa atin ang tulad ni Jadon na hindi kaagad naiisip ang hinaharap--just like my sister.

The downside of always thinking about the future is that I constantly have anxieties because I keep on thinking about what's going to happen next kahit na hindi ko pa naman nahaharap ang present. I noticed (just based on my observation) that people who think like Jadon handle situations better than me. Mas decisive sila at mas marunong humarap sa problema. [Unlike me. :(((((]

If you still don't have any plans for your future, okay lang 'yan. Take your time. We handle things differently at t'yak na iba rin ang magiging  paraan mo para i-handle ang sarili mong mga desisyon. Iba-iba naman talaga tayo. Hindi tayo pare-parehas ng "technique" kung pa'no nabubuhay. Wing it! Just do what you think you should do and don't look at other people's paths. It isn't your path. 

Pangatlo, I liked how differences among individuals were highlighted in this story. 

Parang sa puzzle pieces, tayo rin, may iba't iba tayong mga kurba na kapag pinagtagpo-tagpo, nakakabuo ng isang masterpiece. I hope, we can use our differences to create a masterpiece and not dispute. Sana makita natin na sa pagkakaiba-iba natin, nakakapagtulungan tayong makapagbuo at makapagugnay-ugnay. Intindihin natin ang bawat isa at magtulungan. Parang sina Azariah at Jadon. Ginamit nila 'yong pagkaka-iba nila para magtulungan. Ang wala si Jadon, kayang ibigay ni Azariah. Ang wala si Azariah, kayang punan ni Jadon. 

Pang-apat, how we pick our partners.

Tinanong ko 'yong Papa ko kung paano kung may manligaw sa aming mga anak n'ya kaso wala pang plano para sa future n'ya 'yong manliligaw? Napa-isip si Papa ro'n sa tanong ko. Ang sagot n'ya sa'kin: (non-verbatim) 

Basta may takot sa Diyos at may respeto sa'yo at sa Nanay n'ya. Makikita mo kasi 'yon sa kung paano n'ya tratuhin ang nanay n'ya at mga kapatid n'yang babae. Pero 'wag kang papaloko dahil 'yong iba, nagpapanggap lang na maayos para lang makuha ka. May mga lalaki talagang balak ka lang babuyin kaya dapat, maging maingat ka. Kaya importante na parehas kayo ng pananampalataya dahil kapag guided ni Lord, alam mong magiging maayos. 

Kaunting background sa Papa ko, he's been a good father to me and my siblings and a good husband to my mother. Ang tanging pinroblema lang ng Mama ko sa kan'ya noon ay 'yung pagbibisyo (sabong, sigarilyo, at pag-iinom--na wala na ngayon dahil nagbago na s'ya completely nang makilala n'ya si Lord.) Pero noon pa man, kahit na hindi pa s'ya nagbabago, mula bata s'ya, lumaki s'yang may pagmamahal sa lola ko at sa mga tita ko na mga kapatid n'ya. Kailanman, 'di rin nangbabae ang tatay ko. 

This is my goal for WHB, to tell girls like me that a good man will always have respect for his mother and you--just like Jadon. 

I admire Jadon's respect for Azariah's parents and for Azariah. I have felt his willingness to give Azariah what he thinks she deserves. 

Marami pa tayong puwedeng makita mula sa WHB. Sana, nang nakita n'yo ang mga 'yon, mayro'n kayong natutunan at naisapuso. Iba't iba ang opinyon ng bawat isa at iba't iba ang perspektibo pero sana ay may napulot tayong lahat kina Azariah at Jadon.

Thank you for reading! Follow me on Twitter: @overthingkingpen

God bless you and may the love of God overflow in your heart. 💛

War Has Begun
by overthinkingpen

Ended: March 24, 2021

I dedicate this book to those who feel
pressured. Remember to always
breathe. No pressure. You can
do this. I believe in you! 

WHAT'S NEXT?

War Series #2
Cold War

Follow me on Twitter: @overthingkingpen

SEE YOU THERE!