بارت: فالطبيب
كانو مجمعين عندها لداخل وكلهم مشوشين عليها
الحاجة كلثوم:راني عارفة راسي كتر من طبيب راني مزيان بلا ماتعدبو راسكم وتخلعو على والو
الزاهية:عفاك امي سكتي راحنا عارفين شكا نديرو نتي كتسهلي المرض لي عندك
الحاجة كلثوم:ياك ابنتي موتة وحدة كنتموتو لي جات من عند ربي مرحبا بيها انا كبرت وعشت نصيبي من هاد الدنيا.ماكاين لاش نضيعو لفلوس على والو
عصام كان متكي على الحيط وكيشوف فيها:جدة باينة لمرض اتر عليك
وقرب لعندها وباس ليها يديها:لا خطيتينا نتي اتخطانا حتى لبراكة.شحال من كلثوم عندنا راه المهم نتي غير رتاحي
عائشة كانت فااجيهة لوخرا ملي جات وهي شادة ليها فيديها وكتبكي خصوصا فاش شافت حالتها كيف ولات والهضرة لي قال الطبيب
حاجة كلثوم شافت فيها:لاش لبكة ابنتي ماكانحملش نشوف عويناتك دامعين وصافي مسحي عليا داك الدموع
عائشة مسحات دموعها:هانا غير ولي لاباس اجدة
وتحنات باست ليها راسها
تحلات لباب كانت سارة وفيديها شي ورقة:اووف واخيرا
عصام مشا عندها:اش درتي
عطاتو لورقة:صافي سيد لي قلت ليك.كيعرف طبيب لي فداك لكلينيك تدخل وقدر يقنعو باش يتعاون معانا وعطانا الورقة دطبيب باش نقلوها ليه وتبدا العلاج علامن يجي وقت العملية.والحمد الله هضر معاه باش لخلاص يكون حتى تخرج من طبيب ودير العملية على خير حيت هاد ااكلينيك ضاروري يتدفع ليه تسبيق
عصام كيقرة فالورقة :العز.يتوب عليك اختي سارة لهلا يخطيك
سارة:على ود صحة الحاجة كلشي كيهون
وقربات لعندها:كي بقيتي اجدة شوية
الحاجة كلتوم:الحمد الله ابنتي الله يرضي عليك
سارة :شوية وغتجي لونبيلونس باش تهزك لكلينيك
الزاهية تنهدات وهي كتشوف فميمتها وقلبها كيتقطع:انجمع ليها حوايجها
ناضو جمعو ليها حوايجها ووجدو ليها وراق طبيب حتى جات لومبيلونص هزوها نيشان للطبيب الاختصاصي جلسو معاها شوية ورجعو للرياض
دازت هاد ليلة وجا نهار جديد
كانو فليسي مجمعين كيف العادة
فاتي:ياختي ماعيطتوليش نجي نبات معاكم كتجمعو بسرية تامة
دينيس:وصافي مرة خرا ماكوناش ناويين
فاتي:ايوا يعطيك دقة
ياسمين شافت فيهم:كيفاش بغيتي تقولي عائشة باتت مع دينيز
دينيز:اه
ياسمين يلاه اتهضر وهي تقمعها فاتي:لا غاتقولي شي حاجة ماليها حتى معنة غا سكتي حسن
ياسمين سكتات وهي غتموت بالفقصة
شافو فعائشة غا ساهية
فاتي :بس بس امالكي
عائشة تنهدات:والوو
دينيز:لا شي حاجة شوفي وجهك.كيف دايرة ملي جيتي ونتي ساكتة اش واقع
عائشة:شغا نقولكم.جدة مسكينة تزاد عليها لحال ودابة راها فطبيب
وبعدات شعرها على وجها وكملات هضرتها:خاصها عملية لكليات نتاعها تمانها 16 لمليون وعاد مصاريف طبيب ختصاصي والعلاج غا خليوها على الله
ياسمين علات حاجبها:اه ياك ما كدقي على شكون يعاونكم ازين
كلهم خنزرو فيها وهي تجمع راسها:لا ماتفهموش غلاط.زعمة لاكان فاش نعاونوها نعاونوها متفيها باس
عائشة خنزرات فيها مارضاتش قدامهم:انا غير كنشكي عليكم وماحتاجاش لشي حد الحمد الله لفلوس واجدة لي كيهمني هي جدة مسكينة دخلي هادشي راسك وبداي توزني كلامك ولا راه شي نهار انخسر انا وياك ونسة راك بنت عمي
ياسمين:ناري مالك تعصبتي راه غا داوية المهم هنا غادة
ومشات وهي مخنزرة
فاتي:ماتديش عليها راه غير هبيلة
عائشة:بقات ليا غا هي
دينيز:ان شاء الله جداك اتولي بيخر ماديريش فبالك
عائشة:ان شاء الله ياربي
دينيز:اي مساعدة مرحبا راه حنا خوت
فاتي:اه بصاح ماتديش على ياسمين.هضرتها ماكتهمناش.اوكي.حنا معاك فاي حاجة بغيتيها
عائشة:شكرا البنات ولكن بصاح مامحتاجين والو
دينيز:ايوا الحمد الله
ودخلو للحصة يكملو قرايتهم
حتى صونات وخرجو
فاتي:شوفي يوسف ونرجس
دينيز:اه اليوم نرجس قارية
فاتي سلمات عليهم:هنا مشيت عائشة طمنيني على جداك
عائشة:ان شاء الله
دينيز:اجي نوصلوك فطريقنا
عائشة هزات راسها شافت فيوسف ونرجس:لا انشد جطاكسي
دينيز:غير زيدي مالك
عائشة رجعات شافت فيهم:لا بلاش
دينيز بدات كتحكر عليها.عائشة بنفاد صبر:دينيز قلت ليييك لا اصاحبتي
دينز بقات غير كتشوف فيها:بغيت غير نوصلوك المهم على خاطر بسلامة
دينيز مشات وهي مقلقة..عائشة تنهدات وتبعاتها:دينيز سمحيلي راه غير مقلقة شوية ماتديش عليا عفاك
دينيز تنهدات:صافي ماشي مشكل
عائشة بتاسمات:بغيت نمشي فطاكسي
دينيز بتاسمات ليها تاهي:واخة بقاي ليا على خاطرك سلمي بعدة هلى نرجس
عائشة مابغاتش تقول لا مشات وسلمات عليها بلا متشوف لجيهتو كتافات بسلام ردها عليها وهو كيشوف لجيهة لوخرا
عائشة:سمحولي انخليكم دابة
ومشات
نرجس:مال عائشة
دينيز:مسكينة جداتها مريضة بزاف
نرجس:الله يشافيها ياربي
يوسف دور وجهو شافها واقفة كتسنة فطاكسي طول شوفة فيها . ماشي بحال كي كتكون ديما باين على وجها الحزن والغمة..يلاه ايكسيري وهي تنطق نرجس:كوغا وصلناها فطريقنا يوسف سكت طوموبيل فاش سمع هضرتها
دينيز:لا مابغاتش خليوها على خاطرها
يوسف رجع ديمارا ومشا
عائشة دورات وجها لقاتهم مشاو مسحات دمعة كانت فعنيها وركبات فطاكسي وقفات ليها
[14/11 07:03] بارت: نمشيو لدار الزعيم
يلاه رجعات من.الجلسة تصويرية ديال الازياء ديالها.داخلة بكامل اناقتها المعتادرة وشعرها الاشقر قصير كيتحرك معاها وعويناتها زريرقين مرمشين كيبريو .بتتسمات وهي كتشوف ناصر جالس فصالة وفيديه الجريدة كيقرا بيها قربات لعندو:بابي راك هنا
شاف فيها:على سلامة
باستو علة خدو:الله يسلمك
ناصر رجع كيقرا فالجريدة بكل اهتمام كيشوف اخر اخبار المنافسين ديالو فسوق البورصة بتاسم وهووكيشوف انه مزال محطم الرقم القياسي فعالم البرصة وعلاش لا وهو محزم بجوج ولاد.كي سبوعة قادر يعول عليهم فاي حاجة قدرو ياخدو بلاصتو ويخليو ليه راسو مرفوع حط الجريدة ودور وجهو لقاها كتشوف فيه وهي مبتاسمة:كي داز داكشي
اكرام:كلشي داز هو هداك ابابي غدا ان شاء الله اتنشر تصاميمي
ناصر:ان شاء الله
طاهرة نزلات وجلسات حداهم؛بنتي على سلامة
اكرام:الله يسلمك
وكملو حديتهم حتة كيدخل يوسف ولبنات سلمو وجلسو شوية لحق عليهم بدر
بدر خدا الجريدة قرا داكشي وبتاسم:كي العادة نابر وان
يوسف شاف فيه:ضاروري
طاهرة فرحانة بولادها شافت فبدر:ونت ايمتى انفرح بيك اولدي
بدر شاف فيها وتنهد :تانفرحو بدينيز
دينيز:لا انا مزال الحال عليا
بدر بتاسم وناض:نخليكم نطلع نقاد شي ملفات
طاهرة:شوية وانحطو لغدة ماتعطلش
بدر:واخة الواليدة
وناض طلع لبيتو .شد لباب وجلس على طرف النموسية مسح على راسو حاس براسو مخنوق بزاف تنهد بالجهد وبلع ريقو الجرح لي فالداخل ديالو معدبو بزاف.هضر بصوت مخنوق :خاص نساها ماخاصنيش نفكر فيها هي دابة مرات خويا
ناض ودخل الحمام غسل وجهو بلما بارد تفكر شحال كان كيبغيها وكان ناوي يخطبها.الغلط لي دار انه خبا هاد الحب من جيهتها حتى تصدم نهار عرف ان خوه باغي يتزوج بيها ولي زاد صدمو الموافقة ديالها .كانو قراب من بعضهم وكيفهمو بعضهم لدرجة انه فلحضة ضن انها حتى هي كتبادلو نفس الشعور هدشي لي خلاه يصبر حتى الوقت المناسب ويتقدم يطلب يديها ولكن وقع لي وقع وجات فيه هو الضربة.صعيبة بزاف انك تبغي شي حد بينك وبين راسك وترسم معاه واحد الحياة زوينة وفلحضة كلشي يتبخر ويوقع عكس داكشي لي كنتي راسمو وتشوف حب طفولتك مع واحد اخور هادي فحد داتها عذاب شديد..
خرج من لحمام مسح وجهو ورجع نزل لتحت لقاهم مجمعين فطبلة دلغدة جلس فبلاصتو وبتاسم ماباغيش يضعاف قدام حب مستحيل ومحرم..شوية كلشي بدا كيتغدا فصمت
دازو ساعات
كانت جالسة فصالة مكونيكطية كي لعادة ببجامة ديالها غوز قصيرة مبينة ليها فخادها .سمعات الجرس مشات الخدامة حلات لبابة علات راسها كان حمزة .شافها وبتاسم .مشا فاتجاها والابتسامة مزال مرسومة على وجهوو وقف حداها:باربي لا باس عليك
اكرام شافت فيه:الحمد الله ونت
حمزة:توحشتك
تقادات فالجلسة:واش ماكاتسالاش
حمزة تحنة لعندها:لا ماغانرتاح حتى تولي ديالي
بقات كضحك:ماعمرك اترتاح ادن
جات الخدامة:سي حمزة .راه كيتسناك سي يوسف فالمكتب
حمزة:واخة انا غادي وجيبيلي معاك قهوة كحلة
الخدامة هي لولا اسيدي
شاف فاكرام:ماناسيكش
خنزرات فيه ومشا عند يوسف
الخدامة غير شافتو مشا جلسات حدا اكرام :ابنتي شوفيه كيبغيك وصابر عليك.جا خطبك شحال من مرة وديما كترفضيه ومزال مافقد الامل فين اتلقاي بحالو خوي راسك من داكشي وعيشي حياتك اش اديري بواحد مزوج وكبير عليك وعندو ولادو كبر منك .
اكرام:ونتي سووقك انا من غير ناصر ماغانديش سمعتيني .ناصر راه هو لي باغة ماكايهمنيش لا كان كبير عليااا وداك التخربيق
الخدامة:هو كيعتابرك بحال بنتو يهديك الله
اكرام:كلشي غيتبدل كوني هانية شحال من وحدة دات راجل كبر منها بزاف وهاهوما عايشين بيخير
الخدامة :هدا راه ماشي اي راجل هدا راه ناصر الزعيم رباك على اساس وحدة من بناتو وكيعاملك على هاد الاساس وزيدك كيبغي مراتو وكيحماق عليها.زعمة داكشي لي ماقدراتش مك ديرو واخة طارت ونزلات زعمة نتي اتقدري.راه مستحييل
اكرام شعلات فيها العافية ناضت وبدات كتغوت:نووووضي نوووووضي تحركي من وجهيي مانشوفكش قداامي اخر مرة نسمعك كتدوي على ماما سمعتيني.والله تانقتللك .وناصر غيكووون ديااالي ديالي بوحدي ودابة تشووفي بعينيك .
الخدامة مشات كطير الكوزينة وخلات اكرام كتغلي
اكرام قلبات الدورة وطلعات لبيت تلاحت فوقق النموسية وعنقات الخدية:ناصر ديااالي..ناصر هو حبيبي وروحي وخويا وبابي وكلشي فهاد الدنيا .
تحلات لباب هزات راسها شافت احمد
احمد بتاسم وقرب لعندها:بنتي ياك لاباس
اكرام ناضت جالسة:جدو
وعنقاتو وبدات كتبكي عنقها وهو كيسمع صوت بكاها
اكرام وصت شهقاتها:ماقدرتش نساهم انا توحشتهم بزااف
احمد نزلو دموعو وهو كيتفكر بنتو الوحيدة لي نتاخرات فعز شبابها مزال الحد الان كيتها فقلبو:صافي ابنتي الله يرحمهم
اكرام:انا راه كنتعدب اجييدو
[14/11 07:04] بارت: رجع عنقها:صافي شش دعي معاهم
بقة معاها حتى حس بيها نعسات قادها فبلاصتها وهو كيشوف فيها نسخة من مها الله يرحمها كتفكرو فيها هي لي مصبراه على فراقها تحنة وباسها على راسها وخرج..اكرام من نهار ماتو وليديها وكلشي عاطيها اهتمام واكتر واحد ناصر عتابرها كتر من بنتو قراها فأحسن المدارس واي حاجة بغاتها كتحضر مامخلي تاشي حد فهاد الدنيا يأديها.هي بنت صاحبو لي كان اقرب شخص ليه كان باغي يهتم بالامانة لي خلا ليه..هاد الاهتمام كامل خلا طفلة صغيرة يتولد فقلبها حب لشخص كبر منها باعوااام شخص كيعتابرها بنتو .وعاد الهضرة لي كانت كتعاود ليها الخدامة على مها.عاودات ليها على الحب لي كانت عاطياه لارا وطريقة باش كانت كتبغيه.هدشي لي زاد خلاها تبغيه .اكرام من كترة حبها لمها وشوقها ليها خلاها تأتر بشخصيتها واخة ميتة ..هادي هي اكرام بنت لارا وياسين
نمشيو لجيهة خرا
كانت هابطة فدروج وهو يبان ليها عماد وعلي يلاه داخلين كيهضرو بقات كتسمع شكا يقولو عاد كملات لعندهم
فاتي:هي قربات لبطولة
علي:هاهي جات لفضولية
فاتي:ماداوياش معاك
علي:مرة جاية بداي تقولي سمية لي غتدوي معاه
فاتي:بصاح ماحسابليش
عماد:دابة من تالي اش بغيتي
فاتي:بغيت نمشي معاكم للهاد.ديبو
علي:كتعجبيني بعدة ملي كتبداي تصنتي علينا
فاتي:سبحان الله
عماد :ولكن بشرط
فاتي فرحات:اه اه قول
عماد:ياويلك وديري شي حاجة ماشي هي هديك
فاتي:لا ماتخافش صم بكم الواليد
ليلى نزلات :عماد جيتي
عماد مشة عندها:جيت احياتي
بتاسمات ليه وشافت فعلي:علي دخل جلس مالك واقف
علي:اودي غا نتي لي كترحبي بيا فهاد الدار وما شي وحدين خليني ساكت
ليلى بقات كضحك:جلس جلس
مشا جلس ودار رجل فوق رجل وشاف ففاتي:جري لكوزينة قلهم وجدو ليا شي كاس دلعصير
فاتي:وايلي بسكار ولا بلا سكار
علي:وي بسكار
فاتي:بارد ولا سخون
علي:يكون بارد
فاتي:فكاس دزاج ولا دميكة
علي:كطنزي على الوقت ولا شنو
فاتي:قولها لراسك
وجلسات حداه:هدشي لي بقة
علي:زعمة راني كبر منك حتارميني شوية
فاتي"كبير فالعمر اما لعقل الله يجيب لا نت لا لواليد
علي:سماااااع اخاي عماد
عماد قرب لعندها:شهادشي كنسمع
فاتي:احم بالعمة اش قلت انا
عماد:ايوا الله يعميها ليك
فاتي:هاهي ساكتة
ليلى عيطات لخدامة تجيب لعاصير وضيافة وجلسات حداهم وهي غير ساكتة وكتشوف فيهم كيهضرو ويضحكو .سهات وهي كتقول كون كان ولدها دابة كون راها فرحانة تاهي.مابقاتش كتقدر تفرح فراحتها وولدها بعيد عليها .كتحس انه مامحقهاش تفرح وهي مزال مالقاتو.تنهدات وهي كتدعي من ربي تلقاه ويجمعها بولدها سهات حتى كتحس بيه جلس حداها وشد ليها فيديه كيفهمها من شوفاتها ولا عارفها فاش كتفكر بلا ماتدوي زير ليها على يديها:كنواعدك كلشي غيتقاد
ليلى تنهدات:فوقاش.حتى نموت.لعمر كيطير اعماد
عماد:اخر مرة تقولي بحال هاد الهضرة سمعتيني
سكتات
عماد:تيقي بيا
ليلى بتاسمات:كتيق بيك
ليلى:نمشي نشوف ضيافة فين وصلات
ناضت باش تمشي
فاتي كانت كدوي هي وعلي
علي:الكومبا راه بادية دابة شعلي نتفرجو
فاتي شافت تليكومود بعيدة عليها هزات راسها لقات ليلى دايزة بدون شعور عيطات ليها:ليلى داك تليكوموند حداك
ليلى شافت فيها وعلات حاجبها
عماد فهمها:احم فاتي ماشي ليلى هدي مك
ليلى كملات طريقها بلا مارتد عليها
فاتي ناضت خدات تليكوموند راسها وشافت فعماد:العجب هاد لمرة عندك ماكاتفهمش.نهار تعاملني كام مع بنتها نعاملها انا كا بنت مع مها دابة متعادلين
وشافت فعلي:شنو سميت القناة
عماد تنهد كيحير بين هاد الجوج الوضع بيناتهم متوتر بزاف هو بين نارين.بين بنتو ومراتو مايكرهش يتحلو هاد المشاكيل وترجع المياة لمجاريها
نبدلو لبلاصة
كان فوق السكوتور ديالو واقف كيتسناها حتى كيشوفها جاية بجلابتها سلمات عليه بالبيز:غبرتي علياا تا توحشتك احبي
عصام:راكي عارفة فاش خايد جدة.
قاطعاتو:عارفة عارفة شكوة الله .دابة هي تمرض وانا مانشوفكش
عصام :من نيتك هادي لي كدوي عليها راه فمقام الوليدة سمعتيني
حياة :صافي احبيبي سمحلي راه غير محيت توحشتك وصافي ماكانقدش نصبر ملي كتغبر عليا
عصام بتاسم :كلشي غيتقاد ان شاء الله
حياة:ان شاء الله
عصام:جيت غي نشوفك وانمشي عندي شي شغال
حياة:واخة احياتي وان شاء الله جداك تولي بيخير وترجع كيف كانت ويطول الله فعمرها
عصام:امين ياربي يلاه نخليك دابة
باسها بالخف وركب فالسكوتر يلاه تيحرك وهي توقفو:عصام
عصام شاف فيها:عيون عصام
بتاسمات وقربات لعندو:حبيبي محتاجة لشي فلوس ضاروري وغير نت لي عندي
عصام خشا يديه للجيب 300 درهم لي فجيبو مد ليها 200 درهم:هادي تكفيك
حياة خداتها:المهم نديباني بيها تانشوف منين نكمل
عصام:شحال محتاجة
حياة:ماشي مشكل احبي
عصام:ودابة داوي معاك المهم فالعشية نتشاوفو صافي نكمل ليك دابة راكي عارفة مشغول مع المصاريف دجدة
حياة:لهلا يخطيك عليا اعمري مانعطلكش فالعشية صونيلي
هز راسو باه وكسيرا ومشة
حياة:تفووو يعطيها موتة ونتهنة منها جا همها مع همي
[14/11 07:04] بارت: تمات غادة كتكسول حتى كتحس بشي لوطو وقفاتوعليها هزات راسها غير شافتو كملات طريقها..هو نزل وتبعها:حياة
وقفات:اش بغيتي لاشافني معاك عصام ماغايعجبو حال ازكرياء
زكرياء:من نيتك عاجبك الحال مع هداك مات ليه المش ولا على الضص غا قوليلي باش اتعيشي معاه وهو تريكة دعائلتو تابعاه
حياة:ماتنساش راه كان صاحبك ونت لي غدرتي بيه وديتو ليه رزقو
زكرياء:كنا وكنتو دابة ورقي ليا على دابة شوفي هو فين وانا فين
جبد من جيبو واحد الربطة دلفلوس:عطاك 200
درهم انا قادر نعطيك الدوبل فلوسي كلها ديالك قولي غير اه من غدا انا عندك فدار نديك بلحلال نعيشك احسن عيشة
حياة بلعات ريقها وهي كتشوف فلفلووس لي فيديه بقات كتفكر وهي تراجع:بعد مني انا مايمكنش نغدر بعصام سمعتيني
زكرياء:فكري مزيان نتي تستاهلي تعيشي حياة حسن من هكا وهاد العيشة اتلقايها معايا
حياة تمات غادة بالزربة وهضرتو كتعاود فدماغها تا وصلات لدارهم
نمشيو للرياض
كانت فلبيت متكية وتيشيرط بين يديها مرة مرة كتشم ريحتو ماتنكرش انه ستوطن تفكيرها كليا تنهدات وهي كتشوف راسها كيف ولات وفين طاحت .دورات وجها فاش تخلات لباب كانت سارة جلسات حداها
سارة:فاش كتفكري
عائشة تقادات فالجلسة:فوالو
سارة:غير دوي باينة فعنيك.ومالك مع هاد تيشيرط ملي جيتي ونتي معنقاه
عائشة مداتو ليها:شميه
سارة شماتو:على ريحة كتحمق ديال رجال ياك
عائشة هزات راسها باه:اه العطر ديوسف
سارة بتاسمات:لهاد الدراجة
عائشة:اه
سارة تنهدات:تانا طحت فهاد الموقف لي راكي فيه دابة وندمت بزاااف.ولحد الان مزال كندفع التمن .كنت فنفس السن ديالك مالقيتش شكون ينصحني ويقولي لا وكيفاش.انا دابة كنهضر معاك بصفتي وحدة مجربة .حيديه من دماغك سمعتيني ديها فراسك وفقرايتك باقة صغيرة ومزال تشوفي فدنيا العجب مزال تبغي ومزال ومزال
عائشة بلعات ريقها :غنحاول
سارة:لا راه خاص تنسايه
عائشة:ان شاء الله
نخرجو لعلا برة شوية
كانت راجعة لدار وجميع هموم الدنيا فوق راسها حتى كتسمع شي حد كيعيط ليها وقفات شافتو نزل من لوطو وجاي فتجاها:الزاهية لاباس
الزاهية:بيخير اش بغيتي احكيم
حكيم:سمعت بداكشي ديال الوليدة ديالك بقات فيا مسكينة
الزاهية:شكرا
حكيم:المصاريف كتيرة والعملية غالية بزاف عليكم موحال تقدرو تجمعو المبلغ صعيبة عليكم
الزاهية:الله عوين قادر يعاونا
حكيم:خاص السبب
ربعات يديها:وشنو هو هاد السبب بسلامة
حكيم:تخدمي معايا
الزاهية:هههه من نيتك
حكيم:علاش لا اتاخدي الدوبل ديال داكشي لي كتاخدي اش بان ليك
الزاهية:تا سير هدشي لي بقالي نشطح قدام رجال
حكيم:ماصعيباش عليك على ود الوليدة وولدك لي غايمشي فتهلوكة
الزاهية:علاش مال ولدي
حكيم:مافراسك مايتعاود ولدك ايدخل لعالم الكومبات العشوائية يقدر يتشد فالحبس من عماين تالخمس سنين اشريفة
الزاهية مافهماتش شكا يقول:شنو هوما هاد الكومبات العشوائية
حكيم:ماتشات كيدارو فواحد ديبو كيتجمعو فيه البوكسورا وبزاف دناس لاباس عليهم .كيراهنو على شي بوكسور بفلوس كتيرة ولي غلب كيربح.ووولدك ايدخل فهادشي
الزاهية:ولدي اش داه لشي بوكس بعيد على هدشي اويلي شهاد الموصيبة عاود
حكيم:ولدك كيدير هدشي على ود جداه لي كتموت نخاف يرجع للحبس عاود
الزاهية يلاه اتجاوبو وهي تشوف عصام جاي بسكوتور:ناري عصام جاي
عصام وقف عليهم:نت شكا دير مع الوليدة
حكيم:كنسولها على جداك كيف بقات
عصام :ونتي اش وقفك هنايا تحركي سيري لدار
حنات راسها ومشات
حكيم:نخليكم فراحة الله
عصام:اخر مرة تقرب لجيهة لوليدة سمعتيني
حكيم:هاهو غادي
ومشا عصام تبع مو بسكوتور:طلعي
ركبات موراه ومشاو لدار دخلو وهو كينكر
عصام:الولييدة راحنا فحومة خايبة خاسهم غير فاش يحلو فمهم سمعتيني لي فيا كافييني ماتزيديش تكملي عليااا ميات مرة كنقولك عطي راحة راسك فدار ونتي ماكاتسمعييييش بناقص من هاد لخروج الالة جلسي فداااار سمعتيني ماتخدميييش واش باغة تستحمريني قدام شمايت
الزاهية:دابة خضر بشوية
نزلات سارة وعائشة وجيران كيطلو
عصام:الوليدة كلمة وحدة قلناها نتمنة ديري بيها
تم خارج وهي توقفو :اجي نت بعدة اش داك لشي كومبات
شاف فيها:ونتي مالك
الزاهية:عصااام بعد من هادشي راك شتي لي داز علينا فلحباسات
عصام:ولدك ماكادوزجش عليه جوج مرات الواليدة
وخرج وخلاها كتعيط
الزاهية:ياربي شهاد الولد عطاني الله
سارة:اش واقع دابة
الزاهية عاودات ليهم
سارة:هاد حكيم خاص لي يطير ليه لسانو
الزاهية:انا امانقدش نخسر ولدي على هدشي مايمكنش نخليه يمشي فهاد الطريق لا ختص ندير شي حاجة المشكلة الفلوس ماكاملاش والعملية قربات الله ياربي شهاد الكريثة لا حنين لا رحيمزفهاد الدنيا يوقف معانا كلشي باغي غير مايدي منك دابة شغا ندير
عائشة غير ساكتة وكتشوف بعنيها وربي لي عالم بيها ملداخل
سارة:الزاهية نعلي شيطان واجي معياا نطلعو لبيت وياك تسمعي لكلام حكيم
نعلات شيطان وطلعو لبيت يكملو هضرتهم
[14/11 07:05] بارت: ﺩﺍ ﻭ ﻳﻮﻣﺎﻳﻦ
ﻛﺎﻧﻮ ﻓﺎﻟﺒﻴﺖ ﺟﺎﻟﺴﻴﻦ. ﻭﺍﻗﻊ ﺍﻟﻬﺪﻭء ﻭﺳﻜﺎﺕ ﻛﻴﻔﻜﺮﻭ ﻓﺸﻲ
ﺣﻞ
ﺍﻟﺰﺍﻫﻴﺔ ﻛﺎﻧﺖ ﺣﺎﻃﺔ ﻳﺪﻳﻬﺎ ﻋﻠﻰ ﺭﺃﺳﻬﺎ ﻭﻛﺘﺨﻤﻢ ﻭﺩﻣﻮﻉ
.ﻓﻌﻨﻴﻬﺎ
ﺳﻤﻌﻮ ﺻﻮﺗﻬﺎ ﻣﻦ ﻟﺘﺤﺖ ﻛﺘﻌﻴﻂ ﻣﺎﻣﺎ ﻋﺮﻓﻮ ﺍﻧﻬﺎ ﺳﺎﻗﺖ ﻟﺨﺒﺎﺭ
ﻋﺎﻯﺷﺔ ﺣﻼﺕ ﻟﺒﺎﺏ ﺑﺎﻟﺠﻬﺪ ﻭﻣﻀﺎﺕ ﻧﻴﺸﺎﻥ ﻋﻨﺪ ﻣﻬﺎ ﻭﻫﻲ
ﺧﺎﻳﻔﺔ
ﻋﺎﺋﺸﺔ:ﻭﺍﺵ ﺑﺼﺎﺡ ﺩﻛﺸﻲ ﻟﻲ ﺳﻤﻌﺖ
ﺍﻟﺰﺍﻫﻴﺔ ﻣﺴﺠﺎﺕ ﺩﻣﻮﻋﻬﺎ:ﺍﻩ ﺍﺑﻨﺘﻲ
ﻋﺎﺋﺸﺔ ﺟﻠﺴﺎﺕ ﺣﺪﺗﻬﺎ ﻭﻫﻲ ﻛﺘﻮﻟﻮﻝ:ﻧﺎﺭﻱ ﻭﻻﺩ ﻟﺤﺮﺍﻡ ﺩﺍﺑﺔ
ﺷﻐﺎ ﻧﺪﻳﺮﻭ ﻳﻌﻄﻴﻬﻢ ﻣﻮﺻﻴﺒﺔ ﻓﻬﺎﺩ ﻧﻬﺎﺭ
ﺍﻟﺰﺍﻫﻴﺔ ﻏﻴﺮ ﺳﺎﻛﺘﺔ ﻭﻛﺘﺒﻜﻲ
ﻋﺎﺋﺸﺔ؛ ﻳﺎﻙ ﻣﺎﺩﺭﻭﻟﻚ ﻭﺍﻟﻮ ﺑﻌﺪﺓ
ﺍﻟﺰﺍﻫﻴﺔ ﻫﺰﺍﺕ ﺭﺃﺳﻬﺎ ﺑﻼ
ﻋﺎﺋﺸﺔ:ﺯﻋﻤﺔ ﻳﻜﻮﻧﻮ ﻣﻦ ﻭﻻﺩ ﺍﻟﺤﻜﻮﻣﺔ ﻟﻲ ﺷﻔﺮﻭﻟﻚ ﻟﻔﻠﻮﺱ
ﺍﻟﺰﺍﻫﻴﺔ:ﻻ ﻣﺎﻳﻘﺪﻭﺵ ﻛﻴﻌﺮﻓﻮ ﻋﺼﺎﻡ ﻫﺎﺩﻭ ﻏﻴﻜﻮﻧﻮ ﻣﻦ ﺟﻬﺔ
ﺩﻟﻤﻠﻴﻮﻥ ﻟﻲ ﻛﻨﺖ6 ﺷﻲ ﺣﺪ ﺻﻴﻒ ﻫﻢ ﻟﻴﺎ ﺟﺎﻭ ﻗﺎﺻﺪﻳﻨﻲ
ﺍﻧﺘﻌﺎﻭﻥ ﺑﻴﻬﺎ ﺩﺍﻭﻫﺎ ﻳﺎﺭﺑﻲ ﺷﻬﺎﺩ ﺍﻟﺪﻧﻴﺎ ﻭﻟﻴﻨﺎ ﻋﺎﻳﺸﻴﻦ ﻓﻴﻬﺎ
ﺍﻟﻠﻪ ﻳﺪﻳﺮﻫﺎ ﻟﺰﻟﻂ ﻟﻲ ﻣﺨﻠﻲ ﺑﻨﺎﺩﻡ ﻳﺰﻃﻢ ﻋﻠﻴﻨﺎ ﻛﻴﻒ ﺑﻐﺔ
ﺳﺎﺭﺓ ﻛﺎﻧﺖ ﻭﺍﻗﻔﺔ ﻭﻛﺘﻬﻀﺮ ﻓﻄﻠﻴﻔﻮﻥ ﻗﻄﺎﻋﺎﺕ ﻭﻣﻀﺎﺕ
ﻟﻌﻨﺪﻫﻢ:ﻭﺍﻟﻮ ﻣﺎﻟﺜﺎﻭ ﺗﺎﺣﺎﺟﺔ ﺍﻟﻜﻮﻣﻴﺴﻴﺮ ﻗﺎﻟﻲ ﻫﺎﺩﻭ ﺷﻲ ﺣﺪ
ﺻﻴﻒ ﻫﻢ ﻟﻴﻬﺎ ﺣﻴﺖ ﻛﻴﻌﺮﻓﻮ ﻣﻴﺰﺍﻳﺎﻥ ﺷﺎﺭﺓ ﺩﻳﺎﻝ ﺳﻴﻜﺘﻮﺭ
ﺍﺍﺯﺍﻫﻴﺔ:ﺷﺘﻰ ﻗﻠﺘﻬﺎ ﻟﻚ
ﻋﺎﺋﺸﺔ:ﺷﻜﻮﻥ ﻏﻴﻜﻮﻥ ﻫﺎﺩﺍ ﺷﻲ ﺣﺪ ﺣﺎﻟﻔﻬﺎ ﻓﻴﻨﺎ ﺑﺎﻳﻨﺔ
ﺍﻟﺰﺍﻫﻴﺔ:ﺍﻟﻔﻠﻮﺱ ﻓﻬﺎﺩ ﺳﺎﻉ ﻣﺎﻛﺎﺗﻬﻤﻨﻴﺶ ﻟﻲ ﻛﻴﻬﻤﻨﻲ ﻫﻲ
ﻣﻴﻤﺘﻲ ﻣﺴﻜﻴﻨﺔ ﺩﺍﺑﺔ ﻛﻲ ﻏﺎﻧﺪﻳﺮ ﻣﻌﺎﻫﺎ
ﻭﺳﻜﺎﺕ ﻭﻫﻲ ﻛﺘﺒﻲ ﻋﺎﺋﺸﺔ ﻋﻨﻘﺎﺗﻬﺎ ﻭﺑﺪﺃﺕ ﺗﺒﻜﻲ ﻣﻌﺎﻫﺎ
ﺳﺎﺭﺓ ﺗﻨﻬﺪﺍﺕ ﻣﺎﻋﺮﻓﺖ ﻣﺎﺩﻳﺮ ﺑﻔﻠﻮﺱ ﻟﻲ ﻋﻨﺪﻫﺎ ﻋﻮﻧﺎﺗﻬﻢ
ﺑﻴﻬﺎ ﻭﻋﺎﺩ ﺍﻟﺤﺮﻛﺔ ﻋﻴﺎﻥ ﻓﻬﺎﺩ ﺍﻟﺴﺎﻉ
ﺍﻟﺰﺍﻫﻴﺔ ﻣﺴﺤﺎﺕ ﺩﻣﻮﻋﻬﺎ:ﻋﺼﺎﻡ ﻳﻮﻣﺎﻳﻦ ﻣﺎﺑﺎﺗﺶ ﻓﺪﺍﺭ ﺧﺎﻳﺪ
ﻣﻊ ﺩﺍﻙ ﺍﻟﻜﻮﻣﺒﺎﺕ. ﺣﺘﻰ ﻛﻨﻘﻮﻝ ﺗﻬﺎﻧﻴﻨﺎ ﻣﻦ ﺍﻟﻤﺸﺎﻛﻞ
ﻭﻧﺮﺟﻊ ﻟﻴﻬﻢ ﺷﻐﺎ ﻧﺬﻳﺮ ﺩﺍﺑﺔ ﻟﻤﺎﺗﺖ ﻟﻴﺎ ﻣﻴﻤﺘﻲ ﻭﺩﺧﻞ ﻭﻟﺪﻱ
ﺍﻟﺤﺒﺲ ﺭﺁﻩ ﻣﺎﻧﻘﺪﺭ ﻧﺴﺘﺤﻤﻞ
ﻋﺎﺋﺸﺔ:ﺻﺎﻓﻲ ﻣﺎﻣﺎ ﻛﻠﺸﻲ ﻏﻴﺘﺤﻞ ﻣﺎﺗﻘﻮﻟﻴﺶ ﻫﻜﺎ
ﺍﻟﺰﺍﻫﻴﺔ:ﺷﻐﺎ ﻳﺘﺤﻞ ﺍﻟﻠﻪ ﻳﻬﺪﻳﻚ. ﺑﻘﺎﻟﻲ ﺣﻞ ﻭﺍﺣﺪ ﻧﺸﻮﻑ
ﻋﻤﻚ ﻳﻌﺎﻭﻧﺎ
ﻋﺎﺋﺸﺔ:ﺑﻐﻴﺘﻲ ﻣﺮﺍﺕ ﺗﻘﺘﻠﻮ
ﺍﻟﺰﺍﻫﻴﺔ:ﺍﻧﻬﻀﺮ ﻣﻌﺎﻩ ﺑﻴﻨﻲ ﻭﺑﻴﻨﻮ ﻭﻧﺸﻮﻑ ﺍﺻﻼ ﺍﻟﺨﻴﺮ ﻟﻲ
ﻋﺎﻳﺶ ﻓﻴﻪ ﺭﺁﻩ ﻣﻦ ﺣﻘﻨﺎ ﺗﺎﺣﻨﺎ ﻫﻮ ﺳﻴﻄﺮ ﻋﻠﻰ ﺍﻟﻮﺭﺙ ﻛﺎﻣﻞ
ﺩﺍﺑﺔ ﺧﻠﻴﻨﺎ ﻣﻦ ﻫﺎﺩ ﺍﻟﻬﻀﺮﺓ ﻭﺟﻴﺒﻮﺗﻲ ﻃﻠﻴﻔﻮﻥ
ﻧﺎﺿﺖ ﻋﺎﺋﺸﺔ ﻣﺪﺍﺗﻮ ﻟﻴﻬﺎ ﺩﻭﺯﺍﺕ ﺍﻟﻨﻤﺮﺓ ﺑﻘﺔ ﻛﻴﺼﻮﻧﻲ ﺣﺘﻰ
ﺟﺎﻭﺏ:ﺍﻟﻮ ﻟﻮﻃﻔﻲ.. ﺍﻟﺤﻤﺪ ﻟﻠﻪ.. ﺑﻐﻴﺖ ﻧﺸﻮﻓﻚ.. ﺍﻩ
ﺿﺮﻭﺭﻱ.. ﺻﺎﻓﻲ ﻭﺍﺧﺔ ﺍﻧﺎ ﻏﻨﺨﺮﺝ ﺩﺍﺑﺔ
ﻗﻄﻌﺎﺕ:ﻧﻮﺿﻮ ﻳﻼﻫﻮ ﻣﻌﺎﻳﺎ
ﻧﺎﺿﻮ ﻛﺎﻣﻠﻴﻦ ﻭﺟﺪﻭ ﺭﺃﺳﻬﻢ ﻭﺧﺮﺟﻮ ﺷﺪﻭ ﻃﺎﻛﺴﻲ ﺣﺘﻰ
ﻭﺻﻠﻮ ﻟﻠﺒﻠﺼﺔ ﺍﻟﻤﻄﻠﻮﺑﺔ ﻟﻘﺎﻭﻩ ﻛﻴﺘﺴﻨﺔ ﻓﻄﻮﻣﻮﺑﻴﻞ :ﺗﺴﻨﺎﻭﻧﻲ
ﻫﻨﺎ
ﻭﻗﻔﻮ. ﻫﻲ ﻣﺸﺎﺕ ﺣﻼﺕ ﻟﺒﺎﺏ ﻭﺭﻛﺒﺎﺕ:ﺷﻜﺮﺍ ﺣﻴﺖ ﺟﻴﺘﺲ
ﻭﻣﺎ ﺭﺩﻳﺘﻴﻬﺎﻟﻴﺶ ﻓﻮﺟﻬﻲ
ﻟﻮﻃﻔﻲ ﺑﺘﺎﺳﻢ ﻭﻫﻮ ﻛﻴﺸﻮﻑ ﻓﻴﻬﺎ:ﻓﻮﻗﺎﺵ ﻣﺎﺑﻐﻴﺘﻴﻨﻲ ﻫﻨﺎ
ﻣﻌﺎﻙ
ﺍﻟﺰﺍﻫﻴﺔ ﻣﺎﻋﺠﺒﺎﺗﻬﺎﺵ ﺑﺘﺴﺎﻣﺘﻮ ﻭﻟﻜﻦ ﻣﺎﻫﺘﻤﺎﺗﺶ:ﺑﺎﺵ
ﻣﺎﻣﻄﻮﻟﺶ ﻋﻠﻴﻚ ﻭﻧﻌﻄﻠﻚ ﻋﻠﻰ ﺷﻐﺎﻟﻚ ﺣﻨﺎ