جا نهار جديد
فاقت بكري ووجدات راسها والخدامة هبطات ليها شانطة للتحت..خاص تلقاه فالمكار باش ايسافرو لفرنسا يديرو اجتماع مع اللساتدة يخدمة معاها فالمدرسة ديالها...حل ليها شيفور لباب ركبات وقله ليها نيشان للمطار مسافة طريق وكانت تماك لقاتو كيتسناهاا..واحد من رجالو قرب وهز ليها شانطة وطلعها للطائرة لهاصة ديالو
بتاسمات زقربات سلمات عليه:ياك ما تعطلت عليك
كريم:لا تانا يلاه جيت
نرجس:نمشيو
بتاسم:يلاه
وخوا ليها طريق وتبعها وهو مبتاسم ماعرفش علاش حاس بواحد الفرحة فشكل حيت ايسافر هو وياها ..طلعو للطيارة الخاصة وشدو بلايصهم
نرجس كدور عنيها على طيارة شافت فيه:زوينة بزاف
كريم:ماشي بحالك
رجعات شعرها اللور كتافات بابتسامة..سمعو لبيلوط كيدير نداء باش يديرو لحزام الامان..ركبو وشوية قلعات طيارة فاتجاه فرنسا
غير وصلو طلعو للاوطيل رتاحو ورجعوو نزلو باش يديرو الاجتماع فالوقت المحدد
فواحد المطعم الفاخر الفرنسي
وفوق طبلة طويلة فيها كتر من 10 دلكراسة كانت جالسة بكامل اناقتها لبسة كلاس حمرة وتاتها بزاف مع عكار عمر من نفس اللون لبيسة وكتافات بمسكارا جات كتحمق..وهو جالس حداها بكامل اناقتو رجولية تاهو غير من الجلسة كيانو متواتيين..مانزلش عنيه من عليها كيلقة راسو ساهي فيها وهي كتلعب فطليفون تنهظات وشافت فيه:تعطلو
جات عنيها فعنيه طريقة لي كيشوف فيها وتراتها
كريم بلا مايحس:جاك لحنر كيحمق
بتاسمات :شكرا من ذوقك
ونزلات عنيها كترجع شعرها اللور
كريم مابغاش يزيد يحرجها:دابة وهوما جاو
وهو يشوفهم داخلين:هاهوما
وقفو بجوج كيتسقبلوهم سلمو عليهم وجلسو
كريم بالفرنسية:شوية ويوصلو لوخرين امم شنو تشربو علام يوصل لغدا
دار اشارة للسيرفور طلبو اش بغاو وشوية جاو لبقية وتجمعو كاملين على طبلة وتحط لغدا.كانو اساتدة من جنسيات مختالفة تماما كيف بغات.كيهضرو على الخدمة وفنفس الوقت كيتغداو..نرجس كتشرح ليهم طريقة الخدمة وكريم كيعاونها وكيحاول يقنعهم معاها ..كيتحاورو بيناتهم وكتجاوبهم على كاع اسئلتهم بطريقة مقنعة..داز الوقت سلاو لغدا وجمع السيرفور طبلة وحطو قهوة يكملو بيها لحديت
كريم:دابة شنو قررتو كنضن كلشي واضح
الاساتدة بقاو شحال كيفكرو..تا بدا واحد بواحد كيعلن على موافقتو باش يخدم معاها فالمشروع..فرحات بزاف:كنواعدكم ماغاديش تندموو والخدمة معايا اتعجبكم
مد ليهم كريم لوراق وقعو عليهم وتاففو اينتاقلو للمغرب سيمانة جاية باش يبداو الخدمة
وقفات وبداو كيسلنو عليها ويعبرو على الحماس ديالهم باش يخدمو معاها
واحد فيهم:سمحلي نسولك
كريم:مرحبا
الفرنسي:واش نتوما مزوجين
حسات باحراج ونزلات راسها
شاف فيها ورجع شاف فيه ومبتاسم:كنبانو ليك متواتين ياك
الفرنسي:بزاف عجبتوني مع بعضياتكم عجبني الانسجام لي بناتكم
كريم:للاسف مامزوجينش ولكن عجبني كلامك انفكر فيه
الفرنسي ضحك:ههههه ايوا زرب عليها ماغاتلقاش بحالها يلاه نخليوكم
ومشاو بحالهم
رجعات.جلسات:من شدة الحماس ماعرفش راسو شكا يقول
كريم جلس حداها:فخبارك الفرنسيين اكتر وحدين كيقولو صراحة..وراه قال غا صراحة وكلامو عجبني
بعات ريقها:نمشييو تاحنا مازال انشدو طريق للمغرب
كريم:لي بغيتي
وناض وناضت تاهي وقبل تمشي شد ليها فيديها وهمس ليها:هضرتو دخلات ليا راسي فكري فيها تانتي
بقات غا كتشوف فيه شحاال وتاهو كيشوف فيها تاحسات على راسها وهي كتحس بقلبها كيضرب:ماخاصش نتعطلو ماما غادة وكتوصي فياا
وسبقاتو هاربة من شوفاتو تا ركبات فالمصعد وما رتاحت تا تسد عليها وتنهدات بالجهد ورجعات بتاسمات وهي كتفكر فهضرتو همسات:لي فيها الخير اربي
وطلعات للشمبر ترتااح حيت ايعاودو يشدو طريق للمغرب
بعد مرور أربع أسابيع
نزلات من طموبيل من بعد ماحل ليها جون لباب خرجو من المدراسة من لباب لخلفي عاونهم العساس كيف لعادة مابغاوش يديرو الشكوك وتوصل لهضرة راهم خرجو ..شدات ليها فيديها كارلا كتطمأن فيها..ولكن هي مرفوعة ملاميحها جامدين غير كتشوف ببرود كتمشى بلا هدف
دخلو للطبيب ستقبلاتهم المساعدة ديال طبيبة عطاتها كارلا الاسم ديال مريم
المساعدة:تفضلي معايا طبيبة كتسناك
كارلا عنقات مريم:غنبقة ديما معاك ولا بغيتي تراجعي على هاد الاجهاض قوليهالي نمشيو بحالنا
مريم ماجاوباتهاش وتبعات المساعدة لغرفة العمليات ماعندها مادير بهاد الولد لي ماعارفاش تا باه شكون ..ماعارفاش تاوجهو كيف داير..ماعندها مادير بهاد الولد لي جا نتيجة تهورها..ماغاتعاودش نفس غلط ختها وتخليه وتعاود تنزل بعائلتها للارض ..ماغاتستحملش دوك شوفات لي كان دار عصام فعائشة فاش عرفها حاملة ..ماغاتستحملش دموع مهااا على تقة لي عطاتها..ماغاتستحملش تشوف فوجه هادوك لي تاقو فيها من بينهم يوسف كلشي تايق فيها وعارفينها ما ادير ولاو مخلينها على راحتهاا مازامتينها ماوالو ..كيفاش اتخلي هاد الولد باش يسيقو ليها لخبار اش دارت..مستحييل تخلييه تموت وماتصدمهمش فيهااا ...اصلا لاش اتخليه شغا تقولو فاش ايكبر ماعارفاش باك شكون..باه لي لاح عليا لفلوس ومشاا.باه لي حاولات تهضر معاه وقبل تا يسمع منهاا رماها بركلة..فاش عرفات راسها حاملة عيطات لمدير أعمالو بنمرة خرا وقالتهالو بقة كيضحك وقالها فاش ماكاتلقاو ماديرو باش تاخدو لفلوس كتقولو حاملة وقطع عليها بلا مايوصل ليه الهضرة .مشا وفبالو انه عاشر عاهرة فقط ودليل الدم لي مانزلش...هاد الولد ماخاصش يجي لهاد لعلام حيت لا الوقت ولا الاشخاص ولا الضروف مناسبة..كلشي مدمر لاش اتزيد تكمل..مراهقتها خرجات عليهاا والحب الاعمى دمرهااا...دابة باش نفعها داك الحب وداك لبكة لي كانت كتبكي عليه وهو ماجايب خباار لواالو من غير خرجات على راسهااا ..وندماات بزااف..دابة كتحس براسها مابقات صالحة لوااالوووو ضاعت صافي..ما شعرات براسها تاكانت فوق لبياص بلكسوة ديال الطبيب ورجليها فوق واحد لحديدات شافت الممرضة كضرب ليها البنج..بقات كتشوف فالسقف نزلات دمعة حارة من عنيها وشوية بشوية بداو عنيها كيتغمضوو تا فقدات الوعي وبدات الممرضة فعملية الاجهاض للجنين ومدة دازت كانت العملية دازت على خير ودخلوها للغرفة علامن تفيق وتمشي بحالها
