غير خرجو للكوار بعدات عليه خلاها غادة على راحتها سابقاه وهو موراها عارفها فاش كتفكر ..خرجو لعلى برة ركبات فطموبيل وركب تاهو ديمارا حتى كيسمع صوتها:ديني لبحر
كتافة باش يهز راسو بمعنى واخة وغير الوجهة للبخر دقايق وكانو حدان انسطالا الطموبيل فبلاصة خاوية ومعزولة على البشار ..نزلات ومشات جلسات على واحد الصخرة كاينة تماك تنهدات وهي كتستنشق داك لهوة لمنسم بريحة لبحر وريح كيضرب ليها فوجها مع نقيطات ديال لما جايين من لبحر جو زوين واخة بارد...تكا على الطموبيل حاضيها خرج لبكية ديالو هز واحد ودارو ففمو وشعلوو ونتر منو نترة طوييلة وعنيه عليها ...كانت كتفكر فهدشي لي هي فيه صافي هي كبرات على داك عائشة لقديمة ماخاصش تفكر بطريقة مبرهشة خاص تفكر بعقلانية وتحط صورة وليداتها قدامها بتلاتة القضية مافيهاش غا هو ولا هي بحدها كاينين تلاتة ديال النفوس داخلين معاهم ..تنهدات وحطات يديها على كرشها ونزلات عنيها كتشووف فكرشها وهمسات:بغيتك تولد فأجواء مختالفة اولدي بغيت نهزك بين يديا وانا فرحانة ماشي بقلب محطم
هزات راسها لسماا وغمضات عنيها:ياربي ماعاوني وطول ليا فعمري باش نشوف ولدي بين يدي
رما داك سيجار فاش سالة منو وقرب لعندها وقف حداها وشاف فيها:جاك لبرد
هزات راسها بلا
تنهد وحيد تجاكيط ديالو وتحنى حطو ليها على كتافها وجلس حداها
شافت فيه:شنو من مور هدشي
يوسف:نتي لي قوليلي كلشي بين يديك اعائشة
وشاف فيها وكمل:وانا من عندي خودي واحد الوعد مابقيتش يوشف لقديم وليت يوسف لي عمرو يخليك ويخلي ولادو لي يموت وما تأداوش ولا تمس شعرة منكم اعائشة
حنات راسها كتشوف فيديها:مابقيتش كنتيق فيك
يوسف:لياام غتبين ليك جربيني
تنهدات:صعيبة علياا كيف ما نت تبدلتي تا عائشة تبدلاتش ومابقاتش كتيق فلكلام والوعود ديالك
يوسف:لكلام كيتنساا التطبيق لي كيبقا اعائشة وانا غنبين ليك غير عطيني فرصة
جمعات عليها تجاكيط ديالو فاش ضرب واحد ريييح باارد :خليني نفكر ايوسف خليني مع راسي هاد الاياام بغيت نبقة بحدي نفكر بشوية فلي جاي وغنرد عليك خليك بعيد عليا فهاد الفترة عفاك
يوسف:تانا ما انضغكش عليك غنخليك على راحتك وماغاتشوفيش وجهي حتى تبغي نتي وداكشي لي باغاه انديرو فكري وهنا معاك بالحق ديري فبالك لفراق مانبغيش نسمعو فجميع الاحوال بلاصتك معايا وحياتك معاياا
ماجاوباتو بغات توقف وهو يسبقها شدها من دراعها ووقفها:يلاه نمشيو
هز راسو باه وركبو فطموبيل ووصلها لدار حيدات داك المونطو وحطاتو ليه وحلات لباب ونزلات بقة حاضيها تادخلات لدار عيط لشيفور جا لعندو وصاه يجب ليها دوة ومشااا لشغالو
داز الوقت
كانت جالسة فصالة ليوم ماكاينة قراية وساهية كتفكر فداكشي دلبارح مامشاش من بالها زوين بزاف وملااميحو صعيب يمشيو من لبال تنهدات وهي مازل كتخمم فيه ..جلسات حداها:اجي نتي لي هزيتي داك لمسكارا لي عاد شريت
ماجاوبتهاش شافت فيها لقاتها ساهية:وا سبحان الله
والو سيدة غا يبة زعزعاتها بالجهد:هدشيي كامل غا قوليلي فاش كتفكري
مريم:اووووف افاتي بشوية
فاتي:هاي هاي شكون دالك عقلك لهاد الدراجة دوي المسخوطة
مريم:تاواحد كنفكر غا فتخربيق
فاتي:ااام تيقتك تي دوي راني حافضاك
مريم بقات كدور فعينيها:ماغانقولكش هدا سر ابب
فاتي ضرباتها على كتافها:ياااكي عليااا انااا ..زعمة راني ختك وليتي تخبي عليا.
مريم:ماشي شي حاجة المهم فاش يكبر الموضوع نقولك صافي
فاتي:ايوا على راحتك
مريم:فاش كنتي باغاني
فاتي:اه لمسكارا لي عاد شريت مالقيتهاش نتي لي هزيتيها باينة
مريم:اه انااا درت منها ونسيت مارديتهالكش
فاتي:هاديك شارياها غالية وعندي عزيزة تكايسي هاااا ورجعيها لبلاصتها
مريم:ايوا بزعطة
فاتي وقفات وهدات عليها:غا ديال تمرميق
مريم:هههههه ضاروري تخرجي جواد لي ساكن فيك
فاتي بتاسمات وهضرات بانوتة:مرة مرة احبيبة
وخلات مريم كضحك:يخلي لي لحبيبة
جبدات طليفونها ودخلات لسوشيل ميديا تقلب على تصاورو وتسكريني عندها عمرات طليفون غا بتصاورو بتاسمات:زين لمن عطاه الله
وكلات تخنتيش كتقرا داكشي لي كاتبين عليه كيهضرو على شهامة ديالو وحبو للوطن وعلى شخصيتو كيزيدو غا يطيحوها فييه تكات فوق الفطوي وهي كتمنضرر وتزيد تخنتش وتجمع عليه المعلومات فين ساكن وفين خدام المهم كلشي مشا ليها الوقت غا معااه ماساخياش بيه
اما فاتي دخلات لبيتها حلات بلاكارها تبدل عليها وهي تشوف داك لكاس هزاتو وهي مبتاسمة باستو وعنقاتوو كتفكر فييه تلميحات ديالو أكدو ليها ماشي غا بوحدها لي تسناتو فهاد ست سنين تنهدات:غنتسناك ايحيى
ورجعات حطات لكاس فبلاصتو وهزات بيجامتها بدلات عليها وتمات كتفكر فيه والابتسامة مامشاتش من وجها
طاحت الضلمة وجا ليل
كان صوتها كيتسمع من لبعيد طالع فدروج وفيديه قريعة دلويسكي ناوي على ليلة حنرة بتاسم هو ميسمع صوتها كتغوت..حل لباب ودخل لقاها كتنش على لتحت ديالها من بعد مادارت داك لقويلبات فلمنطقة لحساسة كانو خارين بزافف سد لباب وهو مازال كيسمع صوتعا:ااااااح ويلي تقول مصيبين بسوداني الله اربي واش كل ليلة انبقة هكااا
حيد تجاكيط ديالو :هاد لغواات مادرتيهش تا فليلة دخلة يكون زعمة مفعولهم قوى من لمعلم ديالي هههههههه
هزات لخدية وضرباتو بيها:واش انا كنتشوط ونت كطنز مع راسك
قرب لعندها وباسها على شفايفها:غا تسناي نوريك تشواط ديال بصاح
هز فوطة ودخل لحمام..هي تكات كتسنة داكشي يخفاف وفعلا شوية بوشية ولات عادي تنهدات وهي كتنقص من التدفئة من بعد ماكانت زايدة فيها تا لتالي على حساب لقوالب ماخاصش يضربها عليهم لبرد طلعات عليها لحاف كتسناه
خرج من لحمام لاوي عليه فوطة كيغني ويدنن هز داك لقريعة دلويسكية وبدا كيغني بيها .. حلها وبدا يشرب منها ويغني ويشطح وهي كضحك:عمري نتي لكابيطاال شريتلك دااار ااااي نبغيييك عمري ونموت عليييك
غيحمقهااا هاد بناادم
مهدي:كضحكيييي يااك
حط داك لقريعة:هنااا جااي اعمري
فتح يديه بجوج وقرب بحاليلا ايتلاح عليها:هناااا جاااي
اكرام:واااااع لااا امهدي اويليييي
مال لعندها بكامل جسمووو:هووبااااا
اكرام:واااااع هههههه
بقة كيضحك من بعد ماخلعها جر عليها لحااف وحيد داك لفوطة رماها وتخشا حداهاا مطلع عليهم داك لحااف تا تغطااو مابقة يبان منهم والو جرها لعندو تا طلعها فوقو:شنو دابة
دورات يديها مور عنقو وباستو على شفايفووو:لي بغة حبيبي
مهدي:حبيبك باغيك نتييي
بتاسمات ونزلات كتبوس فعنقوو كدير ليه تسخينات مع لمسات كتبورش لجسم
مهدي:اااااح هادييك اا اكرام هديك
ضحكاات :حمق
جرها كتر وطلع ليها راسها لعندو وتلاح على شفايفهاا كيبووس فيهم ويجر سيد وصل للحقيقة ...ونتاقلو لعالم الرغبات وشهوااات 🤭🔥🔥
دازو أيااااااام
وقفات مع الشيفور حدا دارو جديدة هنا فين ساكن نزلات زاج وهي كتشوف دار من على برة عبارة عن فلة صغيرة يلاه خداها ودار ليها الاصلاحات وديكورات والاتات..كان كاميوو ديال اااتات حدا دار كيدخلو داكشي للداخل والخدامة داخلين خارجين..نزلات وقربات بشوية كتشوف داكشي سهات وهي كتخايل ساكنة هي وياه هنااا وهاد دار دارها هي وياه تنهدات ودماغها كيقولها وايلا دا وحدا خرااا وايلا كان كيبغي شي وحدة.وهو ماعارف عليك والو اصلا شافك مرة وحدة ايكون نساك.عضات على شفايفها مايمكنش مابغاتش تخايلهاا قفزات فاش سمعات صوت لكلاكسون ضورات وجها وهي تشوفو هو لي سايك شهقات كتلوم راسها على هدشيي حنات راسها ومشات كتجري ركبات مع شيفور :تحرك دغية عفاك
ديمارا ومشاو
هو وقف طموبيل فبلاصتها ونزل كيشوف فطموبيل لي رمبات فيها غادة مسح على راسو تاني مرة ديشوفها مرة حدا شريكة مافهم والوو ..دخل لداخل وهو كيشوفهم كيدخلو داكشي لدار ويرتبوه فبلاصتو وقف مراقبهم وكيشوف فدار بتاسم وهو كيتخايلها وهي معاه فدار وكيتمنى يعحبها دوقوو واخة راه جاب احس مصمم ديكور قادهااا...
فجيهة خراا
خرجات من لحمام كتلهت وحاطة يديها على كرشها تكات فوق النموسية اسفل كرشهازكيضرها ولات لي كلاتها كتردها ودوخة تا شريكة مابقاتش تكمل فيها النهااار ..تنهدات من اخر مرة ما ولات شافتوو ولا سمعات صوتووو ختى ايلا بغة دراري كيجي لباب دار وشيفور لي كيطلع يهبطهم ليه ويمشي ..غوبشات يسول بعدة غير كيف بقا ولدو لي فكرشها ..و يسول على جوابهااا..ولا كيتسناها هي تعيط وهدشي لي مستحييل ديروو .دارت لجيهة لوخراا وهي كتسمع صوت لميساج هزات طليفون ودغية فتخات لميساج كان منو هو:ليوم عندك موعد مع طبيبة
بقات كتشوف فداك المساج علات كتافها ماجاوباتوش خاصر عليها ميسااج كوغا ماصيفطوش...رجعات تكات حتى صوت طليفون جا فبالها هو لي كيعيط خاب ضنها جاوبات:الو دكتورة
طبيبة:بغيت غير نفكرك فالموعد ديالك معايا
عائشة:هاني جاية شكرا
وقطعات..تنهدات وناضت بدلات عليها قدات شوية وجها تمشي داك البهوتية ..هزات مونطوها فيديها وخرجات من دار لقات شيفور كيتسنى ركبات داها نيشان لطبيب ..دخلات لقاتها عامرة جلسات كتسنة وبتاسمات وهي كتشوف ام هازة بي بي صغيور وفرحانة بيه بقات حاضياها تا مشات..دورات وجها وهي تشوف وحدة معاها راجلها خارجين من عند طبيبة ومبتاسمين وفيديهم لايكو دلبي بي كيشوفو فيه وفرحانين بلجنين ديالهم..تنهدات وهي كتشوف راسها جاية بحدها وليوم اتشوف لايكو دلبي بي ديالهاا ناضت وهي متمتم:كاع لايجييي
ودخلات عند طبيبة سلنات عليها وجلسات:كيف كتحسي دابة بداو علامات الحمل ياكي
عاىشة:بزاف دوهة وردة تهلكت
طبيبة بتاسنات:طبيعي داكشي اممم نشوفو لبي بي
عائشة بحماس:ااه
طبيبة:اجي معايا تكاي فوق لبياص هنا
هزات راسها باه وناضت حيدات لمونطو وتكات فوق البياص
طبيبة كتجد الالة وتشعلها:فين هو السي زعيم
عائشة عضات على شفايفها:خرجات ليه شي خدمة ضرورية
طبيبة:ماشي مشكل
علات ليها تريكو من فوق كرسها ودهنات ليها واحد لرودوي وحطات ليها واحد لعيبة فوق كرشها وبدات تحركها بشوية فوق كرشها كتقلب على لبي بي وعنيها على شاشة وعائشة مركزة معاعا تاهي
طبيبة بتاسنات وهي كتشوف فشاشة:يا سبحان الله
عائشة:اشنووو
طبيبة:مبرووك عليك عندك تواام جوج ديال لي بي بي
عائشة شهقات وهي كترمش بعنيها:واش بصااح
طبيبة:هانتي شووفي هاد جوج نقيطات كبيبرين شوية
عائشة كتهز راسها باه وتشوف فداك شاشة قلبها كيضرب فلمية طلعات معاها واحد تبوريشة واحساس فشكل تا نزلوو دموعهااا بتاسمات وسط دموعها وهمسات:ولادي هادوك
طبيبة كتشوف فيها وهي مبتاسمة:اه مبرووك عليك
غمضات عنيها كتبكي ماقدراتش تصبررر فين هو يجي يشوف ولادو تواام هدي هي لي كيقول ايحضر معاها فكلشيي..فهاد اللحضة تمناتو معاهااا ..بغات تشارك هاد الفرحة معااه ..حلات عنيها وشافت فشاشة وهي عاضة على شفايفها..سمعو لباب تحلات
طبيبة:هااا الاب جا
دورات وجها بزربة وهي كتشوفو داخل بلا ماتشعر بتاسمات فرحانة ومدات ليه يديها:يووسف اجيي
قرب وشد ليها فيديها زير عليها وهو كيشوف لفرحة فعنيها همسات ليه:حاملة بتواام ايوسف
بتاسم وهو كيشوف فشاشة بقة حاضي شحال داك جوج دويورات كيتحركوو رجع شاف فعائشة وتحنة باس ليها يديها:مبروك علينا
هزات راسها باه وهي كتمسح دموعها باش تشوف مزيان ماساخياااش
