داز الوقت وطاحت الضلمة
حلات عنيها لقات الضلمة .دغية شعلات الضو ماكاتستحملش الضلمة..بقات جالسة فبلاصتها كتسترجع داكشي لي وقع..حطات يديها على كرشها:ياربي لاكان ايعيش ليا ولدي ماتحرمنيش منو ياربي..ماتخلينيش نجرب نفس الاحساس مرة خرا..ياربي ماحفضلي ولادي وخليهم ليا ياربي نت لي قادر تعاوني ياربي
نزلو دموعها وهي كتدعي ..ناضت دخلات للحمام دوشات عليها وخرجات نشفات شعرها ولبسات بيجامتها..وخرجات لاطيراس كتستنشق لهوة بارد مخلط مع الريحة دلبحر ..حاطة يديها على كرشها وكتفكر
لتحت
نزل من الطوموبيل ..كيتمشى بخطوات تقال دخل لدار..وهي تلاقاه طاهرة:يوسف بغيت نهضر معاك
يوسف:الوليدة حيدي من طريقي.ماعنديش دماغ لهضرتك
طاهرة:اجي غير ندوي معاك
شداتو من يديه:سمعني
وسكتات فاش شمات ريحة دشراب :يوسف سكران
بعد يديه من يديها وطلع فالدروج وهمس ليها:يووسف عيان
بقات واقفة كتشوف مافاهمة والو .بغات تبعو وتعرف مالو وتراجعات غير اتكبر الموضوع
دخل للبيت مالقاهاش فوق النموسية :عائشة
مشا نيشان للاطيراس لقاها واقفة عطاه بالضهر وشعرها موراها كيطيرو ريح ..بقة كيقرب بشوية تاكان لاسق فضهرها..غمضات عنيها فاش حط يديه فوق يديها لي على كرشها..وغطس راسو فعنقها..بقة شحال هكا كيستنشق ريحتها..حتى كتسمع الهمس ديالو:شنو دنبو هو
نزلو دموعها:نت سباب
باسها تحت ودنيها بشوية :اي حاجة منك نتي بالضبط ماخاصش تآدى اعائشة..
دورها لجيهتو وشد راسها بين يديه:ولدي هدا لي فكرشك طرف مني تا انا..ماتحاوليش ديريها
وباسها على راسها
عائشة:ماتحرمنيش منو عفاك
هز راسو بلا ..ونزل يديه وخشاها تحت تيشرط وبدا كيحركها بشوية فوق كرشها:كون غير ديري عقلك اعائشة وتشوفي شحال من حاجة اتبدل ..هارون وآدم ايعيشو احسن عيشة .
عائشة:شكون آدم
يوسف:ولدي
نزلات عنيها ليديه لي على كرشها ونطقات بهمس:آدم
يوسف هز ليها راسها لاونفاص معاه:ديري عقلك اعائشة باش يسالي هادشي
بقات كتشوف فيه وفعنيه النايمين عرفاتو سكران نزلات عنيها:مابقيتش كنتيق فيك
تنهد وهزها حتى شهقات..ماقالت والو حطات يديها على كتافو ودخلو للبيت ..حطها فوق النموسية وتكة حداها غمض عنيه كان عيان حط يديه على كرشها ..ونعس بقات شحال كتشوف فيه تنهدات وناضت من حداه وهي توقف:عائشة
دورات وجها وهمسات ليه:نعام
يوسف بصوت عيان:رجعي
قربات زولات ليه صباطو ورجعات تكات حداه جرها قدامو كان ضهرها على صدرو دور يديه وحطها على كرشها ونعس..بقات شحال كتشوف فيديه على كرشها تا نعسات تاهي
جا نهار جديد
حل عنيه فاش حس بيها نايضة كتجري للحمام..ناض جالس ..نزل من فوق النموسية ووقف فاش شافها خارجة كتمسح وجها من لما وكتلهت..قرب لعندها وجرها لعندو وباسها على راسها..عارف الوحم شحال كيعدب ..مجرب مع نرجس فاش كانت حاملة بوليد..بعدات عليه ومشات تكات فبلاصتها ترجع فيها الروح ..دخل للحمام دوش وخرج لبس عليه شافها ناعسة..قرب لعندها وحرك اطراف صبعانو على شعرها :عائشة
حلات عنيها وشافت فيه:نعام
يوسف:نوضي تاكلي شي حاجة
ناضت حيت كان فيها الجوع
لبسات صندالتها..ونزلو ..كانو مجمعين فوق الطبلة..نرجس غير شافتو وملات ليها بقات حاضية ردة فعلو ماشافش تا لجيهتها عارفاه ماغايدوزهاش ليها..
طاهرة:بنتي كيف صبحتي
عائشة:الحمد الله اخالتي فين هو هارون
طاهرة:راه باقي ناعس
هزات راسها باه ..بقات كتشوف شغا تاكل ماعجباتها تاحاجة مالقاتش داكشي لي باغة..حطات يديها على حناكها ..ماعرفاتش علاش داكشي لي كيعجبها ماوجدوهش وفيها الجوع..ماحساتش براسها تانزلو دموعها..شاف فيها لقاها كتبكي حط:مالكي
عائشة:والوو
وكملات بكاها بصمت
حط كاسو دلقهوة ودار لجيهتها بكامل جسمو:عائشة قوليلي مالك واش كضرك شي حاجة
هزات راسها بلا
يوسف:حيدي يديك من وجهك وهضري شنو وااقع تاني
مسحات الدموع من عنيها ورجعو تاني نزلو عضات على شفايفها هي براسها ماعارفاش لاش كتبكي
يوسف:عائشة دوي ماتحمقينيش
همسات ليه:مالقيتش الماكلة لي كتعجبني
كلشي بقة غير كيشوف فيها على هدشي كتبكي
يوسف قوس حواجبو:من نيتك
عائشة:اه
طاهرة بتاسمات:شنو بغيتي ابنتي نوجدو ليك دابة
عائشة شافت فيها:بغيت نفس العصير لي كتشربو اكرام ولي كرييب بنوتيلا
طاهرة بقات كضحك وعيطات للخدامة توجد ليها هدشي لي بغات
طاهرة شافت فيوسف:هدشي عادي خاص تصبر..الوحم هو هدا
كلشي تصدم.دينيس ناضت عنقاتها وكتبارك ليها:وينووو على صغيورة اتجيب لينا تاني بي بي..مبروووك
عائشة:الله يبارك فيك
امونة باستها على خدها:مبروك عليك خاص تهلاي فراسك
عائشة:شكرا الله يبارك فيك
فاتي باستها تاهي:مبرووووك ..ماعرفتش كي كديري ليها
وسكتات :احم زعمة باقة صغيرة الله يفكك على خير
بقاو كيضحكو
ناصر:مبروك عليكم يتربة فعزكم ان شاء الله
عائشة :شكرا اعمي
حاسة براسها اتنفاجر ولعافية شاعلة فقلبها رمات الفورشيط بالجهد وطلعات كتجري للجناح ديالها كتبكي
رجع كل وامد لبلاقتو كيهضرو على البي بي الجديد
طاهرة بغات تبع نرجس وهو يحبسها يوسف:خليها
رجعات جلسات
جات الخدامة وحطات ليها الفطور..بتاسمات وبدات كتاكل وتي فرحانة..كتبنن بداك الماكلة ..سلات وزادوها تاني تا شبعات..هزات راسها لقاتو كيشوف فيها ..هز منديل ومسح ليها فمها كي شي بنيتة صغيرة
فاتي:قلبي الصغير لا يتحمل
دينيس:تجمعي ونتي تزلعتي
فاتي:سكتي خليني نتفرج
دينيس:ها عار الله ماقوليلي فوقاش تحركو ليك المشاعير
فاتي:ماشي سوقك كيعجبني نشوف ومانطبقش
دينيس:دايرة فيها عميقة
فاتي:ديها فراسك
دينيس:هنا
وكملو فطورهم
يوسف ناض وطلع للجناح دنرجس
حل لباب ودخل لقاها كتبكي
غير شافتو ناضت لعندو:يوسف..
يوسف:قلت ليك لبارح نجي مانلقاكش هنا
بلعات ريقها:قلت ليييك ماقصدتس بغيت غير نخلعها
يوسف:تخلعيها بولدي كون وقعات ليه شي حاجة
بقات ساكتة
يوسف:كنت انقتللك انرجس..
نرجس بصوت باكي:اش بغيتيني ندييير ..راه تنا بشااار ايوسف قلبي ماشي من التلج..راك راجلي ومن بعد شركاتني فيك وحدة خرا..خسرت ولدي وهي جابت ليك ولد وحاملة بتاني..راه العافية شاعلة فيااا ايوسف غنطرطق..خصوصا فاش كنتفكر الهضرة طبيب..صعيب باش نولي نحمل تاني ..كيف بغيتيني نحس ..تانا بغيت نجيب ليك ولد ..علاش غير هي علااااااش..حرام عليك ايووسف ..ماعندي تا بلاصة فخاطرك لهاد الداجة دغية بغيتي تخلة عليااا فأول غلط درت معاك فحياتي كاملة..مافكرتيش فيا وفداكشي لي كنحس بيه..دغية نسيتي كلشي وماعدرتينيش..اه غلطت ولكن ماكنتش قاااصدة ..انا مستحيل نقتل حتى حشرة عاد نقتل بي بي صغيير
بقة كيشوف فيها
نرجس:ماتخلاش عليا ايووسف عفاك..مابغيتش نخسر راجلي .لي من صغري وانا كنبغيه
قربات وشدات ليه فيديه:ماتحرمنيش منك ايووسف
باست ليه يديه:عفاك
تنهد:هدشي راه ايلا رجع تعاود غير شهدي على روحك هي لولا..ومرة خرا المشاكيل بينك وبينها مابقيتش بغيت نسمعها
هزات راسها باه وبتاسمات:كنواعدك ايووسف
يوسف:اتمشي تعتادري منها وديري نتي وياها شي حل
هزات راسها باه:واخة
يوسف:دابة
دخلات غسلات وجها ونزلات قلبات عليها عر فاتها فالجناح..دقات ودخلات لقاتها متكية فوق النموسية
عائشة غير شافتها ناضت جالسة:نتي شكا ديري هنا خرجي عليا
نرجس:جيت غير باش نعتادر منك
عائشة نزلات من فوق النموسية:مابغيتش نسمع والو خرجي علياا
نرجس:غير سمعيني عفااك انا ماكنتش قاصدة نأديه كنقسم ليك..الغيرة عماتلي العين وبغيت غير نخلعك نتي عارفة شحال عندي عزيز مستحيل نقتلو وربي جابو باش يعوضلي بلاصة وليد..هو كيبقة ولدك ولكن ولدي تانا..وانا كنواعدك عمري نأديه وداكشي ماغاديش يتعاود..سمحي ليا عفااك ،ديري راسك فبلاصتي
عائشة،بلعات ريقها فاش شافت دموعها:صافي الله يسامح مسحي دموعك
نرجس مسحات دموعها وشافت فيها:هدشي لي كان باغي يوسف ولكن عمرك تحلمي بيه اعائشة..نرجس دشحال هدا ماتت ..هههه واش من نيتك نعتادر ليك..وانا باغة نخرجك من حياتي انا وراجلي وولدي وليد ..وهدشي لي ايوقع طال زمان ولا قصار انخرجك من حياتنا
عائشة بقات غير كتشوف فيها
نرجس:ويحساب ليك لازدتي شي ولد اتشديه لا احبيبة..تا هاد الولد ايولي بسميتي وانولي انا ماماه..نتي هدشي لاش جبناك لهاد الدار اعائشة
عائشة:خرجييييي علياااا خرجييييي مابغييتش نشووفك..والله لا كانت لييك..خرجييي
نرجس سمعات لباب كتحل:عائشة عفاك ماتديش عليا ماعرفتش اش وقعلي واقلة بديت نحماق ..سمحيلي عفاك الله يخلييك ..سمحيلي
عائشة:خرجييي عمري نسمح ليك واش باغة تحمقيني خرجييي علياا
نرجس:عفاك سمحييلييي
سمعو صوتو:نرجس صافي خرجي
حنات راسها وقربات لعندو وهي كتمسح فدموعها همسات ليه بشوية:ماغانديش عليها حيت انا سباب من حقها تجري علياا عفاك خليها على راحتها..راها كتوحم والوحم صعيب
وخرجات..قرب عند عائشة كانت كتبكي:واعدني ايووسف ماتاخدليس ولدي تاهو
يوسف:لاش كتقولي هكا
عائشة شدات ليه فيديه:وااعدني. ولدي ايبقة بسميتي انا ماديرليش بحال هارون
زير ليها على يديها:ماكاينش هذا لي غيحرمك من ولدك
جلسات فوق النموسية كتبكي:ماغااانتيقش بيك كلكم كتكدبو علياا
جلس حداها:عائشة سكتييي من لبكة
عائشة بالبكة:كييف بغيتيني نسكت وولادي كيضيعو من يدي..ايوووسف ..خليني نهز ولادي ونمشي..عيش نت مع مراتك كيف بغيتي وبعدوو مني راكم اتقتلوني
جرها لعندو وغوت ليها فوجها:سكتييييييييييي ماتخلينيش نمد يدي عليك اعائشة
سكتات وهي كتشوف فيه بعنيها الدامعين..دفعها فوق النموسية وخرج
