💔الجزء 185💔
ناضت كتجري فاش طلعات ليها المعدة مشات لاقرب حمام وردات وكتحس بمصارنها كيتقطعو غسلات فمها وهي مزال كتبكي خرجات على صوت لغوات حتى كتشوفو جاي لجيهتها جرها من يديها وخرج هو وياها ركبها فطوموبيل وكسيرا بالجهد
كانت غير ساكتة وكتبكي وعنيها على طريق..شافتو ماغايدويش نطقات بصوت باكي:عفاك ماتديناش لدار انتخنق ايلا مشينا ليها
ماجاوبهاش..حطات يديها على يديه لي كيسوك بيها:يوسف انا ماغلطت فوالو واش كتسمعني هوما لي كيجبدوني ديما وراك كتشوف كنبقة ساكتة وكنرد لقلبي ولكن زادو فيه وقلت ليك ما انبقة نسكت لتاشي وحدة .واي واحد بغة يقلل مني والله مانسكت ليه
شافتو ماكايجاوبش سكتات ورجعات شافت فالطريق رتاحت فاش شافت ماشي طريق دار .مسافة الطريق وكانو حدا واحد الاوطيل
نطق بهدوء:نزلي
نزلات وهي كتشوف فالاوطيل جاي فنواحي دلمدينة علاش جاين لهنا وهو عندو كتر من دار ..دخلو استقبلوهم وكيرحبو بيهم هبط لعندو مول الاوطيل شخصيا فاش عرفو عندهم:مرحبا بالزعيم من حسن حضي هاد ليلة بايت هنا باش نتلاقاك
سلم عليه بحرارة وسلم على عائشة تاهي :تفضلو تجلسو
يوسف:لا عيانين بغينا غا رتاحو
بتاسم:واخة هي لولا
شاف فريسيبسيون:سويت غوايال vip كلشي يكون واجد فيه
ريسيبسيون:واخة اسيدي
دوزات رقم مولات ليطاج باش تكلف لي فام دشمبر يقادو سويت .وغير كيعرفو انهم من اوامر مول الاوطيل كيعرفو انه شي شخص مهم خاص كلشي يكون هو هداك..كانت كتدور عنيها على الاوطيل بحال شي قصر .الموضفين لابسين لباس موحد وكل لباس عليه رمز المهمة ديال مولاه وكلشي نقي كيبري تا من الارض تشوف فيها رايك بحال شي مراية..دورات وجها فاش سمعات صوتو
شاف فيهم:تفضلو تشربو شي حاجة علامن يكون كلشي واجد
يوسف يلاه ايجاوب ويعتادر منو وهي تقاطعو:عفاك جي دوغونج وكريب شكولا
يوسف شاف فيها عضات على شفايفها زعمة ماعندي ماندير..دخلو للكافي دلاوطيل وجلسو .كان كيهضر هو وياه يوسف كيجاوب على قد سؤال ومول الاوطيل كيدخل فموضوع ويدخل فلاخور..وعائشة كاس مور كاس دلعاصير
يوسف شافها صافي شبعات:نطلعو
هزات راسها باه وناض:تصبح على خير
رافقاتهم وحدة من الموضفات للسويت وعطاتهم لكارط
دخلو للشمبر
عجباتها بزاف اول مرة اتبات فشي اوطيل وداير بحال هكا..جات عنيها عليه كيشوف فيها عاد رجعات للواقع وداكشي لي كيتسناها:يوسف.
قاطعها:انا شنو قلت
عائشة:شنو
قرب لعندها:قلت ماغانخلي تا واحد ينزل بيك كون ماتصرعتيش كيف ديما بيدي كونت اناخد ليك حقك اعائشة
نزلو دموعها:ماغاتبردليش ايوسف انا لي شفت ناس كيف كانو كيشوفو فيا وسمعت اش قالو..فداك اللحضة كون صبت نقتلها.عفاك ماتزيدش تكمل عليا راه كنحس براسي اننفاجر هاد ليلة دازت عليا خايبة بزاف الله يخليك ايوسف غير هاد ليلة وصافي مابغيت نسمع والو
قربات وحطات يديها على صدرو:لا كانت عندي فقلبك ولو شوية ديال المعزة ماتكملش علياا عفاك
كان كيشوف فعنيها الدامعين كيترجاوه بشوفاتهم حس بيها ترخات شدها .كانت بين يديه وهي مازال كتشوف فيه همسات ليه:بغيت غير نرتاح ايوسف
هزها بين يديه حطها فوق النموسية بغة ينوض وهي تشدو من يديه:خليك معاية عفاك
تهزات شوية وحطات راسها على صدرو ومدات يديها هزات ليه يديه وحطاتها على كرشها:تا آدم تعصب بزاف ليوم
حسات بداتو ترخات مابقاش منفاعل ..ويديه بدات كتحرك بشوية على كرشها حتى كتحس بقبلة دافية وسط عنقها هزات راسها وشافت فيه:خالتي طاهرة مقلقة مني بزاف ياك هي كانت فرحانة ..اتكون كرهاتني ياك
باسها على راسها وهو كيشوف ديك البراءة لي فعنيها همس ليها:لا ماغاتكرهكش.مستحيل شي حد يكرهك اعائشة
عائشة:ولكن نت كتكرهني
شاف ليها فعنيها ونطق:باش عرفتيها
عائشة:باينة كون ماكنتيش كتكرهني ماغاديرش فيا كاع داكشي لي درتي.ماكاينش شي حد فالعلام يقدر ياخد طفل من مو ويسجلو باسم مرا خرا غير لا كان كيكرها ..
بقة كيشوف فيها وهي كتسناه يجاوب حتى كتشوفو نساحب من حداها:كتجبدي شي مواضيع ماشي وقتهم لا علاقة.مازال ماتعلمتي اعائشة
تكات وهي كتشوفو داخل لواحد صالة ..عنقات لخدية وهمسات:بالعكس تعلمت بزاف واهم حاجة عمري نتيق فيك
نرجعو لجيهة لوخرا
كانت هازة هارون بقات غير هي وسطهم تا عصام مشا معصب ونساها
طاهرة"سارة بنتي اريلي هارون نديه راه جاه نعاس وعية
سارة:لابغيتي نديه معايا غير رتاحي
طاهرة:لا ابنتي غا خليه يمشي معايا
مداتو ليها:عندك شكون ايوصلك
يلاه اتدوي وهي تسمع صوتو:دابة نوصلها انا غير سيري راه كيتسناوك
طاهرة:صافي ها حمزة ايوصلك ابنتي تصبحي على خير
سارة:تصبحي على خير
ومشات..بقات غير هي وحمزة شاف فيها وبتاسم:تفضلي
بتاسمات ليه تاهي وزادت قدامو كتمشة وهو تابعها ومبتاسم وعنيها على تفاصيل جسمها المتير ولحمر لايق عليه مع شعرها لكحل طويل ..حل ليها باب طموبيل ركبات ومشا ركب تاهو وديمارا:معاياش خصك تكوني فدار
شافت فساعة كانت 10ونص دليل :دابة علاش
حمزة:قلت نبدلو الجو
سارة:فين
حمزة:فداري
شافت فيه مصدومة:من نيتك
حمزة ضحك:ههههه غا كانضحك مالكي
سارة:وصلني عفاك لدار ولا خليني نشد تاكسي وقف هنا
شاف فيها هو مانوة فيها والو غا بغة يضحك معاها:سارة واش تقلقتي بصاح انا غا ضاحك معاك
سارة:كنعرف النوع ديالك مزيان كتجربو وايلا ماصدقاتش كتقلبوها ضحك
وقف طوموبيل فالجنب وشاف فيها:كنقسم ليك غير كنت كنضحك ..وهاحنا مشينا لدار شغا يوقع..انا ماشي حقير لهاد الدراجة .لا بغيت هدشي راه ماغانحتاش ندير هاد الفيلم نص مكالمو يكونو عشرة عندي
شافت فيه حسات بكلامو صادق:ماعرفت ماتبقاش تقولي عفاك اادار
بتاسم:واخة غا ماتقلقيش
وديمارا الطموبيل:نوصلك لدار ياك
سارة:فين كنتي باغينا نمشيو
حمزة:لواحد المطعم حيت شحفتيني وانا كنعيط وماكاتجاوبيش قلت هادي الفرصة
سارة بتاسمات:صافي واخة ولكن مافياش الجوع
حمزة:ماشي مشكل نشربو شي حاجة وصافي
هزات راسها باه ومشاو لواحد المطعم كلاس نزلو ودخلو جر ليها لكرسي جلسات .وجلس اونفاص معاها .طلبو شغا يشربو
حمزة:ايوا عاوديلي على راسك ملي جات الفرصة
سارة:علاش باغي تعرف شي حاجة على حياتي
حمزة بقة ساكت وهو ينطق:ماكانسولش فهادشي غير لاكان شي حد بغيتو يكون قريب ليا
سارة:بحالاش
حمزة:انا دوزت واحد التجربة فاشلة حب من طرف واحد ولكن ماشي مشكل حيت من بعد كتاشفت اني غير كنخربق حيت عمري عطيت فرصة لوحدة خرا .ومن نهار شفتك ماعرفتش حسيت بحاليلا كنعرفك من شحال هادي حيت نتي كتخلي لواحد يندامج معاك دغية وانا عيت من الوحدانية
سارة:كيفاش
حمزة بتاسم:يقدر هاد العلاقة طور لشي حاجة زوينة حيت مانكرش عجبتيني بزاف اسارة وشنو فيها لا عطينا فرصة لبعضياتنا
سارة بقلبها كيضرب بالجهد اول مرة شي حد ايهضر معاها بهاد الطريقة بحال شي وحدة غالية بزاف .ماشي بحال لوخرين كلشي كيشوف فيها غا وسيلة وجسد متير لتلبية الرغبات ..ماتكرهش تاهي تعيش بحالها بحال كاع ناس وحمزة الف وحدة تمناه..ولكن عصام فين هو فهدشي حب من طرف واحد وعمرو ايبغيها..هاهو حمزة تاهو عتارف ليها مر بتجربة فاشلة وحب من طرف واحد وبغة فرصة جديدة مع وحدا خرا علاش تاهي ماديرش بحالو..ولكن هي راه توسخات ..نزلات راسها فاش وصلات لهاد النقطة مشات بعيد بزاف
حمزة:مالك سكتي
سارة:والو غا كنفكر
حمزة:واش عندك فحياتك شي حد ..كاملين عندنا ماضي لي ماكايهمش
سارة تنهدات على ماضيها لي ماكايشرفش:ماعرفتش زربتي عليا
حمزة بتاسم:فكري وخودي راحتك
هزات راسها باه فهاد اللحضة بزاف دلافكار جاو فبالها من ضمنهم البكرة الاصطناعية شحال من وحدة دارتها وعاشت حياتها عادي مع راجلها..علاش تاهي لي ماديرهاش .فيقها صوتو:ماحسابليش هضرتي اتخليك تغيبي
بتاسمات:هه لا غير فاجأتيني وصافي
حمزة:عندك الوقت كامل باش تفكري..ودابة عاوديلي عليك
بلعات ريقها :انا يتيمة كنت عايشة فامريكا تربيت تماك فالخيرية من بعد رجعت للمغريب خدمت على راسي وتعرفت على زاهية وعائلتها ولينا قراب ونهار رحلو وتبدلاتت حياتهم مابغاونيش نبقة بوحدي وانا دابة عايشة مع زاهية
حمزة:مزيان شنو كنتي كتخدمي
سارة تنهدات :كنت خدامة امم خدامة فواحد المكتب سكريتيرة اه سكريتيرة
حمزة:اه وعلاش مابقيتيش فامريكا
مابغاتش تقولو طردوها بسباب الدعارة:لا ماعجبنيش لحال تماك وجيت للمغريب فين كانو عائلتي الله يرحمهم
حمزة:الله يرحمهم وتانا عتابريني واحد من عائلتك
بتاسمات:ضاروري
بقاو كيهضرو شحال..حتى كتهز عنيها فشي واحد كيشوف فيها ماعرفاتش فين شافتو ..حتى كتشوفو جاي قاصدها:هدي نتي يا نصابة المسخة
خرجات فيه عنيها عاد عرفاتو
حمزة وقف:شكا تخربق
شاف فيه:نت فيكتيم جديد غضحك عليك وتاخد ليك فلوسك كيف دارتلي..سهرنا انا وياها وباتت معايا وعطيتها لفلوس ودارت لي المنوم وزادت سرقاتلي كاع داكشي لي عندي ..رجعي ليا غا وراقي يا نصابة المسخة
بقات غير مصدومة تمنات الارض تبلعها
بغة يجرها وهو يدفعو تا طاح فالارض:ماتقيصهاش
تجمعو عليهم الناس
سارة هزات ساكها وخرجات كتجري ودموع فعنيها خلاتو كيعاود لناس على داكشي لي كانت كدير وشحال من واحد كانت الماضي لي هربات منو ايبقة تابعها حياتها كاملة عرفات راسها شحال غبية
شيرات للتاكسي وركبات دغية فاش سمعاتو كيعيط ليها هضرات بصوت باكي:تحرك عفااك دغية
طاكسي مشات طريق كاملة وهي كتبكي حتى كتسمع صوتو:فين ابنتي
عطاتو لعنوان وصلها لدار طلعات حلات لباب كانو ناعسين دخلات لبيتها وسدات عليها كتبكي .لي بحالها ماخاصوش يحلم بعيييد ..تستاهل حيت هي تيقات راسها بزاف وهي عارفة راسها ماعندها زهر ..بدلات حوايجها وتخشات فبلاصتها معنقة المخدة وكتبكي على حياتها
فجيهة لوخرا
يلاه ايدخل للجناح ديالو وهو يسمع صوتها:بدر
عرف طات نوبتو:نعام الواليدة
طاهرة:مازال مانسيت موضوعنا
بدر:عارف تانا ماناسيش ولكن عيان غدا نهضرو وغتعرفي كاع داكشي لي باغة
طاهرة:وفين هي البنت
بدر:فدارهم
هزات راسها باه:غدا ماغانتفاكش معاك اتجيبها لدار باش نتعرفو عليها ..وناصر طلعتو ليه القردة للراس كتعرفوه كيبقة ساكت ليكم ولكن غينفاجر فيكم غا تسناو.خاص يرجع غا يوسف
بدر:صافي الواليدة عارف دابة يمكن لي ندخل النعس
طاهرة:كتديوني على قد عقلي
بدر تنهد:وصافي قلنا غدا انهضرو
طاهرة وهي غادة:سير تنعس سير
بتاسم ودخل على مو لي عمرها اتبدل
دازت هاد ليلة وجا نهار جديد
بتاسم وهو كيشوف الصور فيديه دخل عندو واحد من رجالو واقف وقرب لعندو:هاد التصاور بغيتهم يكونو فير يوسف الزعيم سمعتيني فيديه هو
خدا البرية لي فيها تصاور:واخة اسيدي
جعفر:هو دابة راه فاوطيل... دابة هادشي يتنفد
هز راسو باه وخرج
جعفر:انشوف هاد العداوة بينك وبين ولد خالتك فين اتوصل
فالاوطيل
شاف فيها وهي ناعسة من لي نعسات لبارح ما رجعات فاقت ..ناض من حداها بهدوء وخرج للبالكون شعل كارو ودوز شي نمرة حتى كيسمع صوت الطرف التاني:شنو درتي
طرف التاني:غدا فصباح ايكون كيتسناك
هز راسو باه:مزيان ..وجدو كلشي مابقاش بزاف وغنديرو النقل للاسلحة
ط2:واخة ..جعفر لحد الان مازال كيبحت وباغي يوصل ليك ويعرفك شكون
يوسف:خليه يبحت حيت غيلقة راسو غرق وماكاينش شكون ايطلعو وايكون فات الفوت فاش ايعرفني شكون انا..المهم دير هدشي لي قلت ليك
وقطع ..ورجع دخل للشمبر لقاها فاقت وواقفة كتقلب شغا تلبس ملوية عليها ليزار لي كيطيح وترجع تهزو ..فاش نعسات حيد ليها لكومبليزو باش تنعس مرتاحة بقات غا بدو بياس
كيشوف جسمها المتناسق كلشي هو هداك .وبشرتها الخالية من اي عيب ..ما حس براسو تاكان مور ضهرها حط يديه على ضهرها وجرها من سميطات سوتيان تا لسقات فيه وهي زادت زيرات على ليزار عليها وهي كتحس بانفاسو على عنقها هبط يديه وهو غاطس ليها راسو وسط عنقها وشد ليزار بغة ينزلو وهي ترجع تجرو..دورها لجيهتو شافت فعنيه اارغبة لي ولات كتعرفها .قلبها ولا كيزدح وهي كتشوفو كيقرب لشفايفها يلاه ايبداو ينساجمو وهوما يسمعو الدقان تنهد ورجع اللور ومشا حل للباب كانت المضيفة بلعات ريقها وهي كتشوف صدرو لعاري وعضلاتو لبارزة تلفات:سمحلي انا.
قاطعها:شنو
مدات ليه البرية:هادي وصلات بسميتك
خداها منها ورجع دخل وسد لباب .بقات واقفة وكتنش على راسها:اربي طلعلي السخانة سعدات مراتووو
هو دخل حط لبرية ورجع مشا ليها نيشان بغات ترجع اللور وهو يجرها لعندو بغة ينزل ليها ليزار وهي تهمس ليه:لا يوسف
شاف فيها وعلا حاجبو بقات كتشوف فيه حتى رجع اللور هز فوطة ودخل للحمام وزدحو بالجهد تا قفزات..عضات على شفايفها وجلسات فوق النموسية:اووووف مالي عاود
حطات يديها على قلبها ماعرفاتش كيف دارت خرجات ليها من فمها وداكشي لي كتحس بيه عكس داكشي لي نطقاتو ..حاسة بلحرارة طالعة معاها مازال كتحس بانفاسو على عنقها ورطوبة شفايفو على شفايفها تنهدات كتحاول تقاوم الرغبة ديالها ولكن كانت قوة منها جسمها ونفسيتها كلشي باغيه تفكرات الهضرة دسارة تشدك هديك لي ماكاتعلمش..رجعات تنهدات نواها فشكل وغضب ناضت ماعارفاش راسها شغا دير شافت فباب لحمام وعضات على شفايفها مازال كتقاوم حتى كتلقة راسها غادة لجيهت لحمام حلات لباب ودخلات وسدات لباب موراها دار لجيهتها..بلعات ريقها وهي كتشوف فيه كيف عضلاتو وشعرو وجسمو المبللول عاطينو واحد الجادبية كتغلبها كان بالبوكسر مبين جسمو لعريض المتناسق..مابقاتش قادرة تصبر نزلات ليزار من جسمها شبه عاري وقربات لعندو حطات يديها على صدرو وهمسات ليه:ماعرفتش نعبر ايوسف..انا
قاطها وهو كيجرها لعندو تحت الدوش كينزل عليهم لما بجوج بتاسمات ودورات يديها مور عنقو كتشوف فعنيه وشوفاتو لي كيدوبوها
