❤عشق وهيام❤
وخرجات فاش حسات بدموعها ايخونوها شدات لباب موراه وخلات دموعها ينزلو هي لي ربطات راسها بيه واخة كان ديما كيردعهااا وهاهي دابة كتعانيي بوحدهااا كملات طريقها وخرجات من الشركة ركبات فطموبيل وبقات كتبكييي خاص تمشي من لهنااا وترجع لالمانيااا وتخوي راسها وقلبها منوو
لفووق
كان واقف وكيشوف فيها ساكتة وكتشوف فالارض بحاليلا ساهية كتفكر قرب تا لعندها وهضر:رتاحيتي دابة
عائشة شافت فيه :ماعرفتش
دوز اطراف صبعانو على وجها:كلشي عارفني شحال كنبغيك وكلشي عارف قيمتك عندي وكلشي عارف شنو ممكن ندير على قبلك اعائشة خاص تانتي دخلي هدشي لراسك وتعرفي انه يوسف الزعيم ليك بحدك وتنساي لماضي
حنات راسها :فكرة شي وحدة تاخدك مني ولا شي حاجة كتخليني نصعر وماكانعرفش شكا نقول
جرها وعنقها كيحس بيها شحال كترجف وكيف مزيرة ليه على تجاكيط ديالو:انا ديما معاك احياتي
تنهدات براحة وباستو على صدرو:الله يخليك لياا
يوسف:وليا تانا
بعد عليها:اجي جلسي رتاحي
كانت محتاجة تجلس حيت حسات بالسخفة ..جلسها ومشا عمر ليها كاس دلما شرباتو وجلس حداها حطات راسها على كتافو ..هز طليفونو ودوز شي نمرة تواني وجاوبو:سمعني اتمشي تشوف لينا فالاباغطومو ديالها شوف اش محتاجة ووصل معاها للمطار وماترجع تا تأكد راها ركبات صافي..
وقطع ورجع دوز نمرة خرا:الو بغيتك تحولي ليا مبلغ(...) لحساب لينا دابة
وقطع وهو كيتنهد باسها على راسها و نطق:عوناتي بزاف بديك ربع سنين هدا تعويض بسيط على داكشي لي دارت معايا
هزات راسها وشافت فيه:ايكون بقة فيها لحال
يوسف:غتنسا مع الوقت
هزات راسها باه وبقاو ساكتين مدة طويلة وهو كيلعب ليها فشعرها
ونطقات من بعد تردد:عيط ليها ابار داركشي لي وقع كتبقة واحد نهار دارت خير فالراجل لي كنبغي وولدي مافيها باس
بقة غير كيشوف فيها عارفها شحال مغيارة وماكايبغيش يحرق قلبها وهاد الخطوة لي دارت راه انجاز كبير هز يديها وباسها
خدات طليفونو ودوزات نمرتها ودارت هوت باغلوغ دقايق وجاوبات كان صوتها باين فيه لبكة:وي يوسف اازعيم
يوسف :جمعتي حوايجك
شافت فالشانطة لي حداها:اه بقالي غير نمشي
تنهد وسكت شحال عاد دوة:ماغانساش خيرك ووقوفك معايا اي حاجة حتاجيتيها مستقبلا هنا معاك مايردك غا لسانك وشكرا بزاف
بتاسمات وسط دموعها:عادي تستاهل والله يكمل ليك بالخير نت ومراتك
يوسف:اميين
لينا:عيطت ل خالتي طاهرة باش ندوز نسلم على هارون عاد نمشي ياك ماكاينش مشكل
يوسف:لا خدي راحتك
لينا:وصلني ميساج من لحساب ديالي خلصتي خديتها ماكانش عليك تحولي داك المبلغ كامل
يوسف:هداك المبلغ من حقك تقدري تبداي بيه مشروع خاص بيك وتبداي من جديد
تنهدات:ان شاء الله شكرا بزاف
يوسف:تستاهلي
لينا:يلاه نخليك بسلامة
يوسف:تهلاي فراسك
هزات راسها باه بحاليلا كيشوفها وقطعات عضات على شفايفها عنقات الطليفون صوتو مازال كيتردد فودنيها همسات:غادي
نساه حياتي ماغاتوقفش على راجل انا قوى من هدشي
بعد مرور تلات ايام
خارج المغرب
كانت واقفة حدا قسمها كتسنة علامن يجي الاستاد باش يبداو لقراية..دايرة ليكيت فودنيها وكتسنت للاغاني..هادي يوماين باش بدات لقراية مازال لحد الان ماتعرفات على تاشي حد اصلا ماباغة تعرف على تاشي واحد لابنات لا دراري..باقي ماولفات جاتها صعيبة تبعد على عائلتها كارهة هدشي كتمل وزيد قلبها لي مازال كيدرها مامخليش ليها لخاطر لشي حاجة..فكل حصة كتدخل ليها كيطلبو منها الاساتدة توقف وتعرف براسها كتكره هاد لعيبة ..تنهدات حتى كتحس بشي حد كيحرك يديه على كتافها دورات وجها وحيدات ليكيت وجاوبات بالانجلش:شنو
البنت (امريكية):من قبيلة وانا ندوي معاك ماجاوبتينيش
مريم:كنت دايرة ليكيت
البنت:اه عرفت
وبقات واقفة حداها..مريم بغات ترجع ليكيت لودنيها وهي تحبسها البنت:واش مابغيتيناش نتعرفو زعمة راحنا متشاركين نفس الشمبر وكنقراو فنفس القسم وكنشوفك ملي جيتي ونتي بوحدك
مريم :عادي كنبغي نبقة بحدي
لبنت ماداتهاس فهضرتها و مدات ليها يديها بابتسامة:المهم انا كارلا بغيت نولي صاحبتك
مريم بقات كتشوف فيها شحال ملي جات وهي كتحاوا تقرب منها وهي كتبعد تنهدات عاد مدات يديها وسلمات عليها:متشرفين كنضن كتعرفيني بكترة ما فكل حصة كنعرف براسي
كارلا:هههههههه اي مريم.. 17لعام مغربية وجيتي تكملي قرايتك هنا فامريكا علوم فزيائية
مريم بتاسمات:تماماا
جا الاستاد
كارلا:يلاه ندخلو
دخلو للقسم ..مريم شدات بلاصتها وجلسات شوية وهي تشوف كارلا جايبة ساكها وجلسات حداها
مريم دورات وجها:وصاحبتك
كارلا:ماعندي ماندير بالمنافقين وصحاب حاجتهم من اليوم نتي هي صاحبتي ياك ماعندك تاشي مشكل
مريم هزات كتافها وهي كتجبد دفتارها:لا مرحبا
سكتو فاش سمعو صوت الاستاد ايبدا يشرح..تبعوو معاه
دازت سعتاين خرجو وقت لغدا..دخلو للريسطو الخاص بالمدراسة خداو لبلا ديالهم وجلسو فبلاصتهم ياكلو..مريم ساكتة وكارلا غا كتدوي مريم دماغها خدام فجيهة خراا ايكونو دابة كيوجدو للعرس تنهدات فاش تسدات ليها شاهية من هاد الافكار مشا بالها شحال ايكونو فرحانين وهي هنا بحدها كتقاتل باش تنساه..سمعات صوت كارلا:ياك لاباس مالكي مالاميح دوجهك دغية تبدلو
مريم هزات كاس دلما وشربات منو:لا والو
بمجرد ماكايجي لبالها حالها كيتقلب وقلبها كيتزمت
كارلا :امم هدشي عندو علاقة بيحيى
مريم شهقات وشافت فيها مصدومة:كيفاش
كارلا:ملي جيتي فكل ليلة فاش كتنعسي كتجبدي سميتو وتقولي شي حوايج مافهمتهمش حيت بالمغربية وزيد تصويرتو لي عندك فالدفتار راني شفتها قوليلي شكون يحيى واش بيناتكم شي قصة حب
مريم وقفات معصبة:مادخليش فشي حاجة ماشي سوقك فيهاا سمعتيني وبعدي مني
ومشات كتجري خلات كلشي كيشوف فيها مافاهمين والو دخلات للحمام وسدات عليها وهي كلها كترجف
كارلا مازالة مصدومة وكترمش بعنيها عرفات انه شي حاجة كبيرة هادي وقفات وتبعاتها للحمام وبدات كدق باش تحل ليها:سمحيلي ماقصدتش ندخل فداكشي لي خاص بيك انا هكا كنبقة غا كنهضر ماتقلقيش مني عفاك
مريم حاطة راسها على الحيط وكتشوف فجيهة وحدة جامعة يديها على شكل بوكس وكلها كترجف
كارلا:حلي عفاك وسمحيلي ميري حلي بديت كنخاف واش واقعة ليك شي حاجة
بدات كتحاول تدفع لباب:ميري خلعتينيي جاوبيني
مريم تنهدات بصوت مرتافع وقدات شعرها وحلات لباب:ما واقعلي والو
كارلا شدات ليها فيديها:سمحيلي ماقصدتش وعمري نعاود نتدخل فخصوصياتك
مريم:صافي ماشي مشكل نساي
كارلا عنقاتها:خفت تبقاي ديما مقلقة منيي امم اجي نخرجوو شوية واتبدا ااحصة
خرجو ومشاو للقسم تاني يكملو قرايتهم وبالها هي باقي مشغول
