فالجيهة لوخرا
نزل هو وياه من طموبيل
مهدي كيمسح صباطو:على الله يكونو فعائلتكم تيتيز
عصام:بحالي بحالك ماعرفتش اش كاين زيد ندخلو اه تعطلنا
مهدي:هاي هاي عساوة
عصام:هههه وياه
مهدي بدا كيسفق بيديه:هدشي زوين
دخلو وهوما كيضحكو
مهدي:دارولك سبوع اولدي شكون بحالك نخاف يعاودولك لختانة ههههههه
عصام ضربو على كتافو:هدشي لي بقة
مهدي مطلعها عليه:ههههه هدشي لي بانلي تختن على كبرك هههه عصام عصام شوف طوير لفوق ههه
عصام بقة كيضحك:ههههه زمل عليك ضامير فهاد ليل
مهدي:هههه اغا لمعزة
جات لعندهم ليلى وهي فرحانة:على سلامة اولدي
سلمات عليه بالوجه وجراتو من يديه:اجييي
داتو معاها
بقة مهدي واقف:شحال زوين تكون عندك عائلة..امم دابة شغا دير أمهدي شغا دير شوف ليك شي زعرة
خدا كاس ومشا كيدور حتى كتبان ليه وحدة واقفة بوحدها حمقاتو ماحس براسو تاكان واقف حداها:قبل ندخل فالموضوع قوليلي واش نتي سرباية هنا
خنزرات فيه:سربااية شكا تخربق
مهدي:وغا سولناك
مارضاتش:انا راه اكرام الزعيم قلاك سرباية
مهدي :صافي تهدني غا ضاحك واخة ماعرفتش شكون المهم معاك مهدي البوكسور بطل لعالم
اكرام عاد عرفاتو ببرودة:هدا نت
مهدي:ومالك كتقوليها هكا.
اكرام:والو
مهدي كيطلعها ويهبطها زعيعرة ولعوينات زورق ولبيوضة داكشي لي كيعجبو حلف لا تفاك معاها:فخبارك جا معاك لحمر
اكرام:لكرونة ماشي لحمر
مهدي:قمعة زوينة هادي
اكرام:كنصحح ليك
مهدي:اجي نتي شتك شوية وضربيني ياك لاباس جينا غا نتحتو معاك شفتك من لبعيد زوينة كيشي نجيمة مضوية اتكوني ضريفة ساعة نتي غطيري غا بوحدك بردي بردي عطا الله لبنات بحالك وحسن منك كاع فين تباني نتي قدامهم عندهم لماطريال ديال بصاح عطيتك وقت واخة ماعندكش داكشي صحيح
اكرام خرجات فيه عنيها:كييييفاااش
مهدي كيقلدها:كييفاش..كيسمعتيي سيري شوفي راسك فلمراية قصبة واقفة فيك غا لعنين
اكرام دموع تغرغرو فعنيها:والله تانقولها لبابيي كيفاش تجرأتييي وقلتي هدشي
مهدي مازال كيقلدها:والله تانقولها لبابي .اسيري جمعي راسك
