الجزء 137💔
فالجيهة لوخرا
كانت جالسة فالدروج وكتشوف فمها وباها جالسين فصالة ليلى كل شوية كتعيط تسول وعماد كيعيط ليه ماكايجاوبش..كانت مصدومة بزاف جامعة رجليها لعندها وكتشوف فيهم والدموع محجرين فعنيها فاش رجعات لدار عاودو ليها كلشي .مازال مامتيقة ان عصام خوها
عماد شاف فيها ومشا جلس حداها فدريجة:بنتي مالكي غير ساكتة
فاتي هزات كتافها:والو
عنقها:بلاصتك أتبقة كيف ما هي ماغابتبدل والو
هزات راسها باه
باسها على راسها:دابة خاص نفرحو حيت أترجع الفرحة لهاد الدار عيولي عندك خوك
فاتي هزات راسها تاني باه
عماد ناض جلس حدا ليلى
ليلى:عنداك تكون وقعات ليه شي حاجة
عماد:لا الله يتسر ماغايكون واقع والو
صونا طليفون غي شافت النمرة دالزاهية جاوبات:ألو ..ياك هو بيخير.صافي واخة..عفاك لا جا لدار ولا شي حاجة قوليلي..شكرا..بزاف
وقطعات:راه بيخير خاصو غير يفكر
عماد:اه خليه
ليلى شافت ففاتي كيف كتشوف فيهم بتاسمات ليها:بنتيي..صافي لقينا خوك
فاتي ناضت:انا ماشي بنتك
وطلعات كتجري لبيتها شدات عليها
عماد:خليها على راحتها
دازو يوماين
نتاشر خبر انه عصام هو تاجدين ليلى ماخلات لمن قالتها بالفرحة
ليلى:ملي غيرجع ولديي انديير ليه حفلة كبيرة انحتافل بولدي انخلي كلشي يعرف شكون هو تاجدين .لي كانو كيقولو عليا حماقيت ولدي ماغايرجعش غيندمو .حيت قلب الام ماكايخيبش وربي ماخيبنيش الحمد الله
الطاهرة:اووف على راحة الحمد الله ياربي
ليلى كضحك :عرفتي غندير ليه شي حاجة مادايراش واخة نعرف نجيب ليه الشيخات لي عماد كيحماق عليهم وانا كنغير عليه منهم نجيبهم ماشي مشكل
طاهرة:هههه حمقة
ليلى:غير خلي ولدي يجي وتشوفي هههه
طاهرة بتاسمات شحال ماشافت ختها هكا
سمعو الجرس حلات الخدامة لباب وجات لعندهم:لالة ليلى هادو مصميمين الديكور لي طلبتي
ليلى ناضت:اه على ود بيت ولدي
ستقبلاتهم ودخلاتهم:طاهرة سمحيلي اختي نطلع نشوف معاهم ونرجع
طاهرة:خودي راحتك
