أسقطته في شباكها فعذبها حتى آذاب فؤاذها

بارت 18

الجزء 62💕

ديماراا الموطور بالجهد ومشاا طاير والزاهية كتغو ت وتعيط لوو..كان كيسوك والدموع فعنيه زاد فالسرعة تا لتالي باغي يكون غير كيحلم مايمكنش الناس لعزاز يديرو فيه هكاا شهق فاش شاف طوموبيل جاية اونفاص معاه مانتابهش ليها ماقدرش يتحكم فلموطور زلق بيه وتزدح مع الارض قبل يوصل لطوموبيل بقة غادي ساحت بيه تا تزدح مع الحيط..

بصعوبة باش وقفات بيهم الطموبيل نزلو كيطيرو مشاو عندو تحناو وقلبوه لعندهم:عصاااام

علي مصدوم:هدا عصام

عماد بقة كيقيص النبض ديالو :خاص نهزوه لصبيطار

مهدي كان جاي كيجري مشا عندهم وتحنى عند صاحبو:عمااااد اش وقع ليه عماد فيق

علي:خاص نديوه لطبيب

هزوه وداروه فالطموبيل نيشان لأقرب مستشفى كاينة تماك .جابو لبياص دخلوه نيشان لغ فة المستعجلات

عماد:عييت نكلاكصوني ولكن ماسمعش حت لاخير لحضة

مهدي:كان معصب عندو شي مشاكيل

علي:غيكون بيخير ان شاء الله

تسمع شي طليفون كيصوني

مهدي:هدا ديال عصام

جاوب كانت الزاهية كتبكي:الو ولدي قالولي درتي شي كصيدة مافهمت والو راني مخلوعة اولدي خليني نشوفك الله يخليك

مهدي:الوليدة انا راه صاحبو مهدي ماتخافيش عصام بيخير غير تقصح شوية وصافي

الزاهية:بغيت نجي نشوفو اولدي فينكم

مهدي:غي خليك من الاحسن ماتجيش انا غنرد عليك باش ماكان ماتخافيش راه بيخير

الزاهية:خلي طليفون حداك الله يخليك اولدي

مهدي:واخة

وقطع ملي شاف الطبيب خارج

الطبيب:الحمد الله غا ااصابة عادية داويناها وهو شوية دابة يفيق

كلشي حمد الله

مهدي دور وجهو فاش شاف حياة وعائلة زكريا داخلين دخلو للغرفة لي حداهم

قرب وطل شاف زكريا تماك ناعس بقة كيتصنت عرف انهم ديكلاراو بعصام بتهمة محاولة قتل ولبوليس جايين عرفو راه هنا

مشا عند عماد:خاص نخرجو عصام من لهنا لبوليس غيجيو يديوه

عماد:كيفاش

مهدي:عصام دابز هو وشي حد ودابة لبوليس جايين وهو يلاه خرج من الحبس عاطيينو عام سورتي ماخاص يدير فيها تاشي منتف دابة لا تشد غيدخل يكمل العام

علي:لا حول ولا قوة الا بالله علي سير قرب الطموبيل لهنا

علي خرج يقرب الطموبيل لباب المستشفى

ومهدي وعماد دخلو لعند عصام لقاوه يلاه كيحل عنيه

مهدي زرب عليه:نوض اصاحبي تهز البوليس جايين

عصام باقي مامستوعب والو شاف فيه:اش واقع

مهدي كيمد ليه تيشيرط ديالو:لبس زكريا ديكلارا بيك البوليس جايين ودابة تهز

عصام شاف فعماد مافاهم والو

عماد:من بعد واتفهم دابة نوض

عاونوه لبس وخرجو .عصام كان غادي بشوية باقي راسو كيضرو حتى كيشوفها خارجة من الغرفة دزكريا ضربو الضو ما حسش براسو حتى مشا شنق عليها لسقها مع الحيط وزير عليها:طلعتي بنت القحبة ضحكتي عليا وغدرتيني مع عدويا احياة عدويا ونتي عارفة كلشي

حياة :عصام رخي مني

مهدي جا كيفكها:رخي منها اصاحبي هادي غا مونتيف خلي ديل دمها تمشي عند لكيدار زيد بحالنا

عصام بعد مهدي وشدها من دراعها:علاش درتي فيا هكا شنو درت ليك ياك بغيتك بواحد الحب عمر شي ولد لمرة يبغيك بحالو درتك فعنيا ولي بغيتيها كنديرها علاش درتي فيا هكااا

حياة تنترات منو:عصام انا وياك سالينا شحال من مرة بغيت نقولك هدشي ونت كتكون ديما مشغول مرة مك مرة ختك مرة جداك طلعلي هدشي فراسي ها حنا تزوجنا كي غنعيش معاك وسط عائلتك اتصرف عليا ولا عليهم انا ماباغاش هاد العيشة ماباغاش نتكرفص الله يسهل عبيك بشي بنت الناس لي تستاهلك وتستاهلها تانت ولد الناس انا دابة وليت ديال واحد اخور لي بسبابك هو دابة فسبيطار وراه ماغايدوزهالكش اعصام

عصام هز يديه تا لسما وجمع معاها بصقلة لوجه تا دار راسها:هداك الزامل لي لداخل نزطم عليه ونتبعك بيه ندفنك نتي وياه ومزال الزمان يلاقينا احياة مزال دور ليام وتوقفي عليا حيت عمرك اتلقاي بحال عصام داك ساع كنقسم ليك غنزطم عليك ونمشي

حياة شادة فحنكها:هدشي لا ماتشديتش فالحبس اشلاهبي لبوليس جاين يهزوك وانا لي غنتشفة فيك

عصام بزق عليها على وجها:موسخة

مهدي جرو هو عماد وخرجوه بالسيف وهو كيغوت لقاو علي بالطوموبيل ركبو وكسيراو

عصام:كوون خليتوني نفرشخ مها هي وياه

مهدي:واش باغي دوز حياتك فالحباسات

عصام سكت وهو كيغلي حاس براسو هاز جبل على قدو فوق ضهرو وقلبو كيضرو بزاف

علي:فين انمشيو

عماد:انمشيو لعندي لدار علامن نشوف شي حل مع البوليس غدا

عصام:سي عماد غير بلاش نزلنا هنا عطا الله فين نمشيو

عماد وهو سايك:ماعندك فين تمشي داري مأمأمنة بعدة وغدا نديرو الحل

عصام بغة يهضر وهو يقاطعو عماد:ماكاتحتارمش لي كبر منك ولا شنو

عصام:لا حاشة

سكت ورجع راسو اللور كيضرو بزاف غمض عنيه حتى كيسمع شي صوت كيفيقو ماعرفش كي دار نعس حل عنيه

مهدي:وصلنا