💔الجزء 79💔
جا نهار جديد
كانت جالسة فلبيت والزاهية حداها كتجمع ليها حوايجها
الزاهية:صافي كلشي مجموع من اااحسن تسافري فليل .ليل سترة ماشافك حد
تنهدات وهزات راسها باه
الزاهية:ايوا معاياش هاد.الحفلة عندك
عائشة:دابة شوية .اصلا مامخلطاش غا لبنات وصافي
الزاهية:حسن وشغا تلبسي
عائشة:مشيت انا وسارة لواحد لبوتيك خدينا واحد لبيسة غنلبسها وصافي
الزاهية:مزيان وانوضي وجدي راسك باش تمشي وتجي بحالك ترتاحي
عائشة:واخة نوض ندوش بعدة
ناضت دخلات لدوش وخرجات وهي سخفانة ولات كتعية بزاف جلسات فوق النموسية ماقدراتش تنشف حتى شعرها الزاهية ناضت هزات فوطة وبدات كتنشف ليها فشعرها:تلت شهور لولا كيكون لوحم صعيب
عائشة بقات ساكتة ماكاتبغيش تهضر فهاد الموضوع .اازاهية خدات سوشوار وبدات كتنشف ليها مزيان فشعرها حتى سرحاتو ليها
عائشة:صافي دابة وليت مزيان
الزاهية:نمشي انا نقضي شغالي
خرجات وشدات لباب..عائشة ناضت خدات ساشية وجبدات داكشي لي شرات وحطتهم فوق النموسية ووقفات حدا لمراية كتصيب فوجها مكياج خفيف مع عكار حمر مناسب لداكشي لي غتلبس جبدات لبابيليز بوكلات لتحتاني ديال شعرها عاد لبسات عليها ووقفات كتشوف راسها فلمراية عجبها راسها سمعات طليفونها كيصوني جاوبات كانت دينيس:فينك اصاحبتي
عائشة:صافي هنا جاية راني واجدة
هزات واحد لعباية طويلة لبساتها وتحنات لبسات الكعب العالي ديالها .واخة لعباية واسعة عليها جات معاها هزات ساكها وهبطات:ماما هانا غادة
الزاهية خرجات من الكوزينة :تسناي نوصل معاك لطاكسي
عائشةعائشة:واخة
لبسات جلابتها وخرجات معاها بقاو كيتمشاو حتى لقاو طاكسي ركبات من بعد ما وصاتها مها باش ترد بالها مزيان مسافة طريق وكانت حدا لباب حل ليها واحد من الحرس الباب بتاسمات ليه ونزلات دقات وحلات ليها الخدامة الباب:فين هوما لبنات
الخدامة:راهم فصالة لي من جيهة لوخرا اري عليك العباية
هزات راسها باه وحيدات لعباية ومداتها ليها:شكرا
ودخلات مشات نيشان عند لبنات لقاتهم محيحين شطيح ورديح تجمعو غا ناجحين بتاسمات وهي كتشوف دينيس جاية عندها كتجري حتى عنقاتها:مبروووك علينا
عائشة:واخيرا
دينيس كتشوف فيها:اياااه هدشي سيكسيييي
عائشة:مانكونش بحالك
