الخدامة:واخة
ومشات
بقات واقفة كتمسح فعنيهاا وتبت فراسها ولكن داك لقلب ماناويش يتبت حطات يديها عليه:صاافييي واش ماكاتفهمش راه مشااا لعند هاديك لي ماكاتسمااش ايباتو فدار وحدة
وسكتات وهي كتنهد حتى كتسمع لباب كتحل دورات وجهااا كان هوو تصدمات هدا شكا يدير سد لباب وشاف فيها وفعنيها دامعين قرب لعندها وهي واقفة ماتحركاتش تا وقف اونفاص معاها هز يديه ومسح على خدها بشوية:قوليها اعائشة مالك معكسة
نزلات راسها:لاش جاي
يوسف رجع هز ليها راسها:قوليلي بقة ماتمشيش من حقك اعائشة هاد ااراجل لي حداك ديالك
بقات غير كتشوف فيه وفكلاموو لي غريب عليها مامولفاش بييه
هز راسو باه وهو مراقب عويناتها كيقرا افكارها:تاوحدة مامحقها نكون معاها من غيرك سمعتينييي
بلعات ريقها وهو كمل كلامو:مشكلتك كنقرا عنيك اعائشة لا مانطقهاش لسانك راه عنيييك كيقولوها..كيقولولي ماتمشيش وانا مستحييل نمشي ونحنت عنييك
نزلات عنيييها باغة تبعد ولكن شدها:علاش ديما كتهربي منيي انا كنزيد ونتي كتبعديي علاش كطولي علينا طريق وهي قصيرة بكلمة منك كلشي يتصلح ويولي مزيان
عائشة مازال منزلة عنيها همسات ليه:رخي مني ايووسف الله يخليييك
زاد جرها لعندو وهو كيرفع ليها راسو لعندو:مازال كنتسنة اعائشة يا تقرري يانفد ماتخليش هدشي يطوال راني مصبر راسي بالسيف اعائشة
عائشة حاسة بلحرارة طالعة معاها لا مابعداتش دابة اتصدق دايرة شي حاجة ماتماش بعدات يديه من يدها ورجعات اللور وهي كتمسح على عنقها ..بقات راجعة باللور عاد علات راسها وشافت فييه من هدشي كامل حاجة وحدة مايمشيش يبات فدارو ولوخرااا تماااك نطقات قبل تكمل طريقها لبيتها:بيت ضياف حدا بيت دراري
ومشات دغية قبل تقول شي حاجة ماتماش دخلات لبيتها وسدات لباب كتنهد من لقلب بدلات عليها لبسان سوميج بيضة خفيفة وخدمات تدفئة شربات دواها وتلاخت فوق النموسية كتفكر فهدشي لي بصاح طول وكتزيد غا تعقد الامور ولكن وتنهدااات عيات من تفكيير غمضات عنيها فاش بدا مفعول دوة يخدم خاص تنعس وفعلا داتها عنيها ونعسات ..بتاسم وهو كيمسح على راسو حيد مونطوه وهو كيدور عنيه على دار سمع ميساج وصلو خرج طليفونو من جيبوو كان ميساج من لينا:تعطلتي ماغاتجيش تنعس
تنهد ماجاوبهاش ومشا للبالكون كان تماااك خاص يكميي ضاروري شعل واحد وبدا كيكمي وتفكير كيديه وتفكير كيجيبو تا سلا اللول وزاد تانييي سلاه وطفااه بقة شحال وهو يدخل عيا وجاه نعاس تم غادي جيهة بيت ضياف وهو يحبس عند بيتها بغة يشوفها قبل تنعس حل لباب بشوية ودخل وقف قريب ليها وهو كيشوفها ناعسة بهدوء وشعرها مزلع مورااها وداك سوميج ماساترة والو طالعة على فخادهااا مبينة جسمهااا تنهد وهو حابس راسو لا يتهور ويديرها وعارف انه مستحيل تقاومو ولكن ماشي وقتوو رجع باللور مقاتل مع الرغبة ديالو كيبقة راجل وهدي لي قدامو مراتوو حل لباب وخرج كل حاجة كتجي فالوقت المناسب دخل لبيت ضياف حيد صباطو وتلاح نعس تاهو
جا نهار جديد
فاقت كتكسل ليوم الحد ماكاتخدمش بقات شحال فبلاصتهاا عاد تفكرات راه بايت عندها فدتر..ناصت دخلات لحمام دوشات وخرجات نشفات شعرها ولبسات عليهاا...خرجات كتقلب عليهوفصالة عارفاه من النوع لي كيفيق بكري مالقاتوش مشاتولبيت صياف حلات لباب بشوية مالقاتو تنهدات مشاا..مشات للكوزينة لقات لخدامة وجداتولفطور جلسات باش تفطر وتشرب دواها
الخدامة:السي زعيم فاق وشرب قهوتو ومشا
هزات راسها باه وهي كتاكل..سلات شربات دواها ومشات تكات فصالة كتفرج ليوم ادوزو غا فداار ماعندها كانة لوالو شعلات تلفازة لقناة سبايستون وبدات كتفرج ويديها على كرشها كتحركها فوقها بشوية
داااز الوقت تا كتسمع صوت الجرس
حلات لخدامة لباب كانت مريم ناضت حالسة وهي مبتاسمة:مرياامتي
مريم تلاخت عليها عنقاتها:ختيي توحشتك
عائشة:تانااا اختي جلسييي
جلسات حداها:مابقيتيش تجي لعندنا مالكي اختي ياك لاباس قلت نجي نشوفك
عائشة:غير مع لخدمة ولعية
مريم:ااه ايوا لاباس عليك
عائشة:الحمد الله مزيان ملي جيتي تونسيني
مريم:فين هوما دراري
عائشة:مشاو لدار الزعيم
مريم:اه مزيان
عائشة:ايوا شكا تعاودي كي غادة مع لقراية
مريم:الحمد الله كلشي مزيان
عائشة:ايوا مزيان تشربي شي حاجة
مريم:لا اختي مابغيت والووو
عائشة:شكا تعااودي وجهك منور
مريم اصلا جاية تعاود لختها علييه وصافي:والوو
عائشة:غاا دوي باينة فعنيك باغة تقولي شي حاجة
مريم:صراحة كاين الجديد
عائشة:دوي دوي هاني كنسمع
مريم:اممم شوفي خلي هدشي بيناتنا كنعرفك فاش كينزل عليك الحنان نتي وماما وتبداي تعاودي ليها
عائشة:وااا لا والله مانقول
مريم:حلفييي
عائشة:والله العضييييم
مريم:واااخة اختي صراحة واقلة انا وليت كنحب
عائشة شهقات:اويييلييي
مريم:بشووية .
عائشة:واش من نيتك يا لبقة لبرهووشة
مريم:راه عندي 17لعااام فهاد السن كنتي والدة هارون ومزوجة
عائشة :ايه ايه شكون هداا واش كيقرا معاك
مريم:ايوا صافي هدشي لي بقالي غا لبراهش لي يقراو معايا
عائشة:وشكون بسلامة الالة هدااا
مريم جبدات طليفونها ووراتها تصويرة:هداا يحيى صاحب يوسف راجلك
عائشة بقات كتشوف فيه عرفاتو كتشوفو فالجرائد رجعات شافت فختها:من نييييتك لا نتي تسطيتي من المزيان سيد كبير علييك عندو 33عااام اجيي وهو شكا يقول فهدشي
مريم:اولا ماكايهمنيش العمر انا بغيتو هو قلبي بغاه هكاك تانيا هو ماعارف والوو اختيي ماعرفتش شغا نديير
عائشة:مريم هدشي لي كديري مازوينش بصرااحة نتي باقة صغيرة وماتقارنيش راسك بيا اوكي سيد ماجايبش ليك لخبار ماعرفتيه مزوج ولا خاطب ولا كيحب اش دخلك لهاد المعمااعة دوييي اصاحبتيي خوي راسك من هاد تخربيق راه غا مراهقة وغدوز
مريم:انا كنبغيييه والله وانا بحت عليه هو مامزوج ماخاطب ماكيحب ماعندو تاشي وحدة فحياتو يعني عندي امال اختي ياكي تانا زويينة يقدر يبغينيي ماعرفتش ولكن حاولت نحيدو من بالي وماقدرتش تصوري كنمشي لدارو ونبقة حاضياه ولا كنمشي للشريكة حتى كنشوفو دخل عاد كنمشييي وليت كنعيط ليه بلبريفي غير باش نسمع صوتو تصوريي..هدشي ماشي مراهقة هادشي راه كتر كنبغيه اعائشة والله كنحس بيه فقلبييي ونهار كامل كيدوزليي كنفكر فيه ولا مراقباه من لبعيد هدشي راه بزاف انا وليت مهووسة بيه
عائشة كتشوف فيها وهي مصدومة
مريم:ختيي عاونيني باش نتقرب منو ويولي يبغينييي هو صاحب يوسف ديري شي حاجة الله يخليييك عرضيه لعندك نتي ويوسف وخليني نجي نشوفوو
كانت كتهضر وكلها كترجف
عائشة شدات ليها فيديها كتشوف ختها كتهضر وكترجف باغة شي حد يفهمهااا كتهضر من قلبها:مريم تهدني وشوفي فياا
مريم بلعات ريقها:هنااا اختي
عائشة زيرات ليها على يديها:سمعيني نتي باقة صغيرة مازال دنيا قدامك مزال تلاقاي ناس فحياتك مازال يتبدل تفكيرك وشخصيتك مازال يتبدل رأيك هاد يحيى لا كان مكتاب ليك راه واخة يوقع لي يوقع غيكون ليك و ايلا كان مامكتابش ليك واخة نعاونك ونجمعك بيه واخة ديري لي درتي ماغايكونش ليك ديري هدشي فباالك وماتعطيش امال لراسك اختي ماتبقايش عايشة على فكرة ايكون ليييك وكتبغييه فكري حتى فانه يقدر مايكونش ليك فهمتي ديري جميع الاحتمالات فراسك وماعمرك تعيشي على فكرة وحدة وتبني عليها امال .. وماتزيديش تربطي راسك بيه كتر حيت باقة صغيرة على الحب..الحب صعيب اختي بزااف
مريم :ولكن..
قتطعتها:ركزي فكلامي امريم وديها فراسك وفقرايتك ويحيى كيف قلت لا ربي بغاه ليك راه ديالك بلا ماتعدبي ولا مابغاهش ليك راه ماشي ديالك فكري تا فهادي
مريم:واخة اختي..ولكن ندير محاولة بعدة ونشوف ردة فعلوو ونكون عندو فصورة ويعرف انه كاينة شي وحدة كتفكر فيه ..وايلا مابغانيش نكون بعدة عارفة ونحاول ننساه ماشي كنتسناه فهمتيني
عائشة تنهدات حاسة بيها وعارفة هدشي لي كدوز منو صعيب بزاف :صافي اختي تانشوفو شغا نديرو
مريم:اتعاونيني يااك وانا كنواعدك اندير بكلامك
عائشة:صافي واخة
مريم:حلفي
عائشة:والله
مريم عنقات ختها:شكراااا بزاااف اختي
عائشة هدشي ماعاجبهاش ولكن مزيان ملي عاودات ليها باش تكسب ختها لعندهااا وتعرف اش ديير ويقدر يكون هاد يحيى هو نصيبهاا
دوزات معاها ختها النهاااار
داز الوقت فجيهة خرااا
كانو فصالة جالسين هضر معاهم فالموضوع من بعد ما رجع عماد من السفر
عماد:مرحباا بيه قولو بعد غدااا يجي يتوكل على الله منين البنت موافقة
ليلى اطير بالفرحة:واخيييرا انفرح ببنتييي
الزاهية مبتاسمة:الله يكمل بالخييير ياربي فاتي تستاهل والله
ليلى:ربي يخليك لعقبال نفرحو بمريم تاهي
الزاهية:امييين
دخلات لقاتهم مجمعين:هاي هاي مجمعين بلا بياااا
ليلى:ايييه ناس غيتزوجوووو وغيخويو علينا ظار
فاتي تزنكااات نزلات راسها حشماانة
عماااد:اكي عندي ابنتيي اجييي
قربات وعنقها :يحيى راجل لي يتمناه اي اب لبنتو ويستاهل وحدة بحالك لي تشرااا بالدهب
باست ليه يديه:يخليك ليا الوليد
ليلى:اجي عندي ابنتي
قربات عند مها وعنقاتها:الله يفرحك ابنتي ونشوفك بوليداتك
حمارو خدودها من فكرة لوليدات :ان شاء الله اماما
الزاهية:وانااا تانا ماماك
ناضت وباست ليها راسها وجلسات حداها:الله يخليكم لياا
دينيس:اييييه يا لياام
فاتي خنزرات فيها عارفاها لاياش كتلمح زعمة ست سنين ديال الانتضار
دينيس:-هاهي ساكتة
عصام:المهم لخطبة نهار تلات اختي بعد غداا
فاتي:ان شاء الله
عصام:نمشي نفرح لعريس
وناض خرج للجردة وعيط ليه قال ليه على الموافقة ومرحبا بيه بعد غداا يديرو الخطبة
فالجيهة لوخراا
قطع وهو ايطير بالفرحة مبتاسم صاافي واخييرا اتكوون ليييه لبنت لي سكنات قلبووو اتولي ديالو اتعمر ليه داروو ويعيش معاها حياتو
يوسف كان حداه:ايوا مبروك مسبقا
يحيى بابتسامة:الله يبارك فيك
يوسف :فاطمة الزهراء بنت لي فشكل مختالفة وضريفة وداخلة سوق راسهاا تهلا فيها
يحيى:انديرها فعنياا
ووقف وهو كيمسح على راسو:يوسف كيف كتعرف ماعنديش عائلتي ونت كنعتابرك خويا وغنفرح بزاف لا مشيتي معايا نهار الخطبة بصيفتك خوويا
يوسف وقف وقرب ليه وحط يديه على كتافو:نت راك واحد من العائلة عائلتي هوما عائلتك واكييد ما انخليوش خونا بوحدو نهار الخطبة ديالو انكونو حاضرين معاك بصفتك واحد من العائلة
يحيى عنقوو عناق رجولي وبعد:هدا هو اامضمون فيك
نرجعوو لجيعة لوخراا
دينيس:خاص نوجدووو اش اتلبسيي ونحجزو لكوافورة لي غتجي تقاد لييك ختص سيد يتصدم
فاتي:شوفي ماعنديش مع كترت لمكياجات ..غنقاد لراسي المهم نخرجو نشوفو اش نلبسوو هادي اه ونشريو شي حاجة لدااار
دينيس:كنس ناقص تفووو
فاتي:علييك الكلبة اجي عائشة ومرييم هاص نعلموهم
دينيس:اه تا نعيط ليها نخرجو مجموعين غدااا
فاتي وهي مبتاسمة:صاافي
دينيس:فرحانة ياك
فاتي:بزاااف
دينيس:واخيرااا اتاكلي الحلوة ههه
فاتي ضرباتها بالخدية:تهزييي خرجي عليااا من لبيت
دينيس وهي غادة:ههههه غتعجبك الحلوة غا وجدي راسك ابب
فاتي:دييييتييييس
خرجات كطير
فاتي تلاحت فوق النموسية مبتاسمة تنهدات براحة:ياربي ماكمل هدشي على خيير
