داز الوقت
كانت جالسة فصالة وقدامها هارون دايرة سبايستون.تفرج هي وياه ولكن دماغها فبلاصة خرا..مابقاتش حاملة تشوف وجهو ولا تسمع صوتو من بعد داكشي لي دار فيها..ماكرهاتش كون مارجعاتش فاش ولدات هارون ..كون مشات لشي بلاصة خرا وربات ولدها بوحدها مايسيقلهاش لخبار.ولكن كيف ديما هي كطير وها فين وصلات..شغا دير قلبها هشيش ودغية كيرطاب ..فكل مرة كتيق فيه كيطعنها طعنة خايبة..ديما كيقولها لعبو خايب وعقابو كبير وماغايرحمهاش..دابة عاد زادت تأكدات انه فاش كيدوي راه كيوفي واخة يوقع لي يوقع..تنهدات بصوت مرتافع ولكن ماغاتسمحلوش يبعدها على ولدها هو. نرجس..مايمكنش تخليه ليها تا يبدة يقول ليها ماما.
سمعات صوتو،يلاه دخل لدار دورات وجها وهي تلقة معاه جعفر ..بقات غير كتشوف
عصام وشي وراق فيديه:كي بقيتي
عائشة:الحمد الله
تحنة وباس هارون وشاف فيها:عندي ليك فهاد الوراق شي حاجة اتفرحك
وشاف فجعفر لي مبتاسم ليها
عائشة:شنو
جلس حداها ومد ليها لوراق:الورت ديال باك ..زعمة بانا لي خوه حرمنا منو وحنا صغار ..بفضل جعفر قدنا نرجعوه..
قرات لوراق..
عصام:كتبت كلشي بسميتك دابة ولاو عندك اسهم فالشريكة ..70%من الاسهم ديالك..ونص دلاراضي ولاو ديالك..والفلة لي كنتي كتشوفي بنتو كتصور فيها ولات تاهي ديالك ..ومبلغ كبير فالبنك بسميتك تاهو..كاع داكشي لي كنتي باغاه ولا ديالك
بقات غير كتشوف فيه:ونت
بتاسم:هدشي راه ديالك خلاه ليك باك نتي حيت نتي هي بنتو
عائشة:تانت ولدو وكان باغيك تورت ..هدشي ديالنا كاملين
عصام:لا ديالك نتي ومريم..انا،عندي عائلتي ..عاد رتاحيت ملي تضمن مستقبالكم
شاف فجعفر:كو ماكانش جعفر كاع مايرجع ليكم حقكم..هو لي تدخل وتملف باش يرجع تلورت لماليه
جعفر:ماتقولش هكا..حنا دابة،ولينا عائلة
عائشة شافت فيه:شكرا..ماتصورش هدشي شحال كيهمني..حرمونا من فلوسنا وحنا باقين صغار تربينا فالفقر وهوما كيتمتعو بفلوسنا وحنا كنشوفو بعينينا.شكرا
جعفر:انا غير عاونتكم ماعطيتكم والو ..
عائشة:كي بقات يديك
جعفر:الحمد الله مزيانة دابة
عائسة ناضت:نقاض ليكم شي حاجة ماما ماكايناش خرجات هي وسارة
مدات هارون لعصام ودخلات للكوزينة بقات واقفة كتفكر دابة ولات عندها تروة مابقات عوالة على تا واحد ..قدات العاصير فالكيسان مع الحلوة ..وخرجات حطات ليهم وجلسات معاهم..كانت غير ساكتة وعصام وجعفر كيهضرو ..حتى كيفيقها صوت عصام:ماشتيش يوسف
عائشة:فاق وراه بيخير..
تمتم بصوت شبه مسموع:بسبع رواح
عائسة:عطيني هارون راه بدة ينعس
خداتو وناضت للبيت
عصام فجعفر:مشينا
جعفر:واخة..فين هو بعدة لحمام
نعت ليه فين..ناض ومشا ..قبل يوصل للحمام..حل لباب فين سمع صوت هارون دخل وسد لباب موراه..غير شافتو شهقات:شكا دير
جعفر:بغيت غير نقولك انا مستاعد نعاونك فأي حاجة بغيتيها ..نتي غير قوليلي .مستاعد نفكك من يوسف وعمرو يحلم بيك
عائشة،بلعات ريقها:ماعندك فاش تعاوني..خرج عفاك
حل لباب وكمل كلامو:اي حاجة حتاجيتيها اتلقايتي فجنبك
وخرج وخلاها
جعفر:يلاه نمشيو
وخرجو ومشاو
عائشة قلبها ولا كيضرب فلمية ..حطات هارون ملي نعس فبلاصتو..وخرجات للصالة وجلسات مابغاتش تولي دير شي غلاط وطيح فيه هي كيف ديما..يوسف ماشي ساهل .مايمكنش تغامر..لاكانت ادير شي حاجة خاص ديرها بوحدها
دورات وجها فاش شافت الزاهية وسارة داخلين سلمو عليها وجلسو
الزاهية:ماغاتمشيش تشوفي راجلك
عائشة:لا تا لمن بعد
الزاهية:تهزي سيري شوفي راجلك حشومة..داك نهار مسكين ما خلا مادار ليك..مكبر بيك وداير ليك فلخواطرك..وهدشي باش كتجازيه ماعرفتش اش بغيتي..ولا شنو كيدور ليك فداك الراس
عائشة بصوت شوية مرتافع:مابغييييتش بعدو مني..ملي انبغي نمشي نشوفو راه انمشي
الزاهية:قلت ليك اتنوضي نمشيو نشوفوه..وتوقفي مع راجلك وتجلسي فدار راجلك
عائشة ناضت معصبة:واخة الالة بغيتي غير ترتاحي مني .هي لي ماتعاودش..ولكن عندو ماغانمشيش تايقولهالي راسي
دخلات للبيت جمعات حوايجها وهزات ولدها وتمات خارجة
سارة شداتها:نعلي شيطان فين غتمشي
عائشة:ماسووقكمش قادة براسي.حيدي اسارة خليني نمشي ..ملي جيت وهي نوضي تشوفي راجل..واش ماغاتمشيش عند راجلك..تقولي جالسة ليها على قلبها..صافي هنا غادة
سارة جراتها:هي راه باغة مصلاحتك ماشي كتجري علي
عائشة بدات كتبكي:تنا عارفة مصلاحتي كتر..غا خليوني عليكم
سارة :صافي واخة مايكون غا خاطرك..اجي معايا
دخلاتها لبيت هدناتها وخرجات
الزاهية:ماعرفت هاد البنت مالها..والمشكلة غا ساكتة
سارة:صافي خليها عليك..حنا ومازال مصدومين من داكشي لي وقع راه كان شي حد فينا ايموت..ايكون غير هدشي ونتي عارفة عائشة شحال كتاتر
الزاهية:ايوا الله يفاجيها
داز الوقت
فاق مالقة حداه حد..تنهد وشاف فصدرو مازال ما حيدو ليه سلك ديال تخطيط دلقلب.. و سيرو فيديه..بقة شحال متكي..مامولفش بهادشي..شاف طليفونو عند راسو خداه ودوز نمرتها بقة كيصوني شحال ماجاوباتش..رجع صونا نفس الشي..رجع صونا لتالت مرة لقاه طافي..عرفها طفاتو بلعاني...دوز النمرة دزاهية جاوباتو دغية:الو..كيبقيتي اولدي
يوسف:الحمد الله..عائشة حداك
الزاهية:لاراها فلبيت
يوسف:دوزيهالي عفاك
الزاهية:واخة
وناضت لعندها لبيت:هاكي يوسف
يلاه اتقول لا وهي تحطو ليها على ودنيها بقات واقفة حداها
عائشة:الو
يوسف:شهادشي كديري
عائشة:والو
الزاهية خرجات وسدات لباب
يوسف:وليتي كطفي الطليفون وماكاتجاوبيش..وغبرتي فمرا
عائشة:او من بعد اش بغيتي..
يوسف عض على سنانو ودوة:اتهزي دابة وغتجي لطبيب
عائشة ببرودة:ماغانجيش بلا ماتحلم
يلاه ايهضر وهي تقطع ليه فوجهو بقة كيصوني ماجاوباتش..
خلاتو كيغلي..ما حس براسو حتى نتر من يديه سيرو ..وسلك ديال تخطيط دلقلب بالجهد ونزل وقف فاش ضرو صدرو بالجهد ولكن ما هتمش..حل واحد لبلاكار تماك لبس عليه ..ودوز نمرة دشيفور باش يجي..وخرج من الشومبر..تلاقاتو الممرضة:فين غادي اسيدي راك مازال عيان..شوف يدك كتسيل بدم
دفعها:حيدي من قدامي
وصل لتحت لقة شيفور كيتسنة ركب:دار دعائشة طيير
نرجس وطاهرة دخلو للشمبر مالقاوهش..خرجو مخلوعين:فين هو
الممرضة:ماعرفتش مشا وهو معصب
طاهرة:شهاد الولد لمعكس..يلاه فاق من العملية
ومشات تشوف اش دير
وصل للدار
نزل وطلع دق بالجهد وهي تحل ليه سارة غير شافتو تصدمات:بسم الله الرحمان الرحيم
داز فيها ومشا نيشان لبيتها حل لباب غير شافتو ناضت قافزة :يوسف
قرب وشدها من دراعها وزير عليها:كنقسم ليك ايلا شي نهار انقتلك اعائشة لا بقيتي هكااا..
بقات فير كتشوف فيه مازال ماستوعبات انه جا من طبيب لعندها بدات غير كتفتف:ي..وسف .اا..
زاد زير ليها على يديها:ملي نقول شي حااجة خاص تنفد سمعتيينييي..اخر مرة تقطعي فوجهي.ايلا تعاودات يديك نهرسها لييك
عائشة تنترات منو:رخييي مني..لاش جااي كون بقيتي تماك تا تموت..بعد منييي سمعتيني .انا كنكرهك كوغا متي وتهنيت منك الغداااااااار
سكتها بتصرفيقة تا طاحت فوق النموسية وتحنة وجرها من شعرها لعندو:مازال ماشتي وااالو اعائشة..كلما عاندتيني انصدمك كتر وكتر
قصحها بزاف فشعرها تا دمعو عنيها همسات ليه:كنكرررهك ايوسف
وهزات يديها وضرباتو على صدرو فلبلاصة دلعمالية..حتى غمض عنيه من شدة لوجع :كنكررهك
رخة منها وحط يديه على صدرو كيضرو بزاف
وقفات كتغوت:الله ياخد فيييك الحق كنكررررهك ..موتك حسن من حياتك لاش عشتي لاااااش..خرجتيلي على حياتيي
دخلات سارة والزاهية تصدمو
الزاهية مخلوعة:اويلي دم كيسيل من صدرك ايوسف
عض على سنانو وقرب جرها من يديها وخرجها معاه كتغوت وضرب وتقمش فيديه..والزاهية وسارة تابعينو:شنو وااقع ..شوف دم كي كيسييل..
غوت على حر من جهدو:ماسوووقكمش
ونزل وخلاهم واقفين لاحها فطوموبيل وركب حداها..شيفور ديمارا
طريق كاملة،وهي كتبكي ويديه فيديها مارخاش منها شافت فيه مغمض عنيه ومرجع راسو اللور..قربات وزعزعاتو :يوسف
حل عنيه وشاف فيها:سكتيي
رجع غمض عنيه
دازو دقايق
الشيفور:فين انديكم
عائشة:لجهنااام
وسكتات بغات تبعد يديها ولكن كان مزير :رخييي منيي
ما جاوبهاش
عائشة:قلت ليك رخييي منيي
قربات لعندو ورجعات زعزعاتو هاد لمرة ماحلش عنيه..حطات يديها على جبهتو صخون بزاف شاعلة فيه لحرارة..شافت فحوايجو كلهم دم ..ولا عرقان
نطقات وعنيها عليه:ديناا لطبيب دغية
شيفور شاف فيهم فلمراية وكسيرا بالجهد..قبل يوصل عيط ليهم يوجدو البياص..غير وصلو كانو على برة
حلو لباب بغات تبعد يديها باش تخليهم ينزلوه ولكن باقي مزير حاولات او والو..سمعات الهمس ديالو:عائشة
قرب واحد:انا نحاول معاه
عطا الجهد ديالو باش يفك يديه من يديها او والو ما قدرش
وحدة من الممرضات:راه كيفقد الدم بزاف
جروه بالخف ونزلات معاهم تاهي ويديه مازال فيديها حطوه فالبياص بصعوبة لتقل جسمو ودخلوه لداخل
