داز الوقت
جا عندهم واحد من الرجال كيجري :السي الزعيم لقيناها
يوسف ناض بالزربة :فين
الراجل:راها فواحد الطبيب دلمخزن يلاه صيفطو صورتها لمركز الشرطة وعلمونا
طاهرة شهقات:صااافي بنتي دارت شي حاجة فرااسها
الراجل:لقاوها لبارح مرمية فالارض حدا طبيب .نفسيتها خايبة بزاف..مابغات تقولهم والو عليها.احم..
يوسف:كمل شنو
ناصر وقف عليهم:شنو واقع
الراجل:ضربات يديها قبيلة وانا وصيتهم يجيبوها لهاد الطبيب
طاهرة كانت غطيح وهو يشدها ناصر:كيفااش
الراجل:هدشي لي قالو الحمد الله قدرو يعتقوها فالوقت المناسب وقالو راها بيخير ولكن صيفط ليها الاومبلينوص يجيبوها
طاهرة بدات كتبكي مخلوعة على بنتها بزااف
ناصر:راكي سمعتي راها بيخيير هانتي اتشوفيها بعينييك ماديريش هكاا
كانت حدا لباب كتسمع لكلامهم ..كانت اتخرج ليوم من
طبيب بدات كتدعي ربي يحفض دينيس
داز الوقت كلشي كيتسنا على خير..حتى كيشوفوها مدخلينها فلبياص..مشات كتجري لعندها:بنتيييي لعزيزة اش درتي فراااسك
الممرضة:سمحيلب الالة خاص ندخلوها للغرفة ونعلقو ليها كيس ديال الدم حيت نزفات بزاف
بعدها ناصر وبدات كتبكي على صدرو..دازت ربع ساعة خرجات الطبيبة:هي بيخير حاليا عتقوها فالوقت المناسب وتخيط الجرح وعوضنا ليها دم لي راح..ولكن نفسيتها عيانة ماخاصش تتعرض للضغوطات خصوصا باقة صغيرة
طاهرة كانت كتهز راسها غا باه :بغيت ندخل مشوفها
طبيبة:دخلي شوفيها راها فايقة
دخلات بوحدها .شاقتها مدورة وجها لجيهة لوخرا تقابلات معاها وتحنات باستها على خدها:بنتي كنتي باغة تحرميني منك
دينيس نزلو دموعها:تخلا عليا اماما ماعبرنيش خلاني واحلة بوحدي اماما وانا لي كنبغيه حرق ليا قلبي وشوهني مع عائلتي
طاهرة شظات ليها فيديها:اش وقع
دينيس هزات راسها بلا وسكتات
طاهرة:عتوديلي
دينيس ماجاوبتهاش غير ساكتة مابغاتش تضغط عليها ناضت وخرجات من الشمبر وخلاتها
ناصر:كيف بقات
طاهرة:شوية..
شافت انه ناصر هدشي لي قالولو ماداخلش راسو غا كيسايرهم :السن دلمراهقة هو هدا تعلقات بعصام وهو كان معتابرها بحال ختو .ويوسف ماستحملش هدشي وضربها راك عارف..ولكن ماخاصش نضغطو عليها كتر خاص نوقفو معاها تاتنساه
ناصر عارف دينيس شحال حساسة وشحال قلبها هشيش ودغية كتأتر شايف فاش كانت كتقولها ليلى انزوجك بولدي وهي كانت كتقولها اه..وفاش بان عصام زادت توطدات العلاقة يعني هدشي صحيح انها تولي تبغيه تنهد خايف تكون شي حاجة ماعارفهاااش.مابغاش يتعمق حيت ماباغيش يخسر ولادو ..ماباغيش يبحت كتر فهاد الموضوع ويخلي البنت بينها وبين الام ديالها حيت الام لي كتفهم بنتها وكتعرف كيف تعامل معاها
طاهرة شافت فعائشة واقفة بعيد ومتكية على الحيط كتفرج فهادشي ماعرفاتش فوقاش ايعيشوو هانين
طاهرة:عاوديلي شنو وقع
عائشة بلعات ريقها:ماعرفتش
طاهرة:راكي عارفة وحاضرة بغيت نعرف اش كاين باش نحلو الموضوع ومايكبرش
عائشة:يوسف وصاني هدشي مايعرفو تا واحد لا عمي ناصر لا بدر ولا حتى نتي
طاهرة:ناصر وبدر ماغايعرفو والو ولكن انا مها انا لي غنوقف معاها انا مرا بحالها غنحس بيها
عائشة عاودات ليها كلشي:وماعرفناش منين جاو التصاور اخالتي ديري شي حاجة راه اطيح الروح ..عصام ويوسف بحال ليسانس والعافية راه واحد فيهم ايقتل لاخور
طاهرة عضات على شفايفها معصبة..دورات وجها فاش شافت يوسف داخل عند دينيس..تبعاتو كتجري ودخلات معاه بالي يكمل عليها
يوسف:الواليدة خرجي خليني ندوي معاها
طاهرة سدات لباب:لا انبقة هناا ولي اتقولو قولو وانا حاضرة
يوسف:هدشي بيني وبينها
طاهرة:انا عارفة كلشي على تصاور وعلى عصام ادن خليني
يوسف:عائشة لي قتلتها ليك
طاهرة:لا دينيس
شاف فدينيس مدورة وجها ماكاتشوفش فيهم:جاوبيني على حاجة وحدة
سكت عمرو توقع توصل بيه يسولها هاد السرال ولكن خاص يقطع الشك :واش وقعات شي حاجة بينك وبينو
دبنيس شافت فيه ببرود ورجعات شافت لجيهة لوخرا.هافين وصلات خوها كيشكك فعدريتها ..جزاء حبها لعصام هو هداا
يوسف قرب لعندها وشدها من يديها وظوة وهو عاض على سنانو:هضرييييي
دينبس نزلو دموعها وبدات كتبكي
تعصب وبدا يديها ويجيبها:قلت ليييك جاوبي واش باغاني نقتللللك هضرييي
طاهرة كتبعدو:بعدد عليها واش ماشايفش حالتهااا واش حماقيتي رخي منها
يوسف :طحتييي من عيني ادينييس بزااف
طاهرة بدات كتبكيي:صاافي ايوسف سكت ..باش ترتاح انديرو تبوت العدرية غا بعد منهاااا
يوسف خرج وزدح لباب ..عنقات دينيس وهي كتبكي
هي وياها على هدشي لي هوما فيه
يوسف غير خرج شافها قدامو قرب لعندها:نوصلك لدار ترتاحي
جاوباتو ببرود :بغيت نبقة مع دينيس ونشوفها
يوسف دوز يديه على شعرو وهو كيتسنة طاهرة تخرج يدوي معاها
داز الوقت
كان جالس وحطات ليه الورقة بين يديه :هاني
هزها وقراها وقطعها بين يديه
طاهرة:بعد منها سمعتيني هانت شفتي بعنيك
رما لوريقات فسلة لي حداه وماجاوبهاش رتاح من هاد الجيهة .هدي اهم حاجة والشي لاخور غيداوة مع الوقت ولكن كيفاش وهو متأكد ان ختو كتبغيه..ناض وحل لباب ودخل عندها .طاهرة مامنعاتوش حيت عارفاه ما ايدير والو..قرب لعندها وتحنة على ركابيه اونفاص معاها:شنو هي اكتر حاجة لي كتقتل الراجل
شافت فيه بعنيها الدامعين
يوسف مسخ ليها دموعها:اكتر حاجة كتقتل الراجل هو شرفو وشرف خوتو يتوسخ..مابغيتش نتحط فهاد الموقف مع ختي لي من لحمي ودمي .مابغيتش يضربوني فختي ..انا مستاعد نسة هدشي كامل مقابل تنساي هدشي كامل وترميه من حياتك..
دينيس بصوت مبحاح بلبكة:كنبغيه اخويا
بقة كيشوف فيها:مايصلاحلكش
سكت وكمل كلامو:بغيتيني نمشي عندو ونقولو تزوح بيها بالسيف ..هو بفمو قال مابغاكش..بغيتي شي جواب كتر من هدا
دفنات راسها فالمخدة وهمسات ليه:حيت نت قمعتيه داك نهار
رجعات شافت فيه:هو كيبغيني انا حاسة بيه ولكن..
قاطععها:واخة فين هو دابة
بلعات ريقها ماعندهاش الجواب
يوسف:ماكاينش ..شنو بغيتي كتر
دينيس:ماغاتحسش بيا حيت ماعارفش شنو معنة تبغي شي حد لدرجة تفضل الموت وماتعيش بلا بيه كون جربتي كنتي اتجيبولي تا لعندي.انا راه كنحماق عليه وماعمري انساه حيت كنبغيه ديال بصاخ ماشي مراهقة كيف كتقولوو هو سكن فقلبي .ودابة بهادشي لي واقع كنقول نموت وما نبقاش هكا. احساس خايب بزاف اخويا كيقطعلي قلبي.كنحلف ليييك ايوسف ايلا راه كيحس بشي حاجة من جيهتيي وهو ماشي من نوع لي كيضحك على لبنات انا مأكدة وقلبي حاس بيه عصام انسان قلبو زوييين بزاف ..ولكن
سكتات فاش يوسف ناض وخرج
بقات كتبكي
لتحت
نزل من الطموبيل عائشة عاودات ليه كلشي فطليفون وقالتلو يجي على قبل دينيس ماحسابليهش ايوقع هدشي كامل وانها اتحاول تنتاحر كون مادارش ليها هكاك..دخل للطبيب وهو يشوفو قدامو
يوسف غير شافو مشا لعندو نيشان .طاهرة تبعاتو:يوسف ختك لي اتشوه لا درتو فضيحة عاود
تنتر منها:غير انهضر معاه
مشا تا لعندو
عصام ماجيتش نديرو الصداع
يوسف جرو ودارو على واحد الكولوار
عصام يلاه ايهضى وهو يجمع معاه بكروشي تا تزدح مع الحيط
عصام شاف فيه وهو كيمسح فمو من الدم وبتاسم:لي عطا الله عطاه وختك ولات كتبغيني بزاف وكلشي على عنيك.الضرب ودباز ماعندو باش يفيد
يوسف:فهمت مزيان كترد الصرف ..ودير حاجة فبالك ختك مراتي وبين يديا وقادر نعدبها كل ما تعدبات ختي بالضوبل وماعندك مادير وماعندكش كيف تحميها مني
كانت دايزة من الكولوار وهي تشوفهم رحعات اللور وهي كتصنت لهضرتو
يوسف كمل:ختي تاهي تحت حمايتي وبامكاني نحميها منك ونت لي اطلع خاصر اعصام من الاحس دير عقلك خيت اتصدق لا هادي لا هادي اتجبد الصداع غير لختك
عصام:بامكاني نطلقها منك وبالموافقة ديالها ختي وكنعرفها
يوسف هز راسو بلا:لا عمرها تطلب الطلاق حيت كلشي بين يديا
عصام:كيفاش
يوسف:طلاقنا كيعني تنازل على هارون فمرااا هدشي مسني بلوراق .وبيديها وقعات ونزيدك تا ولدنا لي فكرشها داخل فالشروط ديال طلاق يعني كلشي بين يديا..بغيتي الطلاق صافي خود ختك وولادي ايبقاو معايا من غدا هاهي غندك
حطات يديها على فمها كاتمة شهقاتها ومشات قبل يسمعو صوت بكاها
حطات يديها على فمها كاتمة شهقاتها ومشات قبل يسمعو صوت بكاها
كمل كلامو:عصام نت لي خاصر فهادشي كامل حيت انا قاظر على بزاف دلحوايح ولكن كتبقة دينيس ختي وعائشة مراتي وام ولادي مانبغي تاشي حاجة تأديهم..انا ماشي حقير لهاد الدراجة نحرم ام من ولدها ولكن للضرورة احكام مع الوقت كلشي ايتصلح ونت لي اتبقة فالعيب حيت ..دابة ولات مراتيي نت مابقة عندك تاشي دخل
عصام:اشنو بغيتي من تالي حيت راه لادرت دينيس فدماغي راه تبات ماتصبح كيفما هربات منك اتهرب معايا ..ونزيدك انا ماشي ولد الحرام بحالك مابغيتش نستاغلها كيف ستاغليتي عائشة ونبداو لعبو بشرف بعضياتنا ايوسف انا ماشي هكااا..مانكرش دينيس خدات بلاصة فقلبي وماحملتش نوصلو لهادشي..
يوسف:وعلاش مصيفط التصاور ملي نت ماشي هكااا واش عارف كنت انقتل ختي
عصام:ماصيفتهوومش ماعرفتش شكون دار هاد اللعبة
يوسف كيفكر شكون ممكن يكون
عصام:دتبة ما كتبهمش حيت هاد اللعبة لي دخلنا فيها غتأدي الناس لقراب لينا وكلشي ايتقلب ضدنا حنا بجوج
وسكت وكمل:احم دينيس مستاعد تكون مراتي على سنة الله ورسوله ولكن بلا ماشاكيل وهدشي لي حنا فيه ..بغيت هدشي يسالي ونحبسو هناياا
يوسف كيتفكر كلام ختوو وكيف عبرات على حبها لهاد الشخص وانها ماتقدش تعيش بلا بيه
عصام :هنا مشيت والحل عندك نت
دار جوج خطوات وهو يوقفو:وغتهلا فيها
عصام شاف فيه:نحطها فقلبي
يوسف:ادن تزوج بيها
عصام بتاسم وقرب لعندو:من غدا انا عندكم
يوسف شاف فيه:نتسناك غدا
عصام:انشوفها جوج دقايق
يوسف:تا لغدة
عصام كمل طريقو:واخة
ومشا..يوسف بقة واقف هدشي كامل على قبل ختو ماشي على قبلو هو ..جات فبالو عائشة لبنت لبرهوشة لي كتلعب ليه على اعصابو لي ضاروري ماتعاقب باش دير عقلها ..تفكر دفتر العائلي المزور لي وراها كان مجرد عقاب باش تشد معاه الطريق .ونهار يجي الوقت المناسب اتعرف كلشي.كمل طريقو ومشا كيقلب عليها
فبلاصة قريبة ليه فالحمام بالضبط غسلات وجها كتر من مرة وفكرة ياخد ليها ولادها بجوج كتنهش فيها..كيلعب بيها كيف بغة وبقلبها وبأمومتها ومدخلها فعداوتو لي بينو وبين خوها..فكرة ولادها بجوج يحرمها منهم كتبغي تحماق ..مايمكنش تسمح ليه يديرها تموت وما يديهمش..مسحات وحهت بالمنديل ولكن مابغتوش يحبسو ماهاصش تبقة هكا ختص تصرف قبل شي نهار مايلوحها ويغبنها فولادها ..طاح فبالها هو لي غيعاونها وشكون من غيرو
