💕الجزء 49💕
نمشيو لجيهة خرا
كانت راكبة فلوطو ديالها راجعة من الخدمة هي لي ستالمات الشركة دباها الله يرحمو ومتكلفة برئاسة شركة جدها أحمد بحكم انه عيا قليل فين ولا كيمشي للشريكة وزيد عليها الازياء ديالها وديال مها لي خلات ليها قدرات تكون داتها وتكون انتى بمعنى الكلمة وسيدة اعمال ناجحة فسن صغير ..سمعات شي كلاكسون موراها شافت فلمراية:هدا نت عاود
حمزة كيتاسم خرج يديه من الشرجم ودار لها لاي باي وداىدر ليها اشارةزعمة وقفي
بتاسمات وخرجات يديها من شرجم ودارت ليه اشارة ديال لا...زاد فالسرعة باش يجي مقابل معاها ولكن هي ماعطاتوش الفرصة كسيرات بالجهد وسبقاتو
حمزة ضحك :واخة وراك وراك والزمن طويل اباربي
وزاد تاهو فالسرعة وتبعها
اكرام شافتو تابعها قرب يوصلها زادت فالسرعة كتر وكسيرات وهي كتلعب فالطريق وكتكابري ولكن معامن مع حمزة لي ماكايتفاكش كلما بعدات هو كيزيد يقرب
اكرام:انشوفو دابة شغادير
كسيرات بالجهد وضارت مع واحد الدورة حتى تسمع صوت الطموبيل ومشاات
حمزة بحكم كان غادي بسرعة كبيرة مابقالوش الوقت فين يدور يتبعها كمل طريقو وهو كيضحك :حسابليك هربتي مني
جبد طليفونو وصونا ليها جاوباتو وهي كتشوف فالمراية واش جاي بتاسمات :عرفتي راسك معامن دابة
حمزة:من شحال هدا عارف راسي معامن
اكرام:ايوا مزال ما ناوي تبعد من طريقي
بتاسم وهو كيزيد فالسرعة:حنا عاد بدينا ازين
غوتات فاش شافتو كسيرا قدامها كوما تحكماتش فالطموبيل كون دخلات فيه حسات بقلبها مشا وجا وقفات وحيدات الساروت وهي كتلهت حيدات السمطة ونزلات من الطموبيل لقاتو واقف كيضحك قربات لعندو:واش نت حمق باغي تقتلنااا كون دخلت فيك دابة فين انوصلو
حمزة:ياك قلت ليك عارف راسي معامن .عارف اتحكمي فطوموبيل كنتيق فيك😉
اكرام:نت راك مريض
حمزة قرب لعندها:مريض بيييك
اكرام:ايوا خسارة مرضك ماعندوش الدوة
حمزة:كوني متأكدة شي نهار أتتكيني دوايا
اكرام:بحال السم متلا
حمزة:وي مقبول نموت على يديك ودخلي نتي الحبس وماتكوني لتاشيحد من غيري ملي نموت
اكرام:لا نت دابة بصاح هبيل شوف لحد الان صابرة راه نهار ايطلعلي هادشي فراس انقولها لبالبابي ويوسف يتفاهمو معاك
