يحيى:كنت باغي تحضري لعرسنا ولكن قرايتك هي لولا
عائشة كانت كتشوف ومزيرة على ساكهاااا قلبها ايوقف حاسة بختها وخايفة توقع شي حاجة حتى كيتدخل يوسف جرها من بين يدين يحيى وعنقهاا :نوبتيي دابة
مريم زيرات على يوسف وبدات كتبكي بصوت مرتاافع وتشهق كلشي تخلط عليها فهاد اللحضة كون غير ماجاش كون ماشافتوش كون غير ماعنقهاش وزاد شعل لعافية لي فقلبهااا..يوسف كيمسح ليها على شعرها هدشي لي كدوز منو صعييب وحب المراهقة صعييب بزااف وخصوصا اول تجربة فحياتها ماساهلاش..قرب لودنيها وهمس ليها:صافي مابقة والو وغتنساايه
هزات راسها باه وهي كتبكي
عصام كان كيقاد ليها شي وراق عاد جا:مريم خاص طلعي دابة لطيارة كلشي تقاد
بعدات على يوسف وهمسات ليه:شكرا بزااف ايوسف
قرب وباسها على راسها:بحال ختي صغيرة ولا بنتي غنوقف معاك فجميع ضروفك
بتاسمات ليه وسط دموعها وشافت فخوها واقف وكيشوف فيها واخة مامبينش ولكن باين الخوف فعنيه عليها ومامببنش
فتح ليها يديه:اجييي القطيطة ديالي اجي
مشات كتجري وعنقاتو عنقها تاهو بالجهد:مانحتاجش نوصيك اختي ديها فقرايتك وداك تخربيق لي اتشوفيه تمااك ماعلا بالكش بيه صافي راني تايق فيك اختي
مريم:كون هاني اخويا من هاد الناحية راني تربية يديك
باسها على راسها:عارف وتايق فيييك
رجع عنقها وبعد:يلاه خاص طلعي للطيارة
هزات راسها باه ومشات دغية تحنات عنقات هارون وجوهرة كتبوس فيهم وتعاود:غنتوحشششكم
هارون:تاحناااا بزاف
جوهرة:غترجعي ياكي
مريم:اه غنرجع احبيبة
رجعات عنقاتهم وناضت سلمات تاني على خوتهاا وشافت فيه كتافت ب باي باي بيديها وتبعات خوها وصلها للطيارة سلمات عليه وطلعات ركبات فبلاصتها بقلب محط كلياااااا رجعات راسها اللور وخلات دموعها ينزلو على خاطرهم كانت متحمسة تسافر وتكمل قرايتها على برة ولكن ماشي بهاد الطريقة كلشي داز بالزربة كانت باغة تمشي وهي فرحانة ولكن العكس دابة كلشي غادي بالعكس..مافرحات لعرس ختها ما فرحات حيت اتسافر ما خلات قلبها هاااني هي اصلا كانت مغمومة وفاش جاا زاد كمل عليها......دقاايق
وقلعات الطيارة فسماااا فاتجاه امريكا
