هي ترفة وعافية وضحكة طفل
هي هيل وسالفة وطرت الفجر 💛
...........................................................🖤
يكللها معتبرچ أهل و أصحاب و چوارين ،
ومن رخصه الوالد حاسبچ بنتي💙
.......................................................... 🖤
نور؛ شنو عيني ناوية تنامين هنا روحي لغرفتج يله
إيه؛ وانتي شعليج گاعدة عله گلبج
نور؛ براحتج منا لمن يجي هوه ويسحلج
إيه؛ خاف مترضين يسحلني مو هيه تايه
فاطمة؛ ههههه يعني عشا وانتي سويتي ومواعين وانتي غسلتيهن وجاي وانتي سويتي وهذا كله علمود تتأخرين ومترحين لغرفتج
إيه؛ هههههه شسوي منتضرته ينام.. لان اذا گاعد يضل يخبث عليه
فاطمة؛ مدام هيج تعالي خل نخطط للحفلة
نور؛ خلن عله رأس القامة الأغاني والرگص لان عندي طاقة سلبية اريد افرغة
إيه؛ طبعا حبي اول شي الاغاني والرگص اريد اطلع القهر بگلبي............. صارت ب ١ وهذني الحقيرات طردني... فتحت الباب عله كيف ضلمة ونايم عله بطنة رحت فتحت الكنتور عله كيف وطلعت تراك ودخلت للحمام سبحت وطلعت.... يربي نومة خفيف بس اروح أنام يحس بسرعة.... رحت بهدوء دخلت بالفراش وانطيتة ظهري.. طبعا مااستغربت من سحبني لحضنة ادريي بي حس علية... اريد انام عوفني
أمير؛ لازمج متنامين.. واذا عل الحضنة مااعرف أنام اذا مااحضنج اخاف عليج توگعين لان انتي مشاءالله نومج معركة
إيه؛ بالگوة لزمت ضحكتي لان صدگ نومي مو مال اوادم گتلة... معليك بيه اوگع انكسر
أمير؛ مو خاف تنكسرين ومنو يرگص بالخطبة
إيه؛ يحجي ويغمز... اني خجلت لان احسة تذكر هذاك اليوم من شافني ارگص....
أمير؛ ايه عود طلعي مواهبج بالرگص مااوصيج
إيه؛ طبعا لعد عليمن الحفلة بعد اذا مابيه رگص
امير؛ ها يعني مخططة من هسة يابة اذا سمعت بيج راگصة لو هازة خصر لاتلومين نفسج
إيه؛ ههههه ليش دا احسك متضايق من الرگص
أمير؛ بت الاوادم هوه اني من شفتج ترگصين اسبوع منايم وانوب فوگاه تهز خصر ستري عليه مابية حيل الناس تگول الشيخ ماخذلة رگاصة
إيه؛ لاوالله هيه كل بنية ترگص لو وگفت عليه اني
أمير؛ ايه سكتي لاتخليني ابتلى بيج تره الشيطان اتربع بعقلي وجاي يرجع لهذاك اليوم 😉
إيه؛ عزا شنو هاي انته بعدك تذكر
أمير؛ شرأيج تگومين هسة وترجعين الذاكرة زين 😉
إيه؛ فتحت حلگي يريدني ارگصلة عزا لو اموت... صدگ تحجي لو تشاقة
أمير؛ يااخي عتبريني نور فاطمة لو هنه حلال واني حرام
إيه؛ ما لو اموت... خليت ودرت وجهي.. الضاهر النعاس مأثر علي
أمير؛ اي شردي ليش لا اني ازوجلي وحدة واخليه ترگصلي انتي ضلي رگصي للنسوان
إيه؛ لا والله سويه حتى اموتك
أمير؛ ههههه انتي تموتني... يله حلوة الموته من ايدج
إيه؛ اني اگوم انام يم البنات احسلي
أمير؛ حتى اكسر رجلج
إيه؛ اوف اوف.... رجعت نمت ودرت وجهي وهوه ضل يلعب بالموبايل احسة يريد يلهي نفسة حتى ميتقربلي.............گعدت ب ١٠ هاي شگد نايمة اني حتئ أمير گاعد قبلي غسلت وبدلت نزلت لگيتة گاعد بالصالة يشرب جاي....دخلت للمطبخ..
فاطمة؛ شعجب اليوم متأخرة
إيه؛ شمدريني شو محسيت بنفسي... اگولج أمير تريگ لو بعدة
فاطمة؛ گتلة اسويلك گال مااريد بس جاي
إيه؛ ماشي.. شوكت ترحين للسوگ
فاطمة؛ ماادري يمكن العصر
إيه؛ من ترحين گليلي علمود اوصيج عله كم شغلة
فاطمة؛ تعالي ويانه
إيه؛ خاف امير ميرضة
فاطمة؛ هسة انتي حاجي وشوفي
إيه؛ ماشي اروح احاجي قبل لايطلع..... گعدت بصفة وهوه يلعب بالموبايل... أمير
أمير؛ گولي
إيه؛ اريد اروح للسوگ العصر
أمير؛ لا مترحين مو البارحة رحتي
إيه؛ ضوجة وأريد اروح ويه البنات
أمير؛ لا تره البارحة عله اعصابي خليتج ترحين
إيه؛ باوعت علي 😑وگمت خبيث...
فاطمة؛ ها
إيه؛ ميرضة.. خلص عوفيه انتي جيبيلي النقص مالتي
فاطمة؛ ماشي براحتج.................
................
نور؛ تعبت تكسرت رجلي
فاطمة؛ سكتي اني انتهيت هاي عود البارحة هم رحنة
إيه؛ الله يساعدجن
نور؛اووف متت والله نطيني گلاص مي
إيه؛ هههه چنج ام الخضرة متربعة وگاعدة
نور؛ ههههه شسوي رجلي تكسرت محل يجر محل منا لمن فرينة السوگ كله
إيه؛ اهم شي اغراضي جبتنهن
فاطمة؛ اي جبتهن كولهن
إيه؛ فديت اني...............
.................
إيه؛ اليوم الخطبة وگعدت من الصبح نضفنة وساعدتهم بالمطبخ البنات راحن للصالون فاطمة وزينب اختي ونور.. اني مرحت ساعدتهن گلت اني اسوي نفسي اعرف للمكياج والشعر... كملت من الغداء وصعدت اسبح وابدل... طلعت من الحمام واندگ الباب.. فتحتة ولگيت بنات عماتي وبنات خالاتي بالباب واگفات
هبة؛ هههه مداهمة اليوم راح نحتل غرفتج ونسويه صالون
إيه؛ ههههه ديله دخلن عل الواهس..... دخلت العشيرة وكلمن جايبة مكياجة والفساتين صارت الغرفة صالون وحدة تمكيج الثانية يمكن ساعتين احنة بس مكياج وشعر.. اني برمت شعري وشلته من الجوانب نفس هاي البصورة 👇ومكياج مرتب ولبست الفستان والكعب... طلعت فدشي
هبة؛ اوووو شنو هاي عيني مشاءالله تخبلين فديت
إيه؛ حياتي عيونج الحلوة..... جنت لابسة هذا الفستان
إيه؛ ندگ الباب رحت فتحتة ولگيت أمير واگف وداير ظهرة اني رأسا ختلت وره الباب ومديت راسي لان اذا شاف فستاني يلعب بيه لعب لان البارحة حذرني البس شي مكشوف...دار ظهرة وگلي
أمير؛ شبيج خاتلة
إيه؛ هاا لا هيج انته شتريد
أمير؛ يعني شريد... اريد ادخل أبدل..
إيه؛ لحضة خل اطلع البنات
أمير؛ بسرعة يله مستعجل
إيه ماشي.... بنات خلصتن
هبة؛ اي خلصنة
إيه؛ لعد لبسن شي فوگ الفساتين أمير واگف بره يريد يدخل..... طلعن البنات واني هم لبست جبة فوگ الفستان علمود لايشوفني.... يله ادخل
أمير؛ مسويتلي الغرفة صالون
إيه؛ هههه عادي اني انضفه هسة .. هوه دخل سبح... واني ضليت ارتب الغرفة انگلبت گلاب
طلع ولبس دشداشة وغترة وساعة وعطر ضليت صافنة علي شدعوة هيج عله كيفك
أمير؛ شرأيج
إيه؛ أحله شيخ وربي
أمير؛ ههههه...يله نزعي الجبة خل نشوف شمصخمة
إيه؛ عليمن اصلا مستور
أمير؛ نزعي نزعي قابل مااعرف سوالفج
إيه؛ استسلمت ونزعت الجبة رفعت رأسي شفتة يباوع من فوگ لجوه كلش خجلني بنضراتة بعدين طبگ حواجبة
أمير؛ ولج حترگو هاي شلابسة
إيه؛ غير فستان
أمير؛ هيج طلعين بي يعني فوگاه شي لو بطرگ هذا
إيه؛ غير حفلت نسوان طبعا هيج اطلع
أمير؛ تردين تخبليني شلون تطلعين هيج
إيه؛ أمير شبيك بس نسوان والله
أمير؛ واذا نسوان.. والنسوان ماعدهن لسان ويرحن يحجن بيج گدام الرايح والجاي
إيه؛ يعني شسوي قابل البس عباية واگعد
أمير؛ استغفرالله.. بدلي يله
إيه؛ ماعندي غيره
أمير؛ وهذن التارسات الكنتور شنو
إيه؛ أمير فدوة بس هاي المره والله بعد ماالبس هيج راح تبدي الحفلة ماالحگ اغيرة
أمير؛ استغفرالله ناوية تجلطني انتي لو شنو
إيه؛ سمعت صوت هلاهل اكيد اجن گتلة.. شوف اجن بعد ماالحگ والله فوته بس هاي المره رحت بستة من خدة واتوسل حتى نسيت الزعلة ورحت بستة كله علمود هذا الفستان 🥺...
أمير؛ استغفرالله صبرني ربي
إيه؛ طلع ورگع الباب من العصبية.. بس اهم شي راح انزل بهذا الفستان نزلت اركض قبل لايغير رأيه........
...............
فاطمة؛ متوترة كلش وبنفس الوقت فرحانة رحت للصالون وبديت بالمكياج والشعر ولبست فستان لون وردي فاتح طويل من فوگ مخصر ومن جوه كلوش ومن الظهر بي فتحة والصدر دلع يعني فضيحة بس يجنن البنات جبرني اشتري وأيه تگلي ارجعة الج مثل مسويتي بيه بالخطبة ولبستيني فستان مفضوح..... كملت ولبست كعب طويل والبنات هم خلصن ونور طلعت تجنن عبالك لعابة... اجة احمد اخذنة ويدردم لان كلساع مودينة بشغلة خطية....
احمد؛ صاير شوفير العرايس اني ياهو معرسة احمد يوديه ويجيبة
زينب؛ يله خوية نخدمك بيوم عرسك
احمد؛ دخل اعرس حرام إذا أمد ايدي عله شغلة اله اطلعه من عيونهم حتى نسيت ابارك استغفرالله.... مبروك خيتي شايفة كل الخير
فاطمة؛ يبارك بيك
نور؛ بعد وكت صارلك ساعة تخرط علينة
احمد؛ انتي لو تسدين حلگج يصير خير مو لسان رشاش
نور؛ ههههه سكتنة.. وراح اخدمك خدمة بعد شتريد
احمد؛ اتحفينة ست نور
نور؛ راح ادورلك عروس اليوم
احمد؛ الله وايدج
نور؛ هية المشكلة مو هنا المشكلة من يسمعن بسوالفك يشردن
احمد؛ شلون راح افلش وجه.. ولج هوه شمسوي خابصيني خبصة سوالفك وسوالفك
نور؛ سلامتك شمسوي اذا نص بنات البصرة ارقامهن عندك
احمد؛ ولج حضج راح اطيحة والله لو مجاي اسوق جان عرفت شلون اكص لسانج
زينب؛ يمعودين استهدوء بالرحمان شبيكم وانتي كافي سدي حلگج لسانج شطولة
نور؛ شحاجية اني اكلتوني بسيطة نشوف منو يدورلك عروس
احمد؛ اي موضال عليج اني
نور؛ بهمس طبعا قابل تحتاجني بهيج سوالف انته خبرة...... طبعا نسيت اگلكم شلابسة سويت مكياج بناتي وشعري سرحتة وخليتة عله طولة ومثل التاج ناعم خليتة عله شعري 👇
إيه؛ نزلت اهلهل واهوس 😁.... فدوة شطالعة كيكة الف مبروك يعمري
فاطمة؛ يبارك بيج حبي...ايو خايفة
إيه؛ عادي لازم تتوترين ويصير عندج شوية خوف بس انتي انسى واتونسي ماشي.....
زهرة؛ تعاي ولج
إيه؛ ها بيبي
زهرة؛ ولج يمفضوحة هاي شلابسة ولج هسة يطگنج عين ويكومنج بمكانج
إيه؛ شسالفة بيبي قابل بس اني لابسة متشوفين شو كله لابسة ومصلخة
زهرة؛ ولج جا انتي مثلهن متشوفين جسمج شلون مربرب ويجذب وانوب لابسة لطش عل الجسم
إيه؛ ههههه يعني جاي تتغزلين بجسمي زهرة
زهرة؛ ولج الفاهية مو صوجج صوج هذاك لخلاج طلعين هيج
إيه؛ يا بيبي والنبي توسلت ساعة يله قبل هيج اطلع
زهرة؛ جا انتي اذا واگفة هيج گدامة واكيد سوتيلج چم حركة ودوختي
إيه؛ زهرة تره جاي تشككين بأخلاقي هيه بوسة ومن الخد هم
زهرة؛ امشي ولي لابارك الله بيج وانوب تشرحلي شسوت المفضوحة
إيه؛ هههههه غير انتي مسويتلي ستجواب... عفتة وركضت قبل لاترگعني بالعوجية واطير هيبة الكشخة 😁....
.........................
أمير؛ احمد روح سوي طريق لهذنيج النسوان ميگدرن يفوتن
احمد؛ رايح رايح هوه بس احمد الله غاضب علي..... مشيت للنسوان وطلعت خالاتي ام دانيال... يا هلا بخالتي شلونج
ام دانيال؛ هلا بيك يمه بخير
احمد؛ اويلي يابة طاحت عيني عله وحدة وياه فدوة لله گيمر وعسل وانوب منزلة راسه فدوه للمتربي ..... دووم خالتي تعاي فوتي منا.....دخلتهن للمطبخ ورجعت وعقلي كله ويه هل الگيمر هاي اويلي يابة شلون خلقة......
............
نور؛ واگفة احضر الضيافة وشفت احمد دخل خالاتي ام دانيال والبنات.. رحت سلمت عليهن..شلونج خالة
ام دانيال؛ هلا بيج يمة مشاءالله شنو هذا الجمال
نور؛ عيونج الحلوة خالة تفضلي.... دخلتهن ورجعت قدمت الضيافة اني وأيه وخو ايه طالعة عارضة وتفتر وصايرة حديث الحفلة.....
إيه؛ يله تعاي ناخذ ردحة
نور؛ جايه
إيه؛ طحنة ردح بالنص وكلساع ناخذ ردحة وانوب شغلنة اغنية كردية وسوينة دائرة اني والبنات ورگصنة وحتئ فطوم گومناه ويانة وصارت تخبل واختي زينب تصور بينة بموبايلي...... ونوب گالو يردون يعقدون عاد احنة احترمنة نفسنة وطفينة الديجي 😁..... ورحت لفطوم..... شلون المعنويات
فاطمة؛ المعنويات صفر
إيه؛ يمعودة تخلص... يله گومي......
.......
فاطمة؛ گلبي يدگ قووي رحت گعدت وضليت اردد وره الشيخ وبعدين هوه وتم العقد وهلاهل ايه مقصرت.....بعدين رحت گعدت بمكاني وشوية ودخل والهلاهل والهوسات وأيه تگمز بالنص وتهوس وتشاقة ويه علي..... اجة گعد بصفي..
علي؛ مبروك بنيتي
فاطمة؛ يبارك بيك
علي؛ شنو هذا الكيك تره اني مااتحمل
فاطمة؛ خرب شوف عيونة وين صرت حمرة... بعدين جابو الذهب.. ولبسني الحلقة وبعدين الباقي وخو الگلادة أصعب شي لان كلشي طالع ولو هوه مقصر بعيونة... لبسنياه
علي؛ اويلييي يابة والله لو الزمج اله اطلع ضيم گلبي بيج
فاطمة؛ علييي
علي؛ اعصابج ليش متنرفزة لاعبالج اعوفج اليوم.....
إيه؛ دخل علي وفرحتي بي شكبرة وهوست وهلهلت من كل گلبي وانوب وگفت يمهم وفطوم شوية وتذوب لان نضرته كارثة خرب يومه.... نوب حاجاني
علي؛ خيتي اريد اشرد
إيه؛ ههههه مو تدلل كم علوش عندي
علي؛ فديتج والله احله شيخة
إيه؛ ولو.... رحت ل امي گتلة علي يريد ياخذ فطوم شوية للغرفة
ام ايه؛ ولج مأامن بي خاف يسوي شي بالبنية
إيه؛ صدگ جذب ماما لاتخافين علي يسيطر انشاءالله عله الوضع
ام ايه؛ ههههه يا وضع متشوفينة مستوي
إيه؛ هههههه غير فطوم طيرت عقلة.. يله اني راح ادخلة لغرفة جدتي... يله علوش الك خمس دقايق واذا اتاخرت اسوي مداهمة لان مأامن بيك
علي؛الله كريم عود.....
فاطمة؛ اني اعلمج ايه بسيطة نذلة... والله استحيت سحب ايدي ودخلني للغرفة....بده يتقرب عليه واني ارجع خطوة.....
علي؛ ليش خايفة
فاطمة؛ ها لا مخايفة... دنگ عليه وسحب شفتي وضل يتعمق واني ادفع بي ماكو بعدين نزل لرگبتي اني رأسا طفرت گلت لايسوي أثر وانفضح.... هوه انتبة لنفسة وخر مني
علي؛ خرب طيرتي عقلي.... اني طالع قبل لاانتحر بيج
فاطمة؛ خله وطلع اخذت نفس وانوب شفتي ورمت والله استحيت كلش بس همزين ايه نقذتني
إيه؛ هههههه شبي طلع ركض اضاهر فقد السيطرة... وانتي تعاي خلي حمرة واخفي الصخام هذا............
............
للقصة تكملة........ كثرو من التعليچات 😂احب اقرة تعليچاتكم 😚واحاول ارد عله الكل ولاتنسون التصويتتتتتتتت👇👇