عشگ الضابط أمير

البارت الثاني والثلاثين

وتوالمنه..
وخذانه الشوگ يم كل باب
يل كلشي حلو بوجهك!
طلع لون الگمر چذاب'♥️،
💘💘💘💘💘💘💘💘
نور؛ رئاوي بيج شي
روئ؛ لا ليش
نور؛ ليش دا احس تلمحين عله شي ومشكلتي مفهمت عله شنو تلمحين
روئ؛ هههههه لا ماكو شي لاتشغلين بالج يجوز متوهمة
نور؛ اممم يجوز
روئ؛ عوفينة وسولفيلي عل ابن عمج الجديد
نور؛ قصدج ابن عمي بالباكيت
روئ؛ هههههههه اي
نور؛ صاك وشخصية وحباب
روئ؛ اووووو مواصفات عالية الجودة
نور؛ اي خوش مواصفات
روئ؛ بس لا مخليه عينج علي
نور؛ نجبي اعتبره اخ حاله حال علي وهوه كذلك
روئ؛ عبالي هبطتيني
نور؛ وانتي شعليج عليمن انهبطتي
روئ؛ ها لا هيج احجي وحدي
نور؛ ثولل اي والله امشي امشي تأخرنة عل المحاضرة...
.........
أيه؛ ننوشة
نور؛ اهمم
إيه؛ وين صافنة
نور؛ هيج ماكو شي
إيه؛ ماشي اگولج أريد تعزمين روئ فديوم عدنه
نور؛ ليش
إيه؛ اريد احاجيه علمود أحمد
نور؛ ايوو قابل هيه بالغصب
إيه؛لا مو بالغصب بس اني حاسه انو هيه هم تريده
نور؛ وشوكت حسيتي بله
إيه؛ من أجت عليج اخر مره وأحمد جان متصاوب.. شفت شي انتي ماانتبهتي علي
نور؛ صايرة برج مراقبة حضرتج
إيه؛ هههههه المهم اريد دزين عليه بحجة القراية او اي شي
نور؛ ماشي أشوف...
أيه؛ اوك اني رايحة أسوي جاي
نور؛ أروح أكوي ملابسي وارجعلج
إيه؛ خليت الجاي عل النار ووگفت عل الكاونتر احضر بالصينية.. ومااحس اله أيد عله عيوني... امممم هباوي
هبة؛ ههههههههه شلون عرفتيني ولج
إيه؛ ههههه من عطرج
هبة؛ فديتني وفديت عطري 😌
إيه؛ هههههه عوفي الغرور.. شلونج
هبة؛ الحمدللة
إيه؛ ليش مااجيتي بالعزيمة
هبة؛ ولج غير صارت بيه دگة
إيه؛ ياستار شصار
هبة؛ ولج اجيت اخلي مكياج والگة المرطب خلصان وناسيه اجيب غيرة فه خرب واهسي واني عندي امتحان گلت خل اگعد أقره والصم واروح غير مرة واليوم بابا عنده شغل ويه جدو گتله اخذني وياك وهل اجيتكم
إيه؛ يعني مااجيتي علمود المرطب مخلص
هبة؛ اي لان اني مااعرف اخلي مكياج بدونه
إيه؛ هههههههه خرب يومج ضحكتيني ولج والله أنتي فلم
هبة؛ هههههه لاتضحكين اني مااحب اطلع اذا مو بكامل اناقتي
إيه؛ شنو هل الأناقة.. لازمة ايده وتفتر
هبة؛ مو بله صاكة
إيه؛ هههههه اي والله تخبلين..
فهد؛ ايوو... آسف ماادري أحد وياج
إيه؛ لا عادي هبة مو غريبة.. تعال أعرفك عليه.. هبة تصير بت عمة رسل
فهد؛يا هلا تشرفنة
هبة؛ اهلا وبيك اكثر
إيه؛ محتاج شي
فهد؛ اي ردت أسئلج عله الحاسبة جانت بالصالة عل الشحن وينه
إيه؛ خليته بغرفة بيبي لان نضفت وخفت توگع
فهد؛ ماشي..
هبة؛ هذا الكيك منو
إيه؛ ههههههه فهد أخوي
هبة؛ شهل الخلقة يربي عسل مدري كيك
إيه؛ ههههههههه شبيج ولج
هبة؛ فدوة لله يجنن وهل اگول البنات كله تحجي بي وموتني بي لو شايفته لو شافيته... عمي يستاهل كل كلمة گالنهه
إيه؛ هههههه أمشي صعدي لنور تلگيه بغرفتة واني هسة اجي وراج
هبة؛ ماشي عود جيبيلي وياج عصير شي ثولل مرت الشيخ وكلشي مأكو
إيه؛ انجبي ولج عود جايي اجيبلج وياي عصير وكيك بس متستاهلين
هبة؛ ههههه عمي اشاقة انتي وين اكو مثلج نادرة ومعدلة... بس اني اضل احسن منج... هههههههه شمرت وراي الخاشوگة ركضت للصالة أضحك وفاتحة حلگي... عزا والله فشلة لگيته گاعد بالصالة وانوب شافني شلون اركض وأضحك.. وا فشلتاه نزلت راسي وطگيته ركضة لفوگ....
إيه؛ فهد تريد جاي
فهد؛ لا خوية مااشرب جاي
إيه؛ ليش
فهد؛ متعود عل الگهوة
إيه؛ ها لعد منا وهيج اسويلك گهوة.. تره اني اشطر وحدة اسوي گهوة وحتئ جدو خلاني مسؤولة عل گهوة الديوان بالعزايم 😌
فهد؛ ههههه عمي وين اكو مثلج
إيه؛ ههههه شكرا شكرا رفعت معنوياتي😄..
لعد اروح اودي الصينية لهاي العوبة قبل لاتاكلني وارجع اسويلك احلى گهوة..
فهد؛ مشكورة خيتي
إيه؛ تدلل....
هبة؛ اويليي شنو هل الدلال تعالي تعالي اصلا اني ممتغدية
إيه؛ هاج مفجوعة
هبة؛ ههههه من زمان اني مفجوعة ولج شنو هذا عاشت أيدج تجنن
إيه؛ بالعافية
نور؛ وأني ولج ليش مجبتيلي وياه
إيه؛ نسيتج عود أكلي وياه
هبة؛ لا لا محد ياكل وياي تريد خل تروح تجيب لنفسه
نور؛ سم الله أكلي مااريد
هبة؛ اي عفية وعود لاعبالج اگلج اشاقة وتعالي تفضلي وياي لا عيني
إيه؛ ههههههههه أكلي حبيبتي محد يشاركج
هبه؛ هاي بوسة بالهوة الج احلى شيخة😘
نور؛ 😒😒مفجوعة
هبة؛ 😝😝
إيه؛ من تخلصن نزلن اني راح اسوي گهوة لفهد
نور؛ ماشي.... هباوي
هبة؛ ها حب
نور؛ أريد تعلميني عل سحبة الايلاينر.. هاي شلون تسويهه مضبوطة
هبة؛ ههههه الله وكيلج گعدت عليه أسبوع ليل ونهار أتعلم منا لمن ضبطته...
نور؛ مالي خلگ اگعد واجرب عود انتي علميني
هبة؛ تدللين
نور؛ يله خل ننزل ...ولج جيبي الصينية وياج
هبة؛ عابت قابل أعوفه
نور؛ هههه....
فاطمة؛ هلا هباوي عدنه
هبة؛ اي منورتكم اليوم
فاطمة؛ هههه شلونج
هبة؛ الحمدللة حبي..شنو هل العطر
نور؛ يا عطر
هبة؛ شبيج مسدود خشمج
نور؛ اشش ولج باوعي عل الدرج
هبة؛ درت وجهي عل الدرج شفته نازل ورافع حاجبة. عزاا بس لاسمعني ولج
نور؛ ههههه اي عيني
هبة؛ خرب ثاني فشلة ويا...
فهد؛ نور وين أحمد
نور؛ بعدهه فوگ
هبة؛ انوب خله وگعد ينتضر احمد واني گمت احجي ويه نور اشرد من الاحراج 🤦🏻‍♀️بس شنو هاي الكشخة خرب...
احمد؛ ياهلا اليوم الفاشنستا هباوي عدنه
هبة؛ هههههه اي بله متشوف البيت شلون منور
احمد؛ شهل الغرور ولج
هبة؛ مو غرور ثقة بالنفس مستر احمد 😌
احمد؛ بله شكم ساعة گعدتي عل المراية قبل لاتجين
هبة؛ ٣ساعات واشرت بأيدي
احمد؛ اگص أيدي منا اذا صدگ ٣ ساعات
هبة؛ ههههه زيده ساعة مالت الاضافر
احمد؛ خرب حضج شهل الخلگ
هبة؛ عسل عله گلبي شحارگ دمك
احمد؛ شعلية بيج بس انصحج فتحيلج صالون احسلج
هبة؛ لا اريد افتح ماركة بااسمي
أحمد؛ ايباه ماركة
هبة؛ ههههههههه
إيه؛ هههههه والله يلوگلج الماركة
هبة؛ ادري ادري بس هذا مضغوط مني
احمد؛ يله ابن العم خل نتوكل
فهد؛ بعد وكت هسة يله شفتني
احمد؛ ليش متنرفز ابن العم
فهد؛ سلامتك يله تأخرنة....
نور؛ هذول الزوج وين رايحين وكل هل الكشخة
إيه؛ فهد يريد يشتري سيارة
نور؛ خرب شوكت احنة نشتري
إيه؛ عل التخرج انشاءالله نسوي عليهم مضاهرات 😂😂
...............
فهد؛ لا معجبتني
احمد؛ لك دوختني فرينه المعارض كله وماكو شي عجبك
فهد؛ مالگيت لبالي
أحمد؛اسمع راح اخذك لمعرض صاحبي سيارته راقية واخر موديل......
.......
أحمد؛ بالقرآن تخبل بس خلصني
فهد؛ لك شبيك غير اخذ رأيك وجايبك وياي
أحمد؛ اي مو گتلك آخذة بس اخذ لون أسود
فهد؛ اي هوه أسود....
...........
نور؛ والله خوش تعلمين
هبة؛ تعلمي عله هاي السحبة تلوگ لعيونج
نور؛ اي عجبتني
هبة؛ يله حبشكلات اني اروح بابا منتضرني
إيه؛ وين دبقي يمنه اليوم وباجر جمعة ماكو دوام
هبة؛ لا والله مااگدر المره الجاية انشاءالله
إيه؛ ماشي عود تعالي مو طولين
هبة؛ لا ماطول شعندي بالبيت ضوجة مگابلة الحايط وگاعدة لااخت ولابطيخ
إيه؛ اتزوجي
هبة؛ ويععع شعندي بالزواج خلي راسي بارد هوه اني اشوف خواتي وضيمهن واگول الحمدللة ممزوجة
فاطمة؛ ضليتي بس انتي
هبة؛ اي والله وحدي افتر بهل البيت وأخواني حايرين بروحهم ما يگولن خل نطلع هل المگرودة اختنة حجر حجر الله وكيلجن
إيه؛ هههههه كلهم هيج
هبة؛ اي... يله بيباااي 😘...
.......
ام ايه؛ دمه عسل هاي البنية
إيه؛ اي والله تونس وتضحك
نور؛ نفس طگتي مو
فاطمة؛ اصلا ماكو فرق بيناتجن
ام أمير؛ بس لو تريحين گلبي
نور؛ احم يله بنات تصبحن عله خير
ام أمير؛ اي شردي شردي
أيه؛ ههههههه شفتية شلون شردت
فاطمة؛ هههههه خرب يومه حست راح تنفتح عليه جبهه
...............
نور؛ صباح الخير
إيه؛ اهلا صباح النور
نور؛ شداسوين
إيه؛ دا اغسل ملابس
نور؛ ماشي لعد اني نازلة.....
أمير؛ أيه وينج
إيه؛ هنا بالحمام
أمير؛ شنو هل العسل
إيه؛ عيونة عله صدري لان مدنگة... خرب ميفوتك شي انته
أمير؛ هههههه شنسوي نباوع ونتحسر
إيه؛ اميير
أمير؛ ههههه لاتتنرفزين خليج هادئة
إيه؛ هوه انته خليت بيه هادئة كلساع مذكرني
أمير؛ يابه سكتنة بعد منحجي شي...
إيه؛ تسوي فضل والله... صدك شنو ردت مني
أمير؛ سلامتج جاي اشوف مريتي خاف محتاجة مساعدة وغمزلة
إيه؛ لا حبيبي أريدك سالم...
أمير؛ براحتج عود گلت أعرض خدماتي
إيه؛ ههههه لا مشكور لاتعب نفسك... والله ورطة هاي يعني بكل فرصة لازم يذكرني ويگلي شسوي محروم لان عليه الشهرية لو ابتليت عله روحي... سمعت صوتة بالغرفة يحجي وية عمتي مهتميت بس من سمعت اسم نور طگني الفضول ركزت وياهم اسمع أمير يگلله
أمير؛ يمة الولد هم طلبه مني واني گتلة نشرف بيك..
ام أمير؛ اي يمة حتى المره حاجتني عليه بس هاي أختك موتتني
أمير؛ يمة انتي حاجيتية وگلتيله دانيال متقدملة
ام أمير؛ لا يمة بس شگد اجوني ناس عليه وهية متقبل واني مااوصله الكم
أمير؛ يمة الله بالخير انتي گعدي وياه وحاجية..  تره الولد مينرفض زلمة معدل ومتلگة احسن منه وعشرت عمر اني ويا.. وياما واگف وياي وحامي ظهري من الموت....
ام أمير؛ انشاءالله اني اليوم اگعد وياه وافهمة
أمير؛ تسوين زين..
إيه؛ روحي ننوشة انعلستي.. وانته هسة يله حركت نفسك وخطبت وين جنت.. من كرهتك البنية يله هزيت طولك..
......
ام أمير؛ تعاي يمة حبيبتي
نور؛ صارت بيه حبيبتي الله ليستر... ها يمة گولي
ام أمير؛ يمة البنية اول وتالي لبيت رجلة
نور؛ قاطعتة.. يمة گولي منو متقدملي هل المره ميت مره عايدة هذا الحجي وحافظتة كلش زين..
ام أمير؛ ولج انتي شو متسحين
نور؛ هسة شحاجية مو زين اوفرلج الاسطوانة مالتج... هسة گولي شكو
ام أمير؛ يمة دانيال متقدملج
نور؛ شنووو دانيال.. دانيال صديق أمير
ام أمير؛ اي يمة... يمة الولد مينرد وخوش زلمة وأمه مره طيبة وتنحط بالگلب واخوج موافق ن
نور؛ بس اني مموافقة
ام أمير؛ انتي شبيج هسه شعرفتي وبسرعة رفضتي
نور؛ يمة مااريد هية گوة
ام أمير؛ وليش شيعيب الولد بله گليلي ليش متردينة
نور؛ مايعيبة شي بس اني مااريد ازوج
ام أمير؛ مو بكيفج أخوج موافق وابوج هم راح يوافق
نور؛ يعني شنو تردون تغصبوني
ام أمير؛ اي شي بي مصلحتج اغصبج.. يمة انتي بعدج ماواعية ومتعرفين مصلحتج
نور؛ وهاي انتي گلتية ماواعية وبعدني زغيرة ومااريد ازوج هسة
ام أمير؛ نور اجيت وحجيت وياج بالطيب لاتخليني اتصرف غير تصرف.. فكري بالموضوع تره أخوج ماناوي يرفضة
نور؛ هيه غصب قابل هوه راح يزوج لو اني
أمير؛ نورررر لاتعلين صوووتج
نور؛ آسفة وأعتذر نسيت نفسي شيخ
أمير؛ يمة شصاير
ام أمير؛ يمة شلعت گلبي هاي البنية انته أتفاهم وياه زعطوطة ومتعرف مصلحته اگلله الولد مينرفض تگلي مااريد ازوج بله هاذا حجي...
أمير؛ نور ليش رافضة الولد مينرد
نور؛ خوية الزواج مو غصب واني مااريد
أمير؛ هذا الحجي مايمشي عندي گعدي وفكري وبعدين نتفاهم
نور؛ حاضر... صعدت بسرعة وخليت راسي بالفراش وابجي .. الحقير اكرهه مااريدة هيه گوة 🥺😭..
........
إيه؛ أمير ليش هيج
أمير؛ ايه لاتدخلين بالموضوع
إيه؛ ليش نور أختي وانته المفروض مو هيج تصرف وياه
أمير؛ ايه سدي الموضوع دايخ وأريد انام
إيه؛ ماشي.. رحت لنور لگيتة مغطية راسه وتبجي.... نور ليش تسوين هيج انتي مو تحبينة
نور؛ مااحبة طلع من گلبي هوه يحب هذيج خطيبتة وجان يضحك عليه عباله انطي مجال واسوي ويا علاقة وهاي السوالف
إيه؛ انتي شمدريج وهيج تفكرين
نور؛ ايه تره مبين ميحبني ويمكن امه هيه الجابرته وهوه گلج خل آخذة اول وتالي اخت صديقي وميردوني
إيه؛ نور لاتفكرين هيج انتي بكيفج جاي تحجين
نور؛ بكيفي مو بكيفي اني مااريد ازوج وخاصة هذا
إيه؛ انتي ليش متهدين وتفكرين بعقلانية
نور؛ فكرت ومااريد وياريت توصلينه للشيخ
إيه؛ استغفرالله الله يهديج.....
...........
فاطمة؛ نور گومي اتأخرنة
نور؛ گلت مااريد اداوم مالي خلگ
فاطمة؛ انتي شبيج من البارحة مطايقة احد ومتتحاجين
نور؛ يعني عله أساس متعرفين بالموضوع
فاطمة؛ اعرف وانتي اذا متردين گولي مااريد وينتهي الموضوع
نور؛ ولج منو يسمع ويفتهمني امي لو الشيخ
فاطمة؛ ماكو شي بالغصب... ويله گومي
نور؛ مااريد اداوم واشوف روئ اكيد تعرف بالموضوع وراح تسئلني لان من ذاك الأسبوع تلمح عل الموضوع
فاطمة؛ اووف شلعتي گلبي بكيفج بعد...
أيه؛ ها وينه
فاطمة؛ متريد أداوم
أيه؛ عوفيه براحته خل تفكر وتهدء
فاطمة؛ يا تفكر هاي قافلة
أيه؛ اني أخاف من وره عناده يغصبوه لان الضاهر أمير موافق وماناوي يرفضة
فاطمة؛ تره الشغلة مابيه غصب
أيه؛ والله ماادري يصير خير يله تأخرنة خل نطلع.....
.......
نور؛ نمت بالعشرة الصبح وگعدت ب ٧ بليل لان البارحة منمت أبد .... خرب شو محد سئل عليه گال خل نشوفه ميتة عدلة... دخلت سبحت وبدلت ونزلت لگيت البنات يسوون عشا.... صباح الخير
إيه؛ مساء النور عيني بعد وقت
نور؛ اسكتي ولاحاسه بنفسي
فاطمة؛ اي اجيتج الظهر مثل الميتة
نور؛ شسوي مانايمة بليل... شكو ماكو شخبار الجامعة
إيه؛ ماكو شي نفس الروتين التعبان بس خطية روئ سئلت عليج گلتلة تعبانة شوية
نور؛ امم اي شفتة مخابرتني ومخليته صامت... جوعانة
إيه؛ هاي خلصنه تعالي شيلي المواعين
نور؛ يم مسوين بيتزا عاشت أيدج فطوم
فاطمة؛ عوافي..
........
إيه؛ نور اخذي لجاي لغرفة بيبي لان عمو يريدج
نور؛ شنو بابا يا حبيبي انعلست ... منو گاعد ويا
إيه؛ أمير وعمة وبيبي
نور؛ لا هاي هيه كملت السبحة...مااريد اروح أكيد راح يفتحون نفس الموضوع
إيه؛ ولج شلون مترحين.. امشي روحي وگليله قرارج
نور؛ تعالي ويايه
إيه؛ يله أمشي..
نور؛ نعم بابا
ابو أمير؛ تعاي بابا گعدي
نور؛ يمة شنو هل الحنان الله ليستر..
ابو أمير؛ بابا امج حجتلي عل الموضوع وگلتلي انتي رافضة بابا الولد خوش ولد ومعدل وأخلاق ووضيفة وخير من الله عنده.. مايعيبة شي وصاحب أخوج وعشرت عمر هوه ويا ويعرفة ويعرف أخلاقة واصلة.. يعني الولد كامل والكامل الله يابوية.. وانتي كبرتي واول وتالي لازم تزوجين وتكونين عائلة واذا عل الدراسة يخليج تكملين حالج حال اختة.. هسة شگلتي يابوية..
نور؛ زين بابا واذا گتلك مااريد انتم ليش تردون تجبروني ادري الولد ميعيبة شي وأخلاق بس اني ممفكرة بالزواج ومااريد ازوج هسة..
زهرة؛ ولج هية شنو ممفكرة لبگدج خلفن
نور؛ هاي هيه كملتة زهرة بالخلفة من امده حضي اي والله... بيبي شعلية اني بغيري
ام أمير؛ ولج انتي ليش متفكرين بعقلج ولج رفضت لمن مليت ياهيه التجيني واگلله مو للزواج الى متى بله اضل أرفض..
نور؛ من اقتنع اني
أمير؛ نور هذا مو حجي تره لهسة احنة جاي ناخذ ونطي وياج فكري بعقلج وعوفي هاي الخرابيط
نور؛ شيخ مو خرابيط
أمير؛ نوور لاتراددين احجي عدل
ابو أمير؛ بوية عله كيفك ويه أختك
أمير؛ يابه ماتسمع حجية.. يابة اني دائما واگف وياه وكل ماتجيني امي وتگلي اكو ناس متقدمة اله اني أرفض من الأساس واگول مو هسة بعدهه زغيرة... بس دانيال مايرفض وصديق عمري واستحي ارده يابه والله الولد مينرد.. ياما وياما ناقذني  من الموت حتى آخر مره من اتصاوبت جان اجة القناص بنص راسي بس هوه شافه ودفعني وصارت بچتفة.. يعني تريدني بعد كل الحجي أرفضة لا والف لا وهيه تسمع هذا الحجي..
نور؛ يعني شنو افتهم من كلامك خوية
أمير؛ ترضين بالولد وهذا من مصلحتج
نور؛ لا مو من مصلحتي انتم جاي تفكرون بس بمصلحتكم
أمير؛ نورررر لاتطلعيييني من طوررري لزمي لسانج احسلللج
ابو أمير؛ نور عيب هذا الحجي احنة شعدنة من مصلحة ويا
نور؛ معناته مااريد وحتئ حرام تغصبوني لان الزواج مو غصب
أمير؛ انتي متعرفين مصلحتج احنة ادره بمصلحتج
نور؛ ليش تحسسوني اني گاعدة عله گلبكم انتم عمركم ماغصبتوني عله شي ليش هل المره تردون تضلموني بقراركم
أمير؛ محد ضالمج احنة اعرف بمصلحتج ودانيال راح يصونج ويخليج بعيونة..
نور؛ ههه يعني شنو.. دموعي تنزل من وحده
أمير؛ يعني راح توافقين
نور؛ أمير لاتضلمني اني أختك.. اختك من دمك ولحمك ماجايبيني من الشارع.. بس هذا لراح اگوله الكم...
إيه؛ گالت كلام قوي كلش وصعدت تناشغ...انتي شبيج تبجين
فاطمة؛ ماسمعتي كلامة وشلون حجته😭
أيه؛ سكتي اصلا بالگوة لازمة دموعي..
فاطمة؛ فدوة حاجي أمير خل يتراجع
إيه؛ هه متعرفين أمير بگدي.. اذا گال اي يعني اي واذا لا يعني لا.. ومحد يگدر يغير كلامة واصلا البارحة گلي لاتدخلين بالموضوع..
........
إيه؛ أمير راح تجبرهه
أمير؛ هذا مايسمونه إجبار.. هذا الشي لمصلحته
إيه؛ بس هية مموافقة خلوه براحتة تره الزواج قسمة ونصيب
أمير؛ ودانيال قسمتة
إيه؛ ومنو يگول
أمير؛ انتي نطيني سبب واحد يخليه ترفضة الف وحدة تتمنا بس هوه اجة وطلب نسبي يعني ارده وهوه رجال معدل واخوي الماجابتة أمي وادري وكلش زين راح يسعدهه ويعيشة أميرة ويدلله مثلنة واحسن
إيه؛ يعني راح ترجعلة الموافقة
أمير؛ الله كريم...
............
إيه؛ بعد أسبوع أمير التحق وباجر يرجع.. واليوم ام دانيال اجت تطلب نور رسمي وهيه لهسة معاندة ومتقبل بس متگدر تحجي شي لان الكل ضده وموافق عل الزواج وهيه مخلصتة بجي ونوم وحتئ جامعة متداوم.........
..
فاطمة؛ گومي بدلي يله
نور؛ مااريد
فاطمة؛ زين گومي سبحي
نور؛ مااريد
فاطمة؛ گومي أكلي
نور؛ هم مااريد
فاطمة؛ ولج شليتي حالي والله صارلج اسبوع عله الحالة ميصير تره
نور؛ بكيفي نفسي وحرة بيه عسا مااموت هم بكيفي
فاطمة؛ استغفرالله ربي.. زين گومي بدلي عيب من المره جاية ومطلعين تسلمين عليه زين عوفج من المره.. روئ صديقتج مو عيب هيج متجاهلته صارلج اسبوع وفوگاه متردين تطلعين عيب والله گومي ياعيني نعلي الشيطان وارضي بقسمتج..
نور؛ فاطمة مااريد اعيش ويه واحد گلبة ويه غيري
فاطمة؛ انتي شمدريج هذا الحجي صح تره انتي من وحدج جاي تصفطين 
نور؛ محد يگدر يحس بالجاي اعيشة ومحد يعرف شنو بگلبي.. بس مثل متردون راح اسوي راح اسبح واكشخ وانزل اسلم واجاملهم وأسوي نفسي فرحانة وراح ارگص بخطبتي وأفرح واغني بس أنتو اهم شي ترضون عليه ماشي...
........
إيه؛ هلاو خالة نورتينة والله تفضلي
ام دانيال؛ حبيبتي فدوة لگلبج الدار منورة بأهله
إيه؛ تسلمين تفضلي... شلونج رئاري
روئ؛ الحمدللة حبي
إيه؛ دومج انشاءالله..
......
فاطمة؛ يله ننوشة نزلي
نور؛ نازلة.... نزلت سلمت وروئ تعاتبني لان ماارد عليه اتحججت مريضة وتعبانة وهية فرحانة واصلا طايرة من الفرح اكثر مني تگلي وأخيرا راح اشوفج بيتنة ومرت أخوي واني ابتسمله مجاملة.. وأمه بدت تحجي وتمدح باابنة طلع ملاك كلهه تمدح بي.. وطبعا ماما گلتله أشوف ابوه واخوانة وانشاءالله خير... ههه ضحكتني همه اصلا بايعيني ومخلصين...اخير شي استأذنت وگالت انتضر ردكم... من رجعت أمي للصالة گلتله.. ها ماما ارتاحيتي مو سويت لبالج بس شرأيج بتمثيلي شلون شفتيني واني اضحك بوجهن ومسوية دور العروسة الفرحانة والخجلانة...
ام أمير؛ ادبسزز شهل الحجي وضربته راشدي
نور؛ مشكورة يمة هاي هدية الخطبة مو.. هيه بقت بس الضرب ويكمل الموضوع..
ام أمير؛ ادبسزز اله اگصة لهذا لسانج وخلي بالج تزوجين هذا الولد يعني تزوجينة وأريد اشوف شلون تطولين لسانج عليه.. اني كله مني انطيتج مجال وكبرت راسج وگلت وحيدتي وادلله بس طلعت غلطانة هذا الجيل ميفيد وياه الدلال اله بالعين الحمرة يله تجون بسيطة نور بسيطة يمة.. اني تالي وكتي ترفعين صوتج عليه...
ام ايه؛ خية عله كيفج مو هيج التفاهم
ام أمير؛ ماشفتي شلون تحاجيني
ام فاطمة؛ بعدهه زغيرة لاتاخذين بحجيه
زهرة؛ ميصير تضربينه يايمة
ام امير؛ يمة ماشفتيه شلون تحجي وتعلي صوتة عليه اني امه وماحترمتني شلون باجر عد الناس هم هيج لسانة ومتحشم أحد
زهرة؛ تتعلم يايمه تتعلم بعدهه زغيرة
إيه؛ انصدمت اول مره عمتي ترفع ايده عله نور وهيج تحجي... استغفرالله ليش جاي يصير هيج...
........
فاطمة؛ نور انتي الغلطانة شلون تحجين هيج ويه امج
نور؛ من حرگت گلبي ماتحملت بس ليش تضربني كله من وراه هوه السبب هوه الخرب علاقتي ويه أهلي 🥺😭..
فاطمة؛وتالي وياج شوكت ترضين وتقتنعين بالواقع
نور؛ ماارضة ولااقتنع وهذا لعندي
فاطمة؛ انتي الراح تنضرين والله ومحد غيرج
نور؛ فاطمة اريد أنام عوفيني
فاطمة؛ كافي ماشبعتي نوم ولج حتئ دراستج تركتيه وهملتيه بله منو يسوه تسوين بنفسج هيج
نور؛........
فاطمة؛ اووف منج ومن عنادج وراسج اليابس
....
نور؛ وره يومين أهلي رجعو الموافقة ومحد أهتم لرئيي وحددو الخطبة بعد أسبوع واصلا مفتحت حلگي واعترضت لان امي قايمة بالواجب اصلا هية العروس مو أني...
...
أمير؛ ايه اريدج تگعدين ويه نور وتعقلينه
إيه؛ والله گعدت اصلا كل يومية احجي وياه وهيه بس تسمع متجاوب.. انته احجي وياه وطيب خاطره احسن...
أمير؛ الله كريم...
إيه؛ احم حضرت الرائد
أمير؛ خير ست ايو
إيه؛ الخير بوجهك.. تعرف انته جايتنة خطبة وحفلة وكذا فه لازم تجهيزات وفستان علمود شنو نطلع توب لان مثل متعرف مرت الشيخ لازم اكون انيقة ومحط انضار الحفلة
أمير؛ اي
إيه؛ اي
أمير؛ اي شنو
إيه؛ هههههه غير انته گلت اي واني گتلك أي
أمير؛ احجي من الأخير
إيه؛ تاخذني للمول يعسل انته..
أمير؛ وبعد
إيه؛ امم ها اي صدگ وتخليني اروح للمركز ويه نور
أمير؛ وبعد
إيه؛ وبعد وبعد ها اي وأهم شي اريد اخذ رائيك بموضوع
أمير؛ شنو
إيه؛ احم تره ممتعودة عله هذا هدوئك وگاعد وتسمعني
أمير؛ غير اخذ طلباتج وبعدين ندرس وحدة وحدة
إيه؛ اي مو هل اگول.. اي حبيبي اريد أصبغ شعري هم😊
أمير؛ بعد عندج شي لو خلصتي
إيه؛ لا هذا هوه خلصت واذا تذكرت شي ارجع اگلك هسة جاوبني
أمير؛ للمول تدللين ناخذج وللمركز هم روحي بس شعرج لا
إيه؛ زين ممكن السبب بلازحمة
أمير؛ لان بالعرس عاندتيني وصبغتي وهسة أريده يبقى اسود للذلك ماكو صبغ
إيه؛ تمون حضرت الرائد
أمير؛ اي عفية خليج حبابة
إيه؛ اصلا اني حبابة واسمع الكلام من زمان بس انته ماخذ عليه فكرة
أمير؛ أويلي من لسانج هذا
إيه؛ هههههه شوكت نروح للمول
أمير؛ عله فرغتي
إيه؛ ماشي حب 😘...وره يوم اخذني للمول واشتريت فستان يجنن بس طبعا ماراويته اله لان ادريي مراح يقبل.. هههه راويته واحد مستور وگتلة هذا وهوه رأسا گال اي اخذي حلو واني رجعتة وجبت لريده 😁.. وأخذت مكياج كامل بس بعد عركة وساعة اتوسل يله خلاني اشتري وكملت كلشي وتعشينة ورجعنة وعگب باجر نروح للمركز لان الخطوبة قربت ونور بعدهه عله موقفه ولااتحركت وگالت خل اشتري لو اجهز نفسي واحنة ملينة من الحجي وياه بس ماكو اذن من طين وأذن من عجين بس قررنة ناخذه سحل ونشتريله فستان....

للقصة تكملة..... لاتنسون التفاعل اريد تفاعل قوووي حتى تسوولي واهس اكمل والبارتات الجاية حلوة🔥.. 😍😍

عريان يكول:
مخيط خياط وي روحي شلون اهدك❤️