عشگ الضابط أمير

البارت السادس والعشرين

گتلك
من أزعل عليك يجوز ارضه
بـ ضحكه منك بـ كلشي منك
بس گلتلك لاتزعلني ع روحي
🌿🌿🌿🌿🌿🌿🌿🌿🌿
#‹ آ̀يه̀ آ̀لبيآ̀تي | 🖤🥀
#عشگ الضابط أمير
........................................
فاطمة؛ صعدت العشا اله وعناد بيه اكل لگمتين وعافه لو اعرف اني شدخلني وهيج جاي يعاملني شوية واندگ الباب دخلو عماتي وأيه تحمدوله بالسلامة وطلعو اني رحت بدلت وفرشت فراشي بالگاع وبسطت بالكتب أقره وهوه يباوعلي صفح معاجبه الوضع الاستاذ بس من يعاملني هيج عادي... والله عناد بس قريت ولفيت راسي ونمت ماگعدت اله عل المنبة الساعة ب ٦ ونص باوعت علي خرب نايم بالفانيلة التعلاگة والغرفة ثلج وبدون غطا گمت غطيتة وبستة والله احبة بس هوه خبيث ومستفز غسلت وبدلت ونزلت جوه وكالعادة گعدت بالمطبخ انتضر الست ايه شوكت تشرف دومه متأخرة ونور هم ماكو مداوم ماله خلگ ضليت أراجع ونوب صارت ب ٧ وربع وهاي ماكو والخط راح يجي صعدت دگيت الباب وطلعت الخانم بطرگ الروب والشعر ينگط مي من غير جسمه المطگع .... عزا ولج بعدج وشنو هاي وقتكم هسة..
إيه؛ لج لا ونبي البارحة تناگرنه بليل وهو خبث وياي شوفي شسوه بجسمي ونمت چفي وگعدت متأخرة ودخلت ركض للحمام
فاطمة؛ خرب حضج امشي ولج بسرعة بدلي يله
إيه؛ عشر دقايق ونازلة مو ترحين اموتج
فاطمة؛ هههه دمشي يله منتضرتج.... خبلة والله گعدت انتضره وهيه صدگ عشر دقايق ونزلت تركض بس شنو بعده ملابسة الحذاء والمكياج بأايده والعباية والجنطة شمرتهن عليه من فوگ.... هههههه ولج شوف شكلج يموت ضحك
إيه؛ عوفيني بضيمي ولا تضحكين الخبيث بسيطة شوف جسمي يوجعني من البارحة
فاطمة؛ هههههه تستاهلين اله تناگرينه بليل
إيه؛ توبه توبه والله بعد مااحجي شي بليل
فاطمة؛ هههههههه خرب ضحكتيني واني ضايجة من الصبح
إيه؛ ضحكي ضحكي خية وشبعي ضحك اذا الشغلة بيه ايه....
فاطمة؛ههههه يله لبسي العباية وعود المكياج بالسياره خلي
إيه؛ لاولج فشلة من ابو الخط شيگول عباله اخلي من وره اهلي بسكوت
فاطمة؛ دتعالي اني اخليلج
إيه؛ هاج بس لا تكثرين لاانوب انكتل هل المره.......
فاطمة؛ هاي خلصت لبسي الحذاء بسرعة
إيه؛ ماشي لبست الحذاء وأخذت الجنطة والكتب وطلعنة....فطومة شبيج ضايجة
فاطمة؛ اووف والله تعبت من اسلوبة مجاي افهمة شيريد يعني البارحة هوه تعارك وياي وصيح عليه وطلع وبعدين من رجع هوه الزعلان مو اني واسلوبة المستفز يطلب وينتر ويتجاهلني يعني شخصيتة صعبة ومتعبة والله..
إيه؛ حبيبتي لازم تتحملين بعدكم ممتعودين عله بعض ولا فاهمين بعض لازم تصير شوية مشاكل وانتي خلي خلگج طويل تره علي ونبي يحبج بس هوه من يصير عصبي ميشوف گدامة حتى قبل من يصير عصبي البيت ينگلب علينة ومحد يتقربلة هوه وحد يهدئ ويرجع طبيعي فه انتي حاولي تفهمي وتعرفين شخصيتة زين...
فاطمة؛ انشاءالله..... دخلت للمحاضرات بس اخر محاضرة تأخرت لان عدنه امتحان صعب للذلك طولت وطلعت اخر وحدة وأيه خلصت من وقت محاضرته واحمد آخذة بطريقة واني يجيني ابو الخط طلعت ب ٢ونص.. وصلت ب٣ للبيت.. دخلت للمطبخ لگيت عمتي وامي.. هلاو شلونكم
ام فاطمة؛ هلا يمة شو اليوم متأخرة
فاطمة؛ والله ماما عندي امتحان اخر محاضرة وطولت.. جوعانة شمسوين غدا
ام فاطمة؛ خير من الله ومسوين دولمة هم
فاطمة؛ اويلييي دولمة طايرة ابدل وارجع...
ام ايه؛ هههههه عل كيفج يمة لاتوگعين
فاطمة؛ ههههه طرت بدلت وغسلت ودا انزل دخل علي بس شنو احمر من العصبية ويرگع خفت من شكلة... وانوب صيح عليه
علي؛ وين جنتي هسه يله اجيتي
فاطمة؛ گمزت من صوته وگتلة بخوف.. جان عندي امتحان اخر محاضرة وطولت
علي؛ مشكلتج تأخير بعد ماكو لاوالله العظيم اطخ براسي وحتئ الجامعة اگعدج منه
فاطمة؛ دمعت عيني من اسلوبة وصياحة گتلة... يعني شسوي غير هذا دوامي ودراستي قابل بكيفي اتأخر
علي؛ بصياح لاتراددين لا راسج اكسره
فاطمة؛ بنبرة عالية... ممرادده بس انته دخلت تصيح وترگع تره مليت من هذا اسلوبك كله صياح واوامر....
علي؛ لج صوتج لاتعلينة تره والله العظيم اسوي شي ميعجبج
فاطمة؛ گتلة بلحضة تسرع وعصبية... طلگني.. اول مگتله  رگعني راشدي حتى احس الدم نزل من شفتي من قوته....
علي؛ بغضب.. اذا سمعت هاي الكلمة بعد لسانج اگصة والله
فاطمة؛ رفعت راسي ودموعي تصب عشرة عشرة گتلة.... جاي تثبتلي يوم وره يوم اختياري غلط مقصرت ابن العم... سحبت الشال وطلعت بسرعة دخلت لغرفة نور..
إيه؛ جنت گاعدة بالصالة ودخل علي عصبي ويصيح واحمد يهدي بي بس هوه نار صاير صعد ركض لغرفتة.. أحمد شبي علي
أحمد ؛ اجة هذا الدعمة البارحة وطلع واحد نذل واستغلالي ويگلة اشتكي عليك اذا ماتدفع ٥ ملايين وهوه جنه حصان كلشي مابي وسيارته مضروبة عل الخفيف بس هوه ملطلط وعلي خلگة ضيك ومااتحمل هجم علي وهذاك يگله اشتكي عليك وطلع..
ام ايه؛ يمة وليدي
احمد؛ عمة لاتخافين شغلتة تافهه وأمير گله اله اگلب القضية عليك وادخلك سجن..
إيه؛ وشلون يگلب القضية
احمد؛ شيخة تره رجلج رائد بأاشارة منه يعفنة بالسجون بس هذاك اثول وماعرف ويامن يلعب...
إيه؛ بغرور مصطنع.. احم فديت زوجي اني
احمد؛ ام خشم لاتنفشين ريشاتج علينة
إيه؛ هههههه غير اني الشيخة
احمد؛ واحلة شيخة وهسة بعد أخوج اريد غدا من ايدج ميت من الجوع وهذا أخوج ورجلج ما وراهم بس المشاكل
إيه؛ هههه تدلل حموشي
احمد؛ ميت مره اگلج بطلي هذا الدلع الماصخ ليسمعج يگول عمري سنتين مو زلمة شطولني وشعرضني
إيه؛ ههههه اسفين.. عمي شيخ أحمد
احمد؛  عفية بالشيخة هسة انتي اغاتي
إيه؛ ههههه... فجأة سمعنة صياح علي من فوگ وتكسر... شصاير
احمد؛ اهوووو تلگينة ذب حرگتة بيه خطية...
إيه؛ صعدت بسرعة واتمنى فاطمة طالعة وعايفتة وحده لان صدگ من يعصب ميشوف گدامة... رحت لنور گلت بلكت هسة يهدء وتجي فطوم ...
نور؛ شبي علي يصيح
إيه؛ دا احجي ودخلت فاطمة الخد احمر وطرف شفته دم ودموعة تجري.. گمتلة بسرعة وحضنتة وهية تعلگت بيه وتناشغ....
.. اهدي يعمري عله كيفج
نور؛ فطومة حبيبتي كافي شوفي موتي نفسج من البجي...
فاطمة؛ هئئ ضربني هئئئ 😭😭
إيه؛ مو گتلج عوفي وحده من يعصب
فاطمة؛ احجي واناشغ والله مسويتلة شي هوه يگلي من يطخ براسي ابطلج.. واني مااتحملت وگتلة بتسرع مني طلگني وشوفي شسوه بيه 😭😭هئئ والله بعد مااريده الحقير هوه بطل يحبني وهيج يسوي وياي هئئ
إيه؛ كافي يعمري اهدي هسة ويصير خير..... بالگوه سكتناه ولفت راسه ونامت...
فاطمة؛ اني من انقهر واضوج أنام وماأكل هذا طبع بيه من الزغر... لذلك هسة اول مخليت راسي نمت من القهر....
......
إيه؛ نزلت جوه صبيت غدا ل أحمد وبعدين اجتني امي
ام ايه؛ يمة شبي أخوج
إيه؛ يمة هذا ابنج طاگة فيوزاته وذاب حرگتة بالبنية وضاربه..
ام ايه؛ عزا العزا ضاربه ولج بس لاتوصل لعمج وتكبر السالفة...
إيه؛ لاتخافين هيه حتئ ل امه مگالت شي
ام ايه؛ سوده بوجهي هل الفقيرة ماتستاهل
إيه؛ يمة صعدي ل ابنج وحاجي وخل يخف عل البنية تره ميصير هيج وهمه بسم الله مصارلهم ٣ أشهر من ازوجو
ام ايه؛ والله فشلة من بيت عمج هسة بس يسمع أبوج شيخلصنة
إيه؛ والله يستاهل ليش يضربة دصعدي شوفي خدة وشفتة تكسر الخاطر والله بجت لمن ملت وأخير شي نامت من القهر
ام ايه؛ اووف منه دومه شالع گلبي بسوالفه يوم داعمله واحد ويوم متعارك ويه مرته شجا هذا...
إيه؛ عل كيفج ويه روحج لايصعد ضغطج تنحل انشاءالله...... صعدت لغرفتي سئلني أمير شصاير گتله شسوه علي وهوه سكت ماحجة شي طبعا ثنينهم نفس الطگة وهوه حضرته مسويه قبل بعد شيحجي واني هم مگلت شي لان اذا نحجي بالموضوع نتعارك.....
...............
ام ايه؛ ولك يمة شجاك هيج ويه البنية
علي؛ يمة رحمة لربج عوفيني طالعة روحي والله
ام ايه؛ هيه هاي الله گدرك عليه طالعة روحي.. مو خطية البنية مسوي بيه هيج بله وصلت السالفة لعمك ولجدك..
علي؛ يمة محد اله شغل بيه مرتي وحر بيه لاعمي ولاجدي مخايف من احد..
ام ايه؛ شحجي وياك الله يهديك بس حرام عليك هيج تكسر بخاطر البنية اجت من دوامه شحلاته وسوده عليه رادت تتغده وهل نامت من القهر.....
................
فاطمة؛ نايمة واحس احد حاضني وراسة برگبتي يبوس بيه.. عرفتة من عطرة بس سويت نفسي نايمةة لان صدگ مقهورة منه ومااريد احجي ويا.... وهوه عبالك عرف بيه گاعده وضل يخبث عليه ويبوس بوجهي... عوفني
علي؛ مااعوفج انتي ويه روحي
فاطمة؛ نزلت دموعي.. علي عوفني.. سحبني لحضنة ويمسح دموعي واني اناشغ.... انته بعد متحبني والله
علي؛ اششش شنو هذا الحجي ولج والله أنتي روحي
فاطمة؛ وهيج تأذي روحك
علي؛ اني اعتذر ادري ائذيتج بس والله مو بيدي من اتعصب ماشوف گدامي وانتي تگليلي طلگني اني من سمعت هاي الكلمة مسيطرت عله ايدي ولج انتي الي ل اخر يوم بعمري ومن سابع المستحيلات اعوفج...
فاطمة؛ ما عوفني اني مقهورة منك ومو بسهولة اسامحك
علي؛ بنيتي لا تشلعين گلبي وتزيدين قهري
فاطمة؛ علي انته لازم تسيطر عله أعصابك يعني مو كل ماتصير وياك مشكلة تجي تعارك وتصيح وتكسر هاي بمكان متجي تحجيلي ونتشارك ونحل المشاكل سوه هيج تسوي...
علي؛ حاضر واسف حقج عليه ومتكرر انشاءالله...
فاطمة؛ باوعتلة هيج 🥺وجعتني... دنگ وضل يبوس بيه من خدي وطرف شفتي الضربني عليه.... علي كافي لا يجي أحد
علي؛ غير مرتي زعلانة واراضي بيه... شو بله هاي شفتج شبية
فاطمة؛ سلامتك بس هاي طابوگة مو ايد ضربتني
علي؛ ههههه هسة اطيبة الج تدللين
فاطمة؛ دنگ باسني بهدوء وبعدين بده يقوي ويتعمق وشفتي ائذتني وخرته.. اخخخ
علي؛ اوف شلون طعم هيج تصير طيبة اذا مجروحة وغمزلة
فاطمة؛ كافي علي گوم لايجي احد
علي؛ گومي تغدي وياي تره جوعان ومامتغدي
فاطمة؛ تره لهسة بعدني شايلة عليك بشرط يله ارضة
علي؛ شرطي ودللي
فاطمة؛ اريد طلعني تعشيني بره وتاخذني نگعد عل الشط وبعد شوية هم افكر واضيف الهم
علي؛ ههههه تدللين بنيتي
فاطمة؛ نزلنة جوه تغدينة وأيه تضحك وتغمزلي هههه....
إيه؛ گاعدة بالصالة ونزل احمد هستوه گاعد من النوم يصفگ ويضحك عله علي
احمد؛ لك عليوي شبيك الظهر انچلبت
علي؛ لك عار الزم لسانك لاوعلي اگوملك
احمد؛ من توصل يمي عار بس يم غيري وغمزلة
علي؛ وعلي سگط ومتصيرلك چارة....
احمد؛ اصعد بوية شعليكم مزوجين ومرتاحين جا مثل حضي...
إيه؛ احمد الباب يندگ
احمد؛ رايح خوية رايح..... جاي وعلي جاي
.....................
روئ؛ حاجيت ماما الظهر وگلتلة نروح نشوف نور خطية مريضة وصارله يومين ممداومة وهيه وافقت والعصر بدلت ووصلنة دانيال ماما دگت الباب اجانه صوتة توترت بس ضحكني يصيح جاي وعلي جاي هههه فتحلنة الباب...
احمد؛ يا هلا بخالتي شلون الصحة
ام دانيال؛ هلا بيك يمة بخير
احمد؛ خالتي شو كل متكبرين تصيرين صاكة شنو الوصفة
ام دانيال؛ يا ولك بطل سوالفك
احمد؛ هههههه فوتي خالتي الشمس مو زينة عله خدودج...اباوع للگيمر مالي شوكت تحن عليه
ام دانيال؛ ولك حميد بطل سوالفك
احمد؛ هههههههه عمي اسفين بعد منتغزل بيج..... يمة وينج..
ام أمير؛ ها ولك شبيك تصيح
احمد؛ ماكو شي يمة خالتي ام دانيال بره
ام أمير؛ هلا بيه... تفضلي خية زارتنة البركة
ام دانيال؛ يزيد فضلج خية..
روئ؛ خرب لزمت نفسي بالگوة وما ضحكت گدامة شلون يحجي ويه امي هوه اول مراح اني طگيتة ضحكة... ههههههههه
ام دانيال؛ يا ولج صوتج لايسمعج
روئ؛ هههههه اخخ يمة بطني ولج يمة أبوي الله يرحمة ممتغزل بيج هيج
ام دانيال؛ انجبي ولج كافي
روئ؛ سكتت.. اجت امه ودخلتنة استقبلتنة ايه فدوة اكلتنة اكل بالسلام وكيفت بينة صدگ يلوگله مرت الشيخ...
روئ؛ خالة وين نور
ام أمير؛ گومي يمة صعديلة بغرفتة وصيحية وياج
روئ؛ صعدت بس متوترة ومستحية ومااندل غرفتة بالضبط اووف نسيت خالة شنو گلتلي مدري گلتلي اول غرفة عل اليمين مدري عل اليسار.. گلت يله خل ادخل لهاي الغرفة وفتحت الباب.. شهگت من شفتة واگف يلبس بالقميص اجيت اسد الباب بس هوه طفر وسحبني وطبگ الباب..
احمد؛ هوب هوب دخول الحمام مو مثل خروجة
روئ؛ اسفة والله بالغلط دخلت عبالي غرفة نور خل اطلع عفية..
احمد؛ فدوة لهل الصوت ولج انتي شسويتي بيه اشتعلت عشيرتي نفر نفر
روئ ؛ صرت حمرة من الخجل والتوتر وانوب قريب عليه وايده ثنينهن عل الحايط واني صايرة بالنص.. خل اطلع فدوة لايجي احد
احمد؛ ولج اني اروحلج فدوة والله احبج ورايدج بالحلال.. انتي بس گولي اي ومن باجر اودي امي تخطبج
روئ؛ صخنت من التوتر وخجل وخوف مااريد عفية خل اطلع..
احمد؛ ليش انتي بس انطيني سبب
روئ؛ گتلة بسرعة اني مااريد ازوج واحد جان يضحك عل البنات.. خرب انوب نتبهت شحجيت وعضيت شفتي..
احمد؛ ولج والله أنتي اول وحدة تدخل گلبي وعقلي وتتربع بي يابت الناس فهميني جاي اگلج رايدج بالحلال يعني اني لو اضحك عليج اگلج مستعد اخطبج من باجر...
روئ؛ دفعتة وطلعت ركض واني ارجف مدري خوف مدري خجل شلون يحجي وياي ويباوع عليه يمة گلبي احس بسباق دخلت للغرفة لگبالي لگيت نور گاعده گبالي هيه تفاجأت من شافتني... شلونج حبي
نور ؛ هلا بيج الحمدللة شنو هل المفاجأة الحلوة
روئ؛ يعني صديقتي مريضة ومااجي اشوفة
نور؛ هههه فديتج گلبي
روئ؛ يله تعالي ننزل ماما جوه تريد تشوفج
نور؛ انتضريني هنا خل اسبح
روئ؛ اوو راح تطولين
نور؛ هاج هذا موبايلي گلبي بي بين مااطلع
روئ؛ اي جيبي احب افتش ههههه
نور؛ ههههه فضولية بس تره ماعندي شي
روئ؛ هههههه هسه نشوف.... دخلت للاستيديو اگلب بالصور مسوية لكل واحد ألبوم وكاتبة اسمه شفت مكتوب احمد كتلني الفضول ودخلت علي لگيت مشاءالله كوومة صور ضليت اگلب بيهن خرب ابن الاذينة يخبلل وبعدين شفت فيديو هوه ونور فتحتة شفت نور گاعده بحضنة وهوه يبوس بيه ويضحكون وبعدين هيه باستة من خدة.. مبينة علاقتهم قووية كلش.. كملت وشفت صوره بالخارج هم وبالمسبح كوومة صور اله.. بعدين خرجت وطفيت الموبايل ضليت انتضرة منا لمن طلعت..
روئ؛ لج يله بسرعة صارلهم كوومة من دزوني عليج
نور؛ هسة دقايق.. كملنة ونزلنة سلمت عله ام دانيال وگعدت يمهن.. ماما لزمتهن عل العشا بس مقبلن گالن دانيال وحده ويريد يلتحق بعد شوية...
..........
إيه؛ أمير انته مو كل مره الصبح تلتحق
أمير؛ حبيبتي عندي شغل اريد منا اروح لبغداد وبعدين للمقر... يله بنيتي جهزيلي الجنطة..
إيه؛ ماشي.. رحت جهزتلة الجنطة وهوه دخل سبح وبدل..
أمير؛ بنيتي لاتضوجيني مو كل مره تضلين تبجين...
إيه؛ مسحت دموعي وهوه حضني وباسني من شفتي وراسي... اخذ جنطتة والسلاح ونزل نزلت وياه سلم عل الكل وطلع.. واني رجعت فوگ ضايجة ومخنوگة گلت اروح لنور انام يمه.....
........................
نور؛ هاا اليوم يمي حبيب الگلب ماكو
إيه؛ اي 😔
نور؛ شبيج راح تبجين قابل اول مره يروح
إيه؛ ادري مو اول مره بس اني دائما كل مايروح اضل ممرتاحة منا لمن يجي..
نور؛ الله يحفظة انشاءالله...
إيه؛ آميين... ننوش بعدج تفكرين بي
نور؛دا احاول اشيلة من راسي
إيه؛ وگلبج
نور؛ ايوو والله مااگدر يعني البارحة من شفتة ماادري شصار بيه احس رتاحيت بس بنفس الوقت متت قهر لان داحسه يلعب بمشاعري 😢
إيه؛ ننوش لاتضوجين اذا من قسمتج يصير الج واذا لا الله يوفقج ويه الأحسن منه الف واحد يتمناج والله
نور؛ الله كريم...
إيه؛  انتي مكتئبة واني هم ضايجة خل نطلع من هذا الجو الكئيب
نور؛ هههه ماشي بس هل المره طلعي هندي خل نتعلم علي
إيه؛اوك....
شغلنة اغنية هندية وضلينة نتعلم حركات منا لمن نمنه گبل 😴.. گعدنه الصبح ونفس روتين الدوام وخلص الاسبوع اليوم خميس وعگب باجر ينزل أمير... فه كلنه گاعدين بالصالة وحجت عمتي..
ام أمير؛ بنات اريدجن تجهزن غرفتين باجر راح تجي اختي أم أنور وتضل يمنه اسبوع اكثر لان جاي ترمم بيته..
إيه؛ ضلت وحده تباوع عل الثانية بصدمة يعني الحياية بناتة راح يضلن يمنه..
فاطمة؛ شنوو خرب منين طلعت بهاي السالفة اووف
نور؛ هههههه راح نترقب الحرب العالمية 😂
إيه وفاطمة؛ نجبي
نور؛ سكتت 🤐....... صدگ نجهز ياغرف
إيه؛ ونبي نور اموتج اذا خلتيهن بالطابق الثالث
فاطمة؛ ديربالج تخليهن بالطابق الثالث ديربالج...
نور؛ يمه شبيجن ماشي اخليهن بالطابق الثاني...
إيه؛ اي عفية ماعوزه يگابلنة فوگ ويگعدن
نور؛ احم بس بالطابق الثاني بس غرفة وحدة فارغة والطابق الثالث هم غرفة وحدة
إيه؛ الطابق الثالث بي ثلاث غرف وحده النه وحده لعلي والثالثة زغيرة فارغة وصاله مشتركة وبيه تخم وتلفزيون جبيرة وهذا الطابق مخصص ل أمير و علي.... زين خلي خالتج يمنه فوگ وهنه جوه
نور؛ ماشي...
...........
إيه؛ وفعلا ثاني يوم اجن الصبح ب ١١ هيج وقت سلمنة عليهن وهنه فوگاه شايلات خشمهن علينة.. رحنة جهزنة الغدا وهنه بالجذب مااجن ويانه خفة وراحة.... تغدينة وغسلنة مواعين ورحنة گعدنة بالصالة...
ام أمير؛ يمه اخذي خالتج والبنات لغرفهن
إيه؛ اني نطيت من يمي وگلت تفضلي خالة وياي غرفتج فوگ
ام أمير؛ يمة وين فوگ
إيه؛ عمة يمنة بالطابق الثالث
ام أمير؛ لايمه خليه هيه بالطابق الثاني وأخذي البنات يمكم لان عدهه مفاصل ومتگدر تصعد فوگ كلش...
إيه؛ هاا حاضر عمة... خرب شلون هسة نگلبت السالفة علينة.. يله بنات تفضلن😒
نبأ؛ اي ياريت تصعدين ويايه هاي الجنطة
إيه؛ والله عيني عندج ايد وصعديه.. عفتة وصعدت قبلهن ماعوزه نخدمهن... ضليت منتضرتهن فوگ وهنه صعدن وضلن بس يباوعن ويتهامسن... هاي الغرفة...
كوثر؛ هاي الغرف المن
إيه؛ هاي ل علي وفاطمة وهاي النه
كوثر؛ اها ماشي
إيه؛ دخلن للغرفة واني دخلت لغرفتي خابرت أمير وطبعا هاي اول مره اتمنى يطول بالنزول علمود ميلتقي بهاي البومة... الوو حبيبي شلونك
أمير؛ هلا بنيتي الحمدللة انتي شلونج
إيه؛ الحمدللة تمام شوكت تنزل
أمير؛ باجر الظهر..
إيه؛ توصل بالسلامة.....
....................
فاطمة؛ العصر گاعدة بالمطبخ انتضر علي يجي حتى انطي التعليمات..... شفتة دبگ السيارة ونزل... هلا حبي الله يساعدك
علي؛ هلا بنيتي ويساعدج شو اليوم منتضرتني
فاطمة؛ اي اسمع علي إياني وياك تحجي ولو كلمة وحده وياهن وخاصة هاي كوثر الحية وتتجنبهن ومتباوع بوجهن ماشي
علي؛ صافن كلشي مافهم منه منو كوثر شنو لاتحجي...بنيتي شبيج مصخنة ياكوثر هاي
فاطمة؛ اوو هاي بت خالة نور راح يضلن يمنه دا يشتغلون بيتهم
علي؛ ههههه وهسة انتي واگفة هنا حتى تنطيني الأوامر
فاطمة؛ اي نعم😊
علي؛ ولج تعبان وانتي ستلمتيني وخري خل اصعد اسبح مسموط سمط من الحر
فاطمة؛ اوگف هنه گاعدات بالصالة مثل ماوصيتك حتى سلام لاتسلم
علي؛ استغفرالله
فاطمة؛ دخلنه للصالة ومثل ماتوقعت اكلته بعيونه الصخلة 😖...
علي؛ السلام عليكم
ام أنور؛ وعليكم السلام يمة
كوثر؛ بمياعة ودلع وعليكم السلام
ام أنور؛ شلونك يمة
علي؛ بخير خالتي.. شلون صحتج
ام أنور؛ عل الله
علي؛ ونعم بالله... مرخصتكم
ام أنور؛ مرخوص يمة......
فاطمة؛ صعدت وراه واني خزرت هاي الحية بس ولاچنه عينة قوية.. دخل سبح وطلع... راح اجيبلك غدا
علي؛ وين تجيبينة
فاطمة؛ هنا حبيبي هنا احسن تاخذ راحتك
علي؛ شيخلصة هاي
فاطمة؛ سمعني علوش
علي؛ سلامتج بنيتي...
فاطمة؛ اها عبالي اكو شي... نزلت للمطبخ وسويت صينية خرب شثگله هسه شيصعدني فوگ انوب الدرج شطولة.. ما والله اله اصعده ولاينزل هنا وتضل تباوع علي... وفعلا صعدت بس شنو ايدي تگطعت ورجلي موتتني وصلت للباب خليتة بالگاع وگعدت مهدود حيلي.... فتح علي الباب
علي؛ ليش گاعده بيج شي
فاطمة؛ لا مابيه شي بس رجلي لوت شوية
علي؛ خرب عقلج گومي دخلي هسه شموازيج تصعدينه وحدج
فاطمة؛ دخلت للغرفة وگعدت ضليت أقره وبعدين سمعت صوت ضحك بره گمت فتحت الباب لگيتهن بنص الصالة واگفات يتمضحكن استغفرالله ربي ضليت اباوعلهن بعصبيه هنه خلن ودخلن للغرفة... عابت والله... رجعت كملت قراية وعلي همزين نايم..صار المغرب گعدت علي وصلينة ونزلنة هوه راح للاستقبال واني للمطبخ نسوي عشا....
إيه؛ وين اختفيتي
فاطمة؛ جنت أقره عندي امتحان
إيه؛ ماشي فدوه اوگفي بمكاني خل اصعد اصلي بعدني ممصلية
فاطمة؛ ماشي تدللين.... جنت واگفة ع الطباخ اگلي ودخل علي گعد ع الطاولة ويلعب بالفون... علوش شوكت نطلع مو واعدتني
علي؛ تدللين باجر من عيوني
فاطمة؛ فديت عيونك اني
علي؛ ههههه ستري عله نفسج بالمطبخ انتي
فاطمة؛ خلص سكتنة... گعدت بصفة ودا يشوفني بالتصاميم مالته ودخلت البومة وتمشي بمياعة...
كوثر؛ سوري ماادري انته هنا
فاطمة؛عادي عيني محتاجة شي
كوثر؛ دا اشرب مي
فاطمة؛ اهمم ماشي بالثلاجة مي.. رجعت اباوع بالموبايل واصلا علي مرفع راسه... وهيه واگفة منتچية عل الكاونتر وصارله ساعة تشرب مي.... علي حلو هذا المكتب
علي؛ اي بنيتي مقرر اسوي مثلة بغرفتنة شرأيج
فاطمة؛ اي يطلع يخبل بس كون نفس لون غرفتنة... دا احجي ونطت من يمه
كوثر؛ اني هم اريد ادرس هندسة
فاطمة؛ اي عيني درسي لازميج حجيت هيج وخزرته هيه ولت طلعت....
علي؛ هههههه شبيج اله شوية تاكلينة
فاطمة؛ خل تولي.. اني هم اريد ادرس هندسة.. احجي واقلد بصوته وعلى خربان ضحك عليه.......

للقصة تكملة..... 🙋🏻‍♀️🙋🏻‍♀️هلاو ثلونكم اثفة طولت عليكم.... بالنسبة لفقرت التعارف قررت اسويه باجر وانزلة.. يعني تسئلوني الأسئلة ل تردوه وباجر اجاوب عليه كوله واليريد يسئل يعلق عله هاي الفقرة او البارت بكيفكم وأريد الكل يشارك اي سؤال يخطر بالكم واني هم راح اسئلكم من خلال التعليقات 😘وبالنسبة للكلمات 3100كلمة
لاتنسون التصويت 👇👇