عشگ الضابط أمير

البارت العاشر

عيوني متباوع لغيرك مستحيل😍
وحته لو ترضه برماد اعميها🙈
روحي ما ترضه ابد بعدك بديل😏
خطوه وي غيرك ولا امشيهه👣
🌙🌙🌙🌙🌙🌙🌙🌙🌙
إيه :بعد مرور أسبوع تقريبا بلش الدوام ونقلت لجامعة البصرة وخلال هذا الأسبوع علاقتي بأامير تطورت كولش وبديت اتعود علي ودائما هو يخجلني بتصرفاتة وطبعا لاتخلو من العصبية والغيرة يعني اطلع للسوگ او ويه عماتي مناسبات وكذا لازم يصيح وينزعج من ملابسي وخنگني هذا لا وذاك لا يعني حيرني شنو البس بس مع ذلك ميأذيني واخذني للدكتور غصب عني والدكتور گال بأانو لأزم تستمر ع العلاج ومهم كولش الحالة النفسية يعني نص العلاج تقريبا الحالة النفسية فلذلك هوه يحاول ميآذيني وميعصب عليه قدر المستطاع😁المهم اليوم راح نداوم اول يوم بعد العطلة ولبست بنطرون ومثل الفستان طويل جوه الركبة لون سمائي وشال ومكياج كلش خفيف مسكارة ومرطبات ورشيت العطر ونزلت لگيت البنات منتضراتني متأخرة كالعادة 😁
نور :اهلهل زين نزلتي والله
فاطمة :بسم الله بدايته تره اني ماأحب اتأخر يعني لازم اراجع قبل المحاضرة من هسه اكلج
إيه :يووو ع كيفجن عيني ونتي عيني فطوم اعصابج يابة
أمير :انتي گعدي من وكت حالج حالهن ومتتأخرين
إيه :فزيت طلع وراي درت علي گتلة صباح الخير يعني شسوي اتعاجز اگوم
أمير :والله مشكلتج بعد منا وهيج تگعدين من وكت لا اخليهن يرحن ويعوفنج
إيه :گلت من وره خشمي حاضر
أمير :احجي عدل لااگص لسانج وبعدين شنو هذا ملگيتي غير هذا اللون تلبسينة
إيه :ليش موحلو
أمير :يا محلو دشوفي شلون گاب ويه عيونج هسة مثل الشاطرة ترحين تبدلينة لاابتلي بيج
إيه :عفية امير والله ماالحگ
أمير :مشكلتج كم مره گتلج هذا اللون متلبسينة هاا
إيه :نسيت والله
أمير :لا منسيتي بس تردين تعانديني حفضتج زين يله روحي بدلي لااخليج تلبسين عباية قسم بالله بالگوه لازم نفسي يله
إيه :لا لا والله رايحة رحت ركض يمه كلشي ولاعباية اووف ربي موحالة كلشي ميعجبة لبست لون نيلي احسن شي نزلت ضل يباوعلي من فوگ ليجوه
أمير :صبرني ربي روحي من گدامي احسلج
إيه :ياا شبي هذا ركضت للمطبخ لايگلي بدلي اكلت ع السريع وطلعنة للخط اكول تره كلشي مااندل
فاطمة :ولايهمج اني وياج اصلا قسمج قريب عله قسمي حتى نفس الكافتيريا
إيه :اوك وانتي نور متجين الكافتيريا بالاستراحة
نور :اجي بس مو دائما لان شوية مسافة بس اليوم راح اجي لخاطرج خاف تضيعين
إيه :زعطوطة واضيع عابتلج وصلنة ونور راحت لقسمه وفطوم ودتني لقسمي وراحت يربي هاي شلون الباب مسدود اكيد بدت المحاضرة دگيت الباب ودخلت لگيت دكتور واگف گتلة صباح الخير
صباح النور ليش متأخرة من اول يوم
إيه :اسفة متتكرر انشاءالله
انتي جديدة؟
إيه :اي دكتور انقلت بهذا الكورس جنت اداوم بجامعة بغداد
ماشي تفضلي
إيه :باوعت ع الطلاب كله صافنة عليه حتى شكيت بنفسي عبالي شكلي بي شي لگيت مكان فارغ يم بنية رحت گعدت
هلاو اني لين
إيه :هلاو حبي تشرفت اني أيه
لين :صدگ ايه الي الشرف مشاءالله تجننين
إيه :يعني شكلي مابي شي لان كله تباوع عبالي اكو شي
لين :هههههه لاحبي لان مشاءالله عليج گمر والكل صفن بيج
إيه :حياتي تسلمين انتي الاحلئ خلصنة المحاضرة وطلعنة اني ولين بنية حبابة كلش حبيتة بعدين رحت للكافتريا لگيت نور وفطوم منتضرانتي هلاو اتاخرت سوري
نور :عادي حبي هوه انتي شوكت اجيتي ع الموعد
إيه :😒تعرفت ع بنية وضليت اسولف وبعدين اجيت
فاطمة :شلون يومج
إيه :ماشي الحال بس تعبت والله بعدين رحنة كملنة المحاضرات ورجعنة سلاممم
ام ايه :هلا يمه شلونج
إيه :ميتة تعب راح انام لحد يگعدني
ام ايه :شبيه
فاطمة :خطية خالة تعبت كلش يله اني صاعدة
إيه :گعدت ب٥ حيلل هاي شگد نايمة اوف راسي موتني رحت غسلت وصليت ونزلت للصالة الكل گاعد عدا أمير السلام عليكم ورحت گعدت يم البنات
نور :صح النوم
إيه :لج محسيت ع نفسي دا احجي ونزل أمير يخابر باوع عليه وگعد يم علي
أمير :هههههه لايمعود بس تدري احسلك والله تنور البصرة حبيب تدلل دانو
علي :منو هذا دانيال؟
أمير :اي
علي :لك هاا عار عاش من سمع صوتك
دانيال :ههههه هلا بيك انته العايش والله مشغول اعذرني
علي :لك دانو دسئل تعال هنا شو رحت الروحة روحة
دانيال؛ كم مره گتلكم لاتصيحولي دانو شنو جاهل زلمة شعرضني وشطولي
علي :هههههاي اسفين يابة دانيال
دانيال :ي هيج المهم اني جايك وراح اگعد ع گلبك
علي :تشرف والله مشتاقلك
إيه :يحجون بصوت عالي وأمير فتح سبيكر علمود علي يحجي ويا اگول منو هذا
نور؛ والله ماادري يمكن صديقهم مبين علاقتهم قوية بس خرب صوتة يجيب التايه لو اسمه يجنن فديت 😍
إيه :زحفت بسرعة بس صدگ عجبني اسمه
فاطمة :كافي لايسمعون هسة بعدجن مشايفات الولد وفسختنة
إيه :هههههه عادي عادي درت وجهي لگيت أمير يباوعلي بتسمت وهوه هم بعدين رحت للمطبخ اتغدة واجن البنات هم گعدن ع الواهس اگول بنات تره ضوجة والله
فاطمة؛ ي والله بس يله مبقة شي لعرسج ونتونس
إيه :اوف سكتي لاتذكريني
نور :ليش عيني هوه وراج وراج بعدين الحمدللة علاقتكم ماشية انتي وأمير وره الزواج تتأقلمون وانتي تگومين تحبينة
إيه :احجي بگلبي هوه اني وگعت وحبيتة بس خايفة گتلة الله كريم بس شلون لازم أجهز ومنا الدوام راح يطيح حضي
فاطمة :اي والله صار ويه الدوام بس لاتخافين احنة وياج.
نور :اني وياج خطوة خطوة ماافوت شي،😁
إيه و فاطمة :ههههههه
نور :بس لازم نسوي بروفة ع الرقصات من هسة
فاطمة :سكتي لاتجيبين طاري الرگص توبة بعد اذا ارگص
إيه :هههههه ضلي جبانة احنة نرگص
فاطمة :لا والله ماتحمل
نور :لعد الصمي وادربي ويانة بس هل المره لازم نتأكد من الباب مسدود 😂
إيه :خلصت اسبوع وأمير التحق واني ضايجة كلش وگمت اخاف علي بس التهيت بالتجهيزات والدوام لان بقة تقريبا اسبوعين للعرس والكل مشغول يحضر بس اني خوفي يزيد مادري ليش والبنات خطية يساعدني بس فطوم وضعة معاجبني احس بيه شي لازم اعرف منه وحتئ علي مو ع بعضة بليل دخلت للغرفة لگيت فطوم تبجي شبيج ولج
فاطمة :😭😭ماكو شي
إيه :نجبي لج احجي شبيج وضعج معاجبني مسحت دموعة ضلت تناشغ كافي ولج موتى نفسج خليتة تبجي وبعدين هدئت شوية وبدت تسولف
فاطمة :والله مقصدي هيج اگله بس هوه فهم غلط
إيه :لج هوه منو وشكو
فاطمة :علي قبل كم يوم صاحني لغرفتة وگلي يريد يخطب گتله منو يگلي انتي اني بعدني اريد اكمل دراستي گلي ماعندي مشكلة وبعدين گتلة مااريد ازوج هوه عصب وگلي انتي الي الي واني مجاي اخذ رائيج اني عصبت يعني بكيفة يقرر گتلة مااريدك هيه گوه مدري شلون طلعت مني والله مجان قصدي هوه نطت عيونة وگام يصيح عليه يگلي شنو مو رجال گدامج ومترديني گتله موقصدي هيج بس هوه فهمني غلط وطلع وعافني وبده يصرف وياي برود وتجاهل وميباوع بوجهي ومساع شفتة ع الدرج ويخابر بنية اني نقهرت كلش والله احبة اني بس هوه عصبي وميتفاهم وبسرعة لگه غيري
إيه :ضلت تبجي حيل گتله كافي حبي والله هوه يحبج من زمان
فاطمة :ميحبني هوه بس يريد يتملكني لو يحبني جان مسوه هيج وعافني بدون ماابررله ولگة غيري
إيه :كافي حبي لاتسوين هيج بنفسج تنحل والله ومتأكدة هوه هم يحبج
فاطمه :راح انام مااريد انزل واشوفة
إيه :عفتة نامت وگعدت اقرة انقهرت عليه بس ادري علي يحبة وميسويه.......

للقصة تكملة...... رمضان كريم كل عام وانتو بخير ❤️🌙لاتنسون التصويت الجاي اقوء 🔥🔥👇👇👇