عشگ الضابط أمير

البارت الأخييييييررر

"‏أخذني بكلشي ما بيعك
أخذني من التعب يمك
جگارة بچفك أشعلني
أموت بسد أصابيعك
أخذني وياك من عندي
أخذني لـ أي حلم أرتاح
مو شرط بحلم وردي"
❤️❤️❤️❤️❤️❤️❤️❤️

أيه؛ اليوم خطبة أحمد ومخبوصين من أسبوع نجهز نجيب ونخلي والبارحة رحنة اني والبنات للمول اشترينة فساتين اخذنة نفس الموديل بس الألوان مختلفة حبينة نغير بس شنو بعد أيام من التوسلات بأامير انو أشتري عله ذوقي وهوه رفض لان يعرف أخذ مشلح بس اني شفت فستان بالانستا عجبني منزلينة المول ع صفحتهم وعجبني كلش وبخاطري ألبسه للذلك كليومية اتوسل بي وهوه من شافني موتت نفسي علي گلي أفكر بس جنت حاسه ميوافق وعمتي شايفتني گاعده وطابگة الحواجب ومبوزة گلتلي شبيج گتله عل أمير وگالت اني احاجي وفعلا بليل وافق بس بشروط البس فوگاه صاية وعباية ومكياج خفيف وماانزع هناك اضل بالعباية بس هنا انزعه واني وافقت لان مااريد أطير الفستان من أيدي خو احمد يرگص رگص من الفرحة واحنة كلش فرحانين بي المهم صعدت أبدل وره الغداء لان حنروح لبيت روئ سبحت ولبست الفستان وطلعت شفت أمير بالغرفة باوعلي بنضرات إعجاب وانزعاج هيج گدرت افسرة..
أمير؛ ماكو داعي اعيد كلامي مو
إيه؛ لا والله حفضتة كلش.. شلونة حلو موو.. سحبني من أيدي وگعدني بحضنه وخله راسه برگبتي ويأخذ نفس قوي ويشم بيه شفته تتجول عله رگبتي وصدري بهدوء وأني خدرت رفع راسه باوع بعيوني وأني دنگت عله رگبتة شميته وأخذت نفس منه وبسته وصعدت لشفته وأني أبوس بي بهدوء خليت شفتي قريب من شفته وهمست أحبك
أمير؛ أحبج وأحب روحج وأحب كلشي بيج
إيه؛ سحب شفتي قوي بادلته وايدي حاوطت رگبتة عض شفتي الجوه خفيف وأني نزلت شفتي وبست حنچه ورفعت راسي باوعت بعيونة وهوه كذلك ضلينة هيج واحد صافن عل الثاني طلعت من صفنتي من دنگ راسه عل چتفي يبوس بيه ونزل ل أيدي ومانحس غير ندگ الباب وفزيت وطفرت بسرعة اباوع ل أمير يفرك بوجهه ويضحك اني ركضت للباب صارت نور بوجهي.. ها شكو
نور؛ وجعا وينج.. اهممم اني أصيح وحضرتج مخلصتة أحضان ومباوس
إيه؛ نجبي لج
نور؛ قابل مجذبة دشوفي جسمج وشفتج.. المهم صيحي ل أمير بابا يريدة جوه
إيه؛ ماشي.. طبگت الباب وركضت للمراية عزا وأشوف رگبتي وصدري بيهن آثار أحمر خفيف جبت كريم وخليت عليهن الحمدللة خفيف باوعت ل أمير مخلي إيده وره رأسه ويباوعلي گتلة.. صدك عمو يريدك جوه
أمير؛ وين الدشداشة
إيه؛ بالكنتور خليته... رجعت أخلي مكياج بس خفيف لان الحكومة متقبل اجة وگف وراي يسوي بالغترا درت علي وعدلته اله ولبسته الساعة وجبت العطر رشيت رشة وحدة.. هوه باوعلي ورفع تك حاجب وگلي..
أمير؛ مشتريتة بفلوسج
إيه؛ لا بس ماكو داعي رشة وحدة كافي لو اله عطرك يمشي وراك والرايح والجاي يشمة ويدوخ..
أمير؛ يعني مدوخج
إيه؛ سويت نفسي احجي واني دايخة وهايمه بي وگتله ادووخ كلش هوه طگة ضحكة
أمير؛ مو خوش تمثلين
إيه؛ ههههه عمي اني فقيرة..شو باوعلي بنضرة خباثة هوه وابتسامتة وگلي وهوه يغمز..
أمير؛ انتي فقيرة لعد منو قبل شوية سوه فعاليات وحركات ودوخني
إيه؛ احم رفعت راسي شعلية اني انتة لسحبتني
أمير؛ آمنت بالله اني لسحبتج بس منو دنگ
إيه؛ قاطعتة.. فهمت لاتكمل ضل يضحك بعدين جرني وأخذ شفتي بقوة وعض شفتي لجوه وطلع مبتسم... خرب طارت الحمرة خليت من جديد وبعدين ضليت أسوي شعري بهدوء لان اذا أسوي سريع يتگطع كملت ولبست حجل والكعب ورشيت عطر وأخذت الصاية لبستة وأخذت العباية بأيدي ونزلت أركض عل الدرج لان اتأخرت نزلت بالصالة لگيت أمير واگف گبالي يحجي ويه أحمد والكل بالصالة يردون يطلعون .. صاح بيه
أمير؛ عله كيفج لاتوگعين
إيه؛ سكتت لان صاح بيه ونزلت راسي ورحت لغرفة بيبي لبست العباية وعدلت الحجاب بعدين اجتني نور وطلعنة وگفنة بالحديقة نشوف ويامن نصعد اجة أحمد وصعدنة ويا اني ونور وفاطمة وهبة.. ضليت اباوع عليهم عليهم أمير واگف يمشي بالسيارات يربي شخصية وهيبة الله يحفضة بس اني ضايجة منه فشلني گدامهن بعدين صعد بسيارتة وصعد ويا جدي وعمي والشيخ ليعقد.. تحركت السيارة وأحمد احسه متوتر مو عله بعضة گتلة.... ابو الشباب هدي وشغلنة شي اليوم اهوسلك للصبح ضل يضحك وشغل اغنية تعال واحنة ندمجنة ويا ونغني خو نور بالگوة لازمة نفسه كلساع تهز بجسمة وأحمد يصيح بيه گتلة حمودي مو تاكل البنية بعيونك عيب
أحمد؛ هوه بس خل أعقد ويصير خير
نور؛ خوية مو تخجل البنية هية منا خجولة وانوب انته شلونك تخلي البنية تموع بمكانه
أحمد؛ اكرمينة بسكوتج لعد المن ماخذة اگابله واگعد
هبة؛أحمد هم تسوي حفلة بليل
أحمد؛ اي ليش
هبة؛ اللله عود ضملنة اكل وكيك وهاي السوالف
أحمد؛ ام بطن اكليني
هبة؛ هههههه لا انته لرئاوي
أحمد؛ اي عفية بس انتي تفتهمين
إيه؛ لك ضلع شنو هل الكشخة طالع فد شي يمعود لايضربنك بعين
أحمد؛ مو بلة طالع افلش
إيه؛ اي والله بس رجائا استجن بمكانك... وصلنة وغطينة وجهنة بالشال اله هبة اگلله غطي وجهج تگلي
هبة؛ هوه لابسة صاية واغطي وجهي شطلع.. بعدين منزلة راسي منو يشوفني
إيه؛ ضلي منا لمن تجيج حجاية
هبة؛ اووف هاي غطيت وجهي
إيه؛ هههه غطت وجهة بأايدة وشلون أيد بيضة واصابعة أقلام ومصبغتهن من غير الاكسسورات يجذبن الواحد عود مسوية فضل مغطية وجهه..
هبة؛ نزلت مغطية وجهي بأايدي دا أدخل وصار بصفي فهد وهمسلي بعصبية اعلمج بسيطة باوعتلة بغضب واتجاهلتة دطير..
إيه؛ دخلنة للبيت واستقبلتنة ام روئ وياه نسوان مااعرفهن سلمنة ودخلنة جوه شفت روئ مشاءالله گمر تضوي ولابسة فستان نيلي ويضوي عله جسمة سلمنة عليه وباركنة اله ونزعت العباية ضليت بالصاية وگفنة عله صفحة بس نور ضلت تحجي ويه روئ..
روئ؛ عشت هذا الأسبوع بتوتر مو طبيعي أبد وخايفة من الحياة لمنتضرتني ويه أحمد اليوم رحت للصالون سويت مكياج راقي ومرتب وشعري خليتة مفتوح لان طويل لنهاية خصري وأسود وبرمتة وشلت من قليل ولبست تاج ناعم وفستاني نيلي بي لمعة بسيطة يصير بدون ردان وفتحتة قلب يعني بالمختصر صدري نصه طالع ويصير مخصر من الجسم كلش عله شكل حورية اتعاركت اني وامي بس هيه عنودية واله تاخذة ولصمتني مخلتني احجي واخذتة واني كلش مستحية شلون البسة وهوه مشلح المهم خلصت اجة دانيال أخذني دخلت للبيت ماما عازمة الكل نسوان عمامي وبناتهم وخالاتي ممخليه واحد معازمتة ضليت گاعدة والبنات يرگص منا لمن سمعت أجو ودخلو واجن البنات سلمن عليه وباركلي ونور تضحك عليه بدال متوخر التوتر زادته عليه...
نور؛ والله أخوية وصيتة عليج وگتلة مو تاكل البنية بس هوه ناوي عله نية هههههه
روئ؛ حقيرة لو تحجين شي بي خير لو تولين منا
نور؛ هههههه اكولج شو اكو وجوه جديدة مشفتة بخطبتي
روئ؛ اي اكو بيهن محضرن خطوبتج بس انتي حاليا محد الانضار لان الكل يريد يشوف مرت دانيال بس شو نزعي الصاية المن لابستة خل يشوفن اختيار أخوي
نور؛ امممم نزعت الصاية ورتبت شعري
روئ؛ واووووو شنو هاي ونبي تفلشين يجنن الفستان
نور؛ حبيبتي عيونج حلوة تره مو بس اني لابستة ايه وفاطمة هم بس غير لون
روئ؛ لعد ليش مينزعن الصاية
نور؛ أوامر القيادات العليا
روئ؛ هههههه حقهم والله..
إيه؛ خب شني السالفة خية
فاطمة؛ ها شكو
إيه؛ اختنگت يعني كل هل الكشخه ولابسة الصاية وبعدين تعالي هنا احنة ليش واگفين بله شنو معاقبينة
فاطمة؛ ولج غير ننتضر يعقدون حتى يجي دورنة ونلعب لعب
إيه؛ اي ولج هذا حميد اله اردحلة للصبح... وصدك شوية وصاحو عله روئ وعقدولهم ورجعت گعدت بمكانة واحنة من گالو عقدو طگينة الهلاهل والهوسات واني بالنص وهنه شغلن الديجي بس شوية وطفينا لان حيدخل وجان يدخل أحمد اويلي ضلعي اله بشده اتلگيناه بالهلاهل والهوسات وعمتي تنطي هوسة واحنة الهلهولة خو نور لعبت لعب ههههه يمكن تريد تضغط اعداء الله اعلم گعد يم روئ بس صدمني ثگيل ولارفع راسه ولاحجة شي فقط مدنگ راسه وعرگان ويمسح وجهه بالكلينكس خطية صخن من شاف روئ 😂وگفت بصفة هذا ضلعي خاف يحتاج شي والديجي مشتغل والردح قائم..
روئ؛ وره معقدولي دخل رفعت راسي وبسرعة نزلتة بس هيبتة وطولة يخطف الأنفاس گعد بصفي وگال مبروك وسكت ماحجة شي واصلا اني انربط لساني وحتئ مرديت علي مستحية كلش وخاصة گاعدة بصفة مشلتحة.. ايه واگفة بصفة وهوه يحجي وياه وهيه تضحك..
إيه؛ همستلة ضلع معرفتك شسالفة
أحمد؛ شبيج شكو
إيه؛ اشو مدنگ راسك وذابه عل الصامت لازم صخنت من المنظر تريد اغسلك وجهك ههههه
أحمد؛ شلون راح اكفخج غير ثگيل
إيه؛ يعدل بياختة عود ثگيل وكذا ضليت اضحك گتلة.. ضلع تره هاي اللحضة متتكرر عوف الثگل عله صفحة وباوع تره بليل تضل تهلوس وتعض أصابعك ندم.. طگة ضحكة.. جبت الذهب واناوشة يلبس بيه..
روئ؛ من جابو الذهب ضليت ارفع بالفستان اجيبة منا واودي كلش خجلت واحتريت احس خدودي حمر بس همزين هوه مرفع راسه وباوع أكيد هسة هم يغمض عيونة.. لزم الگلادة بأايده ودار عليه بس شو هذا عيونة صارت مثل الليزر عليه وعله جسمي دنگ عله رگبتي بس كلش تقرب عله رگبتي حتى يسده بحيث وجهه طخ بچتفي وأني مثل نزيت واتحرك جسمي هوه باوع عليه وابتسم بطرف شفته بعدين بعد وأخذ الحلقة لبسه واني هم لبستة بعدين وگفنة علمود ياخذن صور وگفت بصفه وسوينة لقطات عادية همزين مااتجرء بس ايه تصور بموبايله يبوو هسه صوري كلهه بموبايله شلون فضيحة بعدين من خلصنة وراد يطلع همس بأذني
أحمد؛ گيمر ودوختيني شوكت اضوگه
روئ؛ اخذ نفس من يم أذني وطلع اني اهفي عله وجهي لان صخنت من كلامة يمةة گلبي يدگ قووي عزا شگد جريئ يعني جان حباب طول الحفلة بس ختمة بهاي...
إيه؛ نور امشي جيبيلي مي عطشت
نور؛ وشمعنى اني
إيه؛ امده حضي غير بيت عيالج.. امشي يله
نور؛ مشيت للمطبخ ولازمة الصاية بأايدي دخلت للمطبخ همه عدهم اثنين مطابخ واحد معزول حراري والثاني مفتوح عل الصالة فه سئلت ريم گلتلي تلگين بهذاك المطبخ المعزول فه دخلت لگيت مي عل الكاونتر رحت اخذت بطل وشربتة كله لان نشف ريگي من الهوسات والهلاهل اخذت بطل ل ايه وفاطمة ودرت وجهي وجان أشوف دانيال واگف بالباب منتچي عل الباب ومبتسم اني نگلبت طماطة عراقية الله وكيلكم ونضراتة جريئة وتتجول عل كل جسمي تقرب عليه واني ارجع لورة انطخيت بالكانتور ووگفت صار قريب عليه وخله إيده منا ومنا وحبسني بالنص وگلي ببتسامة..
دانيال؛ شلونج
نور؛ ضليت امتمت الحمدلله
دانيال؛ تنفسي
نور؛ ها.. ضحك عل الخفيف واني ذبت ببتسامتة
دانيال؛ ليش تفترين هيج وبدون متلبسين شي فوگاه
نور؛ رفعتلة الصاية وگتلة هاذي وياي هسة البسة وردت افتحة حتى البسة بس هوه لزم أيدي ودنگ عليه وخله راسه برگبتي يشتم بيه ويأخذ نفس اني تخردلت كلش بعدين جمدت من نزل لصدري والكارثة فتح عيونة ويباوع اني توترت كلش وانعوج الكعب برجلي وصحت اخخ هوه بسرعة وخر وباوع لرجلي وگلي
دانيال؛ شبيج اتأذيتي
نور؛ لا لا بس انلوت شوية اني اروح اتأخرت مشيت بس هوه لزم أيدي وباوع بعيوني وحجة
دانيال؛ نور جاوبي عل اتصالي بليل عندي حجي وياج
نور؛ هزيت راسي وسحبت ايدي وطلعت انطيت المي وصاحولنة وطلعنة...
إيه؛ من طلعت لگيت أمير واگف بالباب الخارجي واني مغطية وجهي من وصلت يمه گلي بصوت ناصي صعدي بسيارتي.. اني استغربت منين عرفني وأني مغطية من فوگ لجوه توجهت لسيارته وصعدت هوه من مشت السيارات اجة صعد من تحركت السيارة گتلة منين عرفتني بله
أمير؛ اميزج بين ميت مره
إيه؛ سكتت اصلا اني ضايجة منه مناسية شسوه الظهر من صيح عليه.. درت وجهي عل الشارع اباوع وصلنة ونزلت اباوع لنور راحت تركض عل الديجي وشغلتة واني نزعت العباية والصاية وياه عل الواهس وفاطمة هم طلعنة كلش حلوات بالفساتين وبعدين اخذنة صور وسوينة حركات حلوة احنة الثلاثي واخذنة كوومة ويه البنات بعدين من صار المغرب صعدنة بدلنة لان ورانة عشا واحمد وره العشا يسوي حفلة وعازم أصدقاء بالاستقبال لان گال عود عل الحنة أسوي بالقاعة.. لبست فستان ثلث أرباع بيتي وخليت الشال عل رگبتي ونزلت التهينة بالمطبخ بس فاطمة مدري شبيه تعبت وراحت بغرفة جدي نامت.. صبينا عشا واني مااشتهيت مسدودة نفسي من الكيك رحت لفاطمة گعدته.. شبيج حبي
فاطمة؛ لا مابيه شي بس شوية بطني ائذتني ومنعسة ونمت
إيه؛ سلامتج يله گومي تعشي
فاطمة؛ لا مااريد مالي نفس أكلت كومة كيك
إيه؛ ههه حتى اني منتخمة من الكيك.. من خلصنة عشا استلمنة المطبخ والمواعين طاحت أيدي جبل جبل يكومون علينة واحنة افرك وارجع ليورة يعني طاح حضنة يله خلصنة وبعد الحفلة وكرابه ومواعينة.. رتبنة البيت وبلشت حفلة أحمد ودگ ورگص واحنة بالصالة نهز وياهم عل الواهس..
هبة؛ ولجن اشتهيت ادخل وياهم خرب
نور؛ اويليي وردح
إيه؛ ههههههه ضلينة شوية نهز وشوية نسولف دخل فهد وجه احمر مبين لو جان يرگص لو يضحك.. ها خوية شخبار الحفلة شو كسرتو الگاع
فهد؛ والله شگلج احمد اتخبل عوزة بس يذب هدومه ليگول ناذر يسوي هيج
إيه؛ هههههههه عزا لعد لو شايفة هناك تضل فاتح حلگك علي ثگيل ومرفع راسه
فهد؛ يبيعهن عل البنية
إم ايه؛ بله احمد وعرفنا مسودن ويرگص من فرحتة انته شبيك أحمر
فهد؛ احم والله شگلج خالتي بس عل الواهس ويا
إيه؛ هههههههههه طگينا ضحكة..
فهد؛ عليش تضحكن دروحن شوفن علي وأمير وساعته ضحكن عليه
إيه؛ نصدمت أمير يرگص گتلة... لابربك أمير وياكم
فهد؛ يوصلج التصوير خوية
إيه؛ ولا اصدگ اله اشوف بعيني..
هبة؛ ههههههههه طلعو كلهم مستوين تهي بهي 😂😂
نور؛ هههههههه اليوم گاعدة للصبح اريد اشوف التصوير..
إيه؛ خلصت الحفلة ودخلو الولد عزا الوجوه حمر والعرگ ينضح منهم وميتين من الضحك ويغلطون عل أحمد
علي؛ خرب روحك اني الثگيل خليتني انسئ روحي
أحمد؛ هههههههه اونسكم شعدي غيركم
أمير؛ لك يا تونسنة شيخ واسمي شمالني سمعت الك طاح حضك
أحمد؛ ها صارت هيج هسة مو صوجكم
فهد؛ هههههههههاي ولخلقكم باجر طشون ونلگة خبرنة بالصفحة الاولئ بيت الشيخ رحيم حفل قرآن احمد جاسم رحيم..
أمير؛ اسمعك لك أحمد التصوير اذا طلع احرگك حرگ وعلي
أحمد؛ لايابة وين اطلعة نفضح روحاتنة
فهد؛ ههههههه خايف عل السمعة..
......
إيه؛ ضالين فاتحين حلگنة عليهم عزا يعني صدك والله اليوم ماانام اذا مااشوف التصوير علي وأمير صعدو واحنة طفرنة عله أحمد.. العباس عليك التصوير
أحمد؛ لا هذا أمانة
نور؛ أحمد قابل راح نشره
فاطمة؛ يله أحمد فدوة
فهد؛ يابه شوفهن راح يموتن
أحمد؛ دخذنة راح تخنگني
إيه؛ لگفت الموبايل وگعدنه وخلينة راسنة بالموبايل شغلنة الفيديو بالبداية عادي شوية شوية زادت احمد ذاب فلك بالرگص ويطفر والله خوش يهز صرنة بنص الفيديو وأحمد سحب فهد ويا وهذا ماصدگ هز ويا وتشوفين يسوون حركات وسحبو علي وياهم عزا هذا اخوي هذا الثگيل
فاطمة؛ يا يا شوفن رجلي طلع عندهه مواهب والله شنو هاي خوش يهز چتف صخام..
إيه؛ ضليت فاتحة حلگي واباوع بتركيز وكلساع افرك عيوني خاف غلطانة عزااا هذا أمير اي ونبي هوه شني هاي ولكم ذب عمل واحمد يهزله چتف وهوه ويا عل الواهس وبعدين رگصو چوبي كلهم
هبة؛ يمة عزا شنو هاي ولجن طلعت وجهم ولجن هذا الشيخ أمير ولجن الثگيل الرزن يهز چتف لعد شدگولن ل أحمد 😂😂
نور؛ ههههههه طلعو أخواني مرگصجية وماادري شوفن ايه تحت الصدمة
إيه؛ وا صدمتا
فاطمة؛ اي والنبي
إيه؛ رجعت الموبايل ل أحمد وطفرت فوگ بس شنو حابسة ضحكة شكبره اول مادخلت للغرفة وشفت أمير طگيته ضحكة شكبره وهوه مستغرب مني.. يمةة اخخ بطني 😂
أمير؛ اخذي نفس شبيج
إيه؛ ههههههههههههه 😂😂فدوة اسكت خل اكمل ضحك.. هز ايدة وگعد واني مگابلتة وفطسانة ضحك بعدين شوية سكتت من نوبة الضحك لجتني.. أمير بربك هذا انته بالتصوير لو غيرك هههههههههه
أمير؛ طيح الله حضك أحمد
إيه؛ هههههههههه شنو هاي خوش تهز چتف وهزيتلة چتفي وخربانة من الضحك
أمير؛ اخذي نفس بوية اختنگتي
إيه؛ أمير مصدومة ونبي ههههههه متوقعتك هيج
أمير؛ سود الله وجهك أحمد
إيه؛ هههههه شعلي أحمد هوه لهز لو انته
أمير؛ كافي شبيج مشايفة واحد يهز
إيه؛ شايفة بس انته عزا صدمة چبيرة
أمير؛ الله أكبر ساعة شيطان
إيه؛ ههههههههههههه كافي اسكت ونبي حموت من الضحك ساعة شيطان بس شنو هاي شيخ طلعت إبداع بله منين تعلمت بس لا العسكرية ينطونكم درس شلون تهز بدال السلاح 😂😂😂
أمير؛ نجبي ولج لاافلش وجهج
إيه؛ اوك اوك سكتنة انزعج ههههه طارت هيبتة خرب يومك أحمد طلعت شيطانهم 😂... بدلت ورحت للفراش بس كل ما اتذكر شكلة افطس من الضحك ويه روحي وهوه نازل سب وغلط بااحمد وخابرة وگله تمسح الفيديو الله يصخم وجهك طيرتي هيبتي صوجي اني صوجي ههههه تندم بگد شعر راسه... بعدين هدء شوية واني رجعت لطبيعتي بعد نوبة الضحك الهائلة.. تمددت عل الفراش وانطيتة ضهري شوية من بديت اغفي خله ايده عله خصري وسحبني علي وخله راسه عل چتفي ويحجي.
أمير؛ ليش ساكتة مو عوايدج
إيه؛ يعني متعرف
أمير؛ ليش شكو
إيه؛ ها والظهر من صيحت عليه وفشلتني گدام الكل هاي نسيته موو
أمير؛ بوية غير خفت عليج نازلة تركضين انتي وهاذ حذائج بله وگعتني شسوين
إيه؛ اي بس ماكو داعي تصيح عليه وتزغرني گدام الكل
أمير؛ يابه حقج عليه ومتكرر بعد..
إيه؛ أمير هز چتف ههههههههه
أمير؛ خرب يومك أحمد شدعي عليك وانتي كافي انسيه لو علگت براسج
إيه؛ ههههههه مااگدر انسا والمشكلة البنات كله شافت الفيديو
أمير؛ لا اله الا الله انفضحنة بالقرآن
إيه؛ هههههههه يله يومين وينسون اله اني شينسيني
أمير؛ هسة انسيج
إيه؛ دارني علي وسحب شفتي بسرعة ماعافني اله من حس بالدم وضل يبوس بخدودي ويعضهن خله راسه برگبتي وايدة صارت جوه الفانيلة ويضغط عل جسمي بأايده گلبني وصار فوگي وعيونة بعيوني......
.......
فاطمة؛ دخلت للغرفة بطني كلش توجعني ماادري ليش بدلت ورحت للفراش وتمددت واني لازمة بطني طلع علي من الحمام من شاف شكلي اجة عليه بسرعة
علي؛ شبيج حبيبي
فاطمة؛ مابيه بس شوية بطني توجعني هسة تصير زينة
علي؛خاف مو زين عليج
فاطمة؛ لا لتشغل بالك هسة يروح الالم ضل يباوعلي بقلق وخايف عليه گلت خل انصب علي گتلة.. علوش شفت فد واحد لابس بنطرون كابوي وقميص أسود وبنص الاستقبال يهز باوعلي وضيك عينة وگلي
علي؛ ومنين شفتي
فاطمة؛ بالتصوير
علي؛ اي ومنو هاذا بله
فاطمة؛ فد واحد صاك طويل معضل وعيونة خضر بس شنو ياعلوش رگصة يفلش باوعلي رافع تك حاجبة واني طگيتة ضحكة، 😂😂
علي؛ تضحكين ولج
فاطمة؛ هههههه طلعت تهز چتف احسن مني 😂😂 نصهرت شنو هل الموهبة هاي بس تره متوقعت نهائياً
علي؛ وليش يابة متوقعتي
فاطمة؛ يعني انته علي بشخصيتك ودائما نشوفك عكس هيج طلعت غير شكل خلف الكواليس
علي؛ غير ابن عمي وافرحلة تره هاي اول مره واخر مره توبة نعيدهه بس النذل قشمرنة
فاطمة؛ ههههههه والله تضحكون... نمت عله إيده والثانية مخليه عله بطني ويحرك باايده حتى يخف الألم.. علي تريد ولد لو بنية
علي؛ بنية تشبهج ونفس عيونج
فاطمة؛ امم وشعجب مگلت ولد
علي؛ لا اني عاجبني أول طفل النه بنية وبعدين عود نجيب درزن ولد
فاطمة؛ لا عيني اني مااريد هواية أطفال اريد بس ٣ حتى ندللهم وبعدين اني دراستي صعبة خو ما اجيب درزن لعد منو يربيهم
علي؛ حضرتج مقررة
فاطمة؛ شلون لعد غير اني لجيب واربي واتعب انتم شعليكم لاتعبون ولاشي
علي؛ ها لعد منين تخلفن انتن من الحايط
فاطمة؛ ههههههه يعني انته ركضت لهاي الشغلة وعفت كلشي
علي؛ غير هاي الأساس يا بوية
فاطمة؛ امممم
علي؛ شوكت تحنين عليه
فاطمة؛ قابل بأايدي يا علوشي اصبر شوية لبين ميثبت الحمل
علي؛ نصبر والله كريم.... شلون صارت بطنج
فاطمة؛ أحسن
علي؛ شو باوعيلي كون رگصتي اليوم
فاطمة؛ لا والله يادوب هيج شوية اصلا بطني توجعني فه مااخذت راحتي
علي؛ يعني لو بطنج زينة جا رگصتي ومهمج
فاطمة؛ لا شلون ميصير
علي؛ اي عفية ثگلي شوية وبطلي سوالف الخبال
فاطمة؛ هااا يعني اني خفيفة وعندي اخبال
علي؛ هيج وهيج
فاطمة؛ وشنو معناتة هاي
علي؛ نامي يله
فاطمة؛ مااريد بعدني منعسانة..
علي؛ لاتزعلين اشاقة وياج
فاطمة؛ لا اصلا اني ثگيلة وماازعل
علي؛ هههههههاي بسمار
فاطمة؛ اهممم
علي؛ ولج اموت بيج اني
فاطمة؛ ههههه دنگ رفع الفانيلة وباس بطني وخله ايده جواهه ويحرك إيده حتى أرتاح واني غفيت...
......
نور؛ الوو
دانيال؛ هلا يابة وينج ندگ وماكو
نور؛ اسفة والله جنت جوه وناسيتة فوگ
دانيال؛ نور احجي كلشي بگلبج وأي سؤال سئلي واجاوب من عيوني تره وصلني حجي ماعجبني أبد
نور؛ وشنو الحجي لوصلك
دانيال؛ اهلج جابرينج عليه تره اني زلمة وأخاف الله وماارضة بهذا الحجي
نور؛ اي صح
دانيال؛ وليش مراضية بيه ناقصني شي
نور؛ حسيتة يحجي بعصبية گتلة لا حشاك من النقص بس أنته لخليتني أوصل لهاي الحالة يعني بيوم حنة اختك ريم لزمتني فوگ وحجيت حجي چبير وگتلي اني ماالعب عليج وبعدين اتوقعت يعني حتخطبني بس لاتفكر اني كاتلة نفسي ع الزواج وهاي السوالف لا والله بس هذا أقل شي تسوي من بعد كلامك بس انته انسحبت وره فترة عرفت قصتك وانو انته جنت خاطب وتحب خطيبتك بس تركتو واني حسيت انته لسه تحبة بس يمكن حجيت وياي وبعدين تندمت وأني قررت اشيلك من بالي وفعلا يمكن تناسيتك والصراحة ضجت كلش منك حسيتك تلعب عليه بس فجأة وبدون مقدمات تقدمتلي وأني ماردت أوافق لان گلت يمكن مو بأارداتة او شي ثاني بس تفاجأت بااهلي واصرارهم عليك ورغم رفضي المتواصل بس همه وگفو ضدي وحتئ اخوي أمير الي اعتبرة اب الي بس هوه جان أكبر معارض الي لان صديقة ويعرفك ومن هل الأمور وفعلا كلامة هوه المشة حتى عليه يعني بعد هذا كله تريدني اتقبلك بكل سهولة واتمنى متضوج مني لان حجيتلك لبگلبي لان اني هم اريد أرتاح.. سمعت جر نفس وحجة بهدوء
دانيال؛ أول شي محد يگدر يجبرني عله شي او اسوي شي مو بأارادتي واني تقدمتلج بأارادتي وأما بالنسبة لحجيتة وياج اول مره تره هذا الحجي من گلبي والله شاهد دخلتي گلبي من اول ماشفتج ابد مترحين من بالي ولاعيونج تفارگ راسي بس انه مااجذب عليج جنت متردد لان مار بتجربة فاشلة ومااريد اعيدهه اريد احسبله صح يله ساعته اتقدملج واني مرتاح بس من سمعت كلام أمي والخطابة لتجي عليج كل يومية وهيه هم تلمحلي دائما عليج هنا گلت اني شمنتضر وتره لبالج خطأ اني نسيت الماضي ونسيت كلشي يخصه هسة انتي حاضري ومستقبلي والله شاهد احبج من كل گلبي..
نور؛ ضليت ساكتة بس بنفس الوقت حسيتة صادق بكلامة ومشاعرة ومن احبج حسيتة طلعت من گلبة وأني هم بعد كلامة أحس ارتاحيت حتى بعد كلشي مريت بي بس ماكرهته..
دانيال؛ بس لا نمتي وانه صارلي ساعة اخرط
نور؛ ههههههه
دانيال؛ اروح فدوة لهل الضحكة ولج بعلي احبج
نور؛ احم
دانيال؛ ريحي گلبي وسمعيني الكلمة لريده
نور؛ گتلة بدون شعور أحبك بعدين من استوعبت شحجيت شهگت عزا شحجيت اني هوه طگة ضحكة
دانيال؛ اويليي يابة لو گدامي اله اگطع شفتج من تگول هل الكلمة
نور؛ وخرت الموبايل من أذني عزا أحس دخنت وجهي انگلب احمر هذا اي شي اگله يحرفه سمعتة يصيح ألوو جاوبتة نعم
دانيال؛ ينعم عليج وين طرتي
نور؛ وياك
دانيال؛ اي بوية وين وصلنة
نور؛ ها ماادري
دانيال؛ اويلي عل الخجلان أبوس خدودج الحمر
نور؛ضليت ساكتة وصدك خدودي طاگات حمر هوه كمل
دانيال؛ يابة اليوم من شفتج بهذا فستانج اجيت اشگگة عليج بس بالغرفة حتى أخذ راحتي واني البسج قميصي باايدي..
نور؛ طووط سديت الخط بوجهه عزا بعينة يمة شلون يحجي دزلي رسالة فتحتة كاتب عود من تصيرين بحضني اعلمج الخجل عل أصوله وتره ماناسي شلون سديتي الخط أحاسبج عليه بطريقتي... يا عزا شوف كلامة كله مشفر كلشي ماافتهمت 😶..
..
هبة؛ أمي اليوم ضلت بيت جدو واضطريت ابقى وياه واله اني تبت ماابات يمهم ضليت گاعدة بغرفة جدتي ساعة اسولف وياهن وساعة بالموبايل بعدين خليت الهتفون بأاذني وشغلت أغنية واندمجت وياه ماحسيت عل الوقت صارت ب١٢ أخذت جنطتي وطلعت للمطبخ شربت مي اريد اصعد لغرفة نور أنام نعست بس شنو اصعد بهدوء واتخفه خاف يشوفني واني لسه خايفة منه كلش وصلت قريب من الغرفة وجان اعثر واوگع عله وجهي والموبايل وگع بالگاع ضليت اغلط عله روحي ثول اي ثول شبيج متشوفين وجع اووف وانته شبسرعة نشخطت خرب بحضي خرب شكلة واني اتكشخ بي ولك ذاك اليوم اشتريتك..
فهد؛ مناوية تگومين شگد لغيتي
هبة؛ فتحت عيوني ودرت ضهري واشوفة وراي منتچي عل الحايط ومچتف إيده اني بسرعة گمت ودرت وجهي اريد ادخل للغرفة لزم أيدي وسحبني علي گتلة بخوف.. فهد عوفني
فهد؛ شبيج ترجفين اخذي نفس
هبة؛ بس عوفني عفية
فهد؛ اريد احجي وياج
هبة؛ مابيناتنة حجي
فهد؛ موبكيفج تسمعين وغصبا عليج
هبة؛ گتلك مااريد هيه غصب
فهد؛ سمعيني وروحي
هبة؛ مااريد ودرت وجهي مشيت خطوة وانجرت ايدي قوي سحبني لغرفته وسد الباب اني احس گلبي وگع وتجمعت الدموع بعيوني واباوعله بخوف لان مرات احسه يفقد وميسمع من احد واني أخاف تجي لحالة هسة.. رفعت اصبعي بوجهه وگتلة لاتتقرب
فهد؛ ماشي واگف هنا هنا كلمتين اسمعيهن واخليج طلعين..
هبة؛ هدئت شوية ونزلت راسي حتئ اسمعة بس من گال هيج رفعت راسي بصدمة
فهد؛ اريدج الي
هبة؛ شنوو
فهد؛ اكو شي مامفهوم گتلج اريدج
هبة؛ يعني شلون تريدني مفهمت
فهد؛ لا يروح بالج بعيد اريدج بالحلال
هبة؛ شلون يعني
فهد؛ بابا شبيج اگلج اريد بالحلال يعني زواج
هبة؛ بس اني مااريدك
فهد؛ السبب
هبة؛ لان مااحبك ومااريدك واصلا أكرهك.. انگلبن عيونة حمر وقبض ايده وتقدم گلت راح ينطي بوكسي يفلش وجهي وگف قريب مني كلش ويحجي بغضب وعيونة بعيوني ضليت ارجف من الخوف..
فهد؛ عيدي شگلتي
هبة؛ مااريدك
فهد؛وبعد
هبة؛ ومااحبك
فهد؛ واني هم
هبة؛ شنو
فهد؛ مااحبج بس اريدج لان حلوة وجسمج كارثة وأريد امتلكج
هبة؛ فتحت عيوني بصدمة يعني يريدني علمود شهوته وغريزته ويحجي وياي بستهزاء حسسني وحدة رخيصة گدامة وخاصة بعد ماگال
فهد؛ وعطرج وطعم رگبتج لهسة بحلگي.. هسه شگلتي
هبة؛ وگعت دمعتي ومسحتة بسرعة وگتلة واني اباوع بنص عينة اكرررررهك ولو يضل اخر يوم بعمري مااخذك ولا حنسئ هذا الشعور لحسستني بي لك حسستني وحدة رخيصة لك انته واحد حقيرر سمعتت.. طلعت واني اناشغ....
...
روئ؛ بعد أسبوع نور اتصلت عليه تريدني اروحلهم واني گلتلة امي متقبل ولادانيال گالت اني احاجيهم وره نص ساعة اجتني أمي وگالت روحي بس اني مترددة أروح مستحية وخاصة من أحمد بس نور كل شوية تخابرني المهم لبست بنطرون كابوي وقميص طويل ويه الركبة وبي احزام ينشد صفح ومكياج خفيف كملت ورشيت عطر وأخذت الصاية ونزلت الساعة ب٤ دانيال وصلني فتحتلي الباب نور كل لعادة....
نور؛ هلا بمرت أخوي وحماتي
روئ؛ هلا بمرت أخوي وحماتي
نور؛ هههههه شفتي ولج النصيب خلانه بنفس المنصب😂
روئ؛ هههههههه اي بس لازم وحدة منه تصير شريرة وكذا
نور؛ ها ولج من هسه ناوية عل الشر
روئ؛ اي أسود عيشتج مرت اخوي 😈
نور؛ دنجبي يا صقيقتي وفوتي يله
روئ؛ هههه اي احسن نضل عل الصداقة وعوفي المناصب.. سلمت عل الكل بس مستحية لان كل مره اجيهم بصفتي صديقة نور هسه لا خطيبة ابنهم يعني چنتهم..
نور؛ هوووووي وين وصلتي
روئ؛ وجع طرشتي أذني
نور؛ روئ امي تگول گومي گعدي أحمد من النوم😈
روئ؛ نجبي شعليه اني
نور؛ شنو يمة حبيتي صرتي خطيبتة واجبج هاذا كافي اني شبعت سطرات ودفرات بما فيه الكفاية وحان دورج الان ولو انتي حتشبعين أحضان وكذا بدال الدفرات
روئ؛ هئئ عزا بعينج سدي حلگج
نور؛ هههههههه.. يمة يمة
ام أمير؛ وغما شبيج
نور؛ مقبولة منج انتي مو تردين احمد خل تگوم روئ تگعده اني مابيه حيلل اصعد
ام أمير؛ گومي يمة فدواتج گعدي هذا تنبل نوم بلكت يشوفج ويصحصح
نور؛ ههههههههه يمة هيه هاي حجاية دشوفي شصار بالبنية
ام أمير؛ يا يمة لاتخجلين مابيه شي غير مريته.. گومي بنتي
روئ؛ حاضر خالة.. گمت ونور تغمزلي واني اگلله بسيطة وصلت لغرفته واتقدم خطوة وارجع عشرة اوف شلون ادخل هوه اني شاردة منه انوب ادخل غرفتة.. أمري لله دگيت الباب مرتين تلاثة ماكو صوت اجاني صوت نور تصيح عليه من جوه
نور؛ شوف البطرانة تدگ الباب ولج هذا لو تنفجر يمه قنبلة ميگعد فوتي گبل
روئ؛ سوتله من بأايدي اني اعلمج وهيه شاگة الحلگ الخبيثة.. فتحت الباب عل كيف بهدوء الغرفة شبه ضلمة دخلت وضليت واگفه اباوع علي نايم عل بطنة وحاضن المخدة بأايده والغطا مشمور صفح لابس بس برمودة تقربت شوية مبين بسابع نومة شلون اگعده هسه فزيت عل صوت موبايله يدگ خنست بمكاني ضل يدگ اكثر من مره انوب شفته تحرك فرك عيونة وسحب الموبايل وخله عل اذنة ويحجي بنعاس
أحمد؛ الوو لك زمال متعرف الواحد نايم شكو تلح يابه لو گدامي اله افلش وجهك.. دنجب هسه شرايد.. شلون راح يخليني أكفر لك عار طاير الشغل گتلك بليل أجيك.. ولي يله ولي..
روئ؛ سد الخط وهوه يدردم گعد ودار وجهه وشافني واگفة شو هذا ضل يفرك بعيونة ويرجع يباوعلي بتركيز يمكن عباله يحلم.. وگف بسرعة وتقدم عليه اني توترت كلش انوب جسمة وعضلاتة وطولة وگف گدامي
أحمد؛ لا والله هاي صدك هنا شو بله لزمي ايدي
روئ؛ مدلي ايده اني خجلت منه
أحمد؛ لا هاي هيه مدام طگن خدودج معناه صدك هنا..
روئ؛ احجي بتلعثم خااله دزتني عليك لان تريدك
أحمد؛ أبوس ايد خالتج دومه ممقصرة وياي
روئ؛ ها
أحمد؛ انتضري هنا خل اغسل وجهي واصحصح زين
روئ؛ عافني ودخل للحمام ضليت واگفة بمكاني متصنمة طلع وهوه ينشف بوجهه شمر المنشفة واجة وگف گبالي ومبتسم گلي
أحمد؛ شلونج
روئ؛ الحمدللة
أحمد؛ واني هم زين الحمدللة
روئ؛ فشلت منه حيل لان مسئلته شلونك وهوه ماقصر وحرجني.. رفع راسي بأايده ويمشي ايده عل خدودي وشفتي اني بدون تفاهم خدودي حمرت دنگ باس خدودي اثنيهن اني رجفت
أحمد؛ لاترجفين دخيل ربج تره بعدنة بالبداية
روئ؛ فتحت عيوني شقصدة بالبداية.. دنگ عليه وايده حاوطت خصري وسحبني علي ونطخيت بجسمة باس شفتي بهدوء شوية وحسيت عبالك داياكل بيه اختنگت عض شفتي لجوه ورفع راسه اني متت من الخجل وشفتي توجعني دنگت راسي..
أحمد؛ اخخ گلبي شهل الطعم
روئ؛ ذبت من الخجل هذا اصح تعبير مااحس غير سحبني لصدره وحضني حيل ويحجي وياي
أحمد؛ شوكت تبادليني الشعور مو طگت روحي ولج والله احبج ومااشوف غيرج وهذا الگلب يدگ بااسمج وداعت عيونج اخليج بروحي وبگلبي اني من شفتج اول مره خربطتي حالتي.. احجي لا تضلين ساكتة
روئ؛ احس كلامة من گلبة ولتمسني شعور سعادة وراحة وحسيت بحضنة باأمان ويحجي وياي بهدوء ويجر حسرات من گلي لاتسكتين احجي سحبت نفسي من حضنة وگلت خل احجي ليش اضل ضامة بگلبي ومهمومة وأفكر گتلة خايفة
أحمد؛ احجي من شنو خايفة
روئ؛ خاف ترجع لعلاقاتك وتتركني واضل طول عمري عايشة وياك بقهر واني اشوفك مو الي وتهملني وخايفة من هواي شغلات
أحمد؛ مستحيل ولج انتي تربعتي هنا بالگلب من اول مره شفتج بيه وداعت امي الغالية ل مااحلف بيه جذب بس انتي بحياتي وعد عليه أعيشج براحة وسعادة ولج اني مصدگت تصيرين الي شليتي حالي.. شو باوعيلي
روئ؛ رفعت راسي
أحمد؛ ولج لاتخجلين ابوس أيدج تره بالقدرة لازم نفسي
روئ؛ حنزل اني
أحمد؛ وين وين بعدنه ممكملين كلامنة بسم الله..
روئ؛ سحبني من أيدي وگعدني عل القنفة وگعد گبالي وضل يباوع عليه واني اتشرد بنضراتي خجلني نضراتة مو راحة
أحمد؛ ولج كافي مو سمطتيني سمط باوعي عليه
روئ؛ باوعت بعيونة خرب والله يدوخن والواحد يصفن بيهن لاارادي أخضر فاتح ورموشة سود وكثيفات وعيونة وسط..
أحمد؛ وين وصلتي
روئ؛ يا عزاا خشيت بهدومي من الفشلة يعني يحجي وياي واني صافنة بعيونة
أحمد؛ يابه مالازم بس لاتموعين ادري عيوني يدوخن
روئ؛ گتله بسرعة ونسيت نفسي شهل الغرور
أحمد؛ ههههههههاي قابل مجذب
روئ؛ اي بس التواضع حلو
أحمد؛ اي حلو وانتي هم حلوة تدرين شلون سطرتيني من شفتج ذاك اليوم ولج شهل الطرگاعة ماجذبت ايه من گالت تضل تهلوس خلصت ليل كله بس اسبح من اتذكرج اصخن ولج اشتعلت عشيرتج عل هل الگيمر..
روئ؛ طفرت وطلعت اركض عزا شگد منحرف همزين طلعت لان شكلة ناوي يكمل.. دخلت لغرفة نور گبل علمود اغسل وجهي لان اني لصخنت لگيته بالغرفة اول مشافتني طگته ضحكة شكبره
نور؛ ههههههههههه الضاهر اخوي ماقصر ونزل عل الترابي هل طلعتي تركضين وطاگة خدودج
روئ؛ عزاا ولج سكتي شنو هذا يمةة شردت بروحي
نور؛ هههههههههه 😂خرب يومك أحمد غير انتي شاله حاله وهوه ممصدك صرتي اله...
.......
إيه؛ بعد مرور شهر تقريبا نور راح تعرس بهذا الأسبوع وصارلنة شهر نحضر ونجهز بيه..
نور؛ كلش فرحانة ومرتاحة لان علاقتي طورت كلش بدانيال وحبيتة من كل گلبي وهذا الأسبوع عرسي بس بگد مافرحانة بگد ماضايجة راح افارگ أهلي وبيتنة وكلشي حلو هنا وكل ماابجي البنات ساعة هم يبجن وياي وساعة لا يسكتني ويضحكن عليه..واجة يوم الجمعة يعني كمية الخوف والتوتر لاتوصف نهائيا رحت للصالون ومكياج وشعر وفستان ورجعت للبيت والدموع بعيني واني اشوف البنات عيونهن يلمعن من الدمعة بس يضحكن ويرگصن حتى لااحس عليهن وخلصت هاي الساعات من بابا خله أيدي بأايد دانيال وهوه يبوس براسي واخواني هم ودعت بيتي لعشت بي احلى ايام حياتي بضل أهلي وصلت لبيت دانيال وبلشت ساعات التوتر والقلق وأيه وفاطمة يضحكن عليه لان جنت اضحك عليهن بليلة عرسهن وهسه ردنه الي ومقصرن هم...
إيه؛ يله حبيبتي گومي لغرفتج
نور؛ ايه حموت من الخوف
فاطمة؛ گولي ياالله وتوكلي يله
نور؛ صعدت للغرفة وگعدت واني اطگطگ بأصابعي
إيه؛ خليج عاقلة اعرفج بسرعة تنفعلين
نور؛ نجبي ولج حموت من الخوف
إيه؛ ولج عله كيفج قصدي هدي نفسج وخليج قوية وهوه يحبج فه أكيد مياااذيج
فاطمة؛ اي صح ولاتتصرفين برعونية اتصرفي بعقل
نور؛ صرتن محاضرات براسي
إيه؛ مو زين نقدملج نصائح من تجربتنة
فاطمة؛ اندريي يله حبي الضاهر زفو
نور؛ ودعت البنات بدموعي وهنه هم...
إيه؛ نزلنة اني وفاطمة وتلگتنه امي ترزل بينة تگول مو زين تبجن عليه وبعدين هيه وين رايحة شو شمرت عصا وره كم ساعة رجعنة للبيت.....
...................
إيه؛ يمة ونبي متت مااعرف شبي شوفي انتي
ام ايه؛ يا سودة عليه الولد ممتون كله منج متعرفين تشلينة
إيه؛ والله اشيلة مثل معلمتيني اخذتة لبيبي وسوتلة متن ونط من البجي اخير شي نام بحضنة عفتة يمه وصعدت دخلت للغرفة واني الدمعة بعيني..
أمير؛ خير بوية شبيج
إيه؛ علي هم ممتون وبيبي سوته ونام كله مني مااعرف اشيله
أمير؛ بنيتي عادي تتعلمين علي بعدهه زغير
إيه؛ مو خطية شاغت روحة من البجي
أمير؛ حتى يصير زلمة
إيه؛ واسيتني كلش
أمير؛ شو تعاي شبيج متتحاجين
إيه؛ سحبني علي واني خليت أيدي وره رگبتة ومبرطمة واگله ماما رزلتني
أمير؛ قابل جديدة
إيه؛ لاتضحك
أمير؛ بوية شلون مشتاقلج ولج مجمر عليج
إيه؛ مشيت صبعي عل وجهه وصلت لشفته خليته عليه وبست صبعي لعل شفته همست واني هم مشتاقتلك موت ودنگت لرگبتة اشم بيه وأبوس بي رفعت راسي باوعت بعيونة
أمير؛ بوية شيخلصج مني اليوم صايرة وكحة
إيه؛ ههههههه منك نتعلم
أمير؛ مو خوش تعلوم هاذا
إيه؛ هههههه گول لنفسك
أمير؛ دتعاي واعلمج درس جديد..
.....
فاطمة؛ علي كافي لاتبوس بيه
علي؛ شعليج اني وبتي شدخلج
فاطمة؛ لا والله خاف متقبل لاتخليني انزله ل أمي
علي؛ غير اموتج
فاطمة؛ علييي لاتنرفزني تره وصلت حده متشوف نفسك شلون متفارگه
علي؛ ولج تغارين من بتج
فاطمة؛ اي أغار خذت مكاني شنو هاي
علي؛ هههههههه خرب عقلج ضحكتيني
فاطمة؛ تضحك مو تضحك واني مشعوطة
علي؛ ولج غير انتي الأصل وهذا مكانج ويأشر عل گلبة..
فاطمة؛ تقشمرني بهذا كلامك تدري توبتني بعد مااحبل وأجيب ليان كافي علينه
علي؛ هذا هوه براحتج بس اهم شي تهدين
فاطمة؛ هادء
علي؛ مادام هدئتي تعاي نشوف شغلنة
فاطمة؛ شغلتك تقشمرني مو
علي؛ غير اموت بربج
فاطمة؛ ههه حلو بس مع الأسف هل المره مااتقشمر بكلمتين عفته وطلعت هههه حرگتة وطلعت لاگتني روئ حمرة وتنافخ يا ساتر شبيج
روئ؛ ولج بخاطري الزم احمد هسه اخنگة بأيدي
فاطمة؛ ولج عله كيفج راح تجيبين من العصبية
روئ؛ ولج شسوي قهرني قهرني
فاطمة؛ دتعالي گعدي وهاج مي شربي واحجي شبيج
روئ؛ ولج خابرت علي محامية ويا بالشغل ودگ سوالف وضحك عاد اني من حرگت گلبي اخذت الموبايل ورگعتة
فاطمة؛ عزا بس لا تفلش
روئ؛ اي واصلا ممتندمة وهوه بالگوة لزم أعصابة وضل يفتر ويصيح وكل ميتقرب ائشرله عله بطني عود لاتتقرب واحرگ بگلبة
فاطمة؛ ههههههه وبعدين
روئ؛ ماكو تكافشنة وعفتة مشتعل وطلعت
فاطمة؛ عفية عليج هوه احسن إنتقام تعوفينة مشتعل وتطلعين
روئ؛ جوعانة
فاطمة؛ ولج كافي بس اكل شبيج
روئ؛ اني أكلت بس مو تعاركت ويا فه جعت
فاطمة؛ حقج فقدتي طاقة هسة اجيبلج أكل
روئ؛ فديتج والله..
فاطمة؛ تفضلي
روئ؛ يسلموو
فاطمة؛ خل نخابر عله نور
روئ؛ اي بلكت تمر علينة بليل وخابري هبة هم
فاطمة؛ هاي هبة تگطع گلبي يله تجي بالتواسيل
روئ؛ اني اخابره
فاطمة؛ هلا ننوشة شلونج
نور؛ هلا فطوشة الحمدللة شعجب خطرنا عل بالكم
فاطمة؛ نجبي لج مو كل مره اخابرج واتوسل بيج تجين وانتي تتحججين بنتج
نور؛ عابت مو اتحجج بس هيه بعدهه توهه شهرين ونحسه
فاطمة؛ عل كلا تعالي بليل وحسبي حسابج تباتين
نور؛ ماشي بس خل اشوف دانيال شيگول
فاطمة؛ اوك بااي..
......
هبة؛ خابرني البنات يردن اروحلهن واني اتعذرت بس هنه لحن عليه واستحيت منهن لان مااريد اروح واشوفه بعد آخر كلام بينة گمت كلش قليل اروح لبيت جدو واشوفه هم قليل عل رغم مرور اكثر من سنتين بس اني لسه مناسيه واعترف أحبة بس هوه ميستاهل حبي وحاقدة علي لهسه لان مجاي اگدر أكمل حياتي كوومة أجوني خطابة واني رفضي متواصل مااعرف شنو منتضرة بس عشت اسوء سنتين بعمري واني كل يومية بليل اتذكره وابجي واگول خلي يولي مااريد وميستاهلني بس ارجع ثاني يوم نفس الشي دمرني حتى شخصيتي احسه تغيرت وصرت انعزالية نوعا ما.. گمت ونعلت الشيطان وقويت نفسي وانشاءالله هم مااشوفة لان تقريبا صارلي اكثر من ٥ أشهر مشايفتة بدلت ولبست بنطرون وبلوز قصير وفوگاه ترواكة طويلة ويه الركبة ومكياج وسط..خلال هاي الفترة ذابه حرگتي بهل السوالف اكثر يعني رياضة ودايت صاير جسمي احلئ لان جبت اجهزة رياضة وجسمي صاير منحوت وبشرتي ماسكات وهاي السوالف امي تگلي صايرة تخبلين بس كون الله يهديج وتزوجين المن ضامة هل الجمال واني اگلله قسمة.. وگفت ورشيت عطر باوعت لنفسي فديتني حاته واني احجي هذا الكلام دائما حتى ارفع من معنوياتي وابث الطاقة الإيجابية.. وصلت للبيت مموجودة سيارتة اوف الحمدللة معناه مموجود هم.. دخلت للمطبخ لگيتهن كلهن موجودات... هلاووووو
إيه؛ هلا ولج بذاتة ليش گاطعة
هبة؛ يعمري سوررري
فاطمة؛ ولج صايرة تخبلين عين الله عليج
روئ؛ اي ونبي شوف الجسم والوجهه چآ مثلي صايرة بطريق
هبة؛ هههههههه بالعكس والله صايرة تخبلين واگعلج الحمل بس صدك صايرة بطة
روئ؛ بس خل اجيب اله ارجع جسمي القديم اشتاقيتلة
إيه؛ تعالي گعدي وسولفينة شكو ماكو
هبة؛ سلامتجن مخلصتة بالبيت مالي خلگ لاطلعة ولاطبة
فاطمة؛ شجاج تغيرتي چنتي متگعدين بالبيت مخلصتة مولات وطلعات شو حتى احنة گطعتي بينه..
هبة؛ كبرت وعقلت 😌
إيه؛ ههههههه لعد متزوجين لو تردين تعنسين
هبة؛ يمعودة شلي بالزواج خليني مرتاحة وعايشة حياتي وتدرن افكر أسافر ويه بابا لان حيروح دورة بتركيا شهرين وگلي اذا تردين تعالي وياي تونسيني هناك وحدي
إيه؛ اي روحي وغيري جو
هبة؛ الله كريم أشوف شمسويات عشا تره اجيتجن بدون غدا
فاطمة؛ دومج بدون غدا
هبة؛ لا والله مسوية دايت بس اليوم لخاطرجن حخرب
روئ؛ اي اخذي اوف اليوم
هبة؛ اي بس داروني مشتهية كيك وكنافة هم
إيه؛ تدللين اصلا جنت ناوية اسوي
هبة؛ صدك وين ابنج وانتي وين لولوه
إيه؛ نايمين
هبة؛ اووي فدوات مشتاقتلهم موت
إيه؛ هسه يگعدون وتشبعين منهم
روئ؛ اكولجن الباب يندگ يمكن نور اجت
فاطمة؛ هباوي گومي فتحي الباب عفية مدام لابسة حجاب
هبة؛ اوك.. مشيت فتحت الباب واني مبتسمة عبالي نور بس صار بوجهي ضليت اباوع علي يمكن متعطشة لشوفته بس من تذكرت كلشي نزلت راسي وهوه اكلني بعيونة واني عفتة ومشيت بسرعة دخلت للمطبخ
إيه؛ ها منو
هبة؛ فهد
إيه؛ زين والله اجة
هبة؛ ليش
إيه؛ ولج منشوفه بالبيت لو مسافر لو طالع لو نايم حتى منعرف شوكت هوه مسافر وشوكت موجود
هبة؛ لهل الدرجة
إيه؛ اي مااعرف شبي تغير هواي.. حبي راقبي الكيك بس خل اشوفه علوش واجي
هبة؛ براحتج.. ضليت واگفة طلعت موبايلي من جيبي واتصفح بي وكلساع افتح الفرن واشوفه واسده سمعت طگة رفعت راسي شفته واگف يباوع عليه توترت ودنگت راسي اتقرب مني كلش ويباوع بوجهي مد إيده وراي واخذ گلاص وبعده نضراته عليه شرب مي وطلع واني شفت الفرن وطفيته ورحت لغرفة بيبي سلمت عليه وضحكتني تگلي
زهرة؛ ولج مفلوكة صايرة حليوة
هبة؛ ها بيبي قابل جنت مو حلوة جاوبتني خالتي ام ايه
ام ايه؛ لا ولج بس قصدة حليانة زيادة مشاءالله
هبة؛ هههههه خجلتوني تره
زهرة؛ ولج جا شمنتضرة متزوجين لو تردين تگعدين عله گلب امج
هبة؛ مااريد هيج مرتاحة
زهرة؛ اي ضلي منا لمن تعنسين
هبة؛ هههههه حتئ لو وشنو يعني...
إيه؛ واگفين بالمطبخ نسوي عشا ودخلت نور
نور؛ هلاووو شلونكممم
إيه؛ صوتج وجع البنية بحضنج
نور؛ نايمة ماتسمع
إيه؛ دخليه جوه باردة
نور؛ بوسه
إيه؛ هههه بوسته ودخلت.. كملنة العشا والولد يتعشون بالاستقبال ويه جدي..
هبة؛ يمةة فدوة لخدود تنگرط گرط
فاطمة؛ گدامج ولو انتي معايزة ههههه
هبة؛ نلصمي.. ولكم شنو هل العيون اروح فدوة گطعت خدودة
فاطمة؛ كافي ولج موتيه
هبة؛ قحط بنات رفعت راسي شفته گدامي بالمطبخ يباوع عليه دنگت راسي بسرعة
نور؛ ولج وبنتي شبيه
هبة؛ ولج بتج ماتلزم بطول السمچة
نور؛ عود اخليج تلزمية من تكبر
هبة؛ مو بكيفج... هلا بالشيخ گمت اخذت علي من ايد ايه وأبوس عمرة اربع أشهر بس زين بي لزمه.. فديت ولكم شنو هل الكياته
نور؛ اي هذا نسيبي
إيه؛ وشمالني اخذ بنتج
نور؛ ليش يمة شبية
إيه؛ اكيد تطلع طگة عليج ونفس خبالج
نور؛ وين تلگين نفسي
إيه؛ هههههه اشاقة عوبة
نور؛ ادريي عوبة 😊..
هبة؛ يله بنات اني اگوم اخابر واحد من اخواني تأخرت
نور؛ لا والله خاف متقبلين اليوم تباتين
إيه؛ اي اموتج اذا خابرتي أحد
فاطمة؛ نجبي وگعدي
روئ؛ باتي اليوم هنا وسكتي
هبة؛ عزاا شبيجن اكلتني بعدين ممهيأه نفسي ابات والله
إيه؛ هيه شنو تراك اني انطيج وگعدي وسكتي لاتحجين بعد
هبة؛ گعدت لان قفلن عليه بس اني مااريد.. سهرنة گعدت بنات وونسة وضحك ماحسينة عل الساعة اله٢
إيه؛ يا شبسرعة
فاطمة؛ ولج احنة محسينة عل روحاتنة
إيه؛ يله اني اروح خاف علي گعد تصبحن على خير
فاطمة؛ واني هم يله بيبااي
نور؛ ضلينة اني وياج ورجعنة لنفس غرفتنة ونام سوه
هبة؛ ههههه اي يله اني نازلة اخذ جنطتي نسيتة جوه.. طلعت من الغرفة وبنفس الوقت تفتحت غرفته سويت نفسي ماشفته مشيت ومااحس غير سحبني ونطخيت بجسمة.. حجيت بحدة تركني
فهد؛ مو قبل مااحجي وياج
هبة؛ ماكو شي بيناتنة ينحجي رجاءا تركني
فهد؛ اني عندي حجي بس خمس دقايق
هبة؛ اول شي تركني وبعدين احجي.. نعم
فهد؛ كافي
هبة؛ كافي شنو مفهمت
فهد؛ احبج وأموت بيج نطيني فرصة
هبة؛ هه خاف انته نسيت كلامك اني بعدهه هنا بعقلي ولانسيت حرف منه انته جذاب انته متحبني انته تريد بس علاقة جسدية
فهد؛ غلطانة اني حبيتج ومن كل گلبي هبة نطيني فرصة اصحح غلطي
هبة؛ فهد اذيتني بما فيه الكفاية ولهنا وكافي واعيد واگول انته متحبني
فهد؛ والله العضيم قسم بالله احبج
هبة؛ وكلامك ها نسيتة مو
فهد؛ مو من گلبي بس هذا ردت فعل عله رفضج الي اني رجال وعندي كرامة وانتي تگليلي اكرهك ومااريدك واني حجيت هيج حتئ ارجع كرامتي لدستيه انتي والله العظيم من يومة لاليلي ليل ولانهاري نهار تندمت عله كل كلمة گلته الج وكل يومية ادور بعيوني البيت بس اريد المحج واعتذر منج وانتي عاقبتني ومشوفتيني وجهج سنة ونص وبعد ماشفتج ردت اعتذر منج واكلج هذا الحجي بس اتفاجات من سمعت بيج رحتي وهسة يله رجعت شفتج هبة والحق الحق احبج ورايدج الج اريدج تنسيني الهم لعشتة والله مطايق روحي ولاعيشتي مااريد ترجعيلي خبر هسة فكري ورديلي خبر بس لاتضيعينة بقرارج اني مااگدر بدونج بعد..
هبة؛ نصدمت بكلامة وحتئ شفت الدمعة بعينة مبين متندم عافني ونزل واني هم دخلت للغرفة....
.......
أحمد؛ بعد وكت
روئ؛ جنت يم البنات
أحمد؛ عدلي حجيج
روئ؛ وشلون مااريد اتعارك لان طاگة فيوزاتي من الحمل گتلة... هذا حجي ماعندي غيرة.. هوه گام بسرعة وگف گدامي ولزمني من ايدي قووي
أحمد؛ روئ خلي النفس عليج طيبة لاتخليني انسئ انتي حامل
روئ؛ ها يعني لو محامل تضربني مو
أحمد؛ لا اله الا الله روئ شبيج انتي شصايرلج
روئ؛ طفرن دموعي وگتله واني ابجي ماادري والله بس ارتاح من اتعارك وياك واضل ادوس بطنك وانته تسكت حتى متأذيني طگة ضحكة وحضني
أحمد؛ خرب عقلج هههههه ضحكتيني
روئ؛ ليش تضحك
أحمد؛ ماكو شي بس هاي هرمونات الحمل مأثرة عليج كلش
روئ؛ وخر يله زعلانة منك شلون تخابر هذيج الحقيرة
أحمد؛ يابة والله المره مزوجة وعدهه درزن جهال واكبر مني
روئ؛ اهمم.. وخر جعت
أحمد؛ اكليني بعد أبوج
روئ؛ لا مو طيب
أحمد؛ اه اني
روئ؛ ههههههه اشاقة لاتزعل بس شوية دنگ خل اگلك شغلة.. دنگ عليه لان مشاءالله طابق ثاني خليت راسي برگبتة وعضيتة حيل وهوه طفر
أحمد؛ اخخ خرب يومج انجلبتي
روئ؛ شعلية اني مو انته گلت اكليني
أحمد؛ دتعاي اليوم اني اشبع بيج...
.......
إيه؛ مرت هاي السنتين علينة وتغيرت هواي من حياتنة الكل استقر بحياتة والحمدللة خل احجي عن نفسي اني هواي عشت تجارب بحياتي وأهم تجربة هية الزواج زواجي كان نوعا ما نهوة شيخ ومو بأارادتي ولااني قررت ولانطيت رائي وتحول كرهي وغضبي لحب وعشق نعم مو كلشي بالحياة يبلش بكرهه ويضل مستمر لازم نتعلم شغلة بالحياة وهيه الثقة بالله لان الله سبحانه وتعالى هوه يعرف بمصلحة عبده ويمكن انتي تشوفين هذا الشي مو مناسب الج ومستحيل تتقبلينة بس الله يشوفة من مصلحتج وقسمتج وراح تكونين مرتاحة وطبعا ماكو حياة تحتوي طول العمر عل الراحة لازم الإنسان يمر بفترات صعبة بحياتة حتى يتعلم الصبر والتوكل عله الله بس بالاخير تفرج وتنحل وهيه هاي الحياة يوم حلو ويوم مر وهذا لتعلمتة من تجربتي بالزواج عشت حياة حلوة ويه حبيبي وحياتنة تحتوي عل الحب والاهتمام ويمكن هذا سر نجاح العلاقة بس مع ذلك اكو هوايه صعوبات وگفت بطريقنة بس تجاوزناه بحبنة وكانت من أكثر لصعوبات لمرت علينه هوه الحمل والأطفال عانيت هوايه من هذا الموضوع وگعدت أيام وليالي ابجي واتوسل ربي وأدعي عل الرغم مساندة أمير الي ودائما يحسسني انو اني كلشي بحياتة ومو ضروري الأطفال يله تكمل حياتنة بس جنت اتگطع من اسمع كلام الناس انو مرت الشيخ ومتخلف وجنت أموت ميت موتة باليوم من اسمع انو هادين مره ل أمير بالگعدات وهوه يرفض بشكل قاطع ويرجع معصب ومطايق أحد لان يتعارك ويه جدي وعمي لان يرفض شيوخ وميقبل بالهدية وهذا الشعور جنت اعيشة كلما أشوفه يجهز نفسة لگعدة او فصل لان راح يتكرر نفس الموقف وهم راح يهدونة مره واني لازمة گلبي خاف فد مره يرجع وهوه موافق بس جان يخيب هاي الأفكار من راسي وبالعكس زاد رفضة واتمسك بيه اني بس دائما احس بالذنب واگول هم شنو ذنبة ماعدهه طفل وهوه شيخ ويريد ولد يحمل أسمه واستمرت هاي معاناتي اكثر من سنة بس جنت اتجاوزه بمحبة أمير واهتمامة بيه الي دا يزيد مداينقص.. اله ان الله فرجة عليه بيوم اني وأمير سافرنة أسبوع تغيير جو ومن رجعنة بدت عندي أعراض غريبة بس تجاهلتة بس زادت عندي حجيت ل أمي وهيه رئسا گلتلي أكيد حامل اني بس سمعت هل الكلمة احس شي يتحرك بداخلي وبگلبي بس گلت ماافرح وبعدين تخيب آمالي ولازم اتأكد وفعلا من جان أمير ملتحق ماما اخذتني لدكتورة وحللت تحليل دم وگعدت عل نار تخيلو من تحسون انو منتضرين مصير حياتكم ضليت أدعي يارب أيام واسابيع وأشهر واني منتضرة هاي الفرحة دخيلك ربي لاتحرمني منه ومن طلعت التحاليل وطلعت حاامل ضليت صافنة بالورقة ودموعي تجري صرت أشوف بس الورقة ودموعي تنزل عليه وامي تحضن بيه وتحاجيني بس اني گعدت عل الكرسي رجلي متحملني بعد دقايق حسيت عل نفسي وحضنت أمي وخليت راسي عل چتفة وابجي واناشغ واشكر ربي هواي عانيت ومرت عليه ليالي ضلمة وتوصل بيه اجر النفس گوة ومن رجعنة للبيت گلت ل امي متبلغ احد اريد أمير يعرف أول واحد ومن وصلت لگيته نازل من الدوام وفعلاً وگفت گدامة وبأايدي الورقة واحجي من بين دموعي لسه ماوگفن وگتلة اني حامل هوه عيونة لمعت وضلت عيونة تتنتقل عليه وعلورقة ل بأايدي وحضني واني طلعت كل القهر والتوتر والخوف لعشتة بهاي اللحضة نهاريت بجيت بجي من كل گلبي وهوه يهدي بيه ممصدگة الله استجاب دعائي وهوه مسح دمعتة ويمنع تنزل موقف كلش چبير ومؤثر... الأطفال مو شي سهل لان كل علاقة لازم تكمل بثمرة حبهم وهوه الطفل بس لازم مننسا انو الله دائما ويانة ومنفقد الأمل ونصبر لان الصبر مفتاح الفرج.. الكل شاركنة فرحتنة وخواتي وصديقات عمري فاطمة ونور الي دائما جانن مسانداتني ويقوني فرحلي من كل گلبهن واني اشوفهن يحضنني ويبجن وياي.. إلى أن شرف ولي العهد ونور حياتنة بوجودة وسمينا علي لان امي ناذرة للأمام علي اذا صار عندي ولد تسمي علي وكملت حياتي بوجودة وعشت حياتي بحلوه وبمره ويه شيخ گلبي وروحي الى هنا وتنتهي تجربتي وياكم اتمنى ستفاديتو ولو بشي بسيط..

فاطمة؛ اما عن تجربتي الي اگدر اگول عليه تجربة إيجابية وحلوة بلشت بحب وجددنة هذا الحب بالزواج..زواجنة الي كان بدايتة عدم تفاهم بين طرفين ومشاكل عل رغم من حبينة بعض قبل الزواج بس مو كلشي بالحب لازم يكون اكو تفاهم بين الطرفين لان هواية نشوف علاقات بيه حب بس تفتقد للتفاهم وتنتهي بالانفصال والعكس صحيح بس اني تجبرتني كانت تحتوي عل الحب بس كان ينقصه التفاهم بس مخلينة هذا الشي يأثر عل علاقتنة بالعكس اتمسكنة بعض واتحاوزنة هذا الشي بحبنة لازم يكون اكو صبر بالعلاقة وتضحية هم.. وطبعا لازم العلاقة تمر بمنعطف ومن خلال هذا المنعطف او الموقف نگدر نختبر الطرف الثاني هل حيوگف وياج ويلزم أيدج لو يتخلة عنج بأول مشكلة أو موقف صعب اني عشت هذا الشي من سقطت اول طفل الي.. لجان فرحت گلبي وتعلقت بي قبل لايجي للدنيا وتذكرت اول معرفنة بي شلون جانت فرحتنة بس الله مقاسمه النه ومريت بفترة كلش صعبة بس اتجاوزتة بمحبة ومساندة علي حب حياتي وهنا عرفت مقدار حبة الي والحمدللة بعد فترة الله عوضنة ورزقنة بطفلة نورت حياتنة وضافتلة معنا هواي وهنا عرفت هيه خيرة من الله ولازم نؤمن بقضاء الله وقدره...

نور؛ اما تجبرتي راح احدثكم بيه عن سوء الفهم والحكم عل الشي من ذاتك وعدم الاستماع لطرف الثاني هذا الخطأ لجان خسرت بي اول حب بحياتي مرات اگعد ويه نفسي واگول لو اهلي مجبروني عل الزواج من دانيال جان هسة ضيعتة من أيدي بسبب سوء فهم مني وتسرع بالحكم للذلك لازم مو دائما تحكمون عل الشي من نفسكم لازم تستمعون للطرف الثاني يله تحكمون عل الشي.. وشي ثاني الأهل همه دائما الاعرف بمصلحت أولادهم مرات نتململ من تدخل اهلنة بحياتنة ويقررون عنه بعض الأحيان بس انته مافكرت يمكن هذا الشي لمصلحتك وهمه نقذوقك من خطأ أو قرار خاطئ بحياتك چان ممكن ترتكبة ويأثر بيك نفسيا للذلك اي قرار تريد تاخذه بحياتك لازم ترجع ل اهلك وتتناقش وياهم وهمه اذا شافو من مصلحتك وينفعك ميضرك صدگني راح يكونون أول الداعمين الك واني متأكدة.. اني لسه اتذكر كلمة اني من گلتلي هذا الشي لمصلحتج جنت اضوج من هل الكلمة واختنگ منه بس بعدين عرفت معناه لان هيه لصححت الخطأ لردت ارتكبة بحق نفسي وبالأخير لازم تاخذ رائيي أقرب الناس الك بأي شي تريد تقررة لان النصيحة حلوة.....

..............
إيه؛ مبروك خوية
فهد؛ الله يبارك بيج ماقصرتي
إيه؛ والله خوش إختيار عاشت ايدك هباوي بنية تجنن وحبابة وتلوگلك
فهد؛ بفضلج
إيه؛ ولو تستاهل... خطية فهد حجالي عل موضوعة واني ساعدتة وگعدت اقنع بهبة بالگوة اقتنعت وادري بيه تحبة بس الشي لسوا موسهل بس بالاخير الله فرجة عليهم وهستوهم رجعولة الموافقة...
أمير؛ صايرة تجمعين راسين بالحلال
إيه؛ ههههه اعجبج شيخ
أمير؛ عفية بيج شو تعاي گعدي هنا
إيه؛ گعدت بحضنة تفضل محتاج شي
أمير؛ اي محتاجج
إيه؛ واني الك وحضنتة
أمير؛ تعرفين شگد احبج
إيه؛ واني امووتتتت بيك أحبببببك موت شيخ گلبي.......

...... النهاية

وچان نوصل للختام أحب اگللكم شي كلش اسمتعت بهاي القصة وياكم واحب اشكركم لان وگفتو وياي وچنتو جزء كلش چبير بااستمراري بالقصة وشكرا عل تفاعلاكم الحلوو ياورود اريدكم تفجرون هذا البارت بالتفاعل وأريد تفاعل حلووو حتى يشجعني أنو افكر برواية ثانية وأحب اگللكم كلش حزينة والله لان راح افارگكم تعودت عليكم بس لازم نختم شنسوي واتمنئ اكون قد وفقت بهاي الرواية ونالت اعجابكم وبالنهاية أحبكم كوووومات 😘😘😘😘😘بيبااااي🥺😢...