عشگ الضابط أمير

البارت الرابع والعشرين

#⁽♔₎┋آيهـ آلُِبَيآتي ┋:

طحت مخنوگ لمن گلتي تعبانه
و من شفتچ يـ حلوتهن
ضحكتي و حيل حليانه
حسيت بـ ضحكتچ حَلَت إسنيني
نسيت الچان خانگني
و بديت اتنفس بـ عيني
💕💕💕💕💕💕💕💕💕💕💕💕
(اليوم حنسوي طفرة حلوة بالأحداث 😁👍)
_____________________________
بعد مرور شهر اواكثر تقريبا
إيه؛ خلال هذه الفترة نگدر نگول صارت أحداث سعيدة وحلوة وأحداث سيئة ومن الأحداث الگدر اگول عليه ضوجتني وخايفة منه هوه انو أمير رجع للدوام بعد توسلات مني انو ميداوم او يترك بس هذا حجي يفيدني لان مسمع مني ابد وگلي الأعمار بيد الله واذا مكتوبلي الشهادة هذا فخر الي ولكل ناسي وأهلي وطبعا هذا الحجي سوه عندي تخوف وقلق مو طبيعي بس ادعي ربي يحفظة الي لان احسة صار روحي من الدنيا وماابالغ من اگول الدم اليمشي بوريدي وانتو راح تحسون وتجربون وتشوفون شلون من تتعلقون بشخص لدرجة متتصور وهذا الصار وياي.. يعني ياسبحان الله بعد مجنت مااطيقة وزواجي غصب بس هوه گدر يغير نضرتي بي وجان كل ليلة يحجيلي شلون جان يحبني وشلون يتنرفز ويعصب مني من جنت اعانده يعني من كبرت واجي للبصرة واني هم اتذكر شلون جنت اضوج منه واضوجة بتصرفاتي لان يدخل بيه وهوه يگلي بوكته بدي اكتلج كتلة عله تصرفاتج بس مينطيني گلبي ائذيج و جنتي دوسين بطني واتحمل واگول تعقل وتبطل خبالاته وفهاوتة بس لهسة مبطلتي وبعدج عله فهاوتج وتصرفاتج الطفولية وهذا الحبة بيج عقلج الطفولي 😁... وأما الأحداث السعيدة والحلوة زواج فاطمة وعلي اي لاتتفاجئون خلال هذا الشهر قرر علي يقدم الزواج وفاطمة جانت معارضة لان صار بينهم موقف وهوه لخله علي يعاند فاطمة ويقدم الزواج وطبعا متگدر تعارض بس هذا الشي مامنع فرحتنة بالعرس وعن نفسي تونست ونسه بالعرس مصايرة بعد اخت العريس رگصت وهوست ولعبت لعب وطبعا هذا بالختلة من أمير لان حذرني ماارگص واسوي هوسة بس اني الحجي دخل منا طلع منا سويت العكس وأكثر هههه مثلا خل نرجع لمواقف حلوة صارت بيوم صباحية العرس گعدت نشطة من الصبح أمير بعده نايم المهم طلعت من الغرفة لاگتني نور هذا الحجي ب ٨ الصبح نزلنة ثنينة واني اهلهل واهوس ونور وراي تگمز واني مأمنه أمير ميسمع لان غرفتنة بالطابق الثالث واحنة جوه المهم نزلت اهوس وأصيح هاي الراده وهاي التمناه بت الشيخ لابن الشيخ جبناه گللللللوش
نور؛ گللللللوش علوشي ياچكليتة حامض حلو باكيتة
إيه؛ لاگانه علي طالع من المطبخ ويضحك.... شفت اختك شلون فرحانة بحيث نزلت من الصبح تهوس
علي؛ هههههه والنعم منج شيخة
نور؛ واني لو متشوفيني وعود هوستلك هوسة خاصة 😪
علي؛ ههههه عمي عله راسي متقصرن
ام ايه؛ ولجن صوتجن ناس نايمة
إيه؛ اووو يمه منو نايم شو كله گاعدة وبعدين احنة عدنه عرس وطبعا من الصباحيات ندگ ونرگص.. يله ضلعة الديجي
نور؛ اي اي رايحة هلا هلا 💃🏻
إيه؛ امي هزت ايده ودخلت للمطبخ واني نور شغلنة الديجي بس مو عالي كلش وضلينة نهوس ونرگص بنص الصالة..... وماانحس اله صوت ورانه درت واشوفه واگف عل الدرج ومچتف ايده ويحجي بعصبية .....
أمير؛ خوش والله مرتي واختي من الصبح تريگن گولن ياالله گولن اكو ناس تعبانة ونايمة
ام ايه؛ والله يمه گتلهن بس شوف هاي مرتك متنرد
إيه؛ يبوي وجه انضاره عليه بسيطة يمة عود هاي أمي مكان متضمضملي 🤦🏻‍♀️
نور؛ بهمس هههههه متأكدة هاي امج
إيه؛ والله ماادري....
أمير؛ ايه طفي هذا يله وسويلي ريوگ
إيه؛ حاضر... مشيت وطفيت الديجي حرامات عود ردنه نطلع جوبي 😁دخلت للمطبخ اسوي ريوگ..واتذكرت فطيم عود هيه العروس وبعده مطموره.... ولج نور وين فاطمة
نور؛ هههه نايمة مترضة تگوم
إيه؛ انتضريني اودي لريوگ ل أمير ونصعدله ... حطيتلة الريوگ بالصالة وضل يحجي عليه بالمختصر رزلني 😒وبعدين صعدنه لفاطمة لگيناه متلفلفة بالغطا ومشمره رجلة وبسابع نومة.... ولج فاطمة گعدي اكو عروس لهسة نايمة واني اخت العريس گاعدة من الصبح....
فاطمة؛ خب ولن مني هستوني يله نمت
إيه؛ وليش لليل وين جنتي
فاطمة؛ وخرت الغطا.. جنت افكر بتهديدات أخوج ليل منمتة من وراه الخبيث تخيلي خابرني قبل لاانام وهددني ويصلخ ويذبح وطير النوم من عيني.. ايوو 🥺خايفة والله
إيه؛ هههههههه خرب يومة ههههه
نور؛ هههههههه وهل اگول شبيه البارحة بس تفتر وتفرك بيده طلعت تفكر بالليلة السعيدة
فاطمة؛ نجبن عابت والله امشن ولن خل انام
إيه؛ نور شوفينه عرض اجاتفج
نور؛ وليش يمه
إيه؛ ليش بله يعني خو مترديني افهم هاي العوبة گدامج يولل بعدج بنية
نور؛ماشي عيني يالمزوجة 😒
إيه؛ ههههههه امشي يله وشوفي أمير اذا طلع شغلي الديجي وهسة ننزل...... وانتي شبيج راح تبجين
فاطمة؛ يعني ترديني اضحك والله خايفة كلش
إيه؛ ادري واني هم جنت مثلج بس لاتخافين علي ميأذيج
فاطمة؛ وحجية وياي البارحة
إيه؛ هههه والله يضحك عليج يريد يخوفج
فاطمة؛ 😢يعني شسوي هسة
إيه؛ يعني بالمختصر لاتمنعي علمود انتي متتأذين هاي اولا وثانيا خلي بالج علي يحبج ومستحيل يفكر يأذيج بشي وأخيراً لازم تتونسين وتشيلين هاي الأفكار من راسج اليوم يومج يعني حسي بي وعيشي كل تفاصيلة...
فاطمة؛ حجيج ريحني وكلامج صح لازم اعيش يومي وهذا الخبيث اني أعلمه البارحة خلاني بس ابجي من الخوف
إيه؛ ههههههه انتي فطيرة لو اني منج والله اروح لغرفتة واهجم علي
فاطمة؛ هههههه فاتتني هاي
إيه؛ يله عابت گومي گلبتية نكد واني من الصبح متحمسة وعندي طاقة اردح للصبح..........
...........
نور؛ عفية رئاوي شبيج تعالي علينة نتونس وگولي ل امج اساعد البنات عدهم هوسة
روئ؛ لج امي بسيطة بس دانيال شلون
نور؛ يمه گلبي ضل يرجف من جابت سيرتة.... احم گوليله خابرن عليه يردن اساعدهن وحتئ الولد بره ميدخلون.... تعالي نرگص ونتونس وجيبي ملابسج وياج هنا تبدلين وراح تجي ام الصالون للبيت
روئ؛ اوف عابت والله اذا دانيال ما قبل اموتج لان حمستيني وسويتيلي واهس واني ضايجة وحدي وره زواج ريم
نور؛ ههههه قنعي وتلوگي شوية واقري الفاتحة ل ام البنين تسهيل امر
رؤى؛ هههههههه خرب ضحكتيني... ماشي اروح احاجي قبل لايطلع........رحت حاجيت ماما وافقت ورحنة ثنينة عله دانيال بالقدرة الإلهيه يله وافق وما گلت لنور خليتة مفاجأة جهزت ملابسي اخذت فستان طويل لون ماروني مالت محجبات من تركيا ريم جابتلياه من راحت شهر عسل يجنن ماركة وخليت حذاء كعب وعطر وهاي السوالف واني لبست هسه فستان بسيط بي خرطة من البطن وردان لون ليموني..ودانيال وصلني تلگتني ام ايه ودخلتني سلمت عليهن ولگيت گرايبهم كوومة جايين وبنات بعمري وازغر المطبخ متروس ترس استحيت لان مااعرفهم ويباوعن عليه بس نور شافتني واجتني تركض...
نور؛ ياحقيرة ليش مگلتيلي
روئ؛ هههههه حبيت اسويه مفاجأة
نور؛ يله تعالي خل ندخل بالصالة...
روئ؛ دخلتني بالصالة والبنات مشغلات الديجي وبالنص طايحات وطبعا ايه القائد وفاطمة هم وياهن شكلهن يجنن ويشهن الواحد يرگص وياهن... سلمت عليهن ورحت گعدت لان استحي ارگص وياهن....
نور؛ واگفة بالمطبخ اغسل مواعين ودخل احمد
احمد؛ ننوش اريد اصعد للغرفة سويلي طريق
نور؛ يمعود ادخل محد غريب ومشغلات الديجي ولايسمعني والله
احمد؛ لج شلون ادخل روحي يله بسرعة
نور؛ اوف ماشي... احسن شي اروح گبل للديجي اطفي وفعلا رحت طفيتة والانضار توجهت الي...
فاطمة؛ ليش ولج
نور؛ أشرت بأايدي عل المطبخ وگلت احمد يريد يصعد فوگ.... صحت احمد احمد يله
احمد؛ وطرش سمعت.. صعدت گبل للغرفة ركض مستعجل جبت السلاح مالت أمير مخلي يمي.. خليتة بخصري ونزلت....وگعت عيني عله الگيمر گاعده عله صفحة وتضحك ويه نور فديت الغمازة ضليت واگف عل الدرج
إيه؛ الووو حمود يمعود وين صافن
احمد؛ ها ها هنا شتردين
إيه؛ ههههه مدامك جاي وجاي تعال ويانه عل الواهس شوية
احمد؛ وداعتج مستعجل غير مره
نور ؛ احمد انته البارحة شگلت مو گلت عله عناد أمير وعلي ترگص ويانه شوية
فاطمة؛ يله احمد اني العروس واطلب منك لازم متخجلني ههههه
احمد؛گلت بصوت عالي..... مو يمعودات خاف ارگص والأرقام تطشر علي مثل الجكليت
إيه؛ هههههه انته مو تريد تزوج ارگص علمود تنفتح قسمتك
احمد؛ الله وايدج شيخة
ايه ؛ يله شغلن الديجي اليوم احمد راح يشرفنة برقصة من حضرتة...نور سحبتة من ايده واني سحبت امي وجدتي وعماتي... واحمد يصيح عله امه
احمد؛ يوم الي يمة
ام أمير؛ ههههه جا يمة بس اشر واني ازوجك
احمد؛ موجودة موجودة بس فتحي عينج زين.. وباوع الگيمر مالتي منزلة راسه
إيه؛ ههههه جانت من احلى لحضات احمد يهوس ونور سوته العريس وتهوسله وهوه مصدگ هز چتف وبعدين صاح علي أمير من المطبخ...
أمير؛ لك أحمد سگط صارلي ساعة من وديتك
احمد؛ جاي جاي شيخ... خرب يومجن هسة شيخلصني منه طشن من طريقي
إيه؛ هههههه عافنة وطلع ركض وره أمير...
روئ؛ گاعدة وطفن الديجي ودخل هوه جان لابس تراك وشعرة مخربط من الشغل صعد ركض ومن نزل سحبنة يرگص ههههه خوش يهز چتف بس يحشش عليهن ويضحك بس لفتتني شغلة من گال ل امه عل العروس موجودة بس فتحي عينج ضل يباوع عليه اني نزلت راسي رئسا بس خربني من الضحك من اجا أمير وطلع ركض.........
.................
فاطمة؛ يعني جان يوم من أسعد الأيام بحياتي وأخذت بنصيحة ايه وعشت لحضات بأاسعد يوم بحياتي اي اسعد يوم عله الرغم صارت مشكلة بيني وبين علي وهيه السبب بتقديم العرس.. لان مره جنت بالجامعة بنهاية الدوام واگفين مجموعة شباب وبنات وجنت أنطيهم تعليمات عل الامتحان لان اني ممثلة القاعة اختاروني الطلاب لان شاطرة ودائما مداومة وهادئ وياهم المهم اجة عليه علي فجأة وشافني وهوه صارت عيونة بگصتة صاحلي صعدت ويا بالسيارة وبده يصيح ويغلط
علي؛ لج اني چم مره گتلج لاتوگفين ويه شباب
فاطمة؛ علي شبيك تره ممسوية شي غلط اني ممثلة القاعة وجنة نتناقش بالامتحان وبعدين اني مواگفة وحدي وياهم وياي صديقاتي
علي؛ وتضحكين وياهم عاادي فاطمة ميت مره نبهتج لاتختلطين وياهم گلت لو ما گلت
فاطمة؛ يعني هسة اني هم احاسبك من تسوي اجتماعات ويه بنات وتشتغل وياهن وحتئ يخابرن عليك واني اسكت واگول عادي شغلة.. وانته هم لازم تتفهم دوامي ودراستي
علي؛ هاا يعني تردين تعاندين وتسوينه وحده بوحدة
فاطمة؛ لا مااعاند... بس مو من حقك تمنعني من كلشي ما عوز بس تگلي عوفي صديقاتج
علي؛ هاا هيج يعني صرت مانعج من كلشي معناه هم خل اقدم عرسنة حتى تكمل حلقة الظلم مالتي
فاطمة؛ شنووو بس احنة مااتفقنة هيج گلنة نزوج بالعطلة
علي؛ واني قررت اغير الموعد ومحد يمنعني والعرس بعد سبوعين ويوم ماأجل
فاطمة؛ ماشي براحتج اصلا اني منو واقرر... ومن ساعتة محجيت ويا شي ابد وحتئ بيوم الحنة ماحجيت ويا ولا كلمة بس الخبيث خابرني بليل وصار يهدد ويصيح لان متجاهلته وماارد عله اتصالاته وزاده عليه من گال..
علي؛ اويليي شلون مشتاقلج باجر اطلع كل ضيمي بيج واله اخليج اسبوع مطلعين من الغرفة اصبريلي حبيبتي
فاطمة؛ علييي لاتحجي هيج
علي؛ هه بستهزا حجيت وخلص وباجر انفذ عل الواقع وهسة خل انام مع السلامة حبيبتي
فاطمة؛ سد الخط وخلاني اكل بروحي اكل للصبح وصدگ بيوم العرس وبليلة الدخلة نفذ كلشي بحيث جسمي يومين يوجعني وتخيلو بليلته شبعت بجي من الاحراج والخجل وهوه يسكت بيه وحار شيسوي وياي اخير شي نومني بحضنة واني ضميت راسي بصدرة وهوه يلعب بشعري ويبوس براسي ويگلي صرنه واحد ومن هذا الحجي منا لمن سكتت ونمت.. ولهسة يومية بليل يشبع ضحك عليه من يذكرني شلون ابجي واني مره اضحك ويا ومره ازعل واطلع من يطوخة وياي ويذكرني بالسويته لان سويتله أثر برگبتة 🙉ولهسة اگول ثول لثولني شلون نسيت نفسي 🤦🏻‍♀️.... بس عشت احلى ايام ويا وانشاءالله ايامي وحياتي الجاية احلئ واسعد.................
...................... وهسة حنرجع بالأحداث بعد شهر أو أكثر تقريبا...................
نور؛ اگول تره انتن صايرات مملات شنو الزواج هيج يگلب شخصيتجن
فاطمة؛ وليش بله ست نور شنو سوينه احنه علمود مملات
نور؛ يااخي بعد لاطلعنة ولامثل قبل خبالاتنه الزواج سواجن عاقلات
فاطمة؛ ههههه من ناحية العقل لازم نعقل اكثر ام من ناحية الخبالات فه بعده لان اني خبالاتي كله اطلعة ب علي
إيه؛ ههههه نفسي والله شكو شي تافه وبي خبال اطلعة عله أمير وهوه مره يتحملني ويغلس ومره لا يعصب ويطلع ويعوفني
نور؛ هسة عوفنة من حياتجن الزوجية وخل نگوم نسوي كيك وحلويات لان مشتهية الحلويات كلش.....
إيه؛ يله گومن ضوجة... دخلنة للمطبخ اني سويت كيك وفاطمة كنافة اما نور شمرنه عليه المواعين 😊
نور؛ يعني شنو معناته المواعين براسي
إيه؛ والله حبي انتي عوبة ومتعرفين تسوين شي فه المواعين عليج لو تردين بس تاكلين عل الحاضر
نور؛ كافي كافي فهمت اكلتيني اكل
فاطمة؛ مدام هيج عينج عل الفرن راح اصعد اسبح من تستوي طلعيه
نور؛ وفوگاه الفرن عساني لاگلت مشتهيه حلويات
إيه؛ هههههه شبيج المونه شلون باجر من تزوجين هم هيج تضلين تولولين عله عمتج وزوجج
نور؛ وشبيه ازوج خل اشبع من حياة العزوبية
إيه؛ خليج بحياة العزوبية بس غصبن عليج تزوجين من يجيج ابن الحلال طاير ..
نور؛ ههه الله كريم عود..
إيه؛ يله اني رايحة وعينج عل الفرن مو تنسينة
نور؛ راحت واني ضليت افكر بأابن الحلال معقولة بيوم اصير من قسمة دانيال وحتئ مااتخيل ازوج غيرة بعد متربع بگبلي وبعقلي واني جنت ماافكر بالحب وهل الخرابيط ودائما أرفض اي شاب بالجامعة يتقدملي واي واحد من گرايبنة شمعنه هذا ارتاحيتله من اول ماشفته وصرت اشوفة گدامي وافكر بي قبل لاانام وخاصة بعد معترفلي يحبني ويريد يتقدملي صار تفكيري كله بي وحجيت للبنات وگللي اذا يحبج ويريدج يتقدملج رسمي... بس اني مستغربة ليش لهسة متقدملي معقولة يضحك عليه لا لا مامعقولة يضحك عليه واني اخت صديقة وهوه گلي اني مااضحك عله عرض صديقي واخوي يربي حرت كلش احسن شي اشيلة من عقلي وهوه صدگ اذا يريدني يتقدملي... صحيت من أفكاري واتذكرت الفرن يبووو نسيت رحت ركض فتحت الفرن يمه همزين ممحترگ جان صار كتلي عمل شعبي من هذني طلعتهن.. الله يلعنك يشيطان صارلي ساعه افكر.......
فاطمة؛ هاا ولج شصار
نور؛ طلعتهن عيني
فاطمة؛ تماام خل اسوي شيرة للكنافة
نور؛ ماشي لعد اني صاعدة أقره
فاطمة؛ سويت شيرة ورشيتة عل الكنافة وبعدين رشيت فستق طلع شكلة يجنن وطبعا لازم صورة 😁ضليت اصور بيه وكلساع اديرة واصور من غير زاوية ليگول بشر😂..
علي؛ خرب يومج حتى الكنافة مسلمت من تصويرج
فاطمة؛ هههههه غير اصور إبداعي يا حبيبي..
علي؛ شو خل اشوف ابداعج
فاطمة؛ تقدم عليه ونيته واضحة وعينة عله شفتي گتلة علي تره هذا إبداعي انته وين عينك...
علي؛ هههههه يعني كشفتيني
فاطمة؛ يا يعني صدك وتريد تسويه هنا
علي؛ اي وشكو بيه غير مرتي
فاطمة؛ لا والله علمود ننفضح.. اگول ليش متروح تگعد بالصالة وهسة اجيبلك ماعون كنافة وكيك مو احسن
علي؛ لا مو أحسن لان طعمهن مو مثل طعم شفتج وغمزلة
فاطمة؛ احم خجلت ودرت وجهي وهوه يضحك بعدين درت وگتلة اوووف علي روح منا
علي؛ ههههههه فديت اليخجل
فاطمة؛ ضربت ايدة لان يريد يسحبني علي.... روح يله وهسة اجي وراك
علي؛ هههه طردة يعني ماشي حبيبتي طالع
فاطمة؛ هوه طلع ودخلت ايه
إيه؛ ههههه شبيج حمرة وعلي طلع يضحك
فاطمة؛ يعني متعرفين سوالفة دومه مخجلني
إيه؛ هههههه عادي عادي كلهم هيج.. شو بله شلون صار الكيك
فاطمة؛ شكلة حلو ومنفش
إيه؛ تمام خليهم بمواعين واني خل اسوي جاي....... سويت الجاي وأخذته وره فطوم للصالة دنيه عصر والكل هسة ينزل.... صعدت اگعد أمير.... أمير بعدك نايم
أمير؛ اي شتردين
إيه؛ شنو شريد صارت ب ٥ اگعد الكل گاعد بالصالة وبعدين اني مسوية كيك فد شي 😌
أمير؛ كيك
ايه؛ اي كيك ليش مستغرب
أمير؛ يعني انتي كيكة ومسوية كيك تره گلبي ميتحمل وداعتج
إيه؛ هههههه سم الله عله گلبك حبيبي
أمير؛ اكلج تعاي يمي اريدج بشغلة
إيه؛ بعد اني فضولية رحت ركض.. شنو احجي شكو
أمير؛ سلامتج بس مشتهي كيك
إيه؛ حجة هيج وملحگت اگوم سحب شفتي بهدوء بس گطعة ختنگت ضليت ادفع بي يله وخر..... خرب اني بعد اصدگ بيك وفوگاه اجيت ركض
أمير؛ ههههههه اموت عله فهاوتج
إيه؛ لاتگلي فاهية 😑
أمير؛ هههههه جا مجذب اني.... شنو هاي لعله رمشج
إيه؛ ضليت اتلمس برموشي وينه ماكو
أمير؛ دنگي خل اوخره
إيه؛ دنگت علي وهوه سحبني وباس عيوني وبعدين گلي
أمير؛ اتأكدتي هسة انتي فاهية
إيه؛ هههههه هوه اني بس يمك تجي الفهاوة كله
أمير؛ والفطارية هم
إيه؛ ههههههه يعني لان اضحك هواي تگلي فطيرة
أمير؛ هههه لا انتي تصرفاتج وسوالفج مال وحدة فطيرة وإضافة لضحكج يعني عله اتفه الأسباب تضحكين
إيه؛ هههههه شسوي يعني مااگدر اغير طبعي
أمير؛ ومنو گلج غيري اني احبج هيج فاهية وفطيرة
إيه؛ ههههه ماشي يعني متفقين هسة
أمير؛ تعاي هنا علمود نوقع الاتفاقية
إيه؛ لا مااجي مو لهل الدرجة الفهاوة عندي فول
أمير؛ هههههه خرب طلعي منا لاابتلي بيج...
إيه؛ طلعت واني أضحك يعني هسة اني عليمن اضحك سدي حلگج ايه (زين هيه سدت حلگة اني ليش فاتحتة😂المهم خل اكمل كتابة 😅) نزلت جوه وهوه وره شوية هم نزل گعد بصفي وانطيتة كيك وجاي... شنو رايئك بأبداعي
أمير؛ عاشت ايدج بس منو نفس طعم الكيك الأصلي وغمزلة
إيه؛ درت وجهي منه لان اذا ضليت اباوع يفضحنة ومنا زهرة بالمرصاد 😂....
.................
روئ؛ دا امشي بالممر وشفت احمد واگف ويه ولد شجابه هنا... مشيت اله وشفتة واگف ويه واحد من شباب قاعتنة هوه اترخص واجة.... ها احمد اليوم هنا
احمد؛ هلا بخيتي اجيت عله صاحبي هنا
نور؛ اهاا عبالي جاي عليه 😒
احمد؛ ههههه وشبيج گلبتي وجهج
نور؛ شمدريني عبالي جاييني طلعني من جو الدراسة گلت الله هدا 😒
احمد؛ وشبسرعة فكرتي بهذا كله
نور؛ هسه فكرت تحاسبني
احمد؛ يله لاتضوجين العصر اطلعج للمول
نور؛ صدك گول والله
احمد؛ ليشوفج يگول ممطلعج اني
نور؛ هههههه لابس استغربت لان انته مطلعني اذا مو عندك يمي مصلحة
احمد؛ هاا هيج بس كلامج صح رايدج بشغلة
نور؛ هنا الحجي گول خوية شعندك
احمد؛ مو مال وگفة تعاي للنادي
نور؛ رحنة للنادي گعدت وهوه راح يجيبلي لفات وعصير لان جوعانة وهم عله حسابة اليوم يومي حلو مدام احمد عندة مصلحة يمي 😂.... جابلي الاكل واني طحت عليهن ليگول مفجوعة
احمد؛ عله كيفج احد راكض وراج
نور؛ هسة عوفك مني واحجي
احمد؛ سمعي خيتي اني قررت ازوج
نور؛ بيه الخير خيوو منو تعيست اقصد سعيدة الحظ
احمد؛ راح افوتة الج هل المره
نور؛ ههههه اشاقة بس يعني مجاي اقتنع انته تريد تزوج وتصير رجال متزوج وترتبط بمره وحياة وانته متعود عل الطلعات والسفرات وأهم شي وبدون زعل البنات يعني انته مشاءالله عليك عله گولتك ضعيف گدام جنس حواء يعني حرام تضلم بت الناس وياك اذا تضل عله هاي سوالفك....
احمد؛ اول وتالي ازوج ولازم اغير شوية من اطباعي واقلل طلعات وسفر وبالنسبة لشغلت البنات ماعندي شي وياهن واني اريد استقر واودع حياة العزوبية
نور؛ ههههه كفووو حمود بس لهسة مگتلي اني شنو المطلوب مني
احمد؛ اهاا هنا الحجي اني احب وحدة وخالي عيني عليه وأريده هيه حتئ اني ماجنت افكر بالزواج بس هيه گلبت أفكاري وكياني ولو هيه لو ماازوج
نور؛ ومنو هاي الگدرت توگعك وانته الشايف وعايف
احمد؛ صديقتج
نور؛ شنوو منو من صديقاتي
احمد؛ روئ
نور؛ انصدمت... روئ
احمد؛ اي شبيج متفاجئة البنية مؤدبة وخلوقة واني اول ماشفته مطلعت من عقلي وقافل عليه يعني اني من ازوج ازوجة هيه وبس
نور؛والله خوية هيه البنية وردة مال الله وتنحط عل الجرح يطيب ومتلگة احسن منه بس
احمد؛ بس شنو احجي
نور؛ شغلتك عويصة كلش
احمد؛ استغفرالله نور احجي شبيج تگطعين وليش تحجين هيج..
نور؛ احمد مااگدر احجي بس كل الگله الك البنية عدهه عقدة من الشباب وتكرهم وحتى متفكر بالزواج...
احمد؛ وليش بله
نور؛ والله مااگدر اگلك أمنتني مااحجي سره
احمد؛ نور البنية احد متعرضلة قبل لو صاير وياه سالفة منا منا
نور؛ لا أحمد لاتفكر هيج البنية شريفة
احمد؛ راح تخبليني لعد شصاير وياه
نور؛ اووف مااگدر احجي هسة روح انته ويصير خير
احمد؛مراح اعوف هاي السالفة وهاي البنية الي يعني الي
نور؛ عافني وگام..... يربي شلون سالفة هاي واكيد احمد ميعوفني اذا مااحجيله ومنا روئ مأمنتني مااحجي بس خل اجيس نبضة بلكت بيه مجال....
...............
طلعت من القاعة لگيت البنات واگفات رحت يمهن.... هلاوو
رسل؛ هلا حبي
روئ؛ عليمن تحجن
رقية؛ دا نحجي عله اخو نور
روئ؛ منو منهم؛
رسل؛ احمد هذا اليدرس قانون بجامعتنة
روئ؛ اي عرفته شبي
رقية؛ مابي شي صاك وحلو هههه
رسل؛ شوف هاي البطرانة صح صاك وشخصية بس تره ملعب وتقريبا كل البنات يراسلنة صديقتي بغير قسم جانت تحجي ويا تگول مرتين حجة وياي وعافني وهذا حال كل بنية تتعرف علي ياخذ وياه فترة ويعوفه واليموتك تگول يدرن بي يضحك عليهن وحتئ هوه يگللهن انتن صديقاتي وبس وهنه راضيات
رقية؛ لهل الدرجة
رسل؛ اي والله نص بنات الجامعة ارقامهن عنده..... الو رئاوي وين صافنة
روئ؛ هاا هنا وياجن انتن متأكدات من هذا الحجي تره نور مؤدبة كلش وخلوقة
رسل؛ ندري ومنو حجه عليه ندري بيه مؤدبة وردة بس تره كل الشباب صارت هيج وهيه ماله شغل شعليه بي....
روئ؛ صحيح حجيج سدو موضوعة..... گعدت بالقاعة وافكر بحجي البنات معقولة طلع هيج ممبين علي شگد اكره هيج شباب ضجت منه حيلل عله رغم شگد حلو بس طلعن سوالفة طايح حضة..بس نور كلش تحبة ودائما تگول حباب ويانه وحنين علينه.. اووو شعليه بي....... اجت نور وصحتني من شرودي...
نور؛ هاا حب وين صافنة
روئ؛ هناا وين جنتي مختفية
نور؛ هههه موجودة بس جنت بالنادي ويه احمد عازمني عله ريوگ
روئ؛ اهاا بالعافية
نور؛ اگول رئاوي
روئ؛ كولي حبي
نور؛ ههههه جايبتلج عريس
روئ؛ هههههه صايرة خطابة
نور؛ شترديني اصير 😂
روئ؛ لاحبي مااريد ازوج ثانكيوو
نور؛ ولج عريس يخبلل فد شي وصاك والله
روئ؛ ومنو هذا بله
نور؛ احمد اخوي حاب يتقدملج
روئ؛ نصدمت كلش احمد
نور؛ اي احمد هستوه حجة وياي وگال يريد يتقدملج والله أحمد حباب وهوه معجب بيج شنو رائيج
روئ؛ نور لاتزعلين مني بس أخوج من نوع الشباب التعقد واتخبل منه
نور؛ يانوع قصدج
روئ؛ ابو بنات وسيرته بالجامعة طاشة وتدرين اني بشنو مريت وشنو صار وياي فه ياريت تعتذرين منه وگليلة ماكو قسمة
نور؛ خلص حبي براحتج
روئ؛ نور ياريت متتأثر علاقتنة عفية
نور؛ لا حبي شنو السالفة عادي وراح نضل مثل قبل وأحسن ولايهمج
روئ؛ ريحتيني............
...................
فاطمة؛ علي يله لاتضحك مو طاحت رجلي
علي؛ ههههههه خرب عقلج بله هسه واگفة ومشلول حالج كله علمود صوره
فاطمة؛ يله علوش لازم اخذ هاي اللقطة.... ها خلصت..
علي؛ هاج وديربالج تجين بعد وتگليلي اخذلي صورة..
فاطمة؛ هههههه بس عاشت ايدك حلوة... فديتك وبستة بخدة
علي؛ لاتغشمرني بهاي النواشف تعاي يله مدام اليوم كاشخة ولابسة علمود الصورة خل نستفاد منج...
فاطمة؛ هههههه مدقوق من الصورة
علي؛ تعاي تعاي خل نتحاسب منطيتي شي للمصور
فاطمة؛ اخخ عله كيفك لاتعض 🥺......
.. ....................
نور؛ گاعده افكر ويه نفسي بسالفة احمد خطية مبين تاب من سوالفة ويحبة صدگ... ضجت وحدي وهذني ولن لرجولتهن خل اروح يم زهرة احسلي دخلت لغرفتة.....
زهرة؛ تعاي يمه شبيج
نور؛ مابيه شي يمة بس ضايجة وأريد انام ابحضنج الليلة...
زهرة؛ تعاي يمه
نور؛ نمت عله رجلة وتضفر بشعري.... يمة حايرة بشغلة وأريد اخذ رائيج بيه
زهرة؛ احجي يمة
نور؛ يمة اذا واحد يحب وحدة وهيه رافضتة لان جانت عنده سوالف واني واگعة بالنص
زهرة؛ اذا صدك يحبة وهاويه مثل متگولين يسوي كلشي حت ياخذة اله وانتي لادوخين نفسج....
نور؛ اي والله كلامج صح
زهرة؛ انتي عليمن تحجين بله
نور؛ هاا لا وحدة وياي بالجامعة هيج سالفتة وخطية تريد نصيحتي
زهرة؛ نامي يمة وراج دوام
نور؛ حاضر...ضلينة تسولفلي عله ايام قبل واني غفيت احب ريحتة الله يخلية النة ياارب.............

للقصة تكملة....... اليوم طبگتلكم بارتين هم گولو تتأخرين وتشلعين گلبنة 😁فه يا حبايب گلبي اريد تفاعل قووووووي وتعليقكم عل الأحداث حتى استمر بيه 😘😘فديتكم
............. عدد الكلمات 3600