عشگ الضابط أمير

البارت التاسع والعشرين

زغار…
وحب طفولة…
وعشگ مدري شلون….
ومدري شجابني وگلت اكبر وياها… !
حبيتچ وشعرچ ما يلزمه الخيط
وفارگتج گصيبه وغيري حلاها…!
✨✨✨✨✨✨✨✨✨✨✨
أيه؛ دانشتغل بالمطبخ وسمعنة صوت رمي وهوسه أكيد اجة أحمد وره شوية دخل وعمتي تلگتة بالجكليت والهلاهل واني بالگوة لازمة نفسي لااطگة بهلهوله وأمير موجود حتى يخنگني سلم عل الكل وتحمدوله بالسلامة ودخل للصالة وراح لنور حضنة وهذيج ماتت من البجي وهوه يسكت بيه اخير شي گمنة نضحك عليه يله سكتت ودخله علي بالغرفة الجوه لان ميگدر يصعد لغرفتة واحنة رجعنة نجهز بالغداء...
..
علي؛ ها لك ذاك اليوم تگلي كليومية مصعدلي واحد لغرفتة
احمد؛ يحجي بتعب.. عمي طلعتو تشورون جا متت
علي؛ هههه والله طلعت بزونة بسبع أرواح
احمد؛يابة عينك لاارجع اتكوم
علي؛ هههه دنام نام بالگوة تحجي..
.............
إيه؛ خرب كلمت تكسرت قليلة عليه
فاطمة؛ واني كلمة طاح حضي هم شوية عليه
إيه؛ گاعدين بالصالة ومددين رجلنة وراسنة عله التخم مابينة حيلل نصعد الساعة ب٦ والهوسة خفت أحسن هسة جيبو ليصعدنة فوگ وانوب الدرج شطولة
فاطمة؛ خرب رجلي شيصعدني
إيه؛ واني چتفي ورجلي موتني
فاطمة؛ لج خو منضل گاعدين نشتكي للحايط گومي سنديني واسندج ونصعد
إيه؛ ماشي گومي... وأخيرا صعدنة اول مدخلت الغرفة ذبيت نفسي عل الفراش.. انفتح الباب شلت رأسي شفتة يباوعلي بقلق
أمير؛ بنيتي بيج شي
إيه؛تكسرت والله مااگدر اتحرك 😢
أمير؛ گومي سبحي وترتاحين
إيه؛ والله مااگدر مابيه حيلل أبد
أمير؛ اني اسبحج گومي
إيه؛ فتحت عيوني وگتلة شنووو لا لا مااريد اني گايمة وطفرت للحمام باوعت لنفسي خرب شلون گمت للحمام وبسرعة هههههه... كملت باوعت اوف نسيت مدخلت ملابس وياي.. لبست روب الحمام وطلعت ملگيتة بالغرفة باوعت هو هسة شيلبسني وشلون امشط اتعاجزت ذبيت نفسي عل الفراش ونمت عله بطني ومغمضة عيوني والنومة بعيوني سمعت طگة الباب باوعت علي شفتة يضحك ههههه لان شردت للحمام
أمير؛ أبدلج اني
إيه؛ ههههه لا مااريد... جسمي مشنج مااگدر احرگه
أمير؛ گومي وبدلي وتعاي
إيه؛ گمت بدلت لبست برمودة وفانيلة نص ردن وعفت شعري مابيه حيلل امشطة گتلة بدلت
أمير؛ تعاي نامي عله بطنج
إيه؛ رحت نمت عله بطني... اللله بدة يفرچ چتفي خرب والله مريح....
أمير؛ ليش شعرج مبلل
إيه؛ اخذ المنشفة وضل ينشف بشعري واني استشهدت والنومة نومة.... ومااگعدت غير بليل الساعة ب٩ اوف شگد نمت هسة شينومني بليل رفعت رأسي مموجود بالغرفة گمت بدلت ونزلت شفت امي وجدتي وعماتي والغثث هم بعدهن مرايحات... سلمت عليهن وگعدت يم جدتي...
زهرة؛ وين جنتي يمة
إيه؛ والله جنت نايمة جسمي مكسر...ونمت عله رجل بيبي وهيه تمشط شعري باايده واني يمكن راح انام غير عندي طاقة مال نوم...ضليت اباوع الهن واسمع سوالفهن وهذني يباوعلي بطرف عين عاد شلون اني متهمتلهن.. شوية ونزلت فاطمة ههه مبينة هستوه گاعدة من النوم لان تطوطح 😂..
فاطمة؛ سلام للجميع... رحت گعدت يم ايه والحقيرة جابت رجلة وخلته بحضني وراسه عله بيبي الخانم..... احد گلج اني خدامتج
إيه؛ لا بس مرت اخوي وواجبج
فاطمة؛ نجبي العوبة مرت أخوج اني مو خدامة 😒
إيه؛ ههههه لاتزعلين غير امون عليج
فاطمة؛ ميانة زفرة
إيه؛ هههههه صدگ شوكت نداوم ونبي راح يطيح حضنة صارلنة اسبوع ممداومين
فاطمة؛ اي والرب هوه اني افكر بيه راح تتراكم المحاضرات اويليي راح ننعلس
إيه؛ رسمي ننعلس😊.... خل نداوم عگب باجر يوم الأحد
فاطمة؛ اي هوه اني هم گلت هيج.... اگول شو هذني يباوعن صفح معاجبهن الوضع
إيه؛ خل يطيرن والله بيهن كتلة بس غلسي عليهن ... همستلي جدتي
زهرة؛ ام لسان لزمي لسانج مو تدورين مشاكل
إيه؛ ههههه لا بيبي اني فقيرة ويني وين المشاكل
زهرة؛ اي فقيرة كلش وهل مدوهنة الولد
إيه؛ هههههههه ضحكت بصوت عالي.... خرب بيبي ضحكتيني بس اعجبج أني طالعة عليج شلون مدوهنة لشيخ لهسة وغمزتلة
زهرة؛ ولج لسانج گومي ولج گومي ولاتستحين
إيه؛ هههههههه گمت منه.. والكل يضحك وهذني گلبن الخلقة 😒.....
فاطمة؛ بيبي بس اني الفقيرة وداعتج
زهرة؛ انتي الفقيرة سكتي لاتخليني احجي واگول منو ذاك اليوم بغرفتي ويلعب ركيضان
إيه؛ ههههههههههههههههه 😂😂متت من الضحك واباوع لفاطمة حمرة وشوية وتبجي من الفشلة والخجل
فاطمة؛ عزااا عزااا خشيت بهدومي من الفشلة خرب منين عرفت ولايفوته شي.. وهاي الحقيرة ماتت من الضحك 😭😭... كله من وره علي ذاك اليوم اني بغرفت بيبي وهوه دخل يريد يصالحني واني اشرد حتى فوگ الجرباية صعدت وهوه لزمني ودنگ عليه وفجأة سمعنة صوت بيبي قريب واني طفرت وهيه دخلت واني بسرعة طلعت عفتة هيه وعلي الضاهر عرفت 😢...
إيه؛ هههههه ولج شعندج بغرفة زهرة وغمزتلة
فاطمة؛ نجبي لج هوه اني لو أخوج مالگة يصالحني اله بغرفة زهرة...
إيه؛ ههههههه خرب والله ضحكتيني 😂.. دخل أمير وعلي من برة وهوه شافني اضحك وحمرة وهوه گال ....
أمير؛ وجهه سؤاله ل ايه شبي وجهج احمر
زهرة؛ سلامتك يمة بس هاي مرتك فطيرة
إيه؛ ههههههه...
زهرة؛ بسج ولج..
إيه؛ ههههه سكتت والله... گمت جبت علاج بيبي من المطبخ واجت وراي هاي كوثر وتحجي وياي وتسئل أسئلة غريبة عبالك تريد بس تلهيني شنو درسين شوكت تخلصين حلوة الجامعة الحمدللة والشكر اخير شي عفتة ورحت انطيت العلاج وصعدت عل الدرج وراسي بالموبايل اراسل لين.. رفعت راسي شفت نبأ واگفة يم أمير وقريبة علي حيلل وبس شافتني بسرعة وخرت منه اني احترگت حرگ شعدهه ويا وليش هيج جانت واگفة قريبة علي حتى لمحت ايدة لمن نزلتة من چتفة.. بس اني حاولت مابين شي ورحت يمهم وهية عود تحجي مرتبكة وراحت.. باوعت ل أمير ودخلت للغرفة بس شنو احس حرارة تطلع من جسمي احترگت.. هوه راح برود گعد.. گتلة شعدهه واگفة وياك
أمير؛ ماعدهه شي بس سلمت
إيه؛ هاا يعني تقنعني بس سلام لعد ليش جانت قريبة منك لهل الدرجة وليش نزلت ايده من چتفك اول مشافتني وتحجي عود باارتباك هذا كله سلام.. جنت احجي واني منفعلة وحتى صوتي شوية عالي
أمير؛ ايه صوتج لاتعلينة
إيه؛ يعني هسة انته عفت كلشي وحجيت عله صوتي أمير لاتستفزني بهذا برودك
أمير؛ گتلج ماكو شي ليش تكبرينه
إيه؛ لاتگلي ماكو شي لان ممصدگتك
أمير؛ براحتج
إيه؛ شو عافني راح عل الفراش ونام شنو هل البرود اني هنا اجيت انفجر من الغيض والعصبية ومن حرگت گلبي رحت سحبت ايدة وعضيتة حيلللل يمكن نشلع الجلد وهوه صاح بعصبيه
أمير؛ اخخ لج شبيج انچلبتي
إيه؛ لا بس حتى بعد متعوفني احجي وحدي وطنشني.. عفتة يفور وطلعت بسرعة رحت لنور واني انافخ من حرگت گلبي 😤...
نور؛ شبيج ياستار هجوم
إيه؛ نور سكتي مني عفية گعدت بالگاع وشمرت شعري وراي بعصبيه  وأريد شي يبردني ماكو بس رتاحيت شوية من عضيتة..
نور؛ يمة خفت من شكلة عبالك تريد تاكل واحد سئلتة.. اگلج انتي متعشية
إيه؛ لا
نور؛ ها هل اگول تردين تاكلين احد
إيه؛ نجبي شايفتني
نور؛ والله شايفتج تردين تخنگين احد
إيه؛ خرب شلون فاتتني مارحت خنگت هذيج الصخلة البومة
نور؛ سم الله شبيج ولج احجي متعاركة ويه أمير مو
إيه؛ عضيتة عضة يمكن شلعت الجلد مالته
نور؛ عزاا ولج انچلبتي
إيه؛نجبي بس ملگيت غير العضة حتى ابرد گلبي بي
نور؛ ههههه خرب عليج الله شسوه هوه.. وبعدين صدگ احم من عضيتي
إيه؛ گبر دومه تفكيرج منحرف لاتخافين من ايدة وگام يفور يريد ياكلني اني شردت بسررعة
نور؛ ههههه وهسة شنو بس لا راح تزعلين يمي تره مااستقبل أحد حلن مشاكلجن الزوجية بعيد عني رجائا
إيه؛ سطر يالمسطورة شبيج اكلتيني الله لايعوزنة الج...
نور؛ محد گلج نجلبي بنص الليل
إيه؛ خرب شلون راح تخليني اگوم ادوس بطنج وافتح عمليتج واخليج للصبح متنامين
نور؛ يمة سم الله تسوينة والله لان مشخوطة ومخبلة حاليا
إيه؛ اي لعد سكتي مني....
.........
فاطمة؛ خرب كله منك والله
علي؛ هههههه شعلية اني هذا ذنبي لان صالحتج
فاطمة؛ لا انته متعمد مالگيت تصالحتي اله بغرفة زهرة لك صرت هل الگدوتني من الفشلة وكله تضحك عليه همزين ماحجتة گدام الشيخ جان ذبحت نفسي والله
علي؛ لاتكبرينه بنيتي مابيه شي
فاطمة؛ والله أنتي جريئ وعادي عندك اني مو مثلك
علي؛ وهوه يتقدم عليه.. بله شرحيلي شلون جريئ وغمزلة
فاطمة؛ احم علي كافي لاتضحك
علي؛ اضحك عله حضي لبلاني بوحدة طفلة وفاهية هم
فاطمة؛ رفعت حاجبي يعني اني بلوة صرت
علي؛ احلئ بلوة عله گلبي يالفاهية
فاطمة؛ مو فاهيةة ليش تگلولي فاهية 😢
علي؛ هههههه بالقرآن فاهية بس فهاوتج عسل عله گلبي
فاطمة؛ 😒باوعت بطرف عيني
علي؛ لج لا تباوعين بطرف عين
فاطمة؛ اگول علوشي
علي؛ صارت بيه علوشي غردي بنيتي
فاطمة؛ احم خل نكمل الجلسة الثانية من تعليم السواقة
علي؛ اهاا هنا الحجي اني مراح اعترض بس لازم تقنعيني وتره اقناعي بغير طريقة وغمزلة
فاطمة؛ خرب لازم تستغل الفرصة بس ماشي لان ادري اذا احجي منا لباجر كلامك هوه اليمشي ومتتراجع
علي؛ عفية بنيتي لاتعبين نفسج
فاطمة؛ تقربت منه وبستة بخدة ورجعت بستة بطرف شفتة وبشفتة ونزلت الرگبتة بستة وعضيتة عل الخفيف وهوه صاح
علي؛ هوب هوب لاتفضحيني
فاطمة؛ ههههه شعلية مو انته ردت
علي؛ خرب اشتعلت عشيرتج شو تعاي واعلمج الجريئ شيسوي ......
..........
إيه؛ خرب واگفة بالصالة احوس اخاف أدخل واحصلي كتلة معدلة خرب صدك شبية نجلبت وهيج عضيتة بس اني من حركت كلبي حتى مفكرت وهاي الجلبة متقبل انام يمه اووف شسوي هسة فتحت الغرفة عله كيف ضلمة اي همزين نام دخلت بهدوء ولانفس عبالك حرامي وصلت للكنتور ردت ملابس وفجأة احس ايد عله چتفي من الخوفة صحت بصوت عالي يمةة درت واشوفة مچتف ايدة ويباوعلي اجاك الموت ياتارك الصلاة ضليت اباوع بخوف بس بعدين اتذكرت البومة سويت نفسي مخايفة بس اني اطگط من الخوف وانوب راح شغل الضوء ورجع وگف گدامي..
أمير؛ عبالي مراح تنامين هنا ست أيه
إيه؛ ها يعني متريدني أنام هنا مو طبعا حضرت الشيخ يريد ياخذ راحتة ومحد يحاسبة ويگلة ليش لان بكل بساطة محد اله حق وحتئ زوجتة اصلا كلش عادي منو هيه حتئ تسئل وتتكرم عليه وتجاوب
أمير؛ لاتخربطين
إيه؛ ها صار حجيي خربطة مو وميعجبك لان دا احجي الواقع بله اريد اسئلك سؤال شوكت اني سئلتك وجاوبتني وفتحتلي گلبك كل مااسئلك تجاوب عله گد السؤال وبس محسسني اني ماافهمك ولاگدر اشاركك بشي واني اصلا افهمك من عيونك اذا ضايج لو مرتاح لو مخنوگ وجنت متمنية تجي وتفتحلي گلبك بس لا ميصير شلون الشيخ يفتح گلبة ويحجي مشاكلة ومن اجيت وسئلتك ومن حقي طبعا ليش واگف وياه بكل بساطة تگلي تسلم اول مره اشوف هيج سلام بس اصلا صارت عادي لازم ابلع الشغلة واسكت..
أمير؛كملي طلع كل هذا بگلبج
إيه؛ هه كلشي ماشفت من البگلبي شيخ أمير.. خليت وطلعت اصلا اني الغلطانة اجيت للغرفة دمعت عيوني  دخلت للغرفة ونور بس شافتني هيج حالتي شوية وانفجر سكتت رحت بسرعة للفراش وغطيت راسي وتنزل دموعي..
نور؛ ايوشة اعصابج حبي مو زين عليج والله
إيه؛ نور سكتي فدوة لاتذكريني اصلا كل ديصير وياي من وره مرضي الكل يحسسني ضعيفة ومحد يفتح گلبة الي خاف انقهر ويصير شي علية محد يشكلي مشاكلة خاف اتأثر ويأثر عليه كافي مليت من هذا التعامل اريد احس اني طبيعية مااريد معاملة خاصة تحسسني بمرضي حتئ أمير دائما يتحاشى يحجي وياي من يعصب ويطلع ويعوفني افور بقهري لان بساطة خاف يحجي حجاية وتأثر عليه ومن يضوج ميجي يحجي شي يخليني بس اباوع علي مليت كافي شنو هل العيشة ليشوفني يگول هنياله والله محضوضة ومرتاحة بحياتة بس محد يدري شنو بداخلي حتى اقرب الناس الي لان بساطة اني ماخذة الدنيا بالضحك حتى محد يعرف بضعفي وقهري كاافي ملليت....
نور؛ نصدمت كلش من كلامة اول مره اشوف ايه هيج ومتأثرة وتحجي بقهر وتبجي صدك احنة منحس بيه ودائما نشوفة تضحك وتسولف وتشاقة بس محد يدري شبية والضاهر مغثوثة من أمير لهذا هيج متأثرة وحجت غطت راسة واسمع بس بجية وشهگتة واني اتفطر گلبي عليه أوف وره شوية سكتت يمكن نامت نفتح الباب شفتة أمير ماادري ليش حسيت سمع كلامة من تعابير وجهه باوع عليه وتنهد... گتلة خليه نايمة هنا هز راسه واجة يطلع صحت وراه... سمعت كلامة موو
أمير؛ نور ديربالج عليه
نور؛ طلع مبين سمع بس احسن حتى يفهمة ويحس عليه....
..................
أيه؛ گعدت راسي يوجعني وثگيل وجسمي مكسر غسلت ونزلت جوه رحت للمطبخ گعدت عل الطاولة ومخلية راسي عل الطاولة وايدي عله عيوني.. الي يحاجيني اگله نعسانة... سمعت صوتة بالصالة يحجي ويه جدو اني گمت رحت للاستقبال انضفة كملت ومختنگة رحت للحديقة الخلفية گعدت ومخليه ايدي عله خدي وصافنة بالخضار والزرع والهواء يلعب بشعري وطيب...
............
أمير؛ فاطمة شفتي ايه وين
فاطمة؛ لاوالله شيخ هستوني دورته وملگيتة عبالي بعدهه نايمة... طلع بره.. ليش يسئل عليه وشصاير معقولة متزاعلين خل اروح لنور اكيد تعرف رحتلة وحجتلي وانقهرت عله ايوو فكرت گلت هيه كل متضوج تطلع للحديقة خل اشوفة وصدگ طلعت لگيتة گاعدة وصافنة گعدت يمه... شلونه الحب
إيه؛ عله الله
فاطمة؛ ايوو شبيج
إيه؛ مابيه شي بس شوية ضايجة
فاطمة؛ ايوو تاخذين علاجج
إيه؛ استغفرالله اي اخذة
فاطمة؛ ايوو ادري بيج صارلج اسبوع متاخذينة
إيه؛ مليت منه ومن كلشي عسا مااموت طبني طوب
فاطمة؛ ايووو لاتحجين هيج تره والله أزعل عليج
إيه؛ فاطمة عوفيني بحالي عفية
فاطمة؛ ايوو ميصير لازم تاخذين العلاج ليش هيج ضعيفة خلي إيمانج بالله چبير
إيه؛ ونعم بالله...
فاطمة؛ ادري مو هذا الغاثج احجي شبيج الله عليج
إيه؛ مالي خلگ احجي والله
فاطمة؛ ماشي براحتج بس بعدين لازم تگليلي ولخاطري اخذي العلاج حبابة تره أمير بس يسمع يسوي مشكلة
إيه؛  ها قصدج الشيخ أمير.. الله كريم..
فاطمة؛ يله گومي خل ندخل
إيه؛ روحي انتي اني شوية واجي
فاطمة؛ دخلت للبيت واني ضايجة كلش عله حالتة مبينة مغثوثة كلش واله ليش تحجي هيج معقولة هاي الحية غاثتة بحجاية..
........
إيه؛ خلصت يومي اتهرب من أمير وبليل نمت يم نور وهاي الحية طول اليوم بس تضحك بخباثة واني مالي خلگ ارد عليه أصلا.. ثاني يوم داومت اني وفطوم وارتاحيت من داومت عل الأقل اطلع من البيت احس دا اختنگ منه...
.............
نور؛ سلام حمودي
احمد؛ هلا ننوش
نور؛ شوف هاي تاليتنة اني وياك منگدر نطلع ونمشي
احمد؛ الله كريم تخلص
نور؛ هذا منو اشو احسك ضايج
احمد؛ ماكو شي
نور؛ احمد تره اني اعرفك كلش زين
احمد؛ ماكو شي وداعتج..
............
إيه؛ واگفة باب المطبخ والكل گاعد بالصالة شميت عطر اعشقة باوعت عل الدرج شفت أمير نازل ولابس زي عربي وساعة والعطر طالع يخبلل باوعت عل البومة فاكة حلگة دخل هوه لغرفة أحمد ثواني ونزل علي هم لابس زي عربي والعطر والكشخة اباوع لفاطمة شالت روحة ورگعتة بالگاع هههه تذكرت اليوم الگعدة مالت أحمد...
.......
أمير؛ والله اله اخذ حقك مربع واشوفهم نجوم الظهر واعلمهم شلون يعتدون عله عرضي ويضربون أختك
احمد؛ متقصر ابو فهد
علي؛ لك شلون متحمس اني اليوم اله نطلعة من عيونهم
أحمد؛هههه عود لاتنسئ تسجل الگعدة
علي؛ لخاطرك والله اله اسجلة..
..........
إيه؛ طلعو كلهم جدي وعمامي وبابا وحتئ حسين وحسن اخوان فاطمة راحو والله شكلهم مناوين خير ابد بس يستاهلون...
............
أمير؛ اني گلت لعندي وماعندي غير هذا الحجي حتى الكل يعرف محد يندگ بينة عبالكم أفوته الكم بكم فلس والله اله احرگ الاخضر واليابس عليكم اني تعتدون عله بيتي وتصوبون اخوي بنص بيتة وبينه هوه والموت شعرة ومن غير عرضي وحرمت بيتي اله تصوبت والله وعزت جلال الله مااطلع الشيخ أمير اذا مااسطرهم الك بالسجون يحجي بصوت عالي وعصبيه ...
(شيخ العشيرة الثانية)؛ شنو انته تهددني
أمير؛ والله شتحسبة احسبة مااخاف غير من الخلقني واني واعيد واكرر طلعلي العتدو عله بيتي احسن مااودي ولدك واحفادك كلهم للسجنون واگعدكم عله الحديدة...
شيخ؛ احجيلك كلمة شيخ رحيم هذا الحجي ممقبول
رحيم؛ ماازيد لو انقص كلمة عله كلام الشيخ أمير اني حذرتكم وگلتلكم لاتندگون بينة بس الضاهر معرفتو ويامن تندگون...
شيخ؛ ادخلو يجامعة هذا الحجي ممقبول
أمير؛ مرخصتكم اني هذا العندي ومااغير كلامي ومهلتكم أسبوع... نترخص احنة طلعو من الديوان...
علي؛ عمي كفوو لو هيج الشيخ لو مينراد
أمير؛ وانته هم ماقصرت ابن العم.. شيخ منا وهيج علي يطلع ويانه وينوب بمكاني اذا ماموجد
رحيم؛ واني هم هيج قررت طلع كفوو وكلمتة ترج الديوان
علي؛ همس ل أمير خرب حضك شفتحت علي من باب بعد شيخلصني من رحيم
أمير؛ هههه لعد بس ذابين الحمل براسي..
...............
احمد؛ خرب طلعن ولجن شنو هل اللزگة
إيه؛ ههههه والله مشكلتك ضايجين واجينة يمك
احمد؛ شگالولج فاتح سينما
فاطمة؛ هسة مو زين جايبلك عصاير وحلويات طلعنة لزگة
احمد؛ محد عاتب عليجن.. سكتي سكتي هذا رجلج طلع كفو وسجلي سكتن خل اسمع
إيه؛ شغل مقطع صوتي طلع أصوات والله بالخير الله بالخير وبعدين بدو يحجون طلع تسجيل الگعدة واسمعة شلون يحجي بثقة وصوت حاد وعالي وبعدين من صار عصبي.. خرب يريد يوديهم للسجن بس شلون سكتهم حتى جدي ماحجة شي فوگ كلامة خرب شنو هاي الشخصية العنده حقة عيني ميفتحلي گلبة مو من مقامة....
فاطمة؛ خب شوفي علي شلون يحجي فدووة
ايه؛ هههههه سكتي ولج منا احمد
فاطمة؛ اويليي فديت  والله عمي شيخ
إيه؛ هههههه بس انعلس من جدي
فاطمة؛ ههههه هوه من يوم يومة يكرهه الگعدات والفصول وانوب جدي يگله تطلع وياي ههه.....
إيه؛ خلصت اليوم كله بالغرفة ادرس لان متراكمات المحاضرات وگعدت الصبح تفاجئت من سمعت أمير ملتحق يعني حتى مااجة ولاشافني ولاحجة وياي ههه الضاهر صدگ طلعت من گلبة وزعلي صار عادي عنده..خلصت اليوم كله مغثوثة ومقهورة وصرت اعاقب نفسي بعدم اخذ العلاج وفاطمة تراقبني مره تضل تحجي عليه ومره تسكت من تشوفني عصبية ومااتناقش وخلص الاسبوع وأمير مانزل راح يداوم بعد اسبوع لان جان ميداوم من أحمد بالمستشفى للذلك جاي يعوض.. وخالة نور راحت لبيتة وافتكيت من خلقتهن..
.............
نور؛ انتضرج ولج مو تتأخرين
روئ؛ ولج فهمت والله اكلتي راسي من الصبح عود اليوم عطلة والمفروض انام للظهر بس انتي وراج نوم
نور؛ ههههههه فوگ معازمتج عل الغداء
روئ؛ العوبة مانه علية..
نور؛ ههههه لا عوبة اشاقة يله صحصحي وتعالي حتى إذا تردين اريگج يمي
روئ؛ لا عيني مااريد وانوب تدليني وتگليلي ريگتج وغديتج
نور؛ هههههههه تعرفيني.
روئ؛ كلش زين حافضتج وحافظة سوالفج
نور؛ يله تعالي بسرعة
روئ ؛خرب بعد وقت هسة يله ب٩
نور؛ واذا حتى تقريني زين
روئ؛ جاية جاية امشي ولي..
نور؛ سديت الخط واني اضحك علية بالگوة يله وافقت تجي عل الغداء ودگيت عليه من الصبح جاوبتني وهية نايمة وتهذي موتتني من الضحك عبالة منبه وتگله اسكت گبر خل اكمل نومتي 😂😂...
روئ؛ سبحت وبدلت فستان طويل ومخصر عل الجسم ومكياج خفيف وأخذت الكتب وموبايلي وماما وصلتني.... فتحتلي الباب ام نور وسلمت عله ماما بس امي مرضت تدخل لان ريم راح تجينة بعد شوية وتبات.. المهم دخلتني للصالة ولگيت الخانم تشرب عصير وتلعب بالموبايل ضليت احجي وياه براحتي لان محد موجود بس هيه.... هلا بالمزعجة
نور؛ هههههه هلا حبي تعالي گعدي
روئ؛ اجيت يالحقيرة اكو وحدة تگعد صديقتة هيج لج عبالي المنبة واحجي براحتي وگمزت گمزة حتى وگعت من الجرباية من وره صوتج الحنون
نور؛ ههههههههه تره دا تتجاوزين عله صوتي
روئ؛ قابل مچذبة عبالك صوت جاسم ابو المولدة
نور؛ هههههههههه طلعتي تحششين ولج
روئ؛ هههههههه والقرآن اله ارجعة الج بس المشكلة صوتي من گاعي ناعم ويتنعوص
نور؛ هههههههه حتى صوتج معاجبج وتحجين علي
روئ؛ هوه اني معاجبتني روحي 😒
نور؛ ثول اليوم كلج طاقة سلبية
روئ؛ سكتي لج مالي خلگج يله گومي جيبي الكتب خل نقرة تره بالگوة مفتحة عيوني هسة انام عله وجهي
نور؛ مبينة من عيونج.. متريگة
روئ؛ لا اصلا اني مااتريگ متعودة
نور؛ لعد خل اجيبلج عصير
روئ؛ مااريد والله هستوني شربت ماما مسوية انواع العصائر بس مو لسواد عيوني..
نور؛ ههههههه ولج شبيج اليوم معاجبج احد وبعدين المن العصاير اذا مو الج
روئ؛ للست ريومة دا تتنسئ
نور؛ هههههه مبروك حتصيرين خالة
روئ؛ يبارك بيج حبي والله اصلا كلش متحمسة وفرحانة 😃
نور؛ الله يتممله انشاءالله
روئ؛ آمين...
إيه؛ نزلت جوه اليوم جمعة شفت البنات گاعدات سلمت عله روئ... شلونج حبيبتي رئاوي
روئ؛ هلا ايوو تمام انتي شخبارج
إيه؛ ماشي الحال.. رحت دخلت ل أحمد لگيتة يضحك وحدة.... ضحكنة وياك ضلع
احمد؛ ههههههه سلامتج اجت شغلة بالي وضحكت
إيه؛ اممم الله يدومة.. طلعت واني اضحك علي...
نور؛ تره اني فضولية ليش تضحكين
إيه؛ ههههه اصلا عرفت راح تسئليني وراح اجاوبج اضحك عله احمد لان يضحك وحدة
روئ؛ شرگت بالمي وباوعت لنور وهيه فهمت نضرتي وگامت تضحك.... صخم الله وجهج يانذلة ولج ليش مگلتي موجود جوه لج والله فشلة صارلي ساعة اخرط
نور؛ هههههه والله عبالي نايم ونسيت اگولج
روئ؛ خرب لج والله فشلة... من صدگ خجلت وفشلت خرطت الأول والتالي وانوب ماخذة راحتي واضحك واغلط 🤦🏻‍♀️🥺...
.........
احمد؛ گعدت من النوم سمعت صوت اول معرفتة هيه گلبي ضل يرگص وضليت مستمعلة بس كلش تفأجات من شخصيتة تضحك وتشاقة وتسولف عكس ماكل مره اشوفة خجولة ومتحجي اضاهر هواي ضامة شغلات بس من صدگ ضليت اضحك عليه وعله كلامة واني عود نويت انساه بس وين اول ماسمعت صوتة گلبي ضل يرگص خرب حضي اني اول تالي هيج اركض وره بنية بس هاي شلت حالي ....
.........
إيه؛ گعدت يم البنات بس بالي مو يمهن گاعدة اگلب بصوره ومقهورة ومحروگ گلبي كلش وصدگ شايلة علي لاسئل ولاگال ومن حرگت گلبي انطيتة بلوك من كل البرامج وحتئ رقمة حذفتة ومسحت صورة وكل المحادثات مخليت شي وحتئ خلفية موبايلي غيرتة لان مخليه صورتة اجاني الخبال بعد وكلشي مخليت طفيت الموبايل وشمرته.. البنات انتبهلي من شمرته واتئفئف بس غلسن واني گمت للمطبخ اساعدهن بالغداء حتى صوت مااشتهي اكل والعلاج شوكت مااتذكرة ويطخ براسي اشربة وفاطمة نازلة رزايل بيه اصلا محد منتبهلي غيرة امي من تسئلني اگله اخذته...
.........
روئ؛ اتغدينة اني والبنات وتونست وياهن وسوالف وبعدين گمت غسلت وعدلت شالي وطلعت اجت عيني علي لان باب الغرفة مفتوح وهوه گاعد ومنزل راسه بالموبايل ركزت بشكلة متغير كلش ضعفان ووجهه تعبان وشعره طولان ومخربط انتبهت لنفسي لگيتة صافن عليه فد فشلت فشلة وهوه حتى نزل راسه واني بسرعة مشيت گبر يروئ شلون تصفنين هيج 🤦🏻‍♀️🤦🏻‍♀️🤦🏻‍♀️🤦🏻‍♀️..
..........
نور؛ ايه وينج تعالي
إيه؛ وجع شبيج تصيحين
نور؛ اكولج أمير يسئل عليج يگول متجاوب عله موبايلة
إيه؛ اها والله زين الشيخ أمير اتذكرني عود گليله منطيتك بلوك وحاذفة رقمك عفتة ومشيت هسة يله اتذكرني الاستاذ صارله اسبوع مسائل عليه...
نور؛ تخبلت والله بس مگتلة هيج خاف تصير مشكلة وهاي شاخطة هل الفترة گتلة طافي جهازة وهوه مصدگ بس غلس عل الموضوع..
.................
إيه؛ خلص الأسبوع واني بين الدراسة والصفنة وأحس نفسي دا اتعب كلش وماادري ليش دا اعاقب نفسي وماخذ علاجي يعني باليوم اذا ماأخذ علاجي جسمي كله يضل يوجعني وادوخ بس اني اكابر واگول لازم اتعود واتركة ومرات مااتحمل لان احس جسمي ياكل بيه واخذ مره باليوم واتركة باقي اليوم... رجعت من الدوام منتهية من التعب والوجع وفاطمة ملاحظة بس ملت من الحجي وياي دخلت للبيت لگيت عمتي اهوو شگد اضوج من هاي عمتي همه بس تغثني ميته قهر مني لان حاولت بكل الطرق أمير ياخذ بته ومصارت وفشلت مخططاتة سلمت عليه وهيه ردت من وره خشمة عفتة وصعدت بدلت وصليت ونزلت وره الغداء گاعدين كلنه بغرفة جدتي وحجت عمتي بصوت مسموع
نوال؛ اگول ايه شو لحد هسة محبلتي شنو السالفة
إيه؛ غثتني بسؤاله كلش واختنگت منه جاوبتة جدتي
زهرة؛ نوال بعدهي البنية مصارلة سنة من اتزوجت
نوال؛ يمة يا بعدهي صارلة اكثر من ٦ أشهر من متزوجة وبعدين الشيخ رايدله ولد وميصير يطول وميخلف تضل العالم تحجي علي...
زهرة؛ نوال شلج بهل الحجي شوكت مايجي حياه الله
نوال؛ هسة شگلنة يمة عله كيفج مترضين عليه كلش غير عمتة وأريد مصلحتة باجر يضل يدور عليه ويريد خلفة
إيه؛ ختنگت كلش من حجية والدمعة بطرف عيني واصلا بيوم العزيمة اسمعهن يبسبسن عليه وعل الخلفة بس غلست عليهن وهسة هم رجعت فتحت الموضوع خليت وصعدت فوگ بس شنو القهر ياكل بجسمي أكل وجسمي ضل يرجف ويوجعني اختنگت نزعت الشال ضليت اخذ نفس بالگوة رحت غسلت وجهي بس مفاد احس حرارة تطلع من كل جسمي وانوب سمعت صوتة جوه يسلم اختنگت بالزايد من تذكرت معاملتة وشلون متجاهلني والرجفة زادت بجسمي ردت الزم الموبايل حتى اخابر عله احد يجيني لان ادري راح اوگع بس مسيطرت عله ايدي ووگع الموبايل بالگاع اباوع ل ايدي حمرة وترجف كرهت هذا وضعي وضعفي ومرضي گعدت بالگاع واني افرگ بأايدي وبجسمي من الوجع وشفت عيوني غوشت كلش ومحسيت بشي بعد...

للقصة تكملة..... صباح الخير ♥️
اريد تفاعل حلو لان البارتات القادمة 🔥
🌼🌼🌼🌼🌼🌼🌼🌼🌼🌼🌼🌼
چنچ مفردَة عريان ، صعب تفهمها بَــس تنحب ♥️