عشگ الضابط أمير

البارت السادس

لاچن گعدنه سوه ولاچن حجيت وياك
عليتني ل السمَه وهَديتني من هناك "
💔💔💔💔💔💔

فاطمة :امشي خل نطلع واحجيلج وانتي ايوو نامي حبي وارتاحي ولاتفكرين بشي ديربالج ع نفسج يروحي
إيه :ماشي راح انام لاحد يگعدني مااريد اشوف احد
فاطمة :اوف عنيدة براحتج يلة نور امشي طلعنة وسديت الباب
نور :فطوم احجي تره تلفت أعصابي أيه شبيه
فاطمة :راح اكولج بس إياني وإياج تجبين سيره لحد ولاتفلتين گدام أحد وخاصة أمير يگلب الدنيا علينة لان ميدري
نور :اوك مااحجي شوكت اني حاجية شي
فاطمة :ادريي بس دا انبهج المهم إيه عدهه سكر
نور :هئئئ من شوكت ولج وليش محد يدري
فاطمة :صوتج ومرض هستوني اگول لاتحجين بعدني ممكملة وفضحتينة لج سكر مؤقت مو مزمن انشاءالله فترة يروح بس كون تلتزم بالعلاج ومتتعرض لضغط او تنقهر ومحد يدري وصارلة سنة اكتشفنا من اجت اخير مره وراحت وياي للجامعة تذكرين وهيه تخربطت واني أخذته للمركز اليم الجامعة وسوينة تحاليل طلع عدهه وهمزين مو مزمن وانطنا علاج وگال تسمتر علي وهيه مرضت اگول لحد فضل سر بينة وهية كل فتره تروح للدكتور
نور :اوووف خطية وزين شلون تروح للدكتور ومحد يدري بيه
فاطمة :عوبة من الجامعة وتروحلة المهم المفروض هسة نحاول انو متنقهر وتنضغط مو زين عليه خاف يصعد عده السكر وموزين عليه كلشي يصير
نور :لج فاطمة بس غلط نضم هيج شي خاف يصير اي شي وطيح براسنة لان محجينة
فاطمة :شگد حاولت وياه مترضة وتعرفينة العناد عدهه فولل
نور :اوف اوف انشاءالله تتحسن ع العلاج يلة امشي خل ننزل نضف
فاطمة :اوك نزلتة سئلت عمتي عليه گتلة نايمة تعبانة من الهوسة وره ساعتين خلصنة شغل گلت خل اصعد اشوفة جايي ادخل للغرفة وصاح عليه علي
علي :فاطمة وين إيه مجاي اشوفة
فاطمة :تعبانة ونامت
علي :ليش شبيه وينه هسة بقلق واضح
فاطمة :تفاجئت منه شلون قلق عليه معقولة يحبة لهل الدرجة ثولل فاطمة طبعا يحبة غير اختة 🤦🏻‍♀️لامابية شي بس الظهر من سمعت شنو صار بالديوان ضلت تبجي ونامت
علي :وينه هسه بالغرفة
فاطمة :يي بالغرفة وهسة اطمئن عليه
علي :لاعوفيه اني اشوفة
فاطمة :دخل للغرفة وگعد يمه ع السرير ويباوعله بقلق شوية وگعدت بس شافتة ضلت تبجي وهوه رآسا حضنة وضلت تناشغ بحضنة
علي :خلص حبيبتي كافي مسحي دموعج
إيه :علي مااريد ازوج تدري بيه مااطيقة علي فدوة حاجيهم 😭
علي :ايو ليش تسوين هيج تعرفين انتي من زمان اله وهوه ابن عمج أوله بيج
إيه :حتى انته علي هيج تحجي شنو أوله بيه شنو هل العادات
علي :ياعمري اني وياج مو ضدج بس هوه خوش رجال ومنگدر انرده وهوه ابن عمج وشيخ معروف واله كلمتة يعني عيب نرده وهوه زامط وحجة بالديوان واني اوعدج مع الوقت راح تحبي تره صح هوه عصبي بس راح يدللج ويحبج اني اعرفة ومعاشره سنين هوه اخوي الما جابتة امي وخلص مسحي دموعج مااريد اشوفهن بعد وگومي نزلي اكلي ادري بيج ممتغدية ولو اني بدون مااحجي راح تنزلين تاكلين المطبخ
إيه :ضربتة ع كتفة مضغوط مني ومن بطني 😛
علي :ههههههه عفية هايي إيه القديمة تره ميلوگلج أجواء البجي والكئابة تره اختنگت شنو هايي الغرفة حسستني گاعد بغرفة جهال
إيه :ضحكت من حجة هيج صدگ الغرفة كله صور افلام كارتون وسبونج بوب هاي فاطمة هيج مسوية بيه لان تحبهم اني حجيت بصوت ناصي لعلي گتلة تره غرفة فاطمة وهية تحبهم
علي : هيه فاطمة طفلة مااستغربت
إيه :هوه حجة هيج وفاطمة فتحت عيونه لو بيده تهجم علي 😂
فاطمة :عابت طلعت طفلة وتصرفاتة وياي هاي وحد ممحسوبة گتلة والله عاد اني طفلة وغرفتي ويعجبني شنو اسويي بيه
علي :وصل للباب وگرصته من خشمة لاتنسين تشربين حليب شطورة..
فاطمة :ضربت رجلي بالگاع من الغيض شگد خبيث يحب ينرفزني بس الصراحة حبيت اسلوبة ويه إيه ومبين يعزه كلش حتئ هيه شوية تغيرت نفسيتة من حجه وياه بس بالگوة كتمت ضحكتي من حشش ع اكله لان صدگ هيه ام بطن بس ميبين بيه جسمة حلو مربرب
إيه :قررت استسلم لأمر الواقع وارضة ومالي شغل بي وانتبه لدراستي احسن وهسه تستغربون ليش محجيت ولاصيحت ولاعاندت لان ادري مراح يتغير شي لان بالمختصر هوه الشيخ أمير منو يرفضلة طلب لو يناقشة حتئ جدي صح طيوب ويانة ويحبنة بس بأمور العشاير والدواوين صارم كلش وميرفض كلام أمير ابد ودائما ايئيده لان راح يستلم المشيخة بعده فأاحسن شي مااتعب نفسي واحجي واسوي بس والله اله اندمه واحرگ دمه يومية واسود عيشتة بسيطة نزلت اتغديت وگعدت بالصالة واجن البنات يمي شوية ودخل أمير وبابا وجدي باوعلي وكانو يريد يشوف ردة فعلي ع الصار بس مراح يلگة مني بس البرود بسيطة باوعت لبابا منزل راسة وميباوع عليه
الجد :مثل مسمعتن الجمعة الجاية مشيت أمير ع إيه وأريد تعزمن الكل هاي مشيت الشيخ أمير اريد السلف كله يحجي بيه
إيه :باوعت عليهم بنضرة حقد وگمت وجاي اصعد صاح علية جدي
الجد :مربينة بناتنة تگوم بدون استئذان مو ايه لو حجي غلط
إيه :درت علي باوعتلة بنضرة عتب وگتلة آسفة وصعدت مااريد اشوف احد بيهم كلهم وگفو وياه ومحد اعترض حتئ أهلي رحت طلعت كتاب وگمت أقره واسمع موسيقى هادئة هاي لمن اضوج هيج اسوي بس مرات اگوم اشغل ردح واضل ارگص وافرغ كل ضوجتي بالرگص والصراحة اني شاطرة بالرگص لدرجة متتخيلوه يعني شتردوني ارگص انواع 😂 واحسن شي زينة بي هوه العراقي ونور مثلي تماما لان من چنة صغار أعلمه وتعلمني ودائما نرگص سوه وهيه هم مشاءالله متقصر طالعة عليه 😂وفاطمة تعرف بس تستحي فاطمة من نوع الخجول كلش حتئ گدامنة مترگص بس احنة نسحله ويانة وهاي هوايتي اني ونور لگتلكم عليه 😂هوايه تعبانة وتافه مثلي 😂المهم ضليت أقره لحد مغفيت مادري بروحي
ابو ايه :شبيه ايه ليش هيج تصرف
فاطمة :عمو اعذره هيه تعبانة وضايجة وتصرفت هيج
ام ايه :علكيفكم وياه بعدهه طفلة
الجد :عوفوه براحتة وجهزوه من كلشي مااريد شي ناقص
أمير :هاي بدايتة هيج الله يصبرني ومااتهور وائذيه صاعد اني ومن يجي علي خل يصعدلي
نور :اوف الجو مكهرب كلش اكولج اني ماعندي ملابس حفلات خل نطلع نشتري
فاطمة :يي واني هم اريد خليه باجر وناخذ ايوشة ويانة بس هية وين راحت شو ماكو اوف الله يساعده هسه ليشوفنة يحدسنة بنات شيوخ وعايشات احسن عيشة امده حضنة اي والله خل اصعد اشوفة
نور :اني اصعدلة انتي سوي عشا بين مااجيج ماشي
فاطمة؛ اوك مو تتأخرين وتذبينة براسي اموتج والله
نور :ولج هوه شوكت ذابتة عليج هيه بس مرتين
فاطمة :لا هاهيه ربحنة امشي ولي ونزلي بسرعة واذا لگتية گاعده نزليه وياج رحت للمطبخ اووف شسوي نسيت اسئل امي طلعت وصار علي بوجهي باوعت بوجهه لگيتة مبتسم گتلة اكو شي بوجهي يضحك
علي :هههه هوه انتي كلج تضحكين لان طفلة
فاطمة :حجة هيج وگرص خدودي شگد اكره اسلوبة هاذ يحب يضوجني عافني وصعد تذكرت أمير يريده صحت وراه علي
علي :اشتعل علي ع هل الصوت اكو شي
فاطمة :لا بس أمير گال من يجي علي خل يصعدلي
علي :همم شمسوين عشا تره جوعان ممتغدي
فاطمة :حتاريت شنو اگله لان بعدني مسائلة أمي گتله هاا بعدني مسائلة ماما
علي :شوف الفهاوة يربي عود سئلي ماما
فاطمة :عابت يحجي ويقلد ع صوتي بس ضحكت من يگول ماما عود بصوتي رحت لأمي اخذتلي رزالة
ام فاطمة :صرتي شكبرج وبعدج تسئليني ع العشا
فاطمة :شبيج ماما ع كيفج هوه شگلت اني مو زين جاي اخذ رائيج عشتو بس گلت هيج شمرت المخدة عليه وركضت وراي اني بسرعة شردت😂ولاگني علي وأمير الظاهر سمعو الحجي وضلو يضحكون عليه
علي :عمه صدگ جذب تره هاي طفلة وماعليه اعتماد اگله شمسوين عشا تگلي خل اسئل ماما
ام فاطمة :والله موتتني بفهاوته عود اني معلمتة ولايهمك يمه هسة نسوي عشا
فاطمة :خشيت بهدومي من الفشلة وانوب تگلي فاهية مثلة 🥺خليت ودخلت للمطبخ كافي شبعت فشلات شگد خبيث طلعت كباب وكبة وفنگر وسويت عجينة علمود اسوي بيتزا اليوم مشتهيتة كلش واجت نور هيه وأيه همزين نزلت وياه گتلهن زين واجيتن يلة ساعدني مو بس واگفات
نور :شبيج اكلتينة وشبيهم أمير وعلي يضحكون همه وامج
فاطمة :عليه يضحكون امي سوتني مضحكة گدامهم عود صدگ اني فاهية 🥺
إيه :والله رب الفهاوة انتي 😂
نور :والله كلج فهاوة وداعت ابن الحلال 😂
فاطمة؛گبر عابتلجن والله بسيطة حقيرات وانتي نور شوكت يجي ابن الحلال ويخلصني منج
نور :ضاله ع گلبج 😛اگول شجاي تسوين
فاطمة :بيتزا
إيه :الله مشتهيتة يي عفية وخليلة جبن زياده 😋(اشتهيته)
فاطمة :حاضر ست ايوشة بس هزلي طولجن وساعدني سويت البيتزا وكملنة كلشي وخليناه ع الطاولة وگعدنة باوعت لعلي ياكل بالبيتزا ماعرف ليش ردت رائية بالبيتزا اووو ثول شعليه بي اخر همي
نور :بنات خلي احاجي ماما علمود السوگ
إيه :مالي خلگ
فاطمة :معليج بيه اي حاجية
نور :ماما خلي باجر نروح للسوگ نشتري فساتين
ام نور :عادي بس منو ياخذنة احمد الصبح ميگعد ابد يمه أمير عندك شي باجر الصبح
أمير :لايمة ماعندي شي محتاجة شي
ام أمير :يي يمه تگدر تاخذنة للسوگ اني والبنات
أمير :حاضر بس گعدني خاف تاخذني نومة
اية :يوووو شهل الورطة انشاءالله تنام ومتگعد للعصر گمت انسدت نفسي گلت بالعافية
ام ايه :مااكلتي شي يمه
إيه :شبعانة ماما صاعده أنام رحت صعدت وسبحت وضليت احضر ملابسي
نور :يله فطوم صاعده اسبح وانتي لحگيني مو طولين
فاطمة :ماشي بس اودي الجاي وأجي دخلتلهم انطيتهم الجاي وعلي بس يباوع اجيت اتعثر من نضراته صعدت لگيتهن گالبات الغرفة هايي شصاير واني أصيح لان صوت الاغاني طرش اذني
نور :شتشوفين يعني جاي ناخذلنة ردحة شوية
فاطمة :خبال والله نصن الصوت راح يصعدون الولد
إيه :يوووو عوفيهم شنسويلهم انتي بس سدى الباب ومحد يسمع يلة نور طلعينة ساجده عبيد 😂
نور :حاضر ولو شعدنة احنة وهاي ساجدة عبيد جاهزة
فاطمة :ضليت اباوعلهن ذبن لحم بالرگص بس خوش يرگصن والله
إيه :فطوم خو ما تضلين واگفة يلة هزي خصرج ويانه
فاطمة :والله مرفضت شكلهن يشهي الواحد يرگص دخلت شكلت الكلبية مثلهن وفليت الشعر وطحنة اني اعرف ارگص بس أخجل والله طلعت الضوجة كله
أمير :اگلك علي تسمع هذا الصوت
علي :اي لك صوت اغاني منو مشغل هذا الصوت جاي من فوگ امشي خل نشوفة تخزينة منا ناس
أمير :امشي لك منو هذا المشغل وصلنة للطابق الثاني واجة الصوت من غرفتهن
علي :لك هذن تخبلن بنص الليل
أمير :بغضب اني اعلمهن بيت شيوخ والاغاني واصلة لراس الشارع اندگ بالباب ميسمعن ناسيات روحن
علي :شو وخر خل افتح الباب
نور :نرگص وفجأة اجت عيني ع الباب لگيت أمير وعلي فاكين حلگهم ومصدومين وهذني دايرات وجهن ميدرن وانوب يهزن بهل الخصر اني أشر وهنه مو يمي وهذول ضالين واگفين حقهم اذا هنه يغرن اكبر واحد بهذا رگصهن صخم الله وجهنة وانوب طفيت الأغنية وهنه دارن عليه
فاطمة :وعمة ليش طفيتي
إيه :ليش طفيتي متشوفينة مندمجات طاح حضج
أمير :اي عيني مندمجات بصياح
إيه :يمةةة منين طلع هذا باوعت علي بسرعة نزلت الگلبية عزاا بس لا شافنة
أمير :متستحن مدگولن ناس منا شهل الاستخفاف هذا بيت شيوخ بنص الليالي اغاني وردح قسم بالله اذا انعادت هاي السالفة رجلجن اكسره واعرف شلون اعيد تربيتجن
علي :فاتحين ملهى بنصاص الليالي انطيناجن مجال هواي بسيطة منا وهيج بصياح عافوهن ومشو
إيه :ولج نور ليش مگلتي
نور :هوه انتن منتبهات طايحات ردح
فاطمة :ولج بس لا من زمان واگفين
نور :لابس صارلهم خمس دقايق
إيه :عزاا ولج صدگ
نور :اي والله بس شكلهم يضحك فاتحين حلگهم ويبلعمون حقهم والله گاعدين بملهى ليگول
فاطمة :يبووو والله فشلة ولج بس لا سمعوني من گلت ل أيه خل نهز خصر
نور :هههههههه اي وخو علي ضل لايحرك ايد ولا رجل انشل الزلمة 😂
فاطمة :خرب حضي كل مره اگعد وانجب شجاني وگمت وياجن وانوب ملگيت اله اهز خصر اليوم 🤦🏻‍♀️
نور :هههههه اي الله هداج😂😂همزين اني مشافوني جنت بالزاوية 😂ولج لو اشوفن شكلهم يخرب ضحك والله نصدمو وأمير ماشال عينة من ايه وعلي اصلا مرمش من فاطمة 😂
إيه :خرب حضنة اي والله وبعدين صارو خيرين براسنة وطيحو حضنة
نور :ي وره مخلصو الصفنة😂😂😂هههههههاي
فاطمة :اي ضحكي انتي شعليج والله بعد ما اراوي وجهي فشلة
نور :ههههههه ولجن تعبت طفن الضوة خل انخمد ورانة گعده...............
💮💮💮💮💮💮

- غيب شما تغيب شما يضم روحه الگمر يطلع عزيز .❤️لاتنسون التصويت والتعليق