عشگ الضابط أمير

البارت الثلاثين

هَــلا  بكل اليجن
والما يجن مـنك
يــ بعد الما يرمشن من يشوفنك
اعبرهن وارد
اطرد الفاتن طيف
المن ضالات الما يشبهنك ؟؟
🧡🧡🧡🧡🧡🧡🧡🧡🧡
#‹ آ̀يه̀ آ̀لبيآ̀تي | 🖤🥀
#عشگ الضابط أمير

ام إيه؛ يمة شبيه بنيتي سودة عليه
فاطمة؛ عمة عله كيفج استهدي بالرحمان هسة تطلع الدكتورة ونطمن عليه...منتضرين الدكتورة تطلع وأمير يفتر خبص الطابق خبص يروح منا ويجي منا اصلا من شافه واگعة وحالته تبجي الواحد شلون ترجف ووجهه أحمر مختنگة اجت توگع دمعتة.. حاولنة وياه تگعد بس مفاد حتئ العلاج مفاده ولاصحت شاله بسرعة للمستشفى واني هم رحت وياه مگدرت اعوفة... طلعت الدكتورة بسرعة رحتله... ها دكتورة شلون صارت حالته
..... قبل هم صايرة عدهه هيج حالة
فاطمة؛ لا دكتورة اول مره.. كل مرة من توگع ننطيه العلاج مالته وتصحة
..... زين هيه منتظمة بعلاجة
فاطمة؛ هاا لادكتورة صارلة اكثر من أسبوعين متاخد علاج.... يمة باوعت ل أمير يخزرني وأحمر
...... اي واضح مخربطة بالعلاج إضافة لحالتة النفسية كلش تعبانة حاليا انطيتة إبرة انسولين
فاطمة؛ شنووو دكتورة بس هيه متاخذ أبر
..... مگدرت اسيطر عله حالتة فه اضطريت انطية إبرة
فاطمة؛ بس دكتورة الإبر مو زينة وخاف جسمة يتعود وهية السكر مالته مو مزمن
..... اذا ضلت عله هاذي الحالة فه راح يتحول ل مزمن للذلك خل تراجع الدكتور مالته وهوه يفهم حالته أكثر..
فاطمة؛ يارب سترك كله من وراهن هنه السبب والله هنه قهرنة وغثنه
ام ايه؛ ولج يمة صوتج لايسمعج وتصير سالفة
فاطمة؛ خل يسمع اصلا هيه مقهورة منه وفوگ قهرة زادنه عليه هذن الميخافن من الله كل همهن يغثنه ويضوجنة
ام ايه؛ ولج سكتي لزمي لسانج لايسمع
فاطمة؛ سكتت سكتت عمة مترضون نحجي الحق... گعدت افور من العصبية ومقهوره كلش عليه وأمير اول مسمع طلع برة وهسة رجع والچكارة باايدة ووجهه مطعون وعيونة حمر... شوية وگالت الممرضة گعدت دخلنة عليه رحت حضنتة ودموعي بالگوة لازمتهن ولاانسئ منضرة شلون واگعة... الحمدللة عله سلامتج حبيبتي
إيه؛ بالگوة احجي مابيه حيلل... الله يسلمج.. باوعت علي واگف بالباب تقدم عليه باس راسي وگلي شلون صرتي گتلة أحسن ودرت وجهي كلش مقهورة منه.. اجت الممرضة شالت المغذي وگالت اگدر اطلع...وأخيرا لعبت نفسي منه اجة أمير وسندني وخرت ايدي بس هوه خزرني وسحبة مشيت وصعدنه بالسيارة وراسي عله فاطمة ومغمضة عيوني وهاجمتني الأفكار كلام عمتي وليش لهسة محبلت ومعقولة أمير يزوج عليه علمود الخلفة 🥺نزلت دمعتي وفاطمة انتبهتلي ومسحتة وهمستلي
فاطمة؛ لاتفكرين بكلامة مدقوقة منج وحجت هيج انتي كلشي مابيج وتشوفين شلون راح تحبلين وتكسرين عيونهن الله مينسئ احد وأمير يحبج ومهما صار بيناتكم مستحيل يفضل وحدة عليج خلي ثقتج بالله وبزوجج وانشاءالله يتصلح كلشي اهتمي بصحتج ايوو ولاتهملينة...
إيه؛ انشاءالله... وصلنة نزلني هوه خرب شلون بس لايصعدني لغرفتنة مااريد دخلت الكل سلم عليه وصعدت ومخلاني اروح لغرفة نور ضل بس يخزر دخلت للغرفة ردت أسبح وابدل حتى ارتاح اخذت تراك ودا أدخل وهوه حجة وگلي خل اساعدج واني گتلة مشكور مااريد مساعدة ودخلت وهوه ضل يستغفر... استغفر منا لباجر بسيطة يريد بكل سهولة احجي ولاكانو صاير شي خلصت بدلت وطلعت والمنشفة عله راسي وگفت گدام المراية اباوع ل أيدي بيه أثر إبرة قوي  أحمر عله ازرگ.. شلت راسي شفتة يباوعلي اخذ ملابس ودخل للحمام واني خلصت تمشيط وعفتة مفتوح مابيه حيل كلشي اسوي ورحت عله فراش تغطيت الغرفة باردة شفت موبايلي لگيت مكالمة من لين شوية وخابرتة اول مشالته طلع هوه من الحمام مهتميت ولاباوعت علي... هلاوو ليونه
لين؛ هلا حبي وينج ضل بالي عليج اتصل ومتجاوبين وشبي صوتج تعبان
إيه؛مابيه شي بس منعسة شوية وماادري بالموبايل .. شلونج
لين؛ الحمدللة اتصلت حتى اگولج عل الملازم مالت الامتحان صوريهن الي لان ماعندي منهن
إيه؛ شوكت الامتحان
لين؛ شبيج مطفية غير باجر
إيه؛ صدگ باجر اوف ناسيتة والله ومابيه حيل أقره
لين؛ اي والله وصعب ومعقد
إيه؛ رفعتي معنوياتي
لين؛ ههههه غير اكولج الصراحة
إيه؛ اي الصراحة.. ماشي هسة اصورهن وادزهن وانتي نشريهن عل الگروب بدربج مابيه حيل كلساع وحدة مراسلتني وتريد ادزهن...
لين؛ تدللين.. يله حب بيبااي
إيه؛ بيباي... اووف شيگومني أصور گمت بالگوة طلعتهن وخليتهن عل الفراش وصورتهن ودزيتهن وشمرتهن بالگاع..وأمير نزل جوه بعد احسن لفيت راسي ونمت...
..........
فاطمة؛ گاعدة جوه يم بيبي وتسئلني شگالت الدكتورة ونزل أمير يمة يباوع عليه اكيد راح اترزل وفعلا وگف بنص الصالة وصاح بينه كلنة...
أمير؛ هسة تحجن شصاير
زهرة؛ يمة شنحجي
أمير؛ يمة تحجن شوصل ايه لهل الحالة وانتي فاطمة اني شكم مره گايلج متضمين شي يخص ايه عليه يعني صارلة اكثر من اسبوعين تاركة العلاج وانتي ساكتة بصياح
زهرة؛ يمة استهدي بالرحمان عله كيفك.. يمة ماكو شي بس هيه شوية تعبانة وهل تخربطت..
فاطمة؛ شفت بيبي تريد تضمضم السالفة واني ماتحملت گمت گتلة.. تريد تعرف شوصلة لهل الحالة كله من وره حجي النسوان الميخافن الله
أمير؛ يا حجي هذا
فاطمة؛ انو ايه متحبل وميصير عدهه جهال وانته شيخ ولازم يكون عندك ولد وميصير تتأخر وهذا حجي عماتي حتى ومساع عمتي نوال كملتة وتگلله هسة يضل يدور عليج مره علمود الخلفة وهية ماتحملت وصعدت واصلا هيه صارلة اسبوعين مقهورة ومغثوثة مدري شبيه واني احاجية عل العلاج بس متقبل تاخذة وتصير عصبية وتضل تصيح وتگول عسا مااموت طبني مرض..
أمير؛ الكل يسمع وانتي يمة توصلين هذا الحجي لعماتي ليفتح هاي السالفة بعد لايلوم نفسة والله اگلب البيت عله روسهن ومحد يدخل بهذا الموضوع مفهووووم...
فاطمة؛ ضل يصيح ويغلط وصعد.. ارتاحيت والله وبرد گلبي
زهرة؛ ارتاحيتي هسة متضمين شي بطنج
فاطمة؛ والله بيبي اني مااسكت عل الغلط وهنه يستاهلن شعليهن ويدخلن.. كلش ميتات عله ايه ويخافن عليه وصارن يدورن مصلحتة.. بيبي اني اعرف وانتي تعرفين ماكو داعي تضمين هنه سون هاي السالفة كله حتى بلكت وعسا ولعله أمير ياخذ وحدة من بناتهن..
زهرة؛ طلعلج لسان ولج فطيم وگمتي تراددين وتحجين عل الكبار
فاطمة؛ لابيبي مو لسان بس هاي الحقيقة وانتي اكثر وحدة تعرفين شنو غايتهن
ام فاطمة؛ فاطمة كافي يله صعدي لغرفتج
فاطمة؛ صاعدة ماما... والله ياالله محد يرضة نحجي الحق والله عبالهن اسكت واضمضم السالفة اصلا اني تمنيت أمير يسأل حتى انهد عليهن....
...........
أيه؛ فتحت عيوني شفتة گبالي كلش واني نايمة عله ايدة وهوه حاضن خصري حتى انتبهت شعري مضفور... تحركت وهوه فتح عيونة وخرت ايدة ودرت عل الجهه الثانية وانطيتة ضهري بس هوه رجع سحبني وخله راسه برگبتي ويتنفس متحركت سويت نفسي نمت... ضل يبوس برگبتي وبشعري.. بعدين گلي
أمير؛ ادري بيج گاعدة... ليش تاركة العلاج
إيه؛........
أمير؛ ايه احجي لاتضلين ساكتة
إيه؛ مااريد احجي.. خليني أنام...
أمير؛ لاتنامين گومي خل نروح للدكتور
إيه؛ مااريد اروح
أمير؛ ايه لاتعاندين وگومي
إيه؛ گتلك مااريد أروح ونزلت دموعي دموع الضعف لكرهن
أمير؛ استغفرالله بنيتي شبيج هسة ليش البجي
إيه؛ مابيه شي..
أمير؛ يله حبيبتي گومي خل نروح
إيه؛ مااريد اروح لا تضغط عليه بعد مااريد اسوي اي شي ودكتور مااروح وعلاج ماأخذ
أمير؛ گعدي خل نحجي
إيه؛ گعدت وامسح بدموعي باوعتلة..
أمير؛ ليش متردين ترحين فهميني بله
إيه؛ مااريد وخلص بعد مااسوي اي شي وين متوصل خل توصل زين مايهمني احد واصلا اني محد مهتملي
أمير؛ شلج بهل الحجي شنو محد مهتملي واني هنا شنو
إيه؛ أنته... أنته أصلا متحبني ولاهامتك ولاتگلي جذب اني لو أهمك متعوفني اسبوعين متسئل عليه متعوفني بقهري وتروح والف سؤال براسي متعوفني وحتئ بدون متگول اني رايح.. أمير كافي تره مليت من كلشي بعد لاعلاج ولادكتور ولاشي وحتئ كلام الناس بعد ميهمني وانته شتريد تسوي سوي حتى إذا تريد تزوج ازوج ولاتفكر بيه وخل يصير عندك ولد لان انته شيخ وميصير تنتضر واني الضاهر ماگدر اجيبلك الولد التريده....
أمير؛ ايه لاتخليني افقد اعصابي منين جبتي هل الحجي ومنو گلج اني رايد ولد وشنو اتزوج شبيج انتي وشنو متحبني وممهتملي.. يعني انتي لهسة متعرفين شنو انتي بالنسبة الي ولج انتي غبية لو شنو فلمج منين طلعتي بهذا الحجي
إيه؛ گمت ابجي واحجي... اي متحبني وممهتملي انته تغيرت والله...سحبني وحضني واني اناشغ وادفع بي
أمير؛ ولج انتي غبية شلون مااحبج لج انتي النفس التنفسه شلون مااحبج واني اعتذر ادري غلطان وماجنت اعرف بشنو تحسين وماعرفت أتصرف بوكتة... ايه ديربالج تگولين هذا الحجي بعد انتي بنيتي وحبيبتي وكل عمري ومهما صار انتي تضلين الاولئ والأخيرة بحياتي وبخصوص الأطفال اني مااريد ولد اله منج وشوكت ما الله يرزقنة حياه الله ولاتفكرين اصلا بهذا الموضوع بعد وكت والحياة گدامنة...
إيه؛ يعني مراح تفكر بالزواج مو
أمير؛ مو هستوج گلتي ازوج ميهمني
إيه؛ أميييير لا احسبة ساعة غباء من گتلك هيج
أمير؛ ههههه هوه اني حاسب حجيج كله فهاوة وغباء
إيه؛ ااا طلعت هيج وحجيي كله غباء وفهاوة
أمير؛ ليش تخليني أنسئ انتي تعبانة وهستوج طالعة من المستشفى ومتتحملين نار لبگلبي عليج
إيه؛ لا خلص والله سكتت
أمير؛ اي عفية خليج حبابة منا لمن الله يفرجة.. بعدين تعاي اكلج ليش متردين عله اتصالاتي
إيه؛ انطيتك بلوك😊
أمير؛ ها الضاهر طلعن الخبالات
إيه؛ لا مو خبال بس احترگ گلبي منك
أمير؛ دگومي گومي بسرعة يحترگ گلبج عله يوم الگاج كلج محترگة..
إيه؛ مابيه حيل اجئلة عله غير يوم
أمير؛ لا ميصير لازم اليوم..واني ابدلج ولاتگولين لا لو تشردين للحمام..
إيه؛ ميحتاج وداعتك اني ابدل... احجي وحدي راح فتح الكنتور وطلعلي فستان بيتي..
گتلة أمير صدگ تحجي شنو هذا
أمير؛ مابي شي مستور
إيه؛ ما والله ولاالبسة شنو هذا.. اريد بنطرون وقميص اخذ راحتي...
أمير؛ ماكو غير البنطرون تاخذين راحتج بي
إيه؛ اي وبعدين اول وتالي لابسه عباية خليني البس براحتي.. اشرتلة عليهن واجة نوب مصر يريد يلبسني... لبست اني البنطرون ومن كل عقلي خليته يدير وجهه والبسته ونزعت الفانيلة والخبيث دار وجهه واجة هوه لبسني القميص ويباوع ويعض بشفته واني أضحك علي هههه... كملت وهوه هم بدل ونزلنه ورحنة للدكتور واني اغفي بالسيارة وهوه نازل دگ رزايل بيه لان تاركة العلاج اخير شي گتلة... أمير كافي والله فهمت اني اسفة واعتذر وبعد متنعاد... سحبني وباس إيدي واني ضليت بحضنة واغفي وكلساع يگلي مو تنامين... وأخيرا وصلنة فحصني وسوالي تحليل وهاي الأمور الروتينية بعدين گلي
..... بنتي اني مو نبهتج تلتزمين بالعلاج لان نسبة شفائج چبيرة وهسه رجعنة خطوة لورة لان ضاربة إبرة انسولين ولازم نعوض بمكانة علاجات اقوا ولازم تتحملين لان تسوي غثيان ونحول بالجسم
إيه؛ حاضر دكتور... كملت عليه حتى الدكتور رزلني اخذنة العلاج من الصيدلية وأمير يباوعلي وبعيونة حجي.. گتلة أمير مو تبدي بالرزايل حتى الدكتور رزلني كافي كمية رزايل اليوم...
أمير؛ اخذي الموضوع بجدية واذا نعاد هذا التصرف حسابج غير..
إيه؛ حاضر.. صعدت بالسيارة وغمضت عيوني بسم الله بعدني مماخذة العلاج وهيج...
........
نور؛ هلاو حبي شلون صرتي
إيه؛ الحمدللة احسن
فاطمة؛ هم ترزلت من وراج ست ايو
إيه؛ ليش ومنو رزلج
فاطمة؛ الشيخ
إيه؛ صدگ وشوكت
نور؛ هاي متدري.. ولج الظهر نزل گلب البيت علينة ومتحلف بعماتج وفطوم اله حصة لان ممبلغتة انو حضرتج تاركة العلاج
إيه؛ اووي حبيبتي سوري وبستة بخده
فاطمة؛ هههه مصار شي بس المرة الجاية عذريني ماكو تغطية عله افعالج
إيه؛ توبة اصلا شبعت رزايل وتهديدات
فاطمة؛ تستاهلين
إيه؛ 😒.. يله اني صاعدة اقرة
فاطمة؛ أجلي اذا متگدرين
إيه؛ ماگدر هذا الاستاذ فد واحد شايل خشمة وميتحاجة وأصلا يضوج مني لان اجادلة وتردينة يأجلة الي مستحيل
فاطمة؛ كله من السانج
إيه؛ هوه شعم عليه غيرة يله چاووو.... صعدت بدلت ملابسي وگعدت اقرة بس شنو بالگوة مفتحة عيوني تعبانة كلش إذن وصليت ورجعت كملت مانزلت ماالحگ اجت فطومة جابتلي العشا فديتة تعشيت وأخذت العلاج وره نص ساعة قفلت عيوني عبالك اخذت منوم وبعدلي فصل گمت غسلت وجهي حتى اصحصح ورجعت كملت انفتح الباب شلت رأسي مسويتة ذيل حصان 😁علمود اسويلي واهس وأجواء قرايه وماانام 😂جايبتة بالگوة..
فاطمة؛ شنو هل الستايل الحلو
إيه؛ ههههه ضليت افر بشعري شنو رأيج فوشة
فاطمة؛ هههه حلو ولايگ ويه ملابسج ولج انتي ليش متگعدين راحة
إيه؛ ليش شمسوية
فاطمة؛ لابسة كيمونة وبرمودة والشعر وتردين الولد يگعد عاقل تره للصبح متنامين😉
إيه؛ خرب ولج صايرة منحرفة منو مطلع عينج
فاطمة؛ هههههه أخوج اكو غيرة هههههه
إيه؛ اي مو هل اگول جنتي خوش بنية...
فاطمة؛ ههههه يله حب اروح اني تصبحين على خير وياريت باجر متشلعين گلبي بالگعدة تره اعوفج واروح
إيه؛ شيلي تصبحين على خير ويصير خوش تهديد
فاطمة؛ هههههه اذاً هسة اگدر اكلج تصبحين على خير بعد مخلصت التهديد..
إيه؛ رجعت خليت راسي بالكتاب خرب هسة شيخلصة وانوب اني مفاهمة هاي المادة ماكو غير لين خابرتة وشرحتلي من خلصت گلتلة ويه كلامي دخل أمير وضل يباوع عليه ..
فديتج احلئ ليووووونة اموت عليج اموووواح💋
لين؛ هههههه تدللين ام خدود وأم عيون وأم تك غمازة
إيه؛ ههههههه حبي يسلموو تعبتج نقذتيني والله
لين؛ صايرة رسمية ولج ممتعودة هيج أني
إيه؛ لعد امشي ولي
لين؛ ههههه اي هيج احلئ Good night
أيه؛ Good night....
باوعت ل أمير لگيتة بعدهه عله وگفتة شفتة صافن عليه باوعت لجسمي خرب مدنگة وطالع أشكال رفعت راسي گتلة الناس تگول احم دستور عله گولت السوريين مو تضل صافنة
أمير؛ هههههه مباوع عله حلالي مابيه شي
إيه؛ اهمم
أمير؛ اخذتي العلاج
إيه؛ اي متشوفني بالگوة مفتحة عيوني يخلي الواحد ينعس عبالك منوم
أمير؛ تتعودين علي..
إيه؛ راح بدل ورجع گعد يمي ويخابر خليت راسي عله رجلة والكتاب بأيدي اقرة بس اني اصلا مو يم الكتاب مركزة بسوالفهم كله تحشيش وضحك وغلط بعدين همسلي
أمير؛ عينج وأذنج بكتابج بنيتي
إيه؛ ههههه ماشي... رفعت راسي وبستة بحنچة وهوه يغلط عله صاحبة ويذب حرگتة بي.. خلص وباوعلي
أمير؛ ليش تتحرشين
إيه؛ انيييي
أمير؛ لا اني..
إيه؛ ههههه متوهم اني جنت اقرة
أمير؛ لا متتوهم وداعتج
إيه؛ ههههههه
أمير؛ كافي فطيرة
إيه؛ ههههههه
أمير؛ كافي ولج بالگوة لازم نفسي
إيه؛ دنگ باسني من غمازتي گتلة لاتتجاوز دا اقرة
أمير؛ اقري بوية اقري
إيه؛ اسمعة يحجي ويه نفسة عله لبسي هههه متوتر... وصلت ل اخر صفحة ضليت اباوع عليه واشخبط بالقلم
أمير؛ گومي نامي وكملي الصبح
إيه؛ لا بقت بس هاي الورقة خل اكملة واخلص گتلة اقراه الي....هوه آخذة وقرا اتعجبت  علي يقرة بمهارة انگليزي وسريع ....شنو هاي شيخ طلعت مبدع بالانگليزي منين متعلم هيج
أمير؛ تره اني عندي شهادة ماستر انگليزي
إيه؛ صدگ تحجي
أمير؛ وداعتج
إيه؛ شوكت اخذتة انته مو دخلت عسكرية
أمير؛ اي وره ماكملت قدمت عل العسكرية
إيه؛ واوووو فاجئتني
أمير؛ گومي نامي قبل لايغمة عليج من المفاجئة
إيه؛ هههههههه اصلا اني طفيت كلش... لميت كتبي وگمت نمت وگعدت الصبح داومت وامتحنت وزفتت بالامتحان رجعت مزاجي تعبان وضايجة لان ممجاوبة..
فاطمة؛ يله حب لاتضوجين تعوضين
إيه؛ بعديش وره ماجبت العيد عله گولت الخليج
فاطمة؛ ههههه حتى بهاي حالتج وتنكتين
إيه؛ شسوي انسى نفسي...
...... اليوم أربعاء نزلت العصر لگيت ماما وبابا گاعدين بالصالة وخالين راس براس ويتهامسون گتلهم... ها طيور الحب شعدكم تتهامسون
ابو ايه؛ هههههه هلا بنيتي سلامتج سالفة
إيه؛ اهمممم وشنو هل السالفة
ابو ايه؛ باجر تعرفون انشاءالله
إيه؛ قلقتني بابا صاير شي
ام ايه؛ لا يمه روحي انتي تغدي ويصير خير
إيه؛ هوه ياغدا ضل گلبي يدگ شنو الموضوع اني عبالي شقة بس طلعت اكو سالفة شنو الموضوع يا ترا... شيصبرني لباجر الفضول اكل گلبي....
...........
إيه؛ اذا متگدرين لاتداومين
نور؛ لا يمعودة راح يصير شهر ممداومة خل اداوم والله كريم
إيه؛ امشي عل كيف لاتضغطين عل العملية
نور؛ حبيبتي لاتقلقين صرت احسن واگدر امشي وحدي... طلعنة للجامعة ووصلت لقسمي والكل تحمدلي بالسلامة ويسلمون وصديقاتي وروئ الرئيسة سوولي حفلة بالحديقة وجايبات أشكال واخذنة صور شگد فرحت.... فديتج حبي احلئ مفاجئة
روئ؛ تستاهلين گلبي نورت الجامعة والله ماادري شلون اتحملت هذيج الفترة بدونج احس نفسي يتيمة
نور؛ ههههه فديتج😘
..............
إيه؛ خرب شصاير لج حسسوني گاعدة بمسلسل هندي لمن الكل يجتمع وننصدم بخبر وتضل الكامرا تطلع عله كل وجهه يلتقطون ردة الفعل
فاطمة؛ هههههههه اي والله 😂
نور؛ ههههه ولجن مو بس هيج لمن يعيدون الكلام كم مره حتى تتوثق اللحضة😂
فاطمة؛ كافي ولجن حللتن بكيفجن
إيه؛ هههههه اي.. گعدنة بالصالة خرب الكل مجتمع ياستار شصاير
نور؛ اگلجن معدتي ضلت تخبط شنو هل الأجواء المشحونة
إيه؛ حتى اني خب شصاير.. بده بابا يحجي
ابو ايه؛ اني جمعت الكل حتى اگللكم شغلة جانت مضمومة من سنين طويلة وصار لازم الكل يعرفة وبعد مااگدر اسكت عنه ابد
علي؛ گول بوية شنو الشغلة هاي
ابو ايه؛ أخوكم
علي؛ اخونة.. يااخ يابة
ابو أيه؛ انه جنت مزوج وحدة قبل أمك وخلفت منه ولد وماتت
إيه؛ شنووو... شنو هل الخبر ضليت فاتحة حلگي اباوع ل ماما شو وضعة عادي ماكو ردة فعل..
علي؛ يابة شنو هل الحجي وينه كل هل السنين
ابو ايه؛ ابني هوه ماعايش بالعراق
علي؛ يابة فهمنة زين.. وين عايش اذا مو بالعراق
ابو ايه؛ من زغرة ربه يم جدتة ام أمه بالسويد ومن كبر ماقبل يرجع للعراق وبقه هناك وكمل دراستة وتعليمة وكونه مستقبل اله وشغل خاص بي.. بس هسة قرر يرجع يگول مليت من الغربة والغربة متنحمل ياابوية
علي؛ وينك عنه كل هل السنين وليش ضام السالفة وماگلت
ابو أيه؛ بوية اني ماگاطع بي اخابرة وأسافر واشوفة بس هوه جان رافض فكرة الرجعة للعراق وگلي مااريد اتعرف عله احد واتعلق بيهم واضطر أرجع وانه احترمت رئية لان چبير ويعرف مصلحتة بس هسة غير تفكيرة وقرر يرجع...
إيه؛ وماما انتي تعرفين
ام ايه؛ اي يمة اعرف من اول ماازوجت أبوج
إيه؛ زين بابا شگد عمرة وشنو اسمة وشوكت يرجع
ابو ايه؛ بوية اكبر من علي بسنتين واسمه فهد وانشاءالله بنهاية هذا الأسبوع يرجع واني الريدة منكم تستقبلونة وترحبون بي.. خطية عاش كل عمرة يتيم وبالغربة واني اريدة من يرجع يحس بااهله وناسه...
إيه؛ علي ماادري ليش عصب وطلع واني لهسة تحت تأثير الصدمة ومااگدر استوعب شي ابد معقولة عندي اخ غير علي.. دخلت للغرفة واني صافنة وسالفة تجيبني وسالفة توديني وهواي اسئلة براسي بابا عمرة ماحسسنة عنده غيرنة ولاجاب طارية ابد حتى ماما يعني من صدگ صدمة النه...
أمير؛ الووو ايه وين صافنة صارلي ساعة احجي
إيه؛ ها.. ماادري أمير الموضوع غريب ونصدمت بي
أمير؛ لاتنصدمين مابيه شي طلعلج اخ مفاجئ
إيه؛ باوعت بوجهه گتلة ليش حاسه عندك علم بالموضوع
أمير؛ وهوه هيج
إيه؛ صدگ يعني تعرف ومتحجي
أمير؛ اولا قبل تقريبا شهر من عرفت وماحجيت لان مو من حقي احجي وعمي موجود وهوه اليقرر
إيه؛ اووف دخت كلش والله
أمير؛ لادوخين ولاتفكرين هواي المفروض تفرحين عندج اخ ثاني
إيه؛ يعني مااعرف شلون اتعامل ويا يعني اني ممتعودة علي اصلا مشايفتة
أمير؛ تشوفينة وتتعودين علي وحسبي مثل علي أخوج
إيه؛ انته عندك الموضوع سهل بس اني بعدني تحت تأثير الصدمة.... خل اروح للبنات هنه يصحني... طلعت بسرعة وهوه يضحك عليه.... دخلت لغرفة نور ومثل ماتوقعت مجتمعات... ولجن لحگلي ما جاي استوعب
نور؛ خرب صدگ طلع مثل المسلسل الهندي
فاطمة؛ خرب صدگ صدمة للكل والضرب علي عصب وطلع معقولة يغار منه
نور؛ ههههههه منين جبتية هاي قابل زعطوط ويغار
فاطمة؛ لج لا بس ليش هيج عصب من الموضوع
نور؛ يجوز لان ماعنده علم وانصدم بالموضوع وضاج من عمي.... الو ايه وين
إيه؛ ها ها هنا بس بعدني افكر تره الموضوع مو سهل هيج فجأة فتح غمض يطلعلك اخ مفاجئ
نور؛ والله هيه صدگ مو سهلة بس حلو طلع عندج اخ ثاني لازم تفرحين
إيه؛ تدرن تحمست اشوف شكلة واتعرف علي
نور؛ معقولة يطلع صاك خرب
فاطمة؛ اني عندي احساس يشبه علي
نور؛ سكتي ام احساس يجوز يطلع يشبه أمه
فاطمة؛ هم صدگ.... أيه شبيج هم صفنتي
إيه؛ لحد يحاجيني تحت تأثير الصدمة
نور؛ ههههه حقج والله.... هسة هم يطلع ابوي مزوج وعندي اخ لو اخت
فاطمة؛ هههههه بس عمي مو هين ضام هذا السر بگلبة من سنين بس تدرن فاجئتني عمتي يعني عدهه عادي ومتفهمة الموضوع
إيه؛ اي حتى اني نتبهت...
.......................
أمير؛ علي شبيك
علي؛ يعني شبيه هيج فجأة يطلع عندي اخ شنو السالفة وين عايشين
أمير؛ شكو بيه ليش متنرفز من الموضوع
علي؛ لك أمير اني مو هذا المضايقني بس ابوي حسسني بعدني مراهق وضام السالفة عليه قابل مو رجال گدامة يفاجئني حالي حال الكل المفروض اني اعرف اول واحد ومن زمان هم..
أمير؛ هيه بهاي حقك بس انته لاتحكم عل الموضوع اگعد ويا واتفاهمو
علي؛ يصير خير
أمير؛ ههه استقبل اخوك الچبير بعد اسبوع
علي؛ اي
أمير؛ بشرفك فرحان لو ضايج
علي؛ طبعا فرحان اصلا متمني عندي اخ
احمد؛ يا هلا بضلوعي شعدكم هنا جلسة سرية
أمير؛ اي جاي نفكر باأبن العم الجديد
احمد؛ لك اي وعلي شنو هل الخبر القنبلة روح عليوي اجاك اخو لاعلبال ولاعل الخاطر
علي؛ احمد اسكت مالي خلگك
احمد؛ أعصابك يابة نوب بس لا تطلع تغار منه
علي؛ شلون راح اگوملك عليمن اغار جاهل اني
احمد؛ هههههه نشاقة ابو العلو.. بس تدرون اني افكر بشغلة وحدة
أمير؛ بشنو
احمد؛ ولكم بس لا يطلع مايع تربية الاجانب
أمير؛ هههههه
علي؛ اي بعلي صدگ هذا عايش كل عمرة بالخارج
أمير؛ يابه شبيك تاخذ عله حجي هاذا
احمد؛ لك شيخ شبي حجيي هاي بمكان ماافكر بسمعتك يعني شيخ وسمعتك طاشة ويجيك واحد مايع يخرب سمعتك
أمير ؛ لك أحمد هسة احنة شفنه منه حتى نحكم علي
احمد؛ ننتضر يابة نشوفة شورانه نستقبل ولي العهد لمحمد
علي؛ اسكت عار
احمد؛ هههههه يابه ولايهمك نستقبل ولي العهد لعمي محمد خاف ضجت لان گلته حاف
علي؛ خرب شلون راح اگوملك
احمد؛ بعلي هذا يغار
أمير؛ هههههه اي يگلك راح ياخذ الدلال
احمد؛ لك مو بس هاي راح يشاركة بالورث
علي؛ اشو تصنفون أنتم
احمد؛ هههههههه لك وعلي انحمست اريد اشوفة بس لا يطلع نفسكم عقدة
أمير؛ معاجبينك تريد واحد عله هواك ونفس سوالفك
احمد؛ اويلي عله هل السوالف الماخلصت يابه وروح جدي بطلت بطلت بطلت بعد بيش أحلف
علي؛ وهيج الله هداك فجأة
احمد؛ احم لا والله اخوكم وگع
أمير؛ ها هنا الحجي ومنو هاي گرايب غريبة
احمد؛ لايمعود يا گرايب.. غريبة بس نعرف اهله
أمير؛ منو همه
احمد؛ مو هسة من يجي وكته تعرف..

للقصة تكملة؛ يابه شلونكم مشتاقتلكم فولل وربي وهذا بارت اكلتو گلبي علي.. استمتعو بالقراءة ولاتنسون منتضرة تفاعلكم الحلو مثلكم بس ها مو تسون اتفاقيات اجرامية خليكم هادئين وريلاكس 😂وهاذا بيت الغزل هدية لمتابعاتي الجميلات الكيوت بس كون ميصعد الجفاف 😂😂... وقبل لاانسئ منو متحمس للشخصية الجديدة (فهد)
💛💛💛💛💛💛💛💛💛
ازرعيَّني غصن زيتون يم بابچ💜🙊،
وضميني عُطر خدران بثيابچ💜🙊،