عشگ الضابط أمير

البارت التاسع

ڪون الليل عنده السان ..
چـا گلك خَطيه فلآن  عَذبته بـ تصاويرك ،
وچـا گلك :
لگاله هواي بَس مآحَب ابد غيرك !..♥️
🌸🌸🌸🌸🌸🌸
إيه :گعدت فتحت عيني شوية شوية لحضة هاي غرفة أمير درت وجهي لگيتة گاعد بصفي باوعلي بقلق
أمير :شلون صرتي هسه
إيه :الحمدللة ردت اگوم
أمير :رجعي گعدي هسه راجعلج
إيه :طلع وعافني باوعت ع الساعة ب ٨ حيلل هاي شگد نايمة اني رجع جايب أكل خلاه گدامي گتلة مااشتهي
أمير :گلت اكلي يله علمود العلاج
إيه :اوف كله أوامر اكلت لگمتين وگتلة والله بعد مااگدر
أمير :اخذي هاذ العلاج
إيه :شربتة وردت اگوم
أمير :وين اليوم تبقين هنا ومااريد اي نقاش
إيه :عافني وطلع عود صدگ شلون ابقى هنا
فاطمة :أمير اخذ ايه وصعده لغرفتة ورجع نزل لعب بيه لعب
أمير :فاطمة احجي شنو سكر شنو بطيخ
فاطمة :ي عدهه سكر بس مو مزمن
أمير :من شووووكت بصياح
فاطمة :تقريبا سنة ونص
أمير :شنووو وليييييش مگلللتي هاااا
فاطمة :ونبي هيه مرضت اگول توسلت بيه بس مقبلت
أمير :لج هيييه غبية وعنودية انتي شلوووون تسمعين كلامه هاااا
فاطمة :نزلت دموعي
أمير :شلون صار هيج احجي
فاطمة :العام اخذتة وياي للجامعة واتخربطت هناك واخذتة للمركز يم الجامعة وسوت تحاليل وطلع عدهه وگال الدكتور مؤقت يروح بالعلاج ولازم متتعرض للضغوطات نفسية لان حالتة متتحمل
أمير :يعني هاذ كله صاااير وماادريي انتن بكيفجن تلعبن وتضمن هيج سالفة هااا
فاطمة :واني ابجي گتلة اني مگدرت أجبره يعني شسوي بهيج حالة ومردت اضغط عليه مو زين فهموني ليش كلكم ضدي وخلي اگللكم شغلة انتم رجعتوة لنقطة الصفر هيه جانت دا تتعالج وعلاجة ماشي بس انتم شنو سويتو رحتو وقهرتوه وضغطتو عليه ورجعوتة لحالتة الأولى واني التعبت وياه لحد مرضت تتعالج وهسة لايجي احد يلومني مااشي عفتهم وصعدت گعدت بالغرفة ابجي لان ادريي راح تتعذب ومتريد تشوف الشفقة بعين احد نمت وره تقريبا ساعتين گعدت شفت عيوني حمر عدلت شالي وطلعت لاگني علي گلي تعاي وراي اوف يعني هم راح يحجي عليه مكفا أمير دخلت وراه گتله نعم
علي :شبيه عيونج
فاطمة :مبيه شي
علي :تقرب عليه فاطمة ليش سويتي هيج
فاطمة :علي لاترجع تلومني شفت أمير شنو سوه واضن سمعت الحجيتة جوه
علي :بس هذا ميغفرلج انتي هم غلطانة
فاطمة :واني مگدرت احجي
علي :بس ع الاقل اني اخوهه جان گتيلي
فاطمة :مدري ليش بجيت
علي :ليش تبجين جايي احجي وياج بهدوء
فاطمة :ضليت ابجي هوه حضني واني صرت اناشغ
علي :هسه عله شنو تبجين
فاطمة :هئئ انته متدري شلون عشت هذيج الفترة لك اني گعدت اكثر من شهر اقنع بيه تتعالج ودخلت بحالة نفسية وتعبت وياه لحد مرجعت حالته زينة ورضت تتعالج بس هسة رجعت للبداية اني اعرفة ايه متريد احد يباوعله بشفقة ويحسسوه مريضة
علي :خلص اهدئ اني راح اتصرف وياه
فاطمة :مسح دموعي وبعدين باسني بخدي اني خجلت ودنگت راسي
علي :خلص دكتورتنة انتي وميصير تبجين
فاطمة؛باوعت بعيونة وگتله شكرا لان تفهمتني
علي :يأشر ع گلبه ويگله شكري هذا
فاطمة :مفهمت شنو قصدة گتله راح اشوف ايه ونزلت جوه شفت أمير گاعد بالصالة باوعلي اني رحت للمطبخ نور ايه گعدت
نور :يي گعدت وأمير اخذلة الاكل والعلاج وهسة جاي اصعد اشوفة
فاطمة :يله تعالي خل نصعدله
إيه :صافنة ودخلن البنات
فاطمة :هلاوو بالحب شلون صرتي
إيه :احسن
نور :الحمدللة حبي
إيه :شنو گالو ع الموضوع
نور :لج سكتي كله بصفحة وأمير بصفحة گلب البيت گلاب وخطية فطوم وگعت براسه
إيه :باوعت لفاطمة گتله اسفة عمري اكيد كلهم لاموج
فاطمة :سكتي لج گامت تحجي بالرسميات معرفتج
إيه :هههههه مو صوجج صوج ليتأسف منج
فاطمة :يمعودة هسه اهم شي ترجعين قووية لان مضل شي انشاءالله وتتشافين نهائي مااريد احد يأثر عليج وعله علاجج مااريدج ترجعين للبداية
إيه :احاول انشاءالله اگول بنات فدوة خلصني واخذني وياجن لج هذا أمير يريدني ابقى هناا عفيه فدوة 🥺
نور :ههههههه شوف شكلة هذا كله علمود لاتبقين هنا يولل تره عادي زوجج 😉
إيه :طاح حضج انتي سكتي عفيه فطوم اخذيني منا
فاطمة :اوك هسة احاجي ولو زعلانة منه بس يله لخاطرج بس صدگ ليش متبقين وتنامين بحضنة 😉
إيه :نجبي لج عوزه انام بحضنة يله ولي حاجي
فاطمة :احترمي لج رگبتج بيدي😏
إيه :عابت بسرعة رفعت خشمة العوبة
فاطمة :ههههههه ندگ الباب
إيه :تفضل
علي :الحمدللة ع السلامة يابة
إيه :هلا الله يسلمك
علي :ولج شنو هذا تره ملايگلج دور المريضة ونايمة بالفراش
إيه :يي وداعتك مستغربة من نفسي يله خل ننزل جوه
علي :نجبي وگعدي عود باجر نزلي يله اني طالع وباجر اريدج بموضوع
إيه :عود ردته عون طلع فرعون
فاطمة :هههههههه كله ضدج
إيه :يله روحي لأمير
فاطمة؛ اوك نزلت جوه شفته گاعد بالحديقة وحده رحت وگفت يمه
أمير :رفع راسه گعدي
فاطمة :گعدت أمير اعتذر ادري غلطانة بس مگدرت احجي والله
أمير :خلص صار الصار
فاطمة :جاييتك بموضوع عادي ايه تنام يمنه
أمير :هممم يعني هيه دزتج
فاطمة :هههه يي واكلت راسي هم
أمير :مدام هيج روحي گليله اليوم تبقة يمي ونشوف منو كلمة التمشي
فاطمة :عافني وطلع اوف هسة شيخلصني منه يله خليه بعد احسن يقربون من بعض صعدت
إيه :ها ولج بشري
فاطمة :شبشر مرضة قافل اصلا
إيه :اوووف اووف
نور :يمعودة هيه ليله وتخلص واصلا محد يدري راح تنامين هنا
فاطمة :لج درو واله مادرو عادي واصلا هوه أمير يخاف من احد اشو بس عيونة من يخزر كافي
إيه :😭وتريدني انام هنا
نور :قابل راح ياكلج هههه
إيه :عابتلجن والله وره ساعة راحن البنات واني ضليت گاعدة اباوع ع التلفزيون شوية ودخل أمير باوع عليه ودخل للحمام طلع لابس برمودة سوده وفانيلة نص ردن جوزية وبارزة عضلاتة رش عطر وگعد يمي ع القنفة ويلعب بفونة وره شوية گال
أمير :شوكت طلعتي
إيه :هاا رحت بدلت ملابسي ورجعت
أمير :هممم
إيه :دگ موبايلة
أمير :الووو هلا بالضلع شلونك الحمدللة هههه اي بعد اسبوع والتحق انته شوكت تنزل  حاضر تدلل اني يجوز اخذ اجازة اسبوعين علمود العرس ماشي الله وياك
إيه :من جاب سيرت العرس تذكرت الصار ومن گال موعد العرس باوعت علي وهوه هم باوعلي
أمير :لاتباوعين هيج موعد العرس نفسة بعد اسبوعين متغير
إيه :بس اني ماالحگ
أمير :تلحگين كلشي يوصلج جاهز
إيه :حجة هيج وسكت اني هم سكتت اصلا مااگدر اناقشة ماخذ قرار وحده
أمير :ليش مگلتي لاحد عله مرضج
إيه :لهذا السبب مااريد احد يحسسني مريضة ماشي
أمير :ومنو گال نحسسج مريضة
إيه :اني اعرف اهلي راح يعاملوني وكانو مريضة واني مااريد اشوف نضرة الشفقة بعين احد بيهم
أمير؛؛ خلص وعد مراح احد يحسسج مريضة واني وياج منا لمن تتعافين واي شي يصير وياج تجين تگليلي اني قبل لااعرف بطريقتي
إيه :حسيت بأمان من حجه هيج وارتاحيت بس شنو قصدة بطريقتي گتله شنو تجسس عليه
أمير :هههههههه منو يگول يمكن
إيه :باوعتلة بستفهام وهوه عضلي شفته اني خجلت ودرت وجهي گمت اباوع ع المسلسل واشرد من نضراته ومادري شلون غفيت شوية وحسيت ايد حاضنتني فتحت عيوني نصدمت أمير حاضني واني واني صاير راسي بصدرة رفعت راسي گمت اباوع بوجهه شلون نايم يجنن شعرة نازل ع وجه گمت اباوع بتركيز بملامحة رموشة طوال وثخينات ولحيتة حلوة گمت اتلمسه بطرف اصبعي شويه وشهگت وباوعتلة مدمعة عيني عضني من اصبعي
أمير :ههههه يعني اني رجال كافي خيري شري وبلگوة متحمل بس حاضنج ليش اطلعيني من طوري وادوس زايد 😉
إيه :عزه گاعد نوب حجه كلمتة الأخيرة وغمزلي صارت خدودي حمر دنگ وعضني من خدي وبعدين باسني
أمير :اموت ع الأحمر اني وانوب ويه خدودج اويلي عذاب والله😉
إيه :يعني شگول انتهيت من الخجل گمت اباوع منا ومنا
أمير :ايه ليش تحبين تعانديني وتضوجيني واني مااريد ائذيج
إيه :نصدمت من سؤاله گتله لان انته تضوجني
أمير :اني بس اني اح....
إيه :مدري شنو راح يحجي وسكت گتله اريد اسئلك سؤال
أمير :كولي
إيه :أمير انته ليش عفتني واني جنت متعلقة بيك يعني جان عمري تسع سنوات من بابا قرر يروح لبغداد انته ليش عفتني ومخليتني يمك وكل سنة مره تجينة واني گمت ابجي عليك كلش وبعدين من عفتني ومسئلت عليه كرهتك وضجت منك حيل ذب حسرة وحجة
أمير؛إيه اني راح اگلج ع كلشي بگلبي لان بعد مااتحمل اني عفتج لان ادري بروحي راح ائذيج بغيرتي وعصبيتي وانتي طفلة متتحملين يعني خفت عليج من نفسي وتره انتي غلطانة اني اعرف كلشي عليج واخبارج توصلني اول بأول وموصي عليج علي وادري انتي اختة وميقصر وياج وأمن عليج مدام هوه موجود يمج
إيه :وشنو لتغير هسة ليش جبتني هنا
أمير :لتغير اني بعد مااتحمل اكثر بعدج عليه واحسب يوم يوم تكبرين علمود تصيرين يمي
إيه :ليش
أمير :لان احبببج فهميني احببج من جان عمرج سنة اني گتلهم ايه الي لج انتي النفس اليصعد وينزل ادريي ولامره محسسج بمشاعري لان دائما جنت اتجنبج بس من وصل الحد ياسر طلبج من جدي اني هنا الغيرة عمتني بعد مااتحملت وصار لازم اصرف اني مردت اجبرج بس مجان عندي حل غيرة هاي اول مره احجي هيج وافتح گلبي لحد وهسة شنو تردين تعرفين اكثر
إيه :نصدمت كلش كل هذا بگلبه وبعدهي كلمة احبج ترن بأاذني باوعت علي وهوه حضني
أمير :ايه مااريدج تركين علاجج ابد واني باجر راح اخذج لغير دكتور واشوف شيگول
إيه :بس اني مااريد
أمير :ايه مااريد اعتراض
ايه :سكتت بعدين هوه بأس راسي وضل يلعب بشعري اني متفاجئة عبالك أمير ثاني وبعدني مصدومة من حجيه گتله أمير
أمير :عيونة
إيه :عادي آتأجل العرس حباب
أمير :بس اني مو حباب
إيه :باوعتلة هيج 🥺
أمير :هههههه يعني هذا يسمونة إغرا وجاي تجبريني اوافق
إيه :عفية حباب
أمير :حاضر بس مو هواي بدايت الشهر الجاي وماكو بعد اعتراض
إيه؛ يسسس
أمير؛ ههههه شدعوه هل الفرحة تاليتج بحضني 😉
إيه :دنگت ميفوت فرصة اذا ميدوس زايد رفعت راسي گتله تره انته غريب
أمير :ههههه وليش
إيه :گتله طلعت حلوة ضحكتك وعندك غمازة هم
أمير :ليش اول مرة تشوفيني اضحك
إيه :ي ليش ممنتبه لنفسك اول مره تضحك هيج
أمير :اه هيج بس اعتبر هذا غزل 😉
إيه :گتله ياكلمة ردي لمكانج
أمير :ليش تردينة ودنگ بأس خده شنو هاي خدود لو كيك 😉
إيه :غطيت وجهي بأيدي من الخجل هوه ضحك قوي
أمير :هههههههه وخري ايدج
إيه :وخرت ايدي وبعدين ضل يلعب بشعري وغفيت........

للقصة تكملة..... صوتو صوتو صوتو بليييييز
👇👇👇👇انتضروني بارت جديد 🔥🔥🔥